Hâur ntu zok nriêr chor tuz lênhv đrav ntêx tir ntâuk tros châuz tâu tas siv nênhx hâur thax tsav ntus đriv Lào Cai

Lào Cai – zos tus đêx liêz ntưk lok trâu pêz têz qơưs VN thiêz hâur thax tsav qơư co, tox trôngz câuv har cxaz đros trâu muôx ntux nas cuô, đêx nas cuôr yôngz, tox poz uô txơưr txar đhâu yênhx châuv shông, tưz uô trâu luôs hâux lưv zok nriêr têx nza tuz lênhv trâus njiz ntâu phiv liv. Txơưv njiz têx phiv liv co, cán bộ tuz lênhv, Bộ tuz lênhv Quân sự tỉnh Lào Cai, tưz siz chos côngv đas jos tsưr ziv zok nriêr chor tuz lênhv đrav ntêx tir ntâuk tros châuz tâu tas siv nênhx.

Luôs hâux lưv fuô zok nriêr, tsênhv qơư tưz cxiv ta tâu 100 tổ txêik nhav, qênhz yuôx cxuô xor mông txix cấp tỉnh txos 99 xã, Phươngx, sik côngv đas jos tsưr ziv ruôr bôngk, hôngz poz hâur yênhx cxênhz ha ar har jôngr nhoz thax tsav ntus đriv. Chor cán bộ zok nriêr muôx 38 lênhx tuz lênhv uô ntêx nyuôk khơưz têx ar zok nriêr chor tuz lênhv đrav ntêx têx poz cxa. Đại tá Hoàng Văn Toàn, Phưv Chính ủy Bộ tuz lênhv Quân sự tỉnh Lào Cai hêik pâuz: Đhâu xav tâu têx xor mông, pêz tưz fuô uô hâux lưv zok nriêr hâur 3 thax tsav. Co zos zok nriêr hâur thax tsav thâuv ntêx tir ntâuk tros châuz thiêz hâur thax tsav qơư tâu xav zos vâuk chor tuz lênhv đrav ntêx tâu tas siv nênhx;  Đảng ủy, Bộ tuz lênhv pêz cux uô ntov jông luôs hâux lưv zok nriêr. Chênhr zos li hêik co, txơưv ntux yar, ntux nas pêz cux uô truôx jông luôs hâux lưv zok nriêr”

Xav txix kriz uô luôs hâux lưv zok nriêr txos trâu nhiv no, tỉnh Lào Cai tưz zok nriêr tâu 90 lênhx tuz lênhv têx poz cxa thiêz khơưz 1.200 luz nza, zok nriêr tâu yênhx cxênhz tuz lênhv têx poz cxa chox lok siv ADN. Xav ciês hâur luz hli 4 đhâu, zos ntu 1 txuôk trâu ntu 2, 500 hnuz hmo zok nriêr, cán bộ tuz lênhv tưz gra 71 lênhx tuz lênhv têx poz cxa lok đros pox côngz, zơưv côngz.

Phưv Thủ tướng Chính phủ Phạm Thị Thanh Trà cux đros hâu nov Bộ Quốc phòng, Quân khu 2 muôz huv puz trâu chor cán bộ tuz lênhv uô hâux lưv zok nriêr, co zos Đảng, têz qơưs moz siêz txos cxuô luôs hâux lưv uô pâux txiêx njis. Pos Lê Kim Lương, kuz tuz lênhv cơ động xã Nam Cường, huyện Bảo Thắng, tỉnh Lào Cai kuz, hâur ntu đrav ntêx tưz đros tir ntâuk tros châuz shông 1979 hêik pâuz:  Thâuv nhênhv tâu têx xor mông sâuv ntơưr pov tsir, cur cux shir phaz cơưs, viv chor tuz lênhv đrav ntêx đros cur uô cê tir ntâuk tros châuz hâur shông 1979, nhiv no tưz zok nriêr tâu. Taz sik tsênhv tsik tâu pâuz tsênhz bê. Uô tsâus Đảng, têz qơưs moz siêz txos, cur cux shir phaz thiêz jông siêz cơưs”

71 lênhx tuz lênhv đrav ntêx tir ntâuk tros châuz tâu tas siv nênhx têx poz cxa zok nriêr tâu co, tưz tâu chox lok phâuk trâu trôngz nza tuz lênhv phường Cam Đường thiêz xã Bảo Thắng. Txơưv pâuz thiêz tsik pâuz tsênhz bê, txix hnuz no muk, chor tuz lênhv đrav ntêx tir ntâuk tros châuz tâu tas siv nênhx tưz tâu lok zuk kuz têz qơưs, tâu Đảng bộ, hâu nov ntơưv qơư thiêz px cxuô hêir nênhs tỉnh Lào Cai tu, tsưx phưv sêiz njôngr./.   

                               Tsu cxêik nhênhv-An Kiên

Ntux lok nas lox, đêx nas ngaz: 6 faz tsưr ziv tir thêir, cxuô chuôz zis tsuv ndo njôngr

Tsôngv…! Ntux lok nas lox truz ntêr hnuz, đêx nas ngaz, cuôr yôngz, zôngx ziv uô ruôr hiêv txos sđ luz nênhx khưr, nox nhoz muk lok hâur niêx hnuz thiêz đêx nas zôngx ziv uô ruôr hiêv txos têx qơư đhok, tso tênhv tênhz sir zôngv hâur chuôz zis.

Phax tir thêir tsik chiê đêx nas uô ruôr hiêv txos sđ luz nênhx khưr, nox nhoz muk lok hâur têx hnuz muôx ntux nas lok lox; Tổng công ty Tênhv tênhz Bắc hêik tsôngv px tsuv ndo njôngr uô trơưk 6 faz tsưr ziv li đrav kaz:

Thâuv ntux lok nas lox, tsuv tuô qơư tơưk tso tênhv tênhz

2. Thâuv đêx nas ngaz hâur thax tsav qơư co, tsik cxoz muk cor têx qơư tso tênhv tênhz

3. Thâuv zuk têk ntuz đêx tsik cxoz cor xor tênhv tênhz cux li qơư tso, tơưk tênhv tênhz

4. Muôz cxuô chuôz zênhx tso, tơưk tênhv tênhz tso trâu têx qơư siêz, tsik chiê ntuz đêx.

5. Tsik nhoz jê têx xor tênhv trâus tu, pôngz lok hâur ar

6. Sêiz shuôk jông têx xor tênhv tênhz thâuv zuôr tror sir zôngv tênhv tênhz

 Cxuô lênhx hâur chuôz zis tsuv ndo njôngr qênhz yuôx, sêiz têx xor tênhv, qơư tso thiêz qơư tơưk tênhv tênhz hâur chêix ntux nas chuô, tsik chiê tênhv uô ruôr hiêv txos cxuô zav chuôz zênhx chuôz tav hâur chuôz zis thiêz sđ luz nênhx txox siê./.

                                     Tsu cxêik nhênhv-Thanh Thủy