Lai Châu sir jos uô luôs hâux lưv tsar ndê shông 2026

HTX Phú Trường nhoz phường Tân Phong, tỉnh Lai Châu tênhv qơư uô lox tôngv tsiv uô têx luz hlik kaz shôngk shông tâu kriz uô zênhx max. Yênhx vaz grêix nhux kruôr, yuôx zêx, mắc ca … jux juk tâu uô tiêr, ntiv hâur hnaz chiê chox muk muôs. Niêv lâuk Lê Thị Thơm, Giám đốc HTX puz pâuz: Ntơưv no, hâux lưv chuôz tsar piz txix têx muôx li: zav nox tsuv truôx tuk, xiv huv tsuv tax tsơưr lươngv thiêz zov chênhr đuô zos tsuv nriêr tâu qơư muôs. Cxuô zav tsiv uô hêik co lok six zov chênhr chiê cuêz tênhv trâu zuk li xiv huv yênhx côngz. Txix co, uô tâu iz xiv huv li tsôngv kruô thiêz zuk siêz xar njôngr.

Ntơưv têx qơư tsiv uô, ntơưv têx xã, phường hâur tỉnh, tsưr ziv chuôz tsar cux tsênhv tâu "pheiz uô" yênhx têx hâux lưv tsênhv tsênhz. Hlôngr viv tsuôk njiê lok tỉnh li kror chuôz tsar chungz fênhx, yênhx thax tsav qơư tưz qênhz shuôk đuô pênhr jos, qơư huôv tsar thiêz pênhr xưv uô tâu tiêr  trơưk luôs hâux lưv tso tơưv, muôx phênhv sâu tâu nhiêx txiêx, txo grêk yêiz pluôs thiêz tsiv uô kôngz nuv, tu zus, zuôr muôs...Niêv lâuk Hoàng Thị Thanh, Phưv Chủ tịch UBND phường Tân Phong puz pâuz: Pêz tưz qênhz shuôk tsênhv tsênhz huôv tsar kinh tế, xã hội sâuv thax tsav, sâuv co xav tas nro ntu thiêz cxuô luôs hâux lưv nhiv no pêz xav tênhv tưz chuôz ndê tsơưs tiv zix zos 10%. Hâur co luôs hâux lưv sâu nhiêx txiêx, pêz xav tênhv zos shông 2026 zuôr chuôz ndê 10% pir li luôs hâux lưv tso tơưv. Luôs hâux lưv txo grêk yêiz pluôs, pêz cux xav tênhv co zos txos tas shông 2026, txo grêk yêiz pluôs hâur phường tsuôk yuôr 1.8%”

Ntơưv xã Tân Uyên, kror liv lok ar têz, uô kôngz nuv, zuôr muôs, tâu uô txuôk đros cxiv uô zaoz thôngz tsênhv ziv hnuz ziv tâu truôx jông. Zơưv Chu Văn Thanh, Chủ tịch UBND xã Tân Uyên heik pâuz: “Pêz cxiv tsa tsưr ziv uô tsar ndê 2 chiv, hâur co moz siêz uô têx têx luôs hâux lưv li chos jôngr, tu zus thiêz huôv tsar ntông nox txir. Tu zus pêz cxơưz cxiz huôv tsar tu zus tsơưs hâur chuôz ziv thiêz cxiv tsa têx qơư tu zus tsêx trung. Hâur thax tsav Tân Uyên, tsuv huôv tsar uô huv đros txix txox cêr muk chênhr Hà Nội - Lào Cai”

Hlôngr yiêz tsưr ziv tsiv uô cov yênhx hax huv hâur thax tsav jêx jos tox siêz Lai Châu. Têx tsoz chos muôx tsiv grê tâu njuôk reik đros tsiv uô, cxiv tsa côngz bê chiê muôs trâu ciêz đrôngl. Thâuv hax huv uô tâu muôx qơư sâu zuôr, tsiv grê uô tâu sâuv iz thax tsav chos, muôs tâu grê siêz. PosHoa x Zax, Phưv Chủ tịch Hôiv Nôngx mênhx tỉnh Lai Châu puz pâuz: Hôiv vênhv tôngv hôiv viên nôngx mênhx hlôngr yiêz txix tsiv uô tsơưs, yênhx hax huv. Xeir tsov tsoz chos, tsiêx tu zus tsiv grê muôs trâu ciêz đrôngl. Tsuv moz siêz txos tsoz chos yuôx zêx, tsoz chos txir hơưk, tsoz yuôx đrox njuôz, tsoz chos sâm Lai Châu thiêz têx hax huv OCOP txuôk đros qơư ndis uô jôngr ntông, thiêz huôv tsar truôx sđ têx vênhx huôv tsiv grê”.

Txix hâux lưv "uô tsơưs" zos đrêiv cxuô luôs hâux lưv tso tơưv uô hâur yênhx thax tsav qơư. Xav hâur 9 luz hli shông 2026, tỉnh Lai Châu kinh têr tưz tsar ndê 9.62%. Kôngz nuv, công nghiệp, zuôr muôs, ju lix tror paz muôx nzir đas jos trâu tỉnh tsiv gri uô công nghiệp tax 8.600 tiv đêiv ntâu.

