Muôs cà phê Sơn La trâu têx têz qơưk sâuv ntiêx têz

Zos thax tsav chos cà phê Arabica ntâu tiv zix têz qơưk thiêz chor cà phê muôx suôz bê “Cà phê Sơn La” tưz tâu muôs trâu ntâu têz qơưk li EU, Hoa Kỳ, Canada, Trung Quốc. Tsav xar muôx 50% tas nro tỉnh li tsiv gri muôs tơưv saz đrâuv têz qơưk tâu muôx 112 triệu ntâu USD, cà phê Arabica Sơn La tsênhv muôx ntâu kror liv chiê huôv tsar cov muôx tâu têx tsiv gri siêz thiêz jông đuô.

Txix chor nênhs zuôr tâu têx hax huv hur jông thiêz kỹ thuật ziv hnuz ziv truôx ntov, tỉnh Sơn La tưz tso tơưv têx tsưr ziv kriz uô: Txos shông 2030, tas nro tỉnh sir jos cov phênhv sâu muôs cà phê trâu oz chas têz qơưk tâu muôx 186 triệu USD, thax tsav chos tâu truôx jông thiêz muôx mã sôr qơư chos ndê muôx 80% ntâu... paz têx hax huv cà phê Sơn La muôs tâu trâu ntâu têz qơưs sâuv ntiêx têz.

Zơưv Nguyễn Thành Công, Phưv Chủ tịch Ủy ban tỉnh Sơn La hêik mênhx, Sơn La tưz xav jênhv tsênhz mênhx: xar muôs tâu sâuv ntiêx têz, xar muôs tâu muk trâu têx têz qơưk muôx chêi ntov... mak chor hax huv cà phê tsuv muôx tâu tsơưr lươngv jông tiv zix: “Viv li, pêz tsênhv xêir tsov tsưr ziv trâu chor cà phê Arabica Sơn La zos tsuv muôx têx hax huv kaz jông nhoz cxuô thax tsav, cxiv tsa thax tsav chos trâu cà phê thiêz uô chor cà phê muôx tsiv gri kinh têr siêz đuô. Pêz tsênhv sir jos uô chor cà phêz kaz jông, đhâu uô mak tsuv muôx tâu têx hax huv jông đuô... Đhâu co paz trâu têx doanh nghiệp, tsưr tsix muôs cà phê trâu luôs oz chas tez qơưk, zôngv ziv hâur xêir tsov têx qơư muôs...”

Jiês cơưv txuôk đros zuôr muôs hax huv cà phê Sơn La tâu tsưr tsix jông, muôx sêiz lax, phêiz kênh chênhz zênhv, hêik pâuz qơư muôs, têx kror liv thiêz phiv liv trâu Sơn La, txix hlôngr njêx muôs Tsênhv qơư hêik pâuz hax huv Việt Nam ntơưv New York; Chor Thương vụ Việt Nam ntơưv Anh, Thổ Nhĩ Kỳ, Singapore; têx hiệp hôiv, doanh nghiệp cà phê ntơưv Trung Quốc, Hàn Quốc...

Zơưv Lee Ho Sang, Phưv Chủ tịch Hiệp hôiv cà phê Hàn Quốc hêik pâuz: Nhiv no, chor cà phê kaz jông tâu Hàn Quốc cux li ntâu luz têz qơưk sâuv ntiêx têz lok six nhiêv, muôx têx zav cà phê gri muôs lok six siêz; Sơn La chor cà phê Arabica cux zuôr muôx tâu tsiv gri siêz li ntơưr zos tsơưr lươngv jông đuô thiêz tâu muôs muk trâu têx têz qơưk no: “Sơn La tsuv tsưr tsix ntâu jiês cơưv sik thav, siz txuôk zuôr muôs, cxaz chuôz chor jiês thik ntiêx têz chiê paz trâu chor cà phê Arabica Sơn La. Tiv zix têx hax huv xar muôs tâu trâu têx têz qơưk sâuv ntiêx têz, hâur co muôx Hàn Quốc, tsuv piêr pâuz ntâu đuô, cxaz chuôz trâu hnuz hôiv zuôs muôs cà phê Hàn Quốc... Tsênhv tsênhz txos hnuz no thâuv cxaz chuôz jiês cơưv no cur thiêx pâuz txos Sơn La chor cà phê Arabica, hok uô ntêx mak tsik tâu hnor txos hlo... Cur cux vav tiêk tỉnh thiêz tex hiệp hôiv zuôr sir jos piêr pâuz, siz txuôk chiê Cà phê Sơn La tâu muôs ntâu đuô trâu sâuv ntiêx têz”.

