Cêr muk chênhr Nội Bài-Lào Cai sir jos uô cov tiêr đhâu iz shông kriz uô

Đhâu 10 shông ntâu muk lok, chor yêz muk lok sâuv txox cêr muk chênhr Nội Bài-Lào Cai tsar ndê xar muôx 10% iz shông. Đros têx phiv liv lok zoz thôngz ziv hnuz ziv ntâu, dưv anr kriz đar ntu Yên Bái-Lào Cai, tâu kriz uô đros tas nro pênhr nhiêx xar muôx 7.668 tiv đêiv. Trơưk njuôk xav, ntu cêr tâu kriz đar txix oz lênhx cêr ndê muôx 4 lênhx cêr, plas cêr đar 24 thiêr, đros co zos yưv pênhr uô cxix cxuô têx qox, kror tso đêx ntưk muk thiêz cxiv luôs sêiz car zoz thôngz truôx jông. Kriz uô thâuv hli 10/2025, chor nênhs thầu tư huiz tôngv pênhr jos, chuôz zênhx, tsưr tsix uô txix ntâu kror qơư. Zơưv Phan Thanh Cường, Giám đốc sêiz car kror thầu XL01, Dưv anr kriz đar cêr muk chênhr Nội Bài-Lào Cai puz pâuz: “Chor nênhs thầu tưz sir jos uô sêiz cov uô tiêr tâu dưv anr, cxuô kror li plas cêr, chor qox thiêz tiv zix zos luz kror ar muk đhâu trôngz A6... tsưr ziv zos sir jos uô cov tiêr li tsưr yưv pênhr têx tsưr ziv tưz tso tơưv zos hli 3 shông 2027 tsuv uô cov tiêr”.

Txos nhiv no, ntu cêr muk chênhr txâuk 4 lênhx yêz muk tưz uô tiêr, chor hâux lưv hâur dưv anr tưz uô tâu muôx 70% ntâu tsưr ziv tso tơưv. Tiv zix zos chor hâux lưv lax uô li qox Ngòi Thia lok six ntêr thiêz đar, kror ar Đại Việt ntêr xar muôx 530 thiêr... puôr lênhx tâu uô huv zos tsưr ziv tưz tso tơưv. Đrâuv chor ntu cêr tâu kriz đar yiêz, ntu cêr kuz cux zuôr tâu kho, luôv cov jông huv đros trơưk công nghệ Đức. Tas nro ntu cêr zuôr tâu yưv pênhr uô cxiv luôs zoz thôngz jông muôx camera sêiz kaz, tsênhv qơư dữ liệu, cxiv luôs sâu nhiêx phí tsik đrêk yêz ETC, chiê paz trâu chor yêz muk lok tâu jông đuô.

Hêik mênhx txos chor nênhs uô tưz sir jos kriz uô tâu jông, huv đros, zơưv  Trần Ngọc Hải, Phưv Giám đốc Ban Sêiz car Dưv anr chor cêr muk chênhr faz Bắc, Tổng công ty yưv pênhr Huôv star cêr muk chênhr Việt Nam puz pâuz: “Ban sêiz car dưv anr, hêik pâuz cix li chor nênhs thầu tsênhv sir jos kriz uô têx tsưr ziv chiê uô cov tâu sêi, sir jos cov hâur shông 2026 mak chor yêz zuôr muk lok tâu”.

Thâuv ntu sir jos uô, công trường tsik so muôx txix 2.000 lênhx canr bôv, kỹ sư, công nhân, xar muôx 700 têx mêir, chuôz zênhx đros yênhx cxênhz yêz ô tô thâux xa têx chuôz lov, uô hâux lưv. Têx taz viv tsênhv kriz uô tsik so, sir jos uô cov tiêr dưv anr hâur shông 2026, uô cov tiêr muôz ntu cêr lok chiê trâu têx yêz muk lok trơưk tsưr ziv tưz tso tơưv zos hli 3/2027. Sir jos uô sêi taz sik cux tsuv uô cov jông tsơưr lươngv côngz trinhx. Zơưv Trần Huy Hoàng, Sêiz kaz tsar Dưv anr kriz đar cêr muk chênhr Nội Bài-Lào Cai, khav tênhv: “Nênhs thầu, hêik pâuz, tsưr yưv pênhr sir jos sik côngv, sik thav thiêz tso tơưv têx tsưr ziv uô nzir six hơưv, uô cxaz nzir trâu chor hnuz muôx lok nas, njiz phiv liv. Tsik zos uô cov sêi mak zuôr uô tsik huv zos tsơưr lươngv”.