Chiê tax tâu luôs hâux lưv tsar ndê hâur shông 2026, hâur têx luz hli kaz shông, Lai Châu tsênhv zuôr tsar thiêz đơưk kho têx phiv liv chiê muôz pênhr cxiv uô cov huv đros. Zơưv Vương Thế Mẫn, Giám đốc Sở Công Thương tỉnh Lai Châu hêik pâuz pâuz: “Chiê uô tâu truôx luôs hâux lưv tsar ndê, txix ciês hâur shôngk shông pêz tưz sik côngv đros cơ quan thôngz sâu hâur tỉnh thiêz sik côngv đros nganhx nhiêx txiêx hâur têx nganhx cik txos cov tsar ndê hur si shông. Têx công nghiệp, qơư zuôr muôs chiê qênhz shuôs têx muôx jông ntơưv qơư, tso tơưv têx tsưr ziv huôv tsar uô yiêz. Pêz cux sik côngv ntâuk grê cxuô luôs hâux lưv uô tâu hâur yênhxx ciêz, yênhx hli”

Hâur 3 luz hlik kaz shôngk shông zos ntu tror tsar ndê 9% ntâu txix 9 luz hlik hâur shôngk shông, Lai Châu tsênhv chêx chôngk đơưk kho têx phiv trâu doanh nghiệp, kriz đar thax tsav huôv tsar công nghiệp, kôngz nuv, qơư ndis uô si, sêiz shuôk têz qơưs./.

                                     Tsu cxêik nhênhv-Khắc Kiên

Tsưr ziv txo grêk tsơưs lok tê uô ruôr hiêv txos tsoz chos

Tsôngv fôngx zưs sơưr đơưk hmor yuô! Lok tê zos ntux no njiv uô têx pa đêx khor yênhx têx thôngx mê thiêz đơưz xưk li njêr ciês sâuv ar, sâuv  têx đrox tsuôs lok sik têx chuôz zênhx txơưr thâuv jêx tưv grêk kik. Ntux lok tê hâur chêix ntux no njiv. Thâuv hmo ntux no njiv, tsik muôx huôz tsâuk, tsi muôx chuô, têx huôz chuô txiêk, jêx tưv grêk kik uô trâu têx pa đêx muôx hâur têx huôz chuô khor yênhx têx poz jêz txiêk. Chiê txo grêk tsơưs tâu ntux no njiv, lok tê uô hiêv txos, pox nhuôs tsuv kriz uô iz cxiê tsưr ziv li đrav kaz:

1. Thêir vor hâur pâuk tsoz chos thiêz thax tsav chos

Sir zôngv têx kruôr blêx vor tsoz chos chiê thêir hâur pâuk thiêz sâuv ar qơư chos. Uô li no zuôr paz trâu ar tsik txiêk thiêz paz uô trâu chor ar nông đuô.

 2. Chos ntông cov muôx nzôngr nzông vor thiêz thêir chuô.

Chos ntông lox cov muôx nzôngr nzông cê paz tir thêir tsi chiê jêx tưv grês kis thâuv hmo ntux, đros co têx blôngx ntông cux paz tir thêir jêx tưv ndê siêz sei thâuv đruôz hnuz. Kror no zuôrr paz trâu jêx tưv hâur vax ntông tsik sik txơưr sêi thâuv đruôz hnuz thiêz hmo ntux, têx blôngx ntông zuôr tsik trâus yar ntux cuz ntâu.

3. Zưs đêx

Muôx 2 six hơưv tsuv zưs đêx:

Zưs đêx trâu zar tsâuk ntux paz muôx ntâu đêx hâur ar chiê paz tuôr tâu jông jêx tưv thiêz uô trâu chor pa đêx hâur ar paz trâu chor bông ar tsik txiêk thiêz no njiv sêi.

Zưs đêx thâuv têis cik sơưr nzor, uô ntêx thâuv zuôr muôx yar ntux, viv blôngx ntông muôx ntâu têx tsuv muôz đêx zưs, nzuôr cov chor tê co zax tax muk thiêx tsik uô hiêv txos chor blôngr thâuv yar ntux tuôx uô trâu chor tê co zax. 

 Đuô li, sơưr đơưk cux zuôr zôngv tâu têx pa tơưl cxơưz cov tê zax, muôz tax thêir vor...

Iz chas ntơư, thâuv tu têx tsoz chos tsuv trâu nzir qir tsiêx cxu thiêz Ka li zuôr paz trâu tsoz chos tir tar tâu ntux no jông đuô, trâu tsơưs têx qir đạm, viv qir đạm paz tsoz chos hloz lox sei taz sik ho tsik muôx jos jos tir thêir ntux no./.

Thanh Thủy-Lik Thox cxêik nhênhv