Niêv lâul Iêz zos iz lênhx tuôr tsês tâu pêz Hmôngz luôs hâux lưv xơưk  pax ntâuz, tsôngk tiêz, tsôngk yo

Txix thâuv tsênhv zâu, niêv lâul Iêz Xênhv Vix tưz tâu têx lênhx pos thiêz chor uô niêv kriê uô pax ntâuz, txiêr, xơưs pêz Hmôngz đơưz têx tsôngk tril yo hnar thâuv nzor, txơưv uô ntâu zav, hâur co têx pax ntâuz tsuv txiêr, max mav xơưs uô iz kro jux juk, pôngz lok six ntâu hnuz côngz, đas jos. Thâuv xuz thơưx niêv lâul uô, xơưs chiê hnar xưz, jux juk pov tsôngv box hâur thax tsav cux xar zuôr txos chox muk hnar, viv li niêv lâul tưz qir xơưs uô ntâu chiê muôs trâu tsôngv pox niêvvir ndâuk sơưr đơưk:

Pox niêv Hmôngz đơưz chêr tsôngk yo zos muôx luz yo, tril, đuôr tưk, sêr thiêz fuô ntông sâuv tâuz hâu. Luz yo mak fuô plaz, thâuv hnar muôz iz traz côngz khơưv pok đrav plaz xưz, chênhr viv li tsuv hnar nzir iz luz yo khuôv đơưz hâur kaz thiêz, tsi tas li đrâuv đrâuz kâuv cux muôx đaz yok, tâu nriê xơưs têx xor liêz njuôz trâu, lok six khax jông jav. Hok baz yok mak muôz têx ntâuz txêix, ntâuz njuôz lok kuôk trâu kror ntâuz đuz, xơưs iz pluôx kuôk iz pluôx tax tâu ntêr muôx iz đok txos iz đok ntâu li muôz lok tik trâu luz chêr yo. Iz chas ntơư, tus đuôr tưk cux nriê xơưs uô têx trêr pax lok six jông yênhx têx trâur pax ntâuz khax nhiêk jông txơưr nhiêk tsi siz thôngx.

Chiê xơưs uô tâu tiêr nênhs Hmôngz đơưz iz chêr tsôngk hnar (muôx tril, yo, sêr, đuôr tưk, fuôv) hur si mak tsuv 02 lênhs sik đros xơưs uô zuôr xar 4 hnuz thiêx tâu. Chênhr viv li, đros trâu xơưs uô têx chêr tsôngk tril yo trơưk têx lâul iz txưv chox kriê, niêv lâul Iêz cux tsês six hơưv, hnuz nhôngs zok nriêr, cơưv shâuv iz cxiê tsưr ziv xơưs uô pax ntâuz, tsôngk tril yo yiêz đros trâu muôz ntâu zav ntâuz txêix, liêz njuôz lok siz fiv chiê xơưs têx chêr tsôngk trơưk li tsôngv kruô, cxênhx hluôk nhiv no siêz nhiêv hnar.

Iz chas têx chêr tsôngk tril yo Hmôngz tâu niêv lâul Iêz xơưs uô trơưk tsôngv pox niêv vir ndâuk đas cir, niêv lâul 2 niêv txir cux xơưs muôs ntơưv têx hội ciêz tox siêz hâur thiêz 2 chas thax tsav li: Tuần Giáo, Tủa Chùa, tỉnh Điện Biên. Niêv lâul cux nzaz nzơưv mạng xã hội li: Zalo, Facebook, Tiktok muôs đhâu sâuv mạng xã hội, tâu tsôngv kruô nhoz ntâu qơư li: lai Châu, Thanh Hóa, Đắk Nông, Đắk Lắk....njênhs njôngr, nhiêv zuôr txos.

Niêv lâul Txiêz Xênhv Shôngx, nhoz xã Phình Hồ, tỉnh Lai Châu, iz lênhx kruô tsi so đas cir zuôr niêv lâul Iêz têx tsôngk tril yo hnar heik pâuz:

Cê xơưs uô, cê cơưv shâuv luôs lưv tus muôx txux chi uô pax ntâuz, xơưs tsôngk hnar tsưr ziv, xav kror đruôz đraz iz shông, niêv lâul Iêz Xênhv Vix muôs txix 120-160 chêr tsôngk pox niêv Hmôngz đơưz trâu tsôngv kruô, iz chêr niêv lâul muôs txix iz tsov 200 cxênhz txos iz tsov 600 cxênhz đeiv. Đhâu yưx tas têx nhiêx txiêx zuôr ntâuz, xor xơưs uô, niêv lâul cux tâu nhiêx nju muôx 130 tsov đeiv. Phênhv sâu tâu no paz niêv lâul cê muôx nzir phênhv sâu, muôx pênhr tror huôv tsar uô nox, zuôr têx ntâuz xor xơưs uô pax ntâuz, tsôngk tril yo hnar thiêz muôs, cê por hưv, tuôr tâu tsês zuk heir nênhs têx txux chi uô pax ntâuz, xơưs tsôngk tril, yo.

