Txix ntênhs hôiv txos têx cêr sik côngv cxơưz gra xiv huv cà phê Sơn La muôx suôz bê chôngz lênhx ntâu tus pâuz txos

HTX Aratay Coffee tsênhv huôv tsar uô 3 zav hax huv, iz zos zav natral, oz zos hax huv honey tsư ha, hax huv uô ntơưr zôngx ziv trâu tsôngv kruô gra đros thiêz iz zav hax huv zos pêznzaz nzơưv têx tơưr cà phê uô yuôx casscara đo đêx hâuk… HTX hax huv cà phê muôx têx jông nhoz tox siêz Tây Bắc txơưr tsi thôngx li luôs lưv thax tsav qơư. Đhâu ntênhs hôiv no, pêz xar piêr kriê trâu chôngz lênhx ntâu tus kruô hâur têz qơưk thiêz sâuv ntiêx têz pâuz txos. (Niêv lâul Lường Thị Pành, HTX Aratay coffee, xã Mường Chanh, Sơn La) heik li ntơư.

Txix hâuk siv têx têik đêx cà phê kaz sor si ntơưv têx qơư muôs huv, txos têx jax pêv, siz chuôs njiz ntơưv jiês cơưv sik côngv muôv muôs… Ntênhs hôiv Cà phê Sơn La tưz yênhx pêx xênhv, HTX, doanh nghiệp thiêz ntâu lênhx nênhs muôv muôs, sâu zuôr xiv huv cà phê sâuv tas nro têz qơưk qơư jông tâu siz chuôs njiz, sik kriê têx tsưr ziv huôv tsar uô nox. Cur zos Siu Sắt, Phưv Giám đốc Công ty TNHH tsiv uô xiv huv kôngz nuv Jrai laly Coffe, tỉnh Gia Lai, cur tuôx no xar sik côngv đros têx doanh nghiệp hâur thiêz đrâuv  2 chas têz qơưk chiê muôs tâu têx hax huv cà phê. Lar heik, pêz têx uô tâu jông zos Robota nhoz Gia Lai xar sik côngv đros Arabica nhoz Sơn La chiê sik đros nthuôr đar trâu chôngz lênhx ntâu tus pâuz txos thiêz huôv tsar. Vav chiê siêz, hâur ntu zuôr txos ciêz đrôngs cà phê Sơn La thiêz Việt Nam zuôr muôx suôz đror bê sâuv tas nro ntiêx têz”.

Cur zos Phạm Văn Hưng, lênhx nênhs xar tơưv tsưr ziv yênhx lix công ty cà phê Hoàng Hiệp, tỉnh Đắk Nông: Thâuv ntêx tsuôk xar tiêk Sơn La chos tsơưs cà phê xưz, taz sik jiês no cur tâu pov, hâuk siv txix lok six ntâu chuôz zispêx xênhv uô cà phê kaz hur jông, uô tâu ntâu zav txơưr tsi siz thôngx, lok six jông. Ndax six hơưv no tuôx sêiz shuôk, hmôngr lok six jông, thâuv tâu têx fôngx zưs nhoz Sơn La moz siêz txos zuk têx xiv huv robotta, 2 taz viv tưz sik đros cir ntơưr. Công ty sâu zuôr xiv huv Arabica Sơn La thiêz taz viv cux zuôr sir zôngv nzir xiv huv Robotta Đắk Nông chiê uô muôx ntâu đuô cà phê Sơn La  hâur ciêz đrôngs”.

Tưz krêz têx hâu cêr yiêz trâu cà phê Sơn La, tsi tiêk ntơưv ciêz đrôngs hâur têz qơưk mak  nthuôr đar txos têx ciêz đrôngs sâuv ntiêx têz, lar heik zos thâuv ntơưv qơư sir jos huôv tsar uô jông têx hax huv ziv hnuz ziv tâu trơưk li cui tinhv hâur ciêz đrôngs. Tiv zix zos Liên minh châu Âu (EUDR) cui tênhv phax tar jôngr ntông tsi trâus ntor luôx uô ruôr hiêv , Sơn La tsênhv qênhz yuôx, thôngz sâu xor mông lok ar têz, qơư, chiêx chiêv đriv têz thiêz sir zôngv ar ntơưv têx qơư chos cà phê, paz uô tiêr têx ntâuz ntơưr lok thax tsav chos, phưx vưv sêiz car uô nox, sâu zuôr thiêz muôs cà phê trâu 2 chas thax tsav, têz qơưk đrâuv…Zơưv Cyril Guillaume Charles Loisel, Bí thư tiv iz đoàn Liên minh Châu Âu ntơưv Việt Nam ntâuk grê: “Tuôx đros côngv ntênhs hôiv cà phê Sơn La, cur pov têx xiv huv cux li Sơn La tsưr ziv huôv star tsoz chos cà phê lok six jông. Cur pov Sơn La lok six muôx txux chi tsưr ziv, đros trâu hâu nov ntơưv qơư thiêz têx qơư, lênhx nênhs sik côngv tsưr ziv uô cà phê.... cur njênhs tiêk cà phê Sơn La thiêz cà phê Việt Nam zuôr uô tâu jông chiê muôx suôz đror bê sâuv ntiêx têz, cux li tâu trơưk Liên Minh Châu Âu (EUDR) têx cui tênhv lok phax tar tsi uô ruôr hiêv jôngr”.