Đros sêiz car jiês cơưv, zơưv Vũ Bá Phú, Cục trưởng Cục Cxơưz cxiz zuôr muôs, Bôv Công thương hêik mênhx: Sơn La tsuv tsêx trung uô 5 tsưr ziv lox, zos cxiv tsa tsưr ziv cxơưz cxiz trơưk hax huv, nriêr pâuz lok chor nênhs zuôr, sir jos uô jông muôs tơưv saz đrâuv têz qơưk, đros yax mông sôr, thiêz sik côngv truôx jông txix uô txos sâu zuôr muôs... “Cục Cxơưz cxiz zuôr muôs zuôr tror đros đrêiv Sơn La hâur hêik pâuz têx xor mông, nriêr qơư sâu zuôr, siz txuôk zuôr muôs thiêz nhênhz chơưv têx tsưr ziv cxơưz cxiz zuôr muôs huv đros... đhâu co paz trâu doanh nghiệp, ntơưv qơư huôv tsar tâu têx ciêz đrôngs. Cà phê Sơn La zuôr tror tâu muôs truôx jông hâur têz qơưk thiêz sâuv ntiêx têz, jux juk huôv tsar tâu lơưr saz truôx jông”.

Jiês no, muôx hâu nov tỉnh thiêz têx bôv, nganhx, thax tsav qơư, hlôngr njêx muôs têx doanh nghiệp đros sêiz pov, HTX tỉnh Sơn La tưz đros chor tos sik côngv, zuôr muôs tơưv saz đrâuv têz qơưk cir ntâu ntâuz ntơưr sik côngv sâu zuôr muôs, paz muôx tâu iz kror huôv tsar yiêz trâu Sơn La chor cà phê Arabica cov tâu muôs jông đuô txos trâu têx têz qơưk sâuv ntiêx têz./.

Lê Hạnh-Lik Thox cxêik nhênhv

Gra suôz gâux siêz jông txos trâu nênhs moz

Tsaz yênhx "Gra suôz gâux tuôx txos tsêr kho moz" tâu tsưr tsix đros thôngz yax krêz đar uô têx luôk hâux lưv siêz jông, muôx chor ca sĩ Thái Thùy Linh, Lê Ngọc Phương Anh, Quốc Anh đros chor nghệ sĩ txơưr sik đros cxaz chuôz. Tiv zix, tsaz yênhx tsênhv muôx Câu lạc bộ BeViMoCha cxaz chuôz, paz muôx tênhv qơư siz chuôs njiz, sor siêz hâur nghệ sĩ, nênhs moz, nênhs moz li nênhs cxênhz jê thiêz lênhx nênhs y tế.

Tsi muôx tênhv tênhz tơưk pov cêr jông, tsi muôx cêr kuôk cêv hâur nênhs nthuôr uô cêr lov jêv thiêz nênhs mnôngs, chor nghệ sĩ gra têx suôz gâux tuôx jê đuô txos chor nênhs tsênhv niêx hnuz kho moz gênhs ntơưv tsêr kho moz. Đros lơưr, iz jax gâux tsi tiêk zos iz kror cêr lov jêv mak tsênhv zos iz lo luk tôngv vênhx, zos cêr sik pheiz kênh tsês trâu têx lênhx nênhs zuôr trâus tâu chuôz cxaz đas jos. Ca sĩ Thái Thùy Linh puz pâuz: Pêz xar chox cêr lov jêv tuôx trâu tsêr kho moz tôngv vênhx têx nênhs moz hnuz no. Txơưv tiêk tsi zos thâuv tưs pêz cux muôx six hơưv chiê tsưr tsix tâu têx tsaz yênhx li no. Taz sik, 200 ntâu tsaz yênhx li no tưz tâu tsưr tsix sâuv tas nro têx tsêr kho moz nhoz sâuv tas nro têz qơưk. Thiêz no tsi zos iz lênhx nênhs tưs li côngz đas jos mak zos yênhx cxênhz nghệ sĩ tưz sik đros cxaz chuôz tsaz yênhx no.

