Ntênhs phêv Cà phê Sơn La 2026: Nênhs Sơn La shir phaz lus nriêr pâuz "food tour"

Têx qơư piêr muôs lok six ntâu hax huv, đros têx pa cà phê lok six tsư kaz côngv đros têx suôz luôs, suôz hu zâuv lok six lov jêv. Muôx têx lênhx tuôx nriêr pâuz têx zav cà phê kaz, muôx têx lênhx ho tuôx nox siv, hâuk siv têx xiv huv yiêz, muôx têx lênhx mak ho xeir zuôr têx zav nox kaz zuôr lok trâu chuôz zis.

Tsi taz muôx cà phê, tuôx ntênhs phêv tsông px tsênhv tâu nriêr pâuz têx xiv huv OCOP, hax huv kôngz nuv jông thiêz nto bê ntơưv ntâu thax tsav qơư. Iz qơư piêr muôs chox tuôx iz zav nox, iz jax pêv lok thax tsav qơư thiêz lênhx nênhs nhoz co. Pos Tòng Thị Long, nhoz jok Lầu, phường Tô Hiệu hêik: Muôx ntênhs ciêz, pêz pox nhuôs sik đros muk seiz. Muk tâu hâuk cà phê, zuôr tâu txir trám đuz lok nox đros mor blâuv, greix njêl cxiêz. 2-3 shông tov ntêx cur cux muk lơưv taz sik shông no cur pov muôx ntâu qơư piêr muôs đuô, muôx ntâu hax huv đuô.

Đros ntâu lênhx nênhs, kror jông tsi tiêk zos tâu seiz shuôk mak tsênhv tâu hâuk siv, nox siv chiê nriêr pâuz. Ntơưv têx qơư piêr muôs, tsôngv kruô muôx têx tâu hâuk siv cà phê tsik tas nhiêx txiêx, nriêr pâuz tsưr ziv uô, ndo njôngr thâuv hâuk siv zav cà phê Arabica Sơn La, đros co zos nriêr pâuz têx zav nox, đêx hâuk thiêz xiv huv nto bê txix ntâu thax tsav qơư.

Têx qơư piêr muôs jông cux yênhx qơư zaz zâuv chôngz hluôk nênhs tuôx ndis shuôk. Đros têx fôngx zưs, nênhs cxênhz jê muk, cê tâu hâuk, cê nox siv zav nox kaz, nriêr pâuz têx xiv huv ntơưv qơư, food tour ntơưv ntênhs phêv chox lok iz jiês nriêr pâuz yiêz jông, sưv jê. Niêv tix Lê Nga, nhoz phường Chiềng Sinh, tỉnh Sơn La puz pâuz: Pêz chor hluôk mak lok six nhiêv nox têx zav nox, thiêz ntơưv no mak muôx lok six ntâu zav nox kaz. Muk sêiz shuôk tas cxuô qơư piêr muôs hax huv mak cur pov lok six jông, tiv zix zos têx zav nox cxôngx nzor ntơưv thax tsav qơư lok six kaz, tiv iz zos cà phê. Lênhx tưs cux puôr lênhx tâu hâuk siv thiêz pov lok six nhiêv txos cà phê têx tỉnh Tây Bắc cux xưk li têx tỉnh faz Nam.

Ntênhs ciêz zaz zâuv tâu chôngz lênhx nênhs tuôx ndis seiz zos muôx ntâu zav hax huv tâu piêr muôs. Hâur Ntênhs phêv cà phê Sơn La jiês tiv 2 shông 2026, ntênhs ciêz piêr muôs muôx 240 qar, piêr muôs têx zav cà phê, siv huv OCOP, qir zuôv, cxuô zav meir kjôngz nuv, xiv huv kôngz nuv jông nhoz Sơn La đros ntâu xiv huv txix têx tỉnh thành hâur tas nro têz qơưk.

Tsi taz zos qơư muôv muôs, piêr kriê xiv huv, no tsênhv zos jiês chiê têx doanh nghiệp kriz đar niêv ciêz, chox xiv huv tiv phaz tuôx jê nênhs sir zôngv đuô. Pos Ngô Thị Việt, Giám đốc Công ty muôs tơưv Lý Sơn Farm, tỉnh Quảng Ngãi, chox tuôx Sơn La ntâu xiv huv jông li kix, shuôz njêl, suôz thax....No zos jiês tiv oz doanh nghiệp cxaz chuôz piêr pâuz xiv huv ntơưv tiv phaz. Pêz li qơư tsov txos zos tror tuôx no piêr kriê hax huv, cê chiê nênhs sir zôngv pâuz txos têx xiv huv kaz ho muôs tâu hax huv thiêz muôx tâu nhiêx txiêx. Viv li Lý Sơn thiêz tỉnh Quảng Ngãi li têx hax huv kaz tiv zix tưz tâu chox tuôx ntơưv no chiê piêr kriê tas thiêz tâu muôs ntơưv no. Jiês tov ntêx phênhv sâu tâu ntơưv no tâu 350 triệu đêiv, jiês no vav tiêk tâu li jiês tov ntêx mak lok six shir phaz lơưv.