Đhâu 5 hnuz nthuôr uô ntâu hâux lưv piêr kriê, ndis seiz, cxơưz cxiz muôv muôs thiêz sik côngv yưv pênhr, Ntênhs hội Cà phê Sơn La jiês tiv 2 shông 2026 tưz suôx câuv. Têx jiês siz chuôs njiz, seiz lax sik hux jos ntơưv ntênhs hôiv muôx têx krêz hâu cêr, tsưr ziv yiêz trâu lênhx nênhs chos cà phê, têx HTX thiêz doanh nghiệp-cxơưz gra têx xiv huv txix thax tsav chos txos jê jux juk trâu lênhx nênhs sir zôngv chiê huôv tsar uô tâu jông đuô, muôx suôz đror bê uô chôngz lênhx ntâu tus pâuz txos.

Xưk li Phưv Chủ tịch Côx hôiv Nguyễn Thị Hồng vav chiê siêz thâuv dưv ntênhs hội, Sơn La zuôr cxơưz gra Arabica txix thax tsav tox siêz Tây Bắc txos trâu têx ciêz đrôngs lox sâuv ntiêx têz; chiê têx cà phê hâur thax tsav muôs tâu gri, muôx suôz đror bê thiêz cxơưz sơưr đơưk luz nênhx tsâu sor, vav mênhx./.

Lê Hạnh-Riê Lâux cxeik, nhênhv

PHÊNHV SÊIZ CAR, TSƯX PHƯV THIÊZ HUÔV TSAR JÔNGR SÔR 4

Tsôngv pox nhuôs sơưr đơưk hmor yuô! Phênhv hêik lok chêi tsưx phưv thiêz huôv tsar jôngr hnuz no, zâuv sơưr đơưk mnôngs têx njiêz luk hâur grê 44 thiêz grê 45

Grê 44. Huôv tsar zuz ntông

1. Kriz uô cxiv luôs zuz ntông têz qơưk chiê tuôr tsês chor zav ntông jông, muôx tâu zav zuz tsơưr lươngv siêz truôx jông.

2. Cxiv uô, kho đuô jôngr uô zuz nôngz, vax zuz, vax ntông xuz thơưx; đros tsoz chos chênhr, tsuôk muôz lok uô, kinh doanh zuz, cxuô zav chiê uô zuz tâu côngz jênhv.

3. Uô chor zuz huôv tsar jông, xêir tsov, uô zuz yiêz muôx tsơưr lươngv siêz, chưx tâu jông cxuô kror, tax tâu trâu kinh doanh têx jôngr ntông thiêz sưv đros trâu qiv hơưv txơưr txar.

4. Nhênhz chơưv thiêz sir zôngv khoa học-kỹ thuật hâur xêir tsov, uô zuz ntông chos muôx tsơưr lươngv siêz; chuôz cxaz đas jos sêiz car, chox kriê uô nox, cungz zuz nôngz; paz hêi trâu pêx xênhv thiêz têx cơ quan, tsưr tsix pauz tsênhz lok chor zuz nôngz jôngr ntông.

5. Bôv trưởng Bôv Kôngz nuv thiêz Huôv tsar jêx jok cui tênhv bê ntơưr chor zuz nôngz tsoz chos chênhr; têx ntâuz ntơưr côngz jênhv zuz, nôngz, cxuô zav chiê uô zuz nôngz.

Grê 45. Tsưr ziv tu têx jôngr ntông

1. Tsưr ziv tu têx jôngr ntông zos:

a) Cêv kuôk tu paz trâu chor jôngr ntông tror hloz lox lok sik muôx chos cxaz nzir;

b) Sêiz, tu, paz cov jôngr huôv tsar muôx ntâu zav;

c) HLôngr yiêz, kho đuô chor jôngr ntông;

d) Chos jôngr yiêz, chos đuô jôngr, tu chor jôngr ntông chos.

2. Bôv trưởng Bôv Kôngz nuv thiêz Huôv tsar jêx jok cui tênhv tsênhz mênhx Grê no.

Tuyết Lan-Lik Thox cxêik nhênhv