Đhâu uô tiêr, ntu cêr muk chênhr txâuk 4 lenhx yêz muk lok zuôr paz thâux xa tâu jông, txo grêk tsơưs six hơưv muk lok, paz txuôk đros jông đuô Lào Cai trâu Hà Nội thiêz chor tsênhv qơư kinh têr faz Bắc, paz cxơưz cxiz zoz thôngz, du lịch thiêz huôv tsar kinh têr thax tsav Tây Bắc./.

Đinh Tuấn-Lik Thox cxêik nhênhv

Tsov cưv thâuv cxaz chuôz Tsaz yênhx cxax yuôx phaz moz trâu nhuôs zâu

1. Uô ntêx thâuv zuôr cxax yuôx phax moz

Njuôk shuôk đas jos: Tsuv chiê bác sĩ lok sik nhân viên y tế njuôk shuôk đas jos uô ntêx thâuv cxax yuôx chiê ntâuk grê mê nhuôk li qênhx shênhx đas jos.

Heik kriê tsênhz mênhx: Heik kriê cxix cxuô xor mông trâu nhân viên y tế pâuz lok têx zav moz, têx moz yưv đros têx jiês cxax yuôx uô ntêx, lok sik mê nhuôv tsênhv zôngv yuôx phax uô cuz.

Trơưk six hơưv, hnuz nhôngs: Chox mê nhuôs muk cxax yuôx cxix cxuô thiêz huv hnuz nhôngs lơưr yênhx zav văc-xin chiê tax chêx cuk phax tar moz siêz tiv zix. Tsuv muk đăngk cir ntơưv qơư y tế xã, phường qơư zuk nhoz uô nênhx.

2. Ntơưv qơư cxax yuôx: Sox seiz njôngr mê nhuôk đhâu thâuv cxax yuôx: Đhâu thâuv cxax yuôx, mê nhuôs tsuv nhoz so tsơưs tiv zix 30 phênhz ntơưv qơư cxax yuôx chiê zênhx max yưr lik zos muôx cuz sor lok sik trâus moz yưv hnhar.

3. Đhâu thâuv chox mê nhuôs lok tsêr: Tsoz phưz mê nhuôs li đas jos tsơưs tiv zix 24 txos 48 six hơưv đhâu thâuv cxax yuôx tas tror lok tsêr: iz chêr, chinhz yênhx, nox hâuk, pư, uô pa, njuôk shôk luz chêr, tơưr greix thiêz qơư cxax yuôx.

Tsưr ziv tsoz phưz: Puz mê nhuôs nox mis ntâu đuô lok sik hâuk txâuk đêx.

Tsi plênhr, muôz cxuô zav li (blôngx yuôx, kok zax zưv, car zox... krưr zôngx ziv uô o vôngs.

Zos mê nhuôs uô cuz, zôngv yuôx txo grêk cuz sor trơưk li canr bôv y tế luk heik kriê.

4. Têx moz yưv tsuv ciêr chênhr chox mê nhuôs muk chơưv kho.

Uô cuz siêz đuô 39°C ntâu thiêz lax txo grêk tâu.

Mê nhuôv kuôx ntâu, tsuôk xar tsâus jos lok sik tsi nox mis, nox mis tsơưs.

Lax uô pa, uô pa sei, iz chêr xiêr tas.

Iz chêr yênh yênh.

Tas nro iz chêr pov tơưv têx poz liêz lok sik têx moz yưv truz ntêr đuô 24 six hơưv tsik pov txu grês.

Niêv txir tsuv chox ciês mê nhuôs muk qơư y tế jê tiv zix zos muôx yưv têx moz yưv li heik sâuv./.

 Hồng Việt- Txâur Vax cxeik nhênhv