Qênhz yuôx, chiê 4 luz tsêr cơưv Phổ thông nội trú 2 cấp ntus đriv Lào Cai uô hâux lưv

Luôs hâux lưv chiê 4 luz tsêr cơưv nội trú 2 cấp lox đar muôx 5 txos 10 ha đros trâu 4.000 ntâu lênhx shux xênhz ntơưv têx xã ntus đriv Mường Khương, Pha Long, Y Tý thiêz A Mú Sung lok uô hâux lưv uô cê, tsuv muôx cêr sik côngv truôx jông txix ciês hâur têx ciêz xuz thơưx. Jiês qênhz yuôx cxuô ngênhx zos Sở Zoz zux seiz car, hux jos đros têx Sở Nội vụ, nhiêx txiêx thiêz Y tế tâu pheiz uô yênhx paz lês uô hâux lưv, qênhz yuôx cxuô nro txix têx lênhx nênhs, tsưr ziv uô hâux lưv, zuôr têx chuôz zênhx txos trâu taz por vêv xênhz zav nox.

Khav tênhv tsênhv njiêz qênhz yuôx chiê muôx cêr thôngx ziv trâu têx luôs hâux lưv, zơưv Đào Anh Tuấn, Phưv Giám đốc Sở Zoz zux tỉnh Lào Cai puz pâuz: “Pêz sir jos qênhz yuôx têx hâux lưv, sir zôngv chuôz zênhx chiê fuô uô tâu truôx jông cxuô luôs hâux lưv txix ciês thâuv xuz thơưx; tiv 2 zos seiz shuôsfuô uô têx hâux lưv zoz zux, lar heik zos lok sâuv têx hâux lưv zov chênhr. Txix co heik tơưv têx phiv liv, uô tsi tâu tsi tiêr chiê nhênhz chơưv trâu tỉnh muôx tsưr ziv chox kriê, paz tsêr cơưv nội trú ntus đriv uô tâu truôx jông cxuô luôs hâux lưv zok muôz, gra siêz tsơưr lươngv zoz zux, cxơưz thax tsav ntus đriv huôv tsar xưk 2 chas thax tsav qơư”.

Đhâu seiz shuôs tsênhv tsênhz, iz chas hâux lưv kriê txux chi, têx tsêr cơưv nội trú ntus đriv tsênhv uô iz cxiê hâux lưv txơưr. Viv moz siêz txos xeir zuôr têx lênhx shux xênhz muôx luz nênhx txov nhêv, ntâu tsêr cơưv tsênhv tu zus, kriê cơưv txux chi, tsưr ziv uô nênhx jông, xênhz huôx trâu yênhx châuv lênhx shux xênhz trâus sêv khiz luz chêr, têx lênhx mê nhuôv tsi muôx niêv tsi muôx txir, trâus uô njuôs. Hâux lưv cưk kriê cê kriê txux chi, cê lênhk seiz car shux xênhz hâur tsêr cơưv yênhx hnuz hmo thiêz fuô uô têx tsaz yênhx choz kriê chor nhuôv shux xênhz uô nênhx jông, tsiv txiêx tsênhv lok six phiv liv, zos uô lơưr tsêr cơưv phổ thôngz tsưr ziv, cui tinhv.

Chiê fuô uô tâu truôx têx luôs hâux lưv li heik sâuv, cưk kriê ntơưr Nguyễn Quốc Việt, thơưx seiz car Tsêr cơưv Phổ thông nội trú Cxênhx iz thiêz Cxênhx oz Pha Long hêik: “Viv zos tsêr cơưv shux xênhz nox nhoz hâur tsêr cơưv, cơưv txux chi tsi yuô thôngx li lưv luz tsêr cơưv txơưr đuô, pêz xar cov cxaz nzir iz lênhx canr bôv sêiz car trâu tsêr cơưv chiê muôx lênhx nênhs đros paz nhênhz chơưv chox kriê uô hâux lưv txoz cxơưx thiêz choz kriê têx nhuôs cêr uô nênhx, xênhz huôx, nox nhoz muk lol. Iz chas ntơư, tsêr cơưv cux xar cov muôx Thông tư kho txo grêk tsơưs hâux lưv kriê txux chi trâu cưk kriê tsêr cơưv nội trú ntus đriv chiê cưk kriê muôx six hơưv ntâu đuô lês uô têx hâux lưv zok muôz, tsoz phưz, kriê cxaz nzir têx txux chi, tsưr ziv txơưr đuô trâu shux xênhz. Lok sâuv chor nênhs uô hâux lưv por hưv,uô jâuz mor nox mak xar tiêk, zuôr muôx chei, cui tinhv cir hux thôngx ntêr shông chiê lơưr tso siêz uô hâux lưv zok muôz”.

Đros trâu tsưr ziv kriê txux chi, tsơưr lươngv thiêz uô tiêr cxuô luôs hâux lưv cux lok six zov chênhr chiê tsêr cơưv truôx tuk. Cik txos uô tiêr têx hâux lưv txơưr đuô nhoz ntu 1 (ntơưv Pha Long thiêz Y Tý), đros tsưr ziv fuô uô têx dưv anr txuôk nzir, zơưv Đinh Văn Đăng, Giám đốc Ban sêiz car dưv anr yưv pênhr cxiv tsa tỉnh Lào Cai puz pâuz: “Đhâu 5/9, Ban tưz sir jos heik têx tsưr yưv pênhr thiêz lơưr tưz sir jos  tso lênhx nênhs, têx meir, chuôz zênhx cxiz uô cov tiêr sei têx hâux lưv zok muôz trơưk tsưr ziv. Iz chas ntơư, đros thiêz têx dự án ntu 2 tưz muôx cxix cxuô ntâuz ntơưr, pâuz tsênhz txos têx tsưr ziv, hâux lưv uô hâur ntu 1, Ban tưz đros têx tsưr yưv pênhr fuô uô tsênhz mênhx tsưr ziv, hâux lưv txos 30/8/2027, zuôr choz zok ndar trâu  shông cơưv yiêz”.

Jiês qênhz yuôx tsênhv tsênhz ntơưv 4 tsêr cơưv nội trú ntus đriv xuz thơưx tsi tiêk paz tỉnh Lào Cai zênhx max đơưk tâu têx phiv liv ntơưv qơư, mak tsênhv muôz têx xor mông jông chiê cxuô bộ, ngênhx Trung ương tror uô tiêr têx chei, cui tinhv. No lok six zov chênhr chiê tsêr cơưv nội trú 2 cấp ntus đriv uô tâu truôx jông cxuô luôs hâux lưv zok muôz, yênhx qơư zoz zux truôx khor nhoz ntus đriv têz qơưk./.

An Kiên – Riê Lâux cxêik nhênhv

Zax A La xar njôngr uô bluô nux sâuv zuk têz qơưk

Xênhz zus thiêz hloz lox ntơưv thax tsav tox siêz Hang Kia, suôv qơư tâu seiz zos xã Pà Cò li "qơư muôx huôz jông jav" xã Pà Cò, lênhx tuz hluôk nênhs Hmôngz Zax A La, xênhz shông 1996, nhoz jok Pà Khôm, xã Pà Cò, tỉnh Phú Thọ tưz muôx siêz xar njôngr uô bluô nux sâuv zuk qơư nhoz txix huôv tsar ju lix côngv thôngx. Shông 2018, đhâu thâuv cơưv tiêr Tsêr cơưv Cao đẳng Vênhx huôv nghệ thuật Tây Bắc, Zax A La cuêz tênhv tror lok zuk qơư nhoz nriêr tsưr ziv huôv tsar uô nox. Ntu xuz thơưx, La uô lênhx nênhs kriê ju lix, chox tsôngv kruô muk ndis shuôk iz ndis zuk thax tsav xã thiêz têx qơư ju lix hâur tỉnh. Hâur ntu co, tix lâus jênhv pov tâu tỉnh li têx muôx jông huôv tsar ju lix, tix lâus qir xar tsưr ziv uô ju lix côngv thôngx.

Zax A La puz pâuz: "Đros têx kror jông muôx ntơưv tiv phaz, cur xar piêr kriê txos tsôngv kruô têx têx thax tsav qơư, tê kror jông hâur luz nênhx, xênhz huôx, xiv huv kôngz nuv thiêz zav nox jông hâur tsôngv px mênhx cxưx Hmôngz".

