Jiês cơưv muôx grik jông nhoz ntus đriv A Mú Sung

Têx hnuz hâur hlik hli 10, ntơưv tul ndêx đei qix Lũng Pô pov jông jav đuô cxuô hnuz. Nhoz siêz 31,43 yiv pir đros ntus đêx hiêr – zos đrik trôngz Fansipan, trôngz siêz tiv zix Đông Dương - 40 lênhx shux xênhz têx mênhx cxưx Hmôngz, Cho, Giáy, Hà Nhì hâur Tsêr cơưv Phổ thông Nội trú cxênhx iz thiêz cxênhx oz A Mú Sung tưz sik côngv tuôx ntơưv no. Tsi zos têx ntâuz ntơưr kriê hâur tsêr cơưv, qơư cơưv ntơưr tâu kriz đar tso trâu sâuv têz qơưk ntus đriv.

Uô lơưr canr bôv, chiến sĩ Zênhx Pênhz phax A Mú Sung li chox kriê, chor nhuôs tâu seiz 5 hâux lưv qênhz yuôx, nriêr pâuz Ntu cêr đriv têz 92(1) đhâu trâur nuv trực quan, thiêz shir phaz uô lơưr yênhx kror hâux lưv li sơưr cov jông, tsa têk chào cờ trơưk quân ngũ li tsưr ziv. Jiês xuz thơưx uô iz "lênhx cưk kriê" ciês ntơưv qơư, Trung tá Bùi Trung Thành, Chính trị viên Zênhx Pênhz phax A Mú Sung puz pâuz: Lok six shir phaz, jông siêz thiêz txưv haox thâuv tâu zos lênhx nênhs cxơưz cxiz siêz nhiêv têz nhiêv qơư trâu têx nhuôs shux xênhz ciês hâur tul ndêx đei qix Lũng Pô. Pêz cux xeir têx tsênhv njiêz tsênhv tsênhz, zôngx ziv uô, zôngx ziv mnôngs chiê têx nhuôs tâu nriêr pâuz cxix cxuô tiv zix. Đhâu co, paz têx nhuôs cxiv tsa cêr nhiêv têz nhiêv qơư thiêz cêr sik côngv siêz por vêv têz qơưk, tuôr truôx ntus đriv, ndêx đei qix, sir jos tov kaz no yênhx lênhx nênhs muôx liv trâu xar hôiv.

Hlôngr trâu hâux lưv tsuv chiv chir xar tơưv đhâu têx ntâuz ntơưr, nhiv no chor shux xênhz tox siêz tâu tuôx txos ciês ntơưv qơư, tâu cor ciês têx ndêx đriv têz, tâu seiz pov chor tuz lênhv uô hâux lưv. Tas nro tưz chox lok iz jiês cơưv tsi tâu muôx thâuv tưs muôx hlo. Tul nhuôv Thox Xênhv Zax, shux xênhz nênhs Hmôngz cơưv lớp 9A4 shir phaz heik: Jiês xuz thơưx tâu seiz pov, cur pov lok six shir phaz, lok six jông siêz, tiv zix tsưr ziv chào cờ hâur ndêx đei qix thiêz tâu seiz têx  tuz lênhv uô hâux lưv. Cur siv ndê sâuv ndêx đei qix têz qơưk thiêz pov tul niêv đêx Liêz, pov tas nro ndêx cxok kuôk cêv đriv têz hâur kaz, lok six txưv haox lok zuk têz qơưk.

Uô trâur nuv tsêr cơưv nội trú têx cấp yiêz, Ban seiz car Tsêr cơưv A Mú Sung pâuz tâu iz kror: hlôngr yiêz zaoz zux tsi tiêk zos cơưv sâuv ntâuz ntơưr, mak tsuv reik đros đreiv thiêz thax tsav ntus đriv li cêr huôv tsar. Hâux lưv chox shux xênhz muk ndis shuôk chênhr zos kror uô jông trâu tsưr ziv "Cơưv tsênhv tsênhz – uô tsênhv tsênhz" lơưr Bôv Chinhr triv li Nghị quyết 71. Ntâuk gri lok tsưr ziv no li chêx cuk, cưk kriê La Văn Liêm, thơưx sêiz car tsêr cơưv khav tênhv:  No zos iz jiês cơưv lok six muôx ziz njiêz đros shux xênhz nhoz ntus đriv. Tiv zix zos chor nhuôs tâu tuôx txos ciês qơư njuôk shuôk, lok six tsênhv tsênhz. Chor nhuôs tâu seiz pov, tâu njuôk shuôk, zênhx zênhz li ntơưv mak chor nhuôs pâuz tâu thiêz sir zôngv hâur luz nênhx zuôr jông đuô.

Ntu zuôr txos, têx Zênhx Pênhz phax sâuv ntus đriv Lào Cai zuôr tsênhz mênhx sik côngv cxuô nro đros têx tsêr cơưv nội trú. Têx "cưk kriê" zos têx tuz lênhv pênhz phax tsi taz tuôx kriê ntơưr, mak tsênhv zos kriê shâuv tês tơưk, shâuv nhoz uô nênhx cov jông, thiêz kriz uô têx tsaz yênhx nox nhoz xã hôiv.

