Hlôngr yiêz sôr txos yênhx jêx jok Lào Cai

Ntơưv xar Khao Mang, tỉnh Lào Cai, lưx lươngv Công an sik côngv đros chor tsưr tsix hlôngr yiêz sôr muk yênhx jêx jok, ziv chuôz zis, têx thâuv muk ciês trâu têx liêx têz chiê kriê trâu pêx xênhv cài đặt, kích hoạt tài khoản định danh điện tử VNeID. Txix hâur shôngk shông txos nhiv no, thax tsav qơư tưz paz 3.000 ntâu lênhx nênhs đăngk cir, kích hoạt tài khoản định danh điện tử thênhv 2, tsưr tsix xar muôx 200 jiês paz ntơưv qơư. Zơưv Lù A Phình, nhoz jok Háng Bla Ha A, xar Khao Mang, puz pâuz: “Txix ntơưv no muk Tsênhv qơư Công an xar mak lok six đêz. Tâu Công an xar tuôx ti gâuk jok kriê trâu pox nhuôs kích hoạt định danh điện tử, kriê sir zôngv nền tảng sôr, pox nhuôs lok six shir phaz. Tâu uô jông kriê viv li pox nhuôs cux tưz pâuz zôngv iz cxiê ứng dụng sâuv VNeID lơưv”.

Tsik zos paz trâu yênhx lênhx nênhs, ntơưv xar Yên Bình tsênhv kriz uô tsưr ziv “Nênhs jêx jok sôr”, muôx 37 lênhx nênhs chênhr thiêz 40 thành viên dự bị. Txos nhiv no, 95% ziv chuôz zis tưz cài ứng dựng “Pêx xênhv sôr”, 100% ntâuz ntơưr hành chính tâu txêik jênhv trực tuyến.

Công nghệ sôr tsênhv paz nzir trâu huô tsar kinh têr. Ntơưv Y Tý, ntâu ziv chuôz zis kinh doanh du lịch tưz sir zôngv Facebook, Zalo, TikTok chiê piêr pâuz lok iz ndis, vênhx huôv thax tsav qơư thiêz txuôk đros tsôngv kruô. Tix lâus Ly Xá Xuy, tsưr homestay Y Tý Cloud, puz pâuz: “Thâuv ntêx tsik tâu sir zôngv Facebook, Zalo trâu hâur tsưr ziv kinh doanh mak chor kruô tuôx trâu Y Tý cux li homestay lok six tsơưs. Txix thâuv zôngv mạng xar hôiv li Facebook, Zalo, TikTok chiê piêr pâuz, chor kruô tuô Y Tý tưz chôngz đuô lơưv”.

Hâur sêiz car têz qơưk, hlôngr yiêz sôr cux paz uô tâu jông đuô têx ntâuz ntơưr hành chinhr. Ntơưv xar Mậu A, thax tsav qơư tưz uô tiêr tsênhz mênhx 100% chor ar têz trơưk tsưr ziv. Đros chor ntâuz ntơưr tsik tâu thôngx ziv xor mông, canr bôv tror qênhz shuôk thiêz xav jênhv, uô cov cxuô kror tsuv huv zos. Zơưv Đinh Mạnh Cường, Phưv Chủ tịch Ủy ban xar Mậu A, hêik mênhx: “Hâur ntu kriz uô, phiv liv tiv zix zos ntâuz ntơưr ar têz tưz đhâu ntâu ntu viv li muôx ntâu kror sik txơưr. Đros chor nênhs muôx ntâu kror phiv liv, xar puôr lênhx qênhz yuôx ciês, xav jênhv têx ntâuz ntơưr, ar têz. Tsuv uô cov huv zos”.

Tas nro tỉnh nhiv no muôx 1.600 ntâu tôv công nghệ sôr côngv thôngx đros muôx 12.493 thành viên paz trâu pêx xênhv buôs ti tâu têx tiện ích sôr. Tỉnh tror njuôk xav hlôngr txix cxiv tsa nền tảng trâu uô cov tâu têx hax huv, têx uô tâu tsênhv tsênhz, muôz pêx xênhv uô tsênhv njiêz thiêz têx uô tâu tsênhv tsênhz chiê njuôk xav.

Pos Dung Xênhv Zax, Phưv Bí thư Tỉnh ủy, Tsar Đoàn đại biểu Côx hôiv tỉnh Lào Cai, puz pâuz: “Lào Cai zuôr tror kriz uô phongz yaox trơưk tsênhv tsênhz, têx uô tâu co tsuv njuôk xav tâu thiêz pêx xênhv tsuv zos chor nênhs tâu sơưv. Tỉnh cux xav jênhv phongz yaox tsuv tâu kriz uô tsik so, muôz pêx xênhv uô tsênhv njiêz; uô kaz ciês zos paz muôx nzir txux chi, tsưr ziv trâu pêx xênhv”.

Txix têx hâux lưv uô tsênhv tsênhz ntơưv jêx jok txos chor tsaz yênhx hlôngr yiêz sôr nhoz tỉnh, công nghệ tsênhv jux juk zos yênhx chuôz zênhx tsênhv tsênhz hâur luz nênhx, uô thiêz sêiz car nhoz tox siêz Lào Cai. Thâuv pêx xênhv tâu kriê, buôs ti thiêz pâuz tsưr ziv sir zôngv công nghệ, hlôngr yiêz sôr zuôr paz nzir cxơưz cxiz trâu huôv tsar kinh têr-xar hôiv, paz trâu tsôngv box cxuô mênhx cxưx tsơưs nênhs thiêz tox siêz tsơưr lươngv luz nênhx tâu jông đuô./.