Iz hâur têx kror jông siêz tiv zix hâur tsaz yênhx zos thâuv chor nghệ sĩ tuôx txos ciês yênhx qar trâu nênhs moz hâur tsêr kho moz, heik gâux trâu têx nênhs lâuk tsênhv chơưv kho moz ntơưv no mnôngs. Hâur qơư kho moz tsuôk muôx suôz trax saxophone, suôz guitar côngv đros thiêz nghệ sĩ li suôz gâux. Chor lâuk cux sik đros heik gâux đros chor nghệ sỹ. Têx co tưz txâuk chiê chor nênhs moz muôx njêx muôs ntơưv no pov tsênhz têx kror jông thâuv mnôngs gâux, cưr lok...

Tror lok ntơưv sân khấu nhoz qar puôv hâur tsêr kho moz, khôngz qiv ziv lov jêv đuô. Suôz gâux, suôz trax đros trâu têx suôz buôx tês tưz cxuôz tsês phênhv tưs têx cêr cxơưx lok moz gênhs, tsi jông nhoz ntơưv no. Đros nênhs moz thiêz nênhs cxênhz jê, cêr shir phaz thâuv tưs cux piz txix têx kror lok six mê: tâu mnôngs iz jax gâux zuk nhiêv, tâu thav pêv, tâu đros uô si lov jêv thiêz pov tâu tiêk zuk thâuv tưs cux muôx chôngz lênhx nênhs tsov cưv txos. Niêv lâuk Trần Thị Lan, muôx mê nhuôv tsênhv kho moz ntơưv tsêr kho moz no, puz pâuz: Cur pov tsaz yênhx lok six lov jêv, muôx ziz njiêz. No chênhr zos đas jos chiê nênhs moz shir phaz đuô, jông siêz chiê tror nhoz kho moz.

Tsi taz nthuôr uô cêr lov jêv, tsaz yênhx tsênhv ndar txos têx hâux lưv siêz jông txix têx phênhv huv tsênhv tsênhz. Ntâu phênhv huv zos Công ty Năng lượng jông thiêz Cuiv siêz jông muôz puz tưz tâu xa txos nênhs moz muôx luz nênhx txov nhêv thiêz chor nhuôs zâu tsênhv kho moz ntơưv tsêr kho moz.

Tiv zix, thôngz đhâu thôngz ntơưr siêz jông thiêz mã QR ntơưv tsaz yênhx, chor nhiêx zuôr xar 10 triệu đêiv tưz tâu gôngr côngv, muôz trâu Cuiv nhiêx paz trâu nênhs moz pluôs ntơưv tsêr kho moz chiê paz trâu chor nênhs moz muôx luz nênhx txov nhêv. Iz kror gôngr côngv, txơưv lox lok sik zâu, puôr lênhx paz chuôz cxaz siêz njênhs njôngr, paz nênhs moz txo grêk tsơưs têx phiv liv hâur ntu kho moz.

Suôz gâux hlôngr tsi tâu trâu yuôx kho moz lok sik paz cxuôv por tsês têx moz gênhk, taz sik zuôr paz cxơưz cxiz siêz njênhs thiêz cxơưz cxiz đas jos, tôngv vênhx nênhs moz. Txix têx suôz gâux txos têx phênhv huv tâu khơưk muôz txos ciês ntơưv qơư, tsaz yênhx "Gra suôz gâux tuôx txos tsêr kho moz" tưz chox lok trâu Tsêr kho moz Đa khoa thax tsav Mộc Châu iz tsaz yênhx lok six jông. Viv kror nênhs moz zuôr trâus tsi taz zos tâu tsoz phưz lok y tế, mak tsênhv zos iz lo luk tôngv vênhx, siêz sik pheiz kênh thiêz cêr hluz. Thiêz hâur tsêr kho moz hnuz co, têx suôz gâux tưz paz gra têx cêr shir phaz, chuôz cxaz siêz sir jos, njênhs njôngr hâur luz nênhx trâu têx lênhx nênhs moz nhoz ntơưv no ./.

Thanh Thủy- Txâur Vax cxeik, nhênhv