Muôs cà phê Sơn La trâu têx têz qơưk sâuv ntiêx têz

Zos thax tsav chos cà phê Arabica ntâu tiv zix têz qơưk thiêz chor cà phê muôx suôz bê “Cà phê Sơn La” tưz tâu muôs trâu ntâu têz qơưk li EU, Hoa Kỳ, Canada, Trung Quốc. Tsav xar muôx 50% tas nro tỉnh li tsiv gri muôs tơưv saz đrâuv têz qơưk tâu muôx 112 triệu ntâu USD, cà phê Arabica Sơn La tsênhv muôx ntâu kror liv chiê huôv tsar cov muôx tâu têx tsiv gri siêz thiêz jông đuô.

Txix chor nênhs zuôr tâu têx hax huv hur jông thiêz kỹ thuật ziv hnuz ziv truôx ntov, tỉnh Sơn La tưz tso tơưv têx tsưr ziv kriz uô: Txos shông 2030, tas nro tỉnh sir jos cov phênhv sâu muôs cà phê trâu oz chas têz qơưk tâu muôx 186 triệu USD, thax tsav chos tâu truôx jông thiêz muôx mã sôr qơư chos ndê muôx 80% ntâu... paz têx hax huv cà phê Sơn La muôs tâu trâu ntâu têz qơưs sâuv ntiêx têz.

Zơưv Nguyễn Thành Công, Phưv Chủ tịch Ủy ban tỉnh Sơn La hêik mênhx, Sơn La tưz xav jênhv tsênhz mênhx: xar muôs tâu sâuv ntiêx têz, xar muôs tâu muk trâu têx têz qơưk muôx chêi ntov... mak chor hax huv cà phê tsuv muôx tâu tsơưr lươngv jông tiv zix: “Viv li, pêz tsênhv xêir tsov tsưr ziv trâu chor cà phê Arabica Sơn La zos tsuv muôx têx hax huv kaz jông nhoz cxuô thax tsav, cxiv tsa thax tsav chos trâu cà phê thiêz uô chor cà phê muôx tsiv gri kinh têr siêz đuô. Pêz tsênhv sir jos uô chor cà phêz kaz jông, đhâu uô mak tsuv muôx tâu têx hax huv jông đuô... Đhâu co paz trâu têx doanh nghiệp, tsưr tsix muôs cà phê trâu luôs oz chas tez qơưk, zôngv ziv hâur xêir tsov têx qơư muôs...”

Jiês cơưv txuôk đros zuôr muôs hax huv cà phê Sơn La tâu tsưr tsix jông, muôx sêiz lax, phêiz kênh chênhz zênhv, hêik pâuz qơư muôs, têx kror liv thiêz phiv liv trâu Sơn La, txix hlôngr njêx muôs Tsênhv qơư hêik pâuz hax huv Việt Nam ntơưv New York; Chor Thương vụ Việt Nam ntơưv Anh, Thổ Nhĩ Kỳ, Singapore; têx hiệp hôiv, doanh nghiệp cà phê ntơưv Trung Quốc, Hàn Quốc...

Zơưv Lee Ho Sang, Phưv Chủ tịch Hiệp hôiv cà phê Hàn Quốc hêik pâuz: Nhiv no, chor cà phê kaz jông tâu Hàn Quốc cux li ntâu luz têz qơưk sâuv ntiêx têz lok six nhiêv, muôx têx zav cà phê gri muôs lok six siêz; Sơn La chor cà phê Arabica cux zuôr muôx tâu tsiv gri siêz li ntơưr zos tsơưr lươngv jông đuô thiêz tâu muôs muk trâu têx têz qơưk no: “Sơn La tsuv tsưr tsix ntâu jiês cơưv sik thav, siz txuôk zuôr muôs, cxaz chuôz chor jiês thik ntiêx têz chiê paz trâu chor cà phê Arabica Sơn La. Tiv zix têx hax huv xar muôs tâu trâu têx têz qơưk sâuv ntiêx têz, hâur co muôx Hàn Quốc, tsuv piêr pâuz ntâu đuô, cxaz chuôz trâu hnuz hôiv zuôs muôs cà phê Hàn Quốc... Tsênhv tsênhz txos hnuz no thâuv cxaz chuôz jiês cơưv no cur thiêx pâuz txos Sơn La chor cà phê Arabica, hok uô ntêx mak tsik tâu hnor txos hlo... Cur cux vav tiêk tỉnh thiêz tex hiệp hôiv zuôr sir jos piêr pâuz, siz txuôk chiê Cà phê Sơn La tâu muôs ntâu đuô trâu sâuv ntiêx têz”.

Đros sêiz car jiês cơưv, zơưv Vũ Bá Phú, Cục trưởng Cục Cxơưz cxiz zuôr muôs, Bôv Công thương hêik mênhx: Sơn La tsuv tsêx trung uô 5 tsưr ziv lox, zos cxiv tsa tsưr ziv cxơưz cxiz trơưk hax huv, nriêr pâuz lok chor nênhs zuôr, sir jos uô jông muôs tơưv saz đrâuv têz qơưk, đros yax mông sôr, thiêz sik côngv truôx jông txix uô txos sâu zuôr muôs... “Cục Cxơưz cxiz zuôr muôs zuôr tror đros đrêiv Sơn La hâur hêik pâuz têx xor mông, nriêr qơư sâu zuôr, siz txuôk zuôr muôs thiêz nhênhz chơưv têx tsưr ziv cxơưz cxiz zuôr muôs huv đros... đhâu co paz trâu doanh nghiệp, ntơưv qơư huôv tsar tâu têx ciêz đrôngs. Cà phê Sơn La zuôr tror tâu muôs truôx jông hâur têz qơưk thiêz sâuv ntiêx têz, jux juk huôv tsar tâu lơưr saz truôx jông”.