Thâuv têx txux chi tâu cơưv đros cêr uô nênhx kỷ luật thiêz chuôz cxaz siêz nhiêv têz nhiêv qơư, têx tuz nhuôs nhiv no zuôr hloz lox, truôx siêz ndo njôngr, tuôr truôx thax tsav qơư nhoz hâur ntu yiêz./.

 An Kiên- Txâur Vax cxeik nhênhv

Huôv tsar tu zus têx tsiêx cxu đhâu chêix ntux nas li chas?

1.Tu, qêz suô qơư tu zus tsiêx cxu.

 Khơưk sâu thiêz muôz têx tsiêx cxu trâus tuôs phâuk por tsês trơưk li li canr bôv kho moz tsiêx cxu heik kriê.

Vêv xênhz, qêz suô têx qơư tu zus tsiêx cxu, đaz krâur, đaz đêx, têx car đêx, qơư thiêz chuôz zênhx trâu đêx.

Qir uô hâux lưv tsuôs yuôx tuô, lov caz moz ơưk 2 jiês iz ciêz trâu têx tsêr guôx thiêz qơư tu zus; muôz hmôngr jêz siz fmông lok sik tsuôs yuôx tuô, lov caz moz hur si têx cêr muk lok, ndâux cêr, trôngx vas thiêz têx chuôz zênhx uz no.

 Cxênhv, cxiv kho đuô qơư tu zus, qơư xưv lik đêx kiêk nênhs vuôz tsuôz (zos trâus puôk tsuôx).

Khơưz, thoz huk hur si têx cưx đês cov đêx ntưk tâus; luôx, đoz têx đrox tsuôs iz ndis qơư tu zus, qơư trâu qir tsiêx cxu; tsuôs yuôx tuô, lov caz moz ơưk trâu têx qơư li heik sâuv thiêz yêz, chuôz zênhx tu zus.

Muôz hmôngr jêz siz fmông lok sik tsuôs têx yuôx tuô lov caz moz ơưk hur si têx plas tsêr qơư tu zus, ndâux cêr, trôngx vas, cêr muk lok thiêz chuôz zênhx.

2. Sir jos tu zus jông têx tsiêx cxu, keiz ok.

No zos iz hâur têx tsưr ziv zov chênhr, tsưx phưv đas jos truôx tuk trâu têx tsiêx cxu đhâu ntux nas chuô, txo grêk tsơưs moz ơưk huôv xênhz uô trơưk têx li đrav kaz:

Muôz krâur nox, đêx hâuk cxix cxuô huv đros yênhx fâuv tsiêx cxu, keiz ok.

Muôz cxaz nzir Vitamin, têx yuôx cxaz đas jos, yuôx moz plaz…. Puz têx tsiêx cxu, keiz ok chiê muôx đas jos phax tir thêir moz ơưk.

Tiv 3( Nam): Fuô uô luôs hâux lưv cxax yuôx phax phôngz moz ơưk cxix cxuô têx zav yuôx vắc xin trâu chor tsiêx cxu, keiz ok trơưk li cơ quan kho moz tsiêx cxu heik kriê.

Cxaz nzir têx yuôx paz đas jos, krâur nox, đêx hâuk trâu tsiêx cxu thiêz uô qơư jông tu zus keiz ok.

Qênhz yuôx jông lok sâuv por hưv zav nox viv đhâu nas chuô kror cxiê qơư ntuz, nông, đêx ngaz cuôr, ntux nas uô têx zav nox trâus tuôx pưv, kiês nênhs, chênhr viv li chiê qênhz pov zênhx max tsuv muôz têx krâur ntơư por tsês, tsi puz tsiêx cxu, keiz ok nox.

Uô jông hâux lưv seiz car, tu zus têx tsiêx cxu, tsi tso lak yar ntơưv têx qơư kiêk nênhs, vuôz tsuôz, niêx hnuz qênhz yuôx shuôs têx tsiêx cxu chiê pov nzor têx tus tsiêx cxu trâus njôngk, tsi yuô nox jâuz krâur chiê muôz chêik tso nưk nhoz nưk iz kro qơư .

3. Tror huôv tsar zus nzir

Tsuôk tror huôv tsar tu zus nzir tsiêx cxu thâuv bax tâu cxix cxuô têx li đrav kaz:

- Đhâu thâuv tưz cxiv uô, kho đuô tâu qơư tu zus li: Vor tâu tsêr, thêir tâu ntâuz tax iz ndis tsêr qơư tu zus, bax muôx cxix cxuô chuôz zênhx chuôz tav phưx vưv tu zus, qơư tso tsiêx cxu trơưk cui tinhv chiê tror zus taz por vêv xênhz truôx tuk.

- Xêir têx nôngz tsiêx cxu pâuz tsênhz muôx qơư, muôx suôz bê, muôx ntơưr côngk nhav qênhz yuôx, cxax yuôx phax phôngz moz ơưk lơưr cui tênhv.

- Taz por muôx txâuk jâuz krâur nox, đêx hâuk, qơư tu zus.

- Vêv xênhz phax tir thêir moz ơưk: Bax yuôx vắc xin phax phôngz moz ơưk, yuôx kho moz ….. , iz chas co cux tsuv bax đêx cuô yuôx nzuôr têx tsêr guôx thiêz qơư tu zus hur si./.

Thanh Thủy-Riê Lâux cxeik, nhênhv