Txix zuk têx txux chi tsưr ziv muôx tâu, thôngx cxix cơưv shâuv nzir chênhz zênhv, chuv tôngv zok nriêr tiv phaz li têx cêr paz max, hli 6/2020, HTX Dịch vụ ju lix thiêz kôngz nuv Hang Kia tâu yênhx lix đros muôx 11 lênhx nênhs, Zax A La lês uô hâux lưv sêiz car HTX. Zax A La đros têx lênhx nênhs hâur HTX sir zôngv nênhs Hmôngz li têx tsêr cxôngx nzor, têx lênhx nênhs hâur HTX tưz kho đuô, chuôz zis li qơư nhoz uô yênhx qơư ju lix. Nhiv no, A La tưz muôx 4 luz tsêr tsar lơưx jông jav, cxôngx nzor nênhs Hmôngz thiêz nênhs Poz Ziz li cêr nênhx phôngz cxưx. Iz hli, HTX tok muôx nhos 20 - 30 jiês kruô, chox lok phênhv sâu muôx nhos 30/40 tsov đeiv.

Tix lâus Hà Văn Kền - Bí thư đoanx hluôk nênhs xã Pà Cò puz pâuz: "Zos iz lênhx đoanx viên uô ntêx nyuôk hâur xã, đros siêz xar tuôr tsês thiêz huôv tsar hêir nênhs tsơưs têx txux chi, cêr uô nênhx vênhx huôv, Zax A La tưz huôv tsar uô tâu yênhx côngz trâur nuv uô ju lix côngv thôngx, muôz hâux lưv uô trâu ntâu lênhx hluôk nênhs hâur HTX. Tix lâus li trâur nuv huôv tsar uô nox tưz cxơưz cxiz cxuô lênhx hluôk nênhs huôv tsar uô nox thiêz uô bluô nux sâuv zuk qơư nhoz".

Tsi taz uô jix vuv Homestay, Zax A La tsênhv zaz zâuv tsôngv tuôx ndis seiz thiêz siv uô kôngz nuv. Đros mênhv chêx ar 20ha ntâu, HTX Jix vuv ju lix thiêz kôngz nuv Hang Kia tsênhv chos têx zav ntông nox txir li: Txir khơưz, txir đuôx, txir thênhx caz... Tsôngv kruô ju lix thâuv tuôx ntơưv HTX zuôr tâu ndis shuôk sâu đê txir ciês hâur vax… Tsi tiêk yênhx côngz hâur huôv tsar kinh têr, gôngr phênhv hlôngr yiêz jêx jok, tsưr ziv ju lix côngv thôngx tsênhv muôz hâux lưv uô trâu ntâu lênhx đoàn viên, hluôk nênhs thiêz pox niêv ntơưv thax tsav qơư. Nhiv no, HTX muôx 10 lênhx nênhs uô chênhr thiêz 6 lênhx nênhs uô hâux lưv lơưr chiv cheix. Nhiêx shar fênhx pheiz iz lênhx nênhs zos 4-5 tsov đeiv iz hli.

Zơưv Hà Văn Tín - Phưv Chủ tịch UBND xã Pà Cò, tỉnh Phú Thọ puz pâuz: “Zax A La zos iz lênhx hluôk nênhs jông muôx tsưr ziv, car xar car uô. Txơưv njiz ntâu kror phiv liv thâuv huôv tsar uô nox ntơưv tiv phaz, nưs cux truôx siêz nriêr tsưr ziv uô thiêz tsi so sik côngv đros côngv thôngx. Tiv phaz thâuv tưs cux ntâuk gri siêz A La li trâur nuv thiêz zuôr tror đros paz hâur yênhx ntu chiê ju lix côngv thôngx muôx têx huôv tsar tâu truôx.”

Txix zuk li siêz xar njôngr, Zax A La tưz uô hlôngr yiêz tas nro iz luz nênhx trâu côngv thôngx nênhs Hmôngz nhoz Pà Cò. Thiêz cxơưz cxiz iz cxênhx hluôk nênhs jux jus xar tơưv, car xar, car uô thiêz car nhoz truôx qơư chiê huôv tsar uô nox ciês sâuv zuk têz qơưk.

 Chox luk: (Hlôngr suôz) Phênhv "Nôngx mênhx zuôr tsuv pâuz" hnuz no tsuôk muôx xâuk li no xưz. Phênhv no zos Cơ quan Đeix TNVN thax tsav Tây Bắc đros Tsênhv qơư cxiz kôngz têz qơưk uô.

Thào Ly-Txâur Vax cxeik nhênhv