Ntênhs phêv Cà phê Sơn La 2026: Nênhs Sơn La shir phaz lus nriêr pâuz "food tour"

Têx qơư piêr muôs lok six ntâu hax huv, đros têx pa cà phê lok six tsư kaz côngv đros têx suôz luôs, suôz hu zâuv lok six lov jêv. Muôx têx lênhx tuôx nriêr pâuz têx zav cà phê kaz, muôx têx lênhx ho tuôx nox siv, hâuk siv têx xiv huv yiêz, muôx têx lênhx mak ho xeir zuôr têx zav nox kaz zuôr lok trâu chuôz zis.

Tsi taz muôx cà phê, tuôx ntênhs phêv tsông px tsênhv tâu nriêr pâuz têx xiv huv OCOP, hax huv kôngz nuv jông thiêz nto bê ntơưv ntâu thax tsav qơư. Iz qơư piêr muôs chox tuôx iz zav nox, iz jax pêv lok thax tsav qơư thiêz lênhx nênhs nhoz co. Pos Tòng Thị Long, nhoz jok Lầu, phường Tô Hiệu hêik: Muôx ntênhs ciêz, pêz pox nhuôs sik đros muk seiz. Muk tâu hâuk cà phê, zuôr tâu txir trám đuz lok nox đros mor blâuv, greix njêl cxiêz. 2-3 shông tov ntêx cur cux muk lơưv taz sik shông no cur pov muôx ntâu qơư piêr muôs đuô, muôx ntâu hax huv đuô.

Đros ntâu lênhx nênhs, kror jông tsi tiêk zos tâu seiz shuôk mak tsênhv tâu hâuk siv, nox siv chiê nriêr pâuz. Ntơưv têx qơư piêr muôs, tsôngv kruô muôx têx tâu hâuk siv cà phê tsik tas nhiêx txiêx, nriêr pâuz tsưr ziv uô, ndo njôngr thâuv hâuk siv zav cà phê Arabica Sơn La, đros co zos nriêr pâuz têx zav nox, đêx hâuk thiêz xiv huv nto bê txix ntâu thax tsav qơư.

Têx qơư piêr muôs jông cux yênhx qơư zaz zâuv chôngz hluôk nênhs tuôx ndis shuôk. Đros têx fôngx zưs, nênhs cxênhz jê muk, cê tâu hâuk, cê nox siv zav nox kaz, nriêr pâuz têx xiv huv ntơưv qơư, food tour ntơưv ntênhs phêv chox lok iz jiês nriêr pâuz yiêz jông, sưv jê. Niêv tix Lê Nga, nhoz phường Chiềng Sinh, tỉnh Sơn La puz pâuz: Pêz chor hluôk mak lok six nhiêv nox têx zav nox, thiêz ntơưv no mak muôx lok six ntâu zav nox kaz. Muk sêiz shuôk tas cxuô qơư piêr muôs hax huv mak cur pov lok six jông, tiv zix zos têx zav nox cxôngx nzor ntơưv thax tsav qơư lok six kaz, tiv iz zos cà phê. Lênhx tưs cux puôr lênhx tâu hâuk siv thiêz pov lok six nhiêv txos cà phê têx tỉnh Tây Bắc cux xưk li têx tỉnh faz Nam.

Ntênhs ciêz zaz zâuv tâu chôngz lênhx nênhs tuôx ndis seiz zos muôx ntâu zav hax huv tâu piêr muôs. Hâur Ntênhs phêv cà phê Sơn La jiês tiv 2 shông 2026, ntênhs ciêz piêr muôs muôx 240 qar, piêr muôs têx zav cà phê, siv huv OCOP, qir zuôv, cxuô zav meir kjôngz nuv, xiv huv kôngz nuv jông nhoz Sơn La đros ntâu xiv huv txix têx tỉnh thành hâur tas nro têz qơưk.

