Pêz Hmôngz Bắc Hà  suôz trax – Txix di sản tox siêz txos cêr sik côngv siêz, phuôx huiz

Kaz ciêz tưs, ntơưv qar qơư Dinh thự Hoàng A Tưởng muôx chôngz tsôngv kruô tuôx ndis seiz tsưr ziv uô tsêr cxôngx nzor, têx suôz trax Hmôngz đror lok six jông mnôngs. Niêv lâuk Ngô Minh Anh – iz lênhx kruô tuôx txix Hà Nội puz pâuz. Thâuv ntêx zuk tsuôk mnôngs đhâu têx tsaz yênhx vênhx ziv xưz. Hok zos chiê seiz thiêz mnôngs tsênhv tsênhz mak no zos jiês xuz thơưx. Hâur iz thax tsav qơư nhoz li Bắc Hà no mak mnôngs suôz trax Hmôngz pov lok six jông thiêz huv zuk siêz.

Lênhx nênhs tuôr tsês têx qơư uô si lov jêv co zos tix lâus Thox A Lìn – Chủ nhiệm Câu lạc bộ Trax Mông Bắc Hà. Tâu xênhz zus sâuv tox siêz, thâuv nhiv kruôr muôx 12 shông hnuz nhôngs tix lâus tưz lok six nhiêv txos pêz Hmôngz li têx suôz trax thâuv tâu mnôngs zơưv teik yuôz. Tix lâuk cuiz tênhv shâuv thiêz tuôr tsês trax Hmôngz tâu tso tơưv thâuv tix lâuk njiz "lênhx nênhs txơưx trax Hmôngz" - Nghệ sĩ Nhân dân Lương Kim Vĩnh. Cưk kriê kriê trâu cur txix têx tsưr ziv zôngx ziv tiv zix. Thiêz tiv zix cur pov tâu cưk kriê Lương Kim Vĩnh co zos iz lênhx cưk kriê tsês zuk iz tiêv nênhx tuôr tsês trax Hmôngz. Kror co paz cxươz cxiz lok six ntâu trâu cur thiêz trâu têx lênhx nênhs cơưv shâuv.

Tror lok zuk kuz têz qơưk uô côngz xưv hâur nganhx vênhx huôv, tix lâuk Thox A Lìn tưz xeir iz hâux lưv uô yiêz co zos: gra trax muk muôs thiêz nthuôr uô cêr lov jêv ntơưv ciêz vênhx huôv Bắc Hà – trâur nuv txix thâuv ntêx txos nhiv no tsi tâu muôx nhoz ntơưv tiv phaz.  Cur thâuv kriz qơư muôs trax mak cux nus têx lênhx lâuk nênhs, têx fôngx zưs, lênhx tưs cux puôr lênhx heik tiêk tsi jông uô. Cur nus txos lênhx nênhs tiv pêz cux heik li ntơưv mak cur tsik nus lơưv thiêz, cur tsuôk chiv chir uô cur xưz”.

Têx sir jos co tưz muôx chêx cuk jông thâuv Câu lạc bộ Trax Mông Bắc Hà tâu yênhx lix lok hnuz 16 hli 10 shông 2019. Tsi tiêk zos qơư muôx cxuô lênhx canr bôv vênhx huôv, câu lạc bộ tsênhv zos qơư chiê têx lênhx nênhs jông li tix lâus Zax Seo Lú, nhoz jok Sân Bay tâu kriê thiêz yuôz trax trâu chor mê nhuôk: Cur li hâux lưv zos kriê trâu têx mê nhuôk zâu. Kror cur nhiêv tiv zix thâuv yuôz trax Hmôngz zos têx thâuv zuk muôx cêr kho siêz, zuk yuôz tâu têx jax lok six jông mak pov lok six huv siêz.

Pâuz tsênhz tiêk di sản tsuôk uô tâu tuôr tsês thâuv tâu choz kriê, txix shông 2019 txos nhiv no, câu lạc bộ tưz kriz têx lớp kriê trax tsik zuôr nhiêx txiêx trâu 20 ntâu lênhx nhuôs zâu. Tiv zix hâur co zos lênhx nhuôs Thào Anh Nhã Vi, 11 shông.

Băng: Hnuz tưs cur cux sơưr nzor chiê shâuv cov pa ntêr đuô. Muôx têx thâuv cux pov lax shâuv tâu, taz sik cur ho xar tiêk zuk tsuv sir jos hla đhâu. Tsêz no cur tưr Thik nriêr pâuz lênhx nênhs txơưx njê tỉnh Lào Cai thiêz tax tâu giải iz. Cur li siêz xar njôngr zos tov kaz no zos yênhx iz lênhx nghệ nhân yuôz trax jông.

Trax Hmôngz tsênhv krêz tơưv qơư piêr kriê nghệ thuật chuyên nghiệp trâu cxênhx hluôk nênhs, tiv zix li niêv tix Vax Xênhv Thox – lênhx nênhs tưz muôx jiês tâu giải iz jiês thik heik gâux tỉnh Lào Cai. Cur shâuv pêz Hmôngz têx suôz trax txix thâuv tsênhv zâu. Cur pôngz ntêr tiv zix zos 3 ciêz thâuv nhiv kruôr shâuv yuôz. Phiv liv tiv zix nhoz tsưr ziv yuôz suôz trax cov ntor jông. Zuôr txos no cur zuôr thik muk cơưv Tsêr cơưv Đại học Vênhx huôv Nghệ thuật Quân đội chiê tror cơưv shâuv, yênhx lênhx cưk kriê kriê trax trâu têx hluôk nênhs nhiêv suôz trax.

