Đắc Lắc bax tâu truôx jông cxuô luôs hâux lưv trâu shông cơưv yiêz

        Shông cơưv 2023-2024, tsêr cơưv cxênhx iz, cxênhx 2 Lê Duẩn, xã Ea Puk, huyện Krông Năng muôx 710 lênhx shux xênhz nhoz 2 cấp cơưv. Txix ciês thâuv iz đraz hli 8, tsêr cơưv tưz uô tiêr luôs hâux lưv xeir zuôr shux xênhz, kriê cxaz têx txux chi tsưr ziv yuôr trâul trâu chor cưk kriê ntơưr, lar heik zos têx lênhx cưk kriê lớp 4 thiêz lớp 8 lơưr tsaz yênhx zoz zux phưv thôngz 2018. Iz chas ntơư, zuôr nzir têx chuôz zênhx phưx vưv kriê ntơưr, tu, qêz suô qơư nhoz cơưv ntơưv, iz ndis tsêr cơưv cov hur si, đu lus bax trâu shông cơưv yiêz. Zơưv Nguyễn Duy Nghĩa, thơưx seiz car tsêr cơưv heik pâuz: “Tsêr cơưv tưz cxiv kho iz kro mê njik têx qơư cơưv ntơưr, qơư tơưv trôngx, qêz suô hur si, đu lus, hlôngr kê tênhz thiêz zuôr nzir iz cxiê zav chuôz zênhx phưx vưv trâu tsaz yênhx zoz zux phưv thôngz yiêz lớp 4 thiêz lớp 8. Hok tsaz yênhx lớp 5 thiêz lớp 9 mak cux tsênhv cơưv tsaz yênhx kuz, hâur tsêr cơưv cux tsênhv muôx txâuk chuôz zênhx, ntơưr cơưv uz no....phưx vưv kriê thiêz cơưv ntơưr”.

          Đros trâu cxiv kho iz cxiê côngz trênhx iz kro mê njik, ntâu thax tsav qơư hâur tỉnh tưz phênhz nhiêx txiêx muôx yênhx châuv tyv đeiv trâu chor tsêr cơưv cxiv uô yiêz qar tsêr cơưv; qơư canr bôv, cưk kriê nhoz uô hâux lưv; yar tiêx tsêr cơưv.... Lar heik, ntơưv huyện Cư Mgar, shông cơưv no, huyện tưz phênhz 33 tyv 500 tsov đeiv ntâu chiê yưv pênhr cxiv uô têx côngz trênhx, zuôr nzir chuôz zênhx phưx vưv kriê thiêz cơưv ntơưr trâu têx tsêr cơưv. Txos nhiv no, cxuô luz tsêr cơưv phênhv ntâu tưz muôx txâuk qