Lào Cai kriê px tox siêz sir zôngv VNeID    

        Ntơưv cxuô jiês cơưv jêx jos nhoz xã Khao Mang, têx máy xor tôngx tưz tâu tsôngv px gra tuôx chiê cán bộ yax kriê sir zôngv mã QR, (Vi-en-ai-đi) đros muôx cxuô zav ntâuz ntơưr hâur ứng dụng máy xor tôngx.

          Têx lênhx nênhs tsơưs sir zôngv máy hu xor tôngx, cux tsik zôngx ziv, tsuv pâuz sir zôngv thiêx kriz tâu cxuô xor mông hâur máy hu xor tôngx. Muôx iz cxiê lênhx cux tsik ndo tus số kriz máy; muôx iz cxiê lênhx tsênhv txax muôs thiêz tsik pâuz kriz. Chênhr zos li hêik ntơư, cán bộ thiêx kriê thiêz kriz iz kro jux juk cov px pâuz tsênhz thiêz ndo njôngr chor số kriz hâur máy. Zơưv fênhx x Lâux, nhoz jos Háng Bla Ha A  hêik pâuz: Từ đây xuống trung tâm Công an xã thì rất là xa. Được Công an xã đến tận thôn hướng dẫn bà con kích hoạt định danh điện tử, hướng dẫn sử dụng nền tảng số, bà con rất phấn khởi. Được hướng dẫn chi tiết nên bà con cũng đã hiểu và biết dùng một số ứng dụng trên (Vi-en-ai-đi).

        Xã Khao Mang tâu cxiv tsa txix muôz oz pêz luz xã chox lok uô hâux lưv uô cê hâur iz xã Khao Mang huyện Mù Cang Chải, tỉnh Yên Bái kuz. Hâur thax tsav qơư nhoz đar, px nhoz tsik uô cê thiêz tsik so muk khưr uô liêx têz đêz tsêr. Tsôngv px txux chi kik, pâuz tsik thôngz lok têx công nghệ sir zôngv hâur máy. Viv li, cxuô faz tsưr ziv yax kriê px tưz tâu kriz uô txos trâu tsôngv px sđ hâur thax tsav.

        Tsênhz tiês, zos Công an xã tưz đros cxuô tsưr tsix hlôngr yiêz số nhoz cxuô jêx jos, cxiv tsa chor nênhs muk yax kriê tsôngv px kriz cxuô  xor mông sir zôngv hâur máy hu xor tôngx. Thâuv muk co, zos njiz tsôngv px nhoz hâur tsêr lok sik tsênhv taz tov khưr uô kôngz, cán bộ cux muk kriê ciês px sir zôngvVi-en-ai-đi. Đại úy Mạnh x Shôngx, Công an xã Khao Mang phêiz kênh: Pêz tưz muk trâu cxuô luz jêx jos, muk trâu cxuô chuôz zis, muôx têx jiês cux muk trâu hâur têx liêx têz, zos tsôngv px tsênhv taz tov khưr uô kôngz, pêz chiê yax kriê ciês trâu px pâuz sir zôngv Vi-en-ai-đithiêz pâuz tsênhz têx ntâuz ntơưr kriz hâur máy hu xor tôngx.

        Têx faz tsưr ziv co tưz tâu kriz uô txos 100% luz jêx jos hâur thax tsav xã. Chênhr zos li hêik ntơư, txix hâur shôngk shông txos trâu nhiv no, Công an xã Khao Mang, tỉnh Lào Cai tưz paz tâu trâu 3.000 lênhx đăng ký định danh điện tử jiês 2.

        Txix cxuô jiês yax kriê tsôngv px nhoz cxuô jêx jos, cxuô chuôz zis sir zôngv Vi-en-ai-đithiêz cxuô faz tsưr ziv Công an xã Khao Mang uô cux huv đros tsôngv px nhoz cxuô tsênhv qơư. Co zos cxuô faz tsưr ziv tâu Lào Cai fuô uô txix nhiv no txos shông

2030, cov 100% lênhx px muôx tài khoản Vi-en-ai-đithiêz sir zôngv tâu cxuô xor mông, ntâuz ntơưr kriz hâur máy hu xor tôngx huv đros hâur luz nênhx niêx hnuz./.

                                                Tsu cxêik nhênhv-Thừa Xuân

Ok njuôz chax đaz krêz hâu cêr uô nox yiêz ntơưv Ngọc Chiến

Hâur niêx hnuz, zơưv Lò Văn Long, nhoz jok Đông Xuông, xã Ngọc Chiến, ho sơưr nzor muk hlêis jâuz, gra lok puz trâu paz ok muôx 200 tus, tâu zus tso ndis muk lol nox đrox hâur chuôz zis têx liêx têz.