Txix têx tsoz cà phê Arabica tsư kaz txos têx zav nox kaz, xiv huv kôngz nuv jông nhoz cxuô thax tsav qơư, iz qơư piêr muôs ziv cxaz nzir iz kro jông trâu hnuz hội. Tsôngv px muôx nzir six hơưv, hnuz nhôngs seiz shuôk, xeir zuôr xiv huv; doanh nghiệp muôx jiês tâu piêr kriê xiv huv, sik côngv niêv ciêz thiêz zok nriêr tsưr ziv huôv tsar muôv muôs./.

 Lê Hạnh-Txâur Vax cxeik, nhênhv

Taz por truôx tuk zav nox hâur tsêr cơưv ntơưr

Cui tênhv truôx tuk zav nox hâur tsêr cơưv ntơưr:

Phax tar trâus tưx zav nox: Têx cui tênhv taz por tiêk zav nox tâu tsiv uô thiêz por hưv trơưk tsưr ziv, txo grêk tsơưs trâus tưx zav nox tiv caz hmoz, caz moz, zôngr uz no lok sik têx tsơưr tưx.

Txar jav siz cik moz: Vêv xênhz jông paz phax tir thêir têx moz siz cik đhâu zav nox, por hưv shux xênhz đhâu têx zav moz li: trơưk plaz, moz siêz, thiêz moz plaz.

Muôz qơư cơưv ntơưr  truôx tuk thiêz hur jông.

Txo grêk tsơưs têx moz gênhs: Iz tênhx qơư vêv xênhz truôx tuk zav nox paz tsưx phưv truôx shux xênhz đas jos, phax txar tsuv so ntơưr tiv muôx moz gênhs, txix co tsi uô tuôr thênhv txos hâux lưv cơưv ntơưr. Sir jos thiêz moz siêz trâu cêr cơưv txux: Thâuv shux xênhz đas jos tâu tsưx phưv truôx, têx nhuôs muôx têx sir jos trâu cơưv ntơưr thiêz cxaz chuôz têx hâux lưv hâur tsêr cơưv tâu jông đuô.

Cuiz tênhv thiêz Têx tsưr ziv uô jâuz mor nox hâur tsêr cơưv ntơưr:

Cui tinhv qơư uô jâuz mor: Qơư uô jâuz mor nox tsuv tâu uô lơưr cui tinhv (txix qơư tso têx zav nox tsik tâu siêr, tsiv uô, uô jâuz mor, txos trâu qơư pheiz têx jâuz mor siêr) chiê txo grêk tsơưs têx caz moz, zôngr uz no tsơưk, lo jâuz mor.

Qênhz yuôx 3 ntu thiêz tsês chiê: Tsêr cơưv tsuv qênhz yuôx 3 ntu (qênhz yuôx têx jâuz nhôngk uô ntêx thâuv zuôr uô, qênhz yuôx zav nox uô ntêx thâuv nox, qênhz yuôx zav nox đhâu thâuv uô tâu siêr) thiêz tsês chiê zav nox hâur 24 six hơưv.

Qơư tsiv uô zav nox: Têx zav nox tsuv muôx chos luk, ntâuz ntơưr thiêz pâuz tsênhz qơư txix têx thax tsav muôz zav nox hur tâu cơ quan muôx vax huôv qênhz shuôs.

Tsêr cơưv thiêz Ban seiz car tsêr cơưv li txơưx jênhv:

- Seiz kaz qơư muôz têx zav nox: Heik tsênhz mênhx bê têx lênhx nênhs muôz zav nox, jâuz mor chiê shux xênhz niêv txir đros seiz car.

- Lênhx nênhs uô jâuz mor tsuv muôx ntơưr seiz njuôk shuôs đas jos cui tinhv thiêz ntơưr côngk nhav cơưv shâuv nzir txux chi tsưr ziv uô jâuz mor nox.

Hâux lưv seiz kaz, sik hux jos txix shux xênhz niêv txir thiêz cơ quan seiz car.

- Shux xênhz niêv txir: muôx vax huôv hêik pâuz, seiz kaz thiêz heik thâuv pov shux xênhz pluôk nox muôx têx txơưr txar tsi jông, zôngx ziv tsi hur. 

- Cơ quan y tế ntơưv qơư, phongx zoz zux: Qênhz yuôx tsik so lok sik trơưk cui tinhv têx tsêr cơưv hâur thax tsav. Hêik kriê, hêik cov kho đuô têx tsik tâu huv đros ntơưv qơư uô jâuz mor nox.

Chiê qơư uô jâuz mor nox niêv txir zus mor thiêz têx pluôk nox hâur tsêr cơưv thâuv tưs cux truôx tuk, trơưk chêi têz qơưk, cxuô luz tsêr cơưv tsi tiêk tsuv uô trơưk cui tinhv mak tsênhv qênhz yuôx, seiz kaz tsik so thiêz đơưk uô tâu zênhx max têx tsi jông yưv siv cik txos trâus tưx lok sik uô cxâuv cui tinhv truôx tuk zav nox/.

Hồng Việt-Riê Lâux cxeik, nhênhv