Txix têx lênhx nênhs uô ntêx nyuôk kriê trax Hmôngz Thào A Lìn, txos trâu cxênhx hluôk nênhs li siêz nhiêv trax Hmôngz li Thu Giang, Nhã Vi, suôz trax Hmôngz Bắc Hà zuôr tâu tuôr tsês đros vênhx huôv mênhx cxưx. Thâuv di sản tâu tuôr tsês, choz kriê thiêz reik đros hâux lưv uô ju lix, suôz trax ntơư zuôr tâu tuôr tsês jông nhoz thax tsav tox siêz Bắc Hà hâur ntu sik côngv thiêz huôv tsar./.

An Kiên- VOV Tây Bắc

Hêir nênhs poz ziz ntênhk hội hâuk chơưr nzuôs cxur mok ciz blêx yiêz

Hâur đruôz đraz đras blêx liêx Huổi Én, tsôngv px hêir nênhs poz ziz tưz hnar zuk hêir nênhs têx tsôngk tiêz, tsôngk yo cxôngx nzor lov jêv lul hâur hnuz hội. Ntơư zos tuôr cxur mok ciz, iz cxiê lênhx bax cxuô zav kriz uô cêr lov jêv; hur si têx mê nhuôv zâuv txos chor lâuk tuôx cxix cxuô trâu ntơưv đruôz đraz jêk liêx. Trơưk li hêir nênhs poz ziz đơưz ntơưv no chax chêk,hâuk chơưr nzuôs cxur mok ciz blêx yiêz, chênhr zos đhâu hâur têx hnuz khưr uô kôngz lôngk thiêz zos hnuz hội ndo txiêx njiz txos pox côngz, zơưv côngz, thor cov muôx ntux yar, ntux nas paz sđ têx kôngz lôngk, sâu tâu ntâu kôngz, jêx jos muôx luz nênhx tsâu sor. Zơưv Nông Văn Nảo, nhoz xã Phong Thổ shir phaz lul hêik pâuz: “Hêir nênhs poz ziz xav tiêk,  hur si cxuô zav muôx oz phênhv, phênhv txir côngv thiêz phênhv kriz uô cêr lov jêv, pêz tsuôk zos muk trâu hâur jêk liêx co chiê hu plis kôngz plis lông tror lok trâu cxaz juk chiê txir côngv”

Iz hâur têx suôz trax, suôz kênhx đror lov jêv lul hâur hnuz hội đros trâu têx suôz tuôr blêx mok ciz. Đhâu tuôr, têx cxur blâuv mok hâur chêix blêx yiêz siêr tưz tsư ha lul đros trâu têx suôz luôs shir phaz lul.

Txix têx blêx hâur cxuô jêk liêx, tâu tuôr uô cxur mok, chênhr zos tsôngv px têx đas jos, tsưr ziv khưr uô tâu huv đros luz nênhx hâur côngv thôngx. Pos Thùng Thị Phín, nhoz jos Huổi Én, xã Phong Thổ hêik pâuz: Blêx mok yiêz, pêz tsuôk xêir chor blêx tsênhv tsênhv tsik tâu lâukthiêz cux tsik xêir chor blêx tsênhv uô cuô mik. Tsuv xêir chor siêr tov thơưx.Đhâu xêir tâu chor blêx cxur mok co, tsuv chox lok ciz cov gis, tuôr, chiê muôz chor cxur mok co tror ciz cov siêr. Xã kriz hộihâuk chơưr nzuôs cxur mok ciz blêx yiêz, tsôngv px sđ, txơưv lênhx tưs cux shir phaz lul”

Đhâu phênhv txi côngv, zos txos phênhv kriz uô cêr lov jêv li: Por poz, jơưk blêx, pok kror muôs cxok zok…cxơưz cxiz tâu chôngz lênhx px hâur thax tsav tuôx đros sêiz đros côngv. Ntơư cux chênhr zos jiês chiê tsôngv tuz, nxêik hluôk sđ tuôx siz njiz, siz chuôs cov pâuz tsênhz lok zuk hêir nênhs têx txux chi, vênhx huôv jông cxôngx nzor. Pos Nzông x Vax nhoz xã Bình Lư shir phaz lul hêik pâuz: “Tsêizno, cur cux tâu muk đros côngv hnuz hội ntơưv Than Uyên. Taz sik tâu đros côngv hnuz hội no cux txơưr mê njik. Cur sêiz pov tsôngv px ntơưv no shir plaz lul thiêz cur cux pâuz nzir tsôngv px sđ tsưr ziv uô cxur mok ciz”

Đhâu ntâu tiêv txos trâu nhiv no, hêir nênhs poz ziz Đơưz ntênhk hội, chax chêk muôz blêx cxur mok yiêz ciz cux tsênhv tuôr tâu truôx đros đrêiv hâur luz nênhx tsik chiê pôngz plox./.

   Tsu cxêik nhênhv-Khắc Kiên