Tsi taz zos qơư muôv muôs, piêr kriê xiv huv, no tsênhv zos jiês chiê têx doanh nghiệp kriz đar niêv ciêz, chox xiv huv tiv phaz tuôx jê nênhs sir zôngv đuô. Pos Ngô Thị Việt, Giám đốc Công ty muôs tơưv Lý Sơn Farm, tỉnh Quảng Ngãi, chox tuôx Sơn La ntâu xiv huv jông li kix, shuôz njêl, suôz thax....No zos jiês tiv oz doanh nghiệp cxaz chuôz piêr pâuz xiv huv ntơưv tiv phaz. Pêz li qơư tsov txos zos tror tuôx no piêr kriê hax huv, cê chiê nênhs sir zôngv pâuz txos têx xiv huv kaz ho muôs tâu hax huv thiêz muôx tâu nhiêx txiêx. Viv li Lý Sơn thiêz tỉnh Quảng Ngãi li têx hax huv kaz tiv zix tưz tâu chox tuôx ntơưv no chiê piêr kriê tas thiêz tâu muôs ntơưv no. Jiês tov ntêx phênhv sâu tâu ntơưv no tâu 350 triệu đêiv, jiês no vav tiêk tâu li jiês tov ntêx mak lok six shir phaz lơưv.

Txix têx tsoz cà phê Arabica tsư kaz txos têx zav nox kaz, xiv huv kôngz nuv jông nhoz cxuô thax tsav qơư, iz qơư piêr muôs ziv cxaz nzir iz kro jông trâu hnuz hội. Tsôngv px muôx nzir six hơưv, hnuz nhôngs seiz shuôk, xeir zuôr xiv huv; doanh nghiệp muôx jiês tâu piêr kriê xiv huv, sik côngv niêv ciêz thiêz zok nriêr tsưr ziv huôv tsar muôv muôs./.

 Lê Hạnh-Txâur Vax cxeik, nhênhv

Tây Bắc cxơưz cxiz chor nênhs muôx suôz bê đros cxiv tsa jêx jok yiêz

Tsôngv pox nhuôs sơưr đơưk hmor yuô! Cxuô thax tsav qơư Tây Bắc nhiv no tưz côngz jênhv xar muôx 23.000 lênx nênhs muôx suôz bê, txir ndâux txir luk. Hâur têx shông đhâu, chor nênhs muôx suôz bê (Lâul jok, tsar jok, nênhs lâul, txir ndâux txir luk hâur chuôz xênhv) zos chor nênhs paz txuôk jông txix Đảng, chinhr quyền đros tsôngv box cxuô mênhx cxưx tsơưs nênhs ntơưv thax tsav Tây Bắc hâur cxiv tsa jêx jok yiêz, gôngr phênhv muôx tâu đas jos lox paz trâu chor xar tox siêz hlôngr yiêz lok kinh têr-xar hôiv.

Chor nênhs muôx suôz bê, txir ndâux txir luk ntơưv Tây Bắc li têx hâux lưv uô zov chênhr

Yax kriê thiêz hêik sơưr đơưk: Zos chor nênhs paz kriê Đảng, têz qơưk têx cêr chêi txos trâu pêx xênhv pâuz txix luk hêik thiêz têx phongx cxưx ntơưv thax tsav qơư.

Huôv tsar kinh têr-xar hôiv: Hêik tsôngv box hlôngr yiêz đuô tsoz chos, tsiêx tu zus, sir zôngv khoa học kỹ thuật, huôv tsar kinh têr trôngz jôngr thiêz txo grêk yêiz pluôs truôx đrênhk.

Muôz ar uô cêr cxuô zav: Zos chor nênhs uô ntêx hlo, hêik pox nhuôs muôz ar, côngv hnuz côngz chiê kriz uô cêr muk lok hâur jêx jok, cxiv tsa tsêr vênhx huôv thiêz têx côngz trinhx txơưr.

