Cử tri jông siêz đros thôngz yax “Heik tsơưs-uô ntâu- uô txos qơư”

          Lơưr cử tri Sơn La, TBT Tô Lâm li jax phuôx plov coaz tsôngv, pov cov lok têx ntâuz ntơưr muôz trâu Đảng li Đại hội jiês tiv 14 heik cxuô têx njiêz luv tsênhv thiêz yiêz hâur têx ntâuz ntơưr. Ntu bax uô têx ntâuz ntơưr tâu lok six tsưv ziv uô jông, tiv zix zos sâu zuôr ziv chênhv têx cxênhx nênhs tsôngv px zos kror tso pov chinhz yênhx jênh chuv, seiz tsôngv px li ziv chênhv, siêz xar zos kror zov chênhr hâur tsưr ziv huôv tsar têz qơưk.

          Ntâuz ntơưr jiês no tso tơưv iz kror yiêz: huôx tôngv- txơưx jênhv- kỷ luật, đros 5 hâux lưv tsênhv, chiê uô tâu têx qơư tsov txos co têx txơưx jênhv, têx hlôngr yiêz puôr lênhx muôx ndar txos tsôngv px. Pos Cầm Thị Bích Thủy, đảng viên nhoz phường Tô Hiệu, tỉnh Sơn La heik:  “No zos chinhz yênhx lok six tsênhv tsênhz, tsi ntâuk grê lơưr luk heik tơưv, mak ntâuk grê lơưr chêx cuk tax tâu. Tsi seiz têx tsưr ziv uô jông, mak seiz six hơưv uô tsưr ziv co tsênhv tsênhz. UÔ jông hâux lưv no pêz zuôr phưx vưv jông đuô trâu tsôngv px, doanh nghiệp. No cux zos kror truôx tul chiê pêz têz qơưk hla trâu kỷ nguyên yiêz txix siêz njênhs, txix kỷ luật thiêz siêz xar njôngr lok cêr huôv tsar”.

          Zơưv Nguyễn Tuấn Anh, Bí thư Đảng ủy xã Chiềng Sung, tỉnh Sơn La puz pâuz, Ban thường vụ đảng ủy xã tưz nhênhz chơưv lok six jông Tổng bí thư Tô Lâm li jax phuôx plov thiêz pov lok six jông siêz, tiv zix zos thôngz yax “heik tsơưs- uô ntâu- uô txos qơư”. Nhoz cấp tiv phaz li Chiềng Sung, qơư cán bộ nhoz jê ciês tsôngv px mak thôngz yax no tsi taz zos luk heik xưz mak tsênhv zos lênhv uô txix tsênhv tsênhz, heik tsơưs tsi zos yax mông tsơưs mak txu grês têx jiês khiêz phêv tsi zuôr trâus, txu grês têx pov cov ntêr ntâu. Pox nhuôk nôngx mênhx tsi xar mnôngs cxuô cxuô mak lơưr xar seiz têx chêx cuk tsênhv tsênhz:“Uô ntâu zos uô huôx tôngv tsênhv tsênhz, txơưv hâux lưv tưs cux uô thiêz uô txos qơư. Uô txos qơư chênhr zos txơưx jênhv đros tsôngv px. Tổng bí thư li thôngz yax tưz heik trơưk hâux lưv tsưr tsix uô ntêr lok no. Co zos kror chiê pêz hlôngr yiêz tsưr ziv uô hâux lưv, uô tsênhv tsênhz thiêz muôx chêx cuk đuô. Cur njênhs njôngr lênhx nênhs sơưr thơưx hâur đảng tưz muôx têx chox kriê txos qơư, huv đros thiêz cấp tiv phaz li pêz zuôr muôx qơư khov txos truôx tul chiê hlôngr yiêz”.

          Jông siêz thâuv tâu mnôngs têx tsưr ziv uô lox, têx jênhv vưv zov chênhr thiêz tiv zix zos thôngz yax “heik tsơưs- uô ntâu- uô txos qơư” tâu TBT Tô Lâm heik mênhx, cử tri, cán bộ, đảng viên thiêz tsôngv px tỉnh tox siêz SƠn La njênhs njôngr lok hâux lưv krêz uô têx tsưr ziv zov chênhr mak Đại hội jiês tiv 14 tso tơưv, chox VN hla trâu ntu hlôngr yiêz, bluo nux, huôv tsar thiêz vav mênhx./.

                                                                                                                Thanh Thủy- Txâur Vax cxeik nhênhv

Lào Cai: Sir jos huôv tsar txix uô jông têx Nghị quyết chênhr

Nhênhv Ban Chấp hành Trung ương Đảng khoar XIII li heik pâuz ntơưv jiês kriz cơưv Đaiv hôiv XIV, Tổng Bí thư Tô Lâm tưz hêik tsênhz mênhx: Thể chế zos “kror phiv liv hâur têx phiv liv”. Nênhs sơưr thơưx Đảng hêik mênhx tsuv sir jos hlôngr trâu huôx tôngv, đơưk kho cov tâu cxuô kror chiê paz uô cov tâu jông cxuô kror hâux lưv:“Tsuv sir jos hlôngr yiêz siêz xar, uô tiêr thể chế, gra siêz txux chi đas jos sêiz car têz qơưk; tsuv sir jos huôx tôngv, hlôngr yiêz, uô tâu jông đuô…Vênhv thix zov chênhr tiv zix nhiv no zos tsuv hlôngr trâu huôx tôngv, đơưk kho cov jông têx phiv liv, têx kror tsik jông chiê huôv tsar têz qơưk”.