Zơưv Long puz pâuz, đros tsưr ziv, siêz xar muôx nzir phênhv sâu, chuôz zis đas cir cxaz chuôz dự án "Cxơưz cxiz huôv tsar têx tsưr ziv uô nox kôngz jôngr nuv, ju lix truôx " zos UBND xã hux jos đros Cuiv nhiêx tênhx qơư ntiêx têz fuô uô. Chuôz zis tâu paz nôngz ok, krâur puz, yuôx phax tar moz ơưk thiêz pênhr phưx vưv tu zus.

Đhâu zuôr xar 3 luz hli, paz ok hloz lox jông, gri muôs nhiv no zos 80.000 txos 90.000 đêiv iz cir. Đros thiêz 200 tus ok, zơưv Long chuôz zis njuôk xav sâu tâu muôx nhos 40 tsov đeiv. “Chor ok cur chuôz zis zus nhiv no tưz tâu zuôr xar 3 hli, hloz lox jông, muôs tâu gri, muôx phênhv sâu truôx tuk. Fâuv ok no cur tsênhv xar tiêk, zuôr muôz  muôs tas, đhâu co li tror zus nzir chiê thâuv tưs cux muôx ok muôs trâu tsôngv kruô”.

Đros uô luôs hâux lưv heik sâuv, zơưv Tòng Văn Công nhoz jok Lướt chuôz zis cux tu zus 200 tus ok. Lơưr zơưv Công, ok hloz lox sei, zôngx ziv tu zus, têx krâur nox phênhv ntâu cux zos blêx, poz cưk, jâuz thiêz tsơưz. Hok têx liêx cux tâu nzaz nzơưv chiê uô qơư tu zus. “Tu zus ok muôx iz kro jông zos hloz lox jông, tâu muôs sei; zuk tsuôk muôz ntâu zav nox li krâur, poz cưk, blêx, jâuz, tsơưz…đo siz shơưk trâu ok nox xưz, hloz lox lok six jông. Nhiv no pêz zuôr muôs paz ok no, vav chiê siêz tiêk zuôr tâu gri chiê cxaz nzir phênhv sâu trâu chuôz zis”.

Txix dự án "Cxơưz cxiz huôv tsar têx tsưr ziv uô nox kôngz jôngr nuv, ju lix truôx tuk" têx uô tâu yênhx côngz, txos nhiv no, 15 ziv chuôz zis pêx xênhv hâur 3 jok tưz đros huôv tsar tu zus ok, iz chuôz zis zus muôx 200 tus. Iz chas ntơư, ntâu ziv chuôz zis chiv chir zus txix 15 txos 20 tus, xuz thơưx cux uô tâu trơưk tsưr ziv, siêz xar; têx ok tâu muôs trâu ntơưv Ngọc Chiến thiêz iz cxiê thax tsav qơư nhoz jê iz ndis.

Zơưv Tòng Văn Thoa, Phưv Chủ tịch UBND xã Ngọc Chiến puz pâuz, ntơưv qơư tsênhv xav tênhv chiê krêz đar tsưr ziv huôv tsar uô nox li heik sâuv reik đros huôv tsar ju lix thiêz piêr kriê têx xiv huvjông ntơưv qơư. “Txos nhiv no, pêz ntâuk grê jông tsưr ziv huôv tsar tu zus têx ok li heik sâuv ntơưv xã Ngọc Chiến; xuz thơưx tsuv khav tênhv no zos tsưr ziv uô tâu lok six jông, gra lok phênhv sâu tâu truôx. Hâur ntu zuôr txos, pêz tưz muôx tsưr ziv chiê huôv tsar, nthuôr đar trâu tas nro hâur xã cơưv shâuv, uô trơưk; đros trâu têx li heik co pêz cux sir jos fuô uô iz cxiê tsưr ziv txơưr đuô chiê huôv tsar ju lix, cux xưk li piêr kriê têx hax huv jông ntơưv qơư trâu tsôngv kruô hâur thiêz 2 chas tỉnh, sâuv ntiêx têz pâuz txos”.

Tsi tas yưv pênhr ntâu, nzaz nzơưv ar têz, hâur đêx thiêz zav nox muôx ntơưv qơư, luôs hâux lưv tu zus ok tsênhv krêz iz hâu cêr huôv tsar uô nox huv đros thax tsav tox siêz Ngọc Chiến.

Trấn Long-Riê Lâux cxêik nhênhv