Tso tsês têx phongx cxưx pôngz kaz thiêz cxiv tsa luz nênhx yiêz: Hêik pêx xênhv tso tsês têx phongx cxưx pôngz kaz hâur nox yôngz cok, uô đaz uô kruô, ntênhk hôiv; cxiv tsa luz nênhx vav mênhx thiêz uô jông vêv xênhz tênhv qơư.

Tuôr tsês têx vênhx huôv jông: Tuôr tsês, kriê têx tsiv gri vênhx huôv vật thể, phi vật thể, luk hêik, ntơưr sâu, tsôngk yo thiêz ntênhk hôiv jông cxuô mênhx cxưx cxôngx nzor.

Tuôr jông truôx tuk: Đros đơưk tu têx hâux lưv tsik huv đros muôx yưv hâur côngv thôngx, phax tar txiêz nanv xar hôiv thiêz uô jông sik côngv siêz tas nro pêx xênhv, tuôr jông sik côngv siêz, truôx tuk nhoz thax tsav ntus đriv.

Tsưr ziv uô cov chor nênhs muôx suôz bê paz đros uô hâux lưv cxiv tsa jêx jok yiêz:

Chiê cxơưz cxiz tâu chor nênhs muôx suôz bê đros uô jông cxiv tsa jêx jok yiêz nhoz thax tsav Tây Bắc, têx tỉnh tsuv kriz uô cxix cxuô têx tsưr ziv li đrav kaz:

Kriz uô cxix cxuô thiêz ndar six hơưv têx tsênhv chêi paz: Sir jos uô jông têx chế độ, tsênhv chêi paz lok cxuô zav, hêik pâuz xor mông thiêz uô jông qênhx liv huv đros trâu chor nênhs muôx suôz bê trơưk têz qơưk cui tênhv.

Chuôz cxaz kriê nzir têx txux chi, tsưr ziv uô: Sir jos kriê nzir têx txux chi, tsưr ziv yax kriê, hêik pâuz, sir zôngv công nghệ thiêz nriêr pâuz têx txux chi, tsưr ziv yiêz trâu nênhs muôx suôz bê cov lơưr pâuz tâu txos têx chủ trương, cêr chêi lok cxiv tsa jêx jok yiêz.

Hlôngr yiêz têx hâux lưv uô: Paz hlôngr yiêz cov chor nênhs muôx suôz bê tâu đros cơưv sêiz lax ciês, tso tơưv têx chêi hâur jêx jok, côngz xưv đơưk tu chor txuz hâux lưv ntơưv qơư thiêz sêiz kaz côngv thôngx.

Uô truôx jông hâux lưv kruôk: Tsik so kruôk cov ndar six hơưv trâu chor nênhs muôx suôz bê uô tâu hâux lưv jông, uô ntêx hlo hâur muôz ar uô cêr, huôv tsar kinh têr, tuôr tsês têx vênhx huôv mênhx cxưx jông.

Sik côngv đros cấp ủy, chinhr quyền, chor nênhs muôx suôz bê: Kriz uô tsưr ziv sik côngv tsik so nhoz cxiv luôs chinhr triv ntơưv qơư (xar, jêx jok) thiêz nênhs muôx suôz bê, sêiz no zos kror zov chênhr hâur yax kriê, hêik tsôngv box.

Tsênhv chêi paz: Uô jông têx tsênhv chêi paz, hêik pâuz xor mông cov ndar six hơưv, kriê têx txux chi thiêz khơưk kruôk ndar six hơưv trâu chor nênhs muôx suôz bê.

Uô truôx cấp ủy, chinhr quyền hâux lưv tso tơưv: Tsik so mnôngs jông, sêiz tsiv gri thiêz uô jông chor lâul jok, tsar jok li kror zov chênhr hâur têx cêr chêi ntơưv thax tsav qơư./.

Bích Thủy-Lik Thox cxêik nhênhv