Tsi tiêk huôv tsar luôs hâux lưv heik sâuv, niêv lâul iêz tsênhv tsês six hơưv, hnuz nhôngs kriê têx txux chi uô pax ntâuz, xơưs tsôngk tril yo trâu chor pox niêv vir ndâuk thiêz têx lênhx hluôk hâur jok, chiê sik đros por hưv, tuôr tsês pêz Hmôngz têx txux chi heik sâuv tsi chiê pôngz plox. Tix lâus Cuôv Xênhv Thox, Phưv Chủ tịch Ủy ban xã Co Mạ heik pâuz:  “Luôs hâux lưv por hưv nênhs Hmôngz têx txux chi vênhx huôv tưz tâu tuôr tsês thiêz kriê đreiv trâu cxênhx hluôk tsi chiê pôngz plox. Ntâu chuôz zis tưz sir jos yưv pênhr xơưs uô jông têx chêr tsôngk Hmôngz. Lar heik li niêv lâul Iêz Xênhv Vix nhoz xã Co Mạ chuôz zis, chiv chir zuôr meir phưx vưv uô pax ntâuz, xơưs tsôngk tril yo Hmôngz Đơưz trơưk li chor lâul iz txưv kriê uô nox, uô hnar chiê tuôr tsês nênhs Hmôngz têx txux chi ntơư tsi trâus pôngz plox. Iz chas co, cux paz chuôz zis muôx nzir phênhv sâu tâu thiêz muôz hâux lưv uô trâu lưv tus txơưr đuô”.

Lok têx tsưr ziv hâur ntu zuôr txos, niêv lâul Iêz heik pâuz, niêv lâul chuôz zis zuôr krêz đar nzir qơư uô pax ntâuz, xơưs tsôngk tril yo, yưv pênhr zuôr meir, chuôz zênhx phưx vưv chiê huôv tsar xơưs uô tâu ntâu đuô têx pax ntâuz, tsôngk tril yo jông. Niêv lâul Iêz cux xar muôz hâux lưv uô nzir trâu têx lênhx pox niêv vir ndâuk hâur thax tsav thiêz paz tsưx phưv truôx luôs hâux lưv uô co trâu chor tuz nhuôs, cxênhx hluôk./.

Thào Ly-Riê Lâux cxeik, nhênhv

Uô lơưr hlôngr yiêz sôr hâur huôv tsar kinh têr thax tsav ĐBDTTS Tây Bắc

Tsôngv cưr tix fôngx zưs! Ứng dụng hlôngr yiêz sôr hâur thax tsav tsôngv px mênhx cxưx tsơưs Tây Bắc zos tul zơưv six coaz tsôngv paz thax tsav tsôngv px mênhx cxưx nênhs tsơưs thiêz tox siêz Tây Bắc hla đhâu têx phiv liv lok thax tsav qơư, hạ tầng cxuô zav thiêz đas jos chiê huôv tsar kinh tế - xã hội.

1. Hlôngr yiêz sôr li pưs txux thiêz kror zov chênhr nhoz Tây Bắc

Hla đhâu phêv liv lok thax tsav qơư: Công nghệ số paz sik côngv thax tsav tox siêz đros niêv ciêz lox, txo grêk têx phêv liv hâur hâux lưv buôk ti txos dịch vụ công, thôngz xor mông thiêz muôv muôs.

Hlôngr yiêz tsưr ziv tsiv uô: Hlôngr yiêz số uô hlôngr yiêz tsưr ziv tsêz chos, seiz car kinh doanh thiêz sâu zuôr tsôngv px tiv phaz li xiv huv.

Cxơưz cxiz kinh tế hur : Uô uô cê công nghệ sôr thiêz huôv tsar kinh tế hur, kôngz nuv jôngr nuv truôx tuk.

2. Têx vênhv thix ứng dụng tsênhv hâur huôv tsar kinh têr

Hâur tsiv uô kôngz - jôngr nuv:

Sir zôngv công nghệ nriêr pâuz qơư tsiv uô, mã thax tsav qơư, mã QR chiê uô tsênhz mênhx xiv huv nto bê Tây Bắc (li mắc ca, yuôx zêx, yuôx đrox njuôz, txir ntông).

Chox têx hax huv muôs sâuv têx sàn muôv muôs điện tử (Postmart, Vỏ Sò, Shopee, TikTok Shop...) thiêz cxơưz tiês livestream muôs hax huv, paz pox nhuôs muôs hax huv ciês txos trâu nênhs sir zôngv hlôngr viv đhâu ntâu lênhx nênhs muôv muôs.

Hâur huôv tsar ju lix côngv thôngx:

Số hóa têx qơư tuôx, cxiv tsa jêx jok du lịch yiêz jông, thực tê ảo (VR) heik kriê vênhx huôv, thax tsav qơư jông jav nhoz thax tsav Tây Bắc.

Heik kriê homestay, tênhv qơư so thiêz thêv nhiêx txiêx tsik zôngv txos nhiêx ntơưr đhâu têx nền tảng mạng xã hội thiêz website du lịch.

Hâur logistics thiêz muôv muôs tox siêz:

Huôv tsar hạ tầng logistics yiêz jông txuôk đros têx xã tox siêz đêz đrôngs đros têx txox cêr zaoz thôngz lox.

Paz tsôngv px thêv nhiêx txiêx điện tử, ví điện tử taz por, sei đrơưv.

3. Phiv liv tsuv car chêx

Hạ tầng viễn thông: Iz cxiê jêx jok, thax tsav nhoz tox siêz tsi tâu muôx sóng internet lok sik sóng di động tsi tâu truôx jos.

Pêx xênhv li pênhr xưv số: Iz phênhv tsôngv px mênhx cxưx tsơưs nênhs li jênhv pâuz thiêz txux chi số tsênhv kis.

Nhiêx txiêx uô xuz thơưx: Pênhr yưv uô têx chuôz zênhx công nghệ trâu chuôz zis li tsiv uô xênhz yar zâu tsênhv tsơưs.

 Công nghệ sôr thiêz hlôngr yiêz xar tơưv paz txuôk đros thax tsav tox siêz đêz đrôngs, chox jix vuv côngz, thôngz xor mông thiêz niêv ciêz tuôx jê đuô txos tsôngv px./.

Bích Thủy-Txâur Vax cxeik