Jiês no, muôx hâu nov tỉnh thiêz têx bôv, nganhx, thax tsav qơư, hlôngr njêx muôs têx doanh nghiệp đros sêiz pov, HTX tỉnh Sơn La tưz đros chor tos sik côngv, zuôr muôs tơưv saz đrâuv têz qơưk cir ntâu ntâuz ntơưr sik côngv sâu zuôr muôs, paz muôx tâu iz kror huôv tsar yiêz trâu Sơn La chor cà phê Arabica cov tâu muôs jông đuô txos trâu têx têz qơưk sâuv ntiêx têz./.

Lê Hạnh-Lik Thox cxêik nhênhv

Đảng jênhv pâuz thiêz tsưr ziv chox kriê lok truôx tuk têz qơưk hâur ntu hlôngr yiêz thiêz huôv tsar

Tsôngv box thiêz fôngx zưs hmor yuô! Hnuz 28/7/2026, jiês cơưv BCH Trung ương Đảng khóa XIV tưz tso tơưv Nghị quyết sôr 22-NQ/TW lok truôx tuk têz qơưk hâur ntu hlôngr yiêz thiêz huôv tsar. Pêz tsuv pâuz tsênhz Đảng têx tsưr ziv chox kriê hâur Nghị quyết no li chas?

1. Gra siêz tsưr ziv jênhv pâuz lok truôx tuk têz qơưk hâur ntu hlôngr yiêz thiêz huôv tsar

Nghị quyết sôr 22-NQ/TW lok truôx tuk têz qơưk hêik mênhx zos tsuv tso tơưv luôs hâux lưv tsưx phưv truôx tuk têz qơưk txix Đảng chox kriê jông thiêz têz qơưk cêr seiz car thôngx ziv.

-Txiv ngaz têz qơưk - tas nro cxiv luôs chính trị thiêz tas nro tsôngv box li txơưx jênhv.

- Qơư, pưs txux truôx tuk têz qơưk đros thiêz hâux lưv cxiv tsa thiêz tsưx phưv têz qơưk.

-Tsưx phưv truôx têz qơưk zos tas nro Đảng, tas nro pêx xênhv, tas nro têx tuz lênhv hâux lưv zov chênhr, uô tsi so.

- Lênhx nênhs sơưr thơưx cấp ủy, hâu nov ntơưv qơư pưs txux.

- Công an zos têx lênhx uô ntêx nyuôs  thiêz zov chênhr hâur tsưx phưv truôx tuk têz qơưk.

- Pêx xênhv thiêz tas nro cxiv luôs chính trị sik thôngx siêz, côngv têk tsưx phưv truôx tuk têz qơưk.

2. 06 tsưr ziv chox kriê

- Tsưx phưv truôx tuk têz qơưk txix Đảng chox kriê, têz qơưk  seiz car, zos tas nro Đảng, tas nro tsôngv box, tas nro tuz lênhv hâux lưv zov chênhr, uô tsi so.

- Truôx tuk zos zov chênhr tsưx phưv tâu truôx têz qơưk thiêz huôv tsar; huôv tsar zos  qơư khov trâu truôx tuk.

- Tsưx phưv truôx tuk têz qơưk reik đros cxiv kho truôx khor côx phax, tsưx phưv têz qơưk txix nzor, txix đêz.

- Bax phax tir thêir, jênhv pâuz, đơưk têx phiv liv tâu  nzor tsik chiê njiz trâus phiv liv, cuz nxor.

- Têz qơưk thiêz pêx xênhv sik thôngx siêz, côngv tsưr ziv, tuôr truôx cêr nhiêv têz nhiêv qơư.

- Cxiv tsa txux chi, pênhr xưv tsưx phưv truôx tuk têx phiv liv, cuz nxor hâur ntu nhiv no, muôx tsưr ziv phax tir thêir têx tsi jông, nênhs fêv, nênhs uô cxâuv chei uô tsi truôx tuk têz qơưk.

Uô jông lơưr Ban Chấp hành Trung ương Đảng (khóa XIV) Nghị quyết số 22-NQ/TW hnuz 28/07/2026 lok tsưx phưv truôx tuk têz qơưk, cxuô cấp, cxuô nganhx thiêz ntơưv qơư tsênhv sir jos fuô uô cxuô faz tsưr ziv. Têx lênhx canr bôv, đảng viên thiêz tsôngv box cux tsuv uô jông trơưk chei têz qơưk, sir zôngv mạng xã hội trơưk cui tinhv, por hưv jông têx xor mông thiêz đros cxiv tsa côngv thôngx truôx tuk chiê Nghị quyết uô tâu ntâu luôs hâux lưv trơưk tsưr ziv xar hâur luz nênhx./.

Bích Thủy-Riê Lâux cxeik nhênhv