Thừa Xuân-Lik Thox cxêik nhênhv

Tsaz yênhx “Jêx jok qơư khov truôx” shông 2026, kruôs txos tsar jok, txir ndâux txir luk hâur tsôngv box heir nênhs tsơưs

Ủy ban tỉnh Lai Châu nhiv kruôr tsưr tsix tsaz yênhx “jêx jok qơư khov truôx” shông 2026 chiê kruôs txos têx lênhx tsar jok, txir ndâux txir luk hâur tsôngv box cxuô heir nênhs tsơưs thax tsav tỉnh. Co zos hâux lưv uô jông, kruôs txos têx lênhx nênhs tưz thiêz tsênhv sir jos paz côngz đas jos trâu cxiv tsa cêr sik thôngx siêz tas nro tsôngv box, huôv tsar kinh tế-xã hội, por hưv tsês têx txux chi vênhx huôv tsi chiê pôngz plox thiêz tsưx phưv truôx ntus đriv têz qơưk.

Heik ntơưv tsaz yênhx, Phưv Chủ tịch Thường trực Ủy ban tỉnh Lai Châu Tống Thanh Hải khav tinhv, tsaz yênhx zos six hơưv chiê ndo txiêx njis txos chor nênhs sir jos uô hâux lưv viv tsôngv lax pêx xênhv côngz đas jos thiêz yênhx qơư khov truôx yax xa cấp ủy, hâu nov ntơưv qơư têx tsưr ziv, chei fuô kriê txos trâu tsôngv box cxuô heir nênhs tsơưs.

Zos tỉnh ntus đriv, muôx 85% ntâu jênh sôr zos tsôngv box heir nênhs tsơưs, iz chas ntơư muôx 265 ntâu cêik cêr đriv têz buôk Trung Quốc, Lai Châu thâuv tưs tưz xav tinhv têx lênhx tsar jok, txir ndâux txir luk zos zov chênhr hâur cxix luôs chính trị ntơưv qơư. No zos chor nênhs uô ntêx nyuôs hâur yax kriê, vênhv tôngv pêx xênhv uô trơưk Đảng, têz qơưk tsưr ziv, chei fuô kriê; sik đros txưx phưv truôx thax tsav qơư, por hưv tsês têx txux chi vênhx huôv tsi chiê pôngz plox thiêz cxiv tsa luz nênhx yiêz nhoz tox siêz đêz đrôngs, ntus đriv.

Tas nro tỉnh nhiv no muôx 956 lênhx txir ndâux txir luk thiêz 956 lênhx tsar jok. Têx shông đhâu, têx lênhx nênhs no tưz uô ntêx nyuôs hâur cxuô luôs hâux lưv, vênhv tôngv pêx xênhv huôv tsar uô nox uô hâuk, cxuz cêr yeiz pluôs, cxiv tsa jêx jok yiêz, iz chas ntơư hux jos jông đros cxuô lưv lươngv muôx vax huôv tsưx phưv truôx thax tsav, ntus đriv têz qơưk. Lơưr têx côngz đas jos ntơư tưz jux juk paz cxiv kho tsôngv pêx xênhv cêr njênhs njôngr trâu Đảng, têz qơưk thiêz sik đros cxiv tsa cêr sik thôngx siêz, tsưx phưv truôx ntus đriv têz qơưk.

Ntơưv tsaz yênhx, hâu nov tỉnh Lai Châu sâu jênhv, kruôs txos têx lênhx tsar jok, txir ndâux txir luk têx côngz đas jos lox. Iz chas ntơư heik cxuô cấp ủy Đảng, hâu nov ntơưv qơư, Mặt trận Tổ quốc, têx đoanx thêv thiêz tuz lênhv Pênhz phax tror hux jos uô jông lơưr têx tsưr ziv, tsênhv chei lok côngz xưv mênhx cxưx; moz siêz txos txoz cxơưx luz nênhx nox nhoz trâu têx lênhx nênhs heik sâuv; tsi so kriê, cơưv cxaz nzir têx txux chi tsưr ziv yuôr trâus, muôz têx xor mông, kriê chei têz qơưk chiê uô jông đuô luôs hâux lưv yax kriê, vênhv tôngv ntơưv qơư. Iz chas co, tỉnh zuôr tror nthuôr đar têx tsưr ziv, hâux lưv uô jông trâu luôs lưv tus, lưv thax tsav cơưv shâuv, uô trơưk; cxơưz cxiz yax kriê lok tsaz yênhx heik sâuv têx jông; đhâu ntơư hu zâuv tâu tas nro xã hội sik thôngx siêz, siz chos tsưx phưv truôx thax tsav ntus đriv, thax tsav tsôngv box heir nênhs tsơưs.

Phưv Chủ tịch Thường trực Ủy ban tỉnh Lai Châu cux heik tơưv cêr vav chiê siêz, têx lênhx tsar jok, txir ndâux txir luk zuôr tror uô jông têx luôs hâux lưv zok muôz, zos tsov iêr chi cax hâur côngv thôngx, paz cxiv tsa jêx jok ziv hnuz ziv huôv tsar, tsưx phưv jông cêr sik thôngx siêz cxuô heir nênhs thiêz por hưv truôx jông thax tsav ntus đriv têz qơưk.

Tsaz yênhx “jêx jok qơư khov truôx” shông 2026 tsi tiêk kruôs txos chor tsar jok, txir ndâux txir luk têx côngz đas jos, tsênhv tror nthuôr đar cêr sik thôngx siêz, muôz cêr njênhs njôngr trâu pêx xênhv, chiê têx qơư khov co ziv hnuz ziv truôx đuô, đros tsôngv pêx xênhv cxuô heir nênhs tsơưs cxiv tsa thax tsav qơư ziv hnuz ziv hlôngr yiêz, vav mênhx, huôv tsar jông./.

Vừ Chu-Riê Lâux cxeik, nhênhv