Qơư muôx ntâu cxuô zav cà phê kaz hur jông

Txix tox siêz Sơn La, cà phê Nậm Lầu sir jos "tuôx đrav đrôngs", đros côngv ntênhs hội cà phê Sơn La jiês tiv 2 shông 2026. Txix têx txir cà phê nhôngk sâuv têx chês, nôngz cà phê tưz đhâu tsiv uô, txos têx têik cà phê Arabica cuz sor so, tas nro cxuô zav puôr lênhx nhoz iz qơư muôx têx zav nox kaz thiêz hur  jông. Zơưv Cầm Bun Lộc, Chủ tịch UBND xã Nậm Lầu puz pâuz: “Pêz tuôx đros côngv ntênhs hội mak gra HTX cà phê kaz Nậm Lầu têx xiv huv cà phê, tâu tsiv uô txix chiv chir uô, txix chos, tsiv uô ciz jov puôr lênhx zos pêz uô pêz hur si. Xã tsưr ziv zos tâu heik kriê txos nênhs nhiêv cà phê Sơn La thiêz tas nro têz qơưk  tâu hâuk têx têik cà phê kaz hur jông muôx nhoz Sơn La, Nậm Lầu”.

Tsik tiêk zos Arabica Sơn La, ntênhs hội tsênhv muôx cxuô zav cà phê txix ntâu thax tsav qơư sâuv tas nro têz qơưk hur si. Txix Đắk Nông, Tây Nguyên, zơưv Phạm Hưng, lênhx nênhs cxiv tsa công ty cà phê Hoàng Hiệp gra têx cà phê tsư ha cà phê robotta đros ntâu zav hax huv, têx tsưr ziv uô jông: “No zos jiês xuz thơưx cur doanh nghiệp đros côngv ntênhs hội Cà phê Sơn La. Pêz gra tuôx lok six ntâu xiv huv, tsi tiêk cà phê nôngz ciz, mak hur si têx xiv huv tsiv uô jông li:  cà phê jiêz kruôr, iz cxiê zav cà phê txơưr đuô. Thiêz Tây Nguyên iz zav iz zav nox kaz zos cà phê shơư sầu riêng, cux zos Tây Nguyên iz zav nox kaz, hur jông. No zos six hơưv chiê zuk sik côngv, pheiz kênh têx tsưr ziv jông mak zuk xar njôngr lok six ntêr lok”.

Tsi thôngx li têx tsoz chos cà phê thâuv ntêx, Công ty Cổ phần Trúc Lâm Trầm Tuệ, nhoz Hà Nội ho tuôx đros côngv ntênhs hội txix têx lênhx nênhs uô cà phê siêz xar tơưv têx tsưr ziv jông. Lơưr zơưv Hoàng Văn Hưởng, lênhx nênhs cxiv tsa công ty, cà phê trầm tâu chos hâur xuz  jôngr Dó bầu, tsi thôngx li lưv thax tsav qơư jôngr viv li uô muôx tâu xiv huv jông txơưr tsi thôngx li lưv zav: “Cà phê trầm tsi thôngx li lưv zav cà phê viv tâu chos thiêz hloz lox hâur xuz ntông Dó bầu, chênhr zos li heik co, thâuv txos cheix tơưs pax, txi txir txos trâu qơư hloz lox puôr lênhx jông tsi thôngx li lưv thax tsav, lưv zav hax huv cà phê. Pêz đros côngv ntênhs hội zos xar sik pheiz kênh, piêr kriê têx xiv huv kaz hur jông trâu chôngz lênhx ntâu tus pâuz txos. Lar heik cur xar tiêk, no zos iz kro jông txơưr tsi thôngx li luôs lưv thax tsav qơư, chiê côngv thôngx, chor nênhs nhiêv cà phê muôx têx pâuz jông txos”.

Tưz tsik zos muôx têx đêx cà phê kaz, ntâu xiv huv tâu muôz têx fuôk nôngz cà phê, chês ntông cà phê uô cux tâu piêr kriê, muôs ntơưv ntênhs ciêz. Pos Nguyễn Thị Hồng Minh, Tổng Giám đốc Công ty cà phê Minh Tiến, Sơn La hêik pâuz: “Txix têx txir siêr liêz jông txos trâu têr tơưr, pêz tưz huôv tsar uô yênhx têx xiv huv  jông li hnaz por  hưv tênhv qơư, lưx shơư ar txix 6-12 luz hli, têx xiv huv phưx vưv tu, txiêr yiz cà phê tâu tsiv uô txix chor tơưr cà phê. Cux xar njôngr, zuôr muôz tas nro têx fuôk cà phê, chês ntông cà phê huôv tsar uô tâu lưv zav jông phưx vưv luz nênhx xênhz huôx, cêr uô nox trâu doanh nghiệp thiêz tsôngv px, jux juk nthuôr đêz đar txos trâu cxuô thax tsav qơư cơưv shâuv, uô trơưk chiê muôx têx hax huv jông thiêz por hưv tênhx qơư, por hưv đas jos trâu cxuô lênhx sơưr đơưk”.

Têx xiv huv jông, têx jax pêv lok tsoz cà phê, đros trâu têx lênhx nênhs uô cà phê sâuv tas nro têz qơưk têx tsưr ziv xar tơưv, tưz uô tâu tex đêiv đuôz jông trâu Ntênhs hội cà phê Sơn La jiês tiv 2 shông 2026.

Tsưr tsix txix hnuz 9-13/10, Ntênhs hội muôx 210 doanh nghiệp, HTX hâur tas nro têz qơưk 240 qơư muôs hax huv. Đros trâu cà phê, ntâu xiv huv kôngz nuv jông nhoz Sơn La thiêz cxuô thax tsav qơư, têx xiv huv OCOP, hax huv jông hâur thax tsav qơư, zav nox kaz cux tuôx đros côngv ntênhs hội hur si, zos qơư chiê tsôngv kruô siz zâuv tuôx ndis seiz uô si, zuôr hax huv./.

Lê Hạnh-Riê Lâux cxeik, nhênhv