Ntơưv Lào Cai, tưz sir jos uô txix kriz uô nzor têx tsưr ziv lox txix dưv thảo Văn kiện Đaiv hôiv XIV trâu hâur Văn kiện Đaiv hôiv Đảng bôv tỉnh. Lơưr co, ntơưv qơư tưz xêir tsov Bôv Chinhr triv li 9 Nghị quyết chuyên đề chiê uô trơưk. Tiv zix, uô jông Nghị quyết 57 lok hlôngr yiêz khoa học công nghệ, tỉnh xav jênhv no zos kror chênhr chiê đơưk kho lok uô lox tôngv-zênhx zos iz tỉnh tox siêz li kror phiv liv lox. Zơưv Dương Đức Huy, Tsar ban Tuyên giáo thiêz Dân vận Tỉnh ủy Lào Cai puz pâuz:“Thâuv ntêx no pêz uô tsưr ziv huôv tsar khov trâu pênhr thiêz lox tôngv, mak nhiv no khoa học công nghệ, tiv zix zos hlôngr yiêz sôr zuôr zos kror yiêz paz uô cov tâu jông đuô. Tỉnh cux sir jos kriz uô Nghị quyết 59 lok đối ngoại chiê choz zok khoa học kỹ thuật, txix co huôv tsar kinh têr-xar hôiv, uô jông ngaz tuk côx phax”.

           Zos cấp sêiz car zuôr hlôngr yiêz sôr chiê paz cxơưz cxiz, mak haux lưv kinh têr, Nghị quyết 68 lok huôv tsar kinh têr tư nhân tsênhv zos kror yiêz paz trâu têx tsiv gri ntơưv thax tsav qơư. Ntơưv thax tsav tox siêz Sa Pa, iz tsưr ziv sik côngv nhoz doanh nghiệp thiêz chor nênhs uô kôngz nuv tưz tsik zos paz gra siêz tsiv gri chor yuôx đrox njuôz siêz đuô lok six ntâu jiês pir li chos blêx xưz, mak tsênhv paz hlôngr yiêz tas nro tsôngv box mênhx cxưx tsơưs nênhs têx tsưr ziv uô nox. Zơưv Đỗ Tiến Sỹ, Giám đốc Traphaco SaPa khav tênhv txos kinh têr tư nhân hâur ntu hlôngr yiêz:“Kror chênhr zos muôx tâu têx hax huv yiêz, xar tơưv jông. Chiê thâuv muôs sâuv ciêz đrôngs txơưr txar mak thiêx zuôr uô tâu tsik so hâur ntâu shông. Nhoz no, pox nhuôs uô kôngz nuv taz sik ho sâu tâu nhiêx yênhx hli, thiêz zuk phêiz kenh đros lơưr têx txux chi lok cxêik đuôz lok sik uô clip chiê yax mông sâuv mạng xar hôiv, paz cxơưz cxiz trâu côngv thôngx”.

           Kror tsuv hêik, sir jos “tsik chiê lênhx tưs trâus tso tsês tov kaz” hâur chor Nghị quyết 71 lok Zoz zux thiêz 72 lok Y têr tsênhv paz muôx tâu siz bâus hâur tâu sơưv têx dịch vuv trâu pêx xênhv tox siêz. Têx kror uô tâu lok kỹ thuật y têr siêz li uô tsưr kỹ thuật thụ tinh hâur ống nghiệm IVF, lok sik têx dưv anr zoz zux zov chênhr tsênhv tâu kriz uô ntơưv thax tsav ntus đriv chênhr zos khav tênhv txos txux chi, đas jos kriz uô thiêz sir jos gra siêz luz nênhx shir phaz trâu pêx xênhv Lào Cai. Zơưv Đinh Anh Tuấn, Cục tsar Cục Lênhx niêv thiez Nhuôv zâu, Bôv Y têr hêik pâuz:“Thâuv ntêx no tox siêz hêik tiek pêz tsuôk uô tâu li xưz, kỹ thuật siêz mak chiê chor nênhs nhoz Hà Nội, Thành phố Hồ Chí Minh uô. Taz sik nhiv no mak Lào Cai cux uô tâu lơưv. Thiêz hâur Bôv Chinhr triv li Nghị quyết 72 nhiv kruôr đhâu cux tưz muôx têx chủ trương paz trâu canr bôv y têr uô côngz xưv ntơưv têx thax tsav txov nhêv, paz trâu sơưr đơưk sir jos tror uô côngz xưv txoz cxơưx đas jos trâu pêx xênhv cxuô mênhx cxưx tox siêz”.

           Tsênhv tsênhz ntơưv Lào Cai puz pov, thâuv Trung ương têx Nghị quyết chênhr tâu kriz uô txix têx tsưr ziv yiêz thiêz sir jos uô, têx phiv liv zuôr tâu đơưk kho, kriz tơưv iz ntu huôv tsar yiêz. Txix têx hâux lưv uô nhoz ntus đriv txos tsênhv qơư y têr kỹ thuật siêz, Đaiv hôiv XIV têx hâux lưv tso tơưv tsênhv tau sir jos uô, khav tenhv Lào Cai li sir jos hâur gôngr côngv trâu têx luôs hâux lưv cxuô: Cxiv tsa iz Việt Nam bluô nux, huôv tsar đuô hâur mênhx cxưx ntu hlôngr yiêz thiêz huôv tsar./.

                                                                                                              An Kiên-Lik Thox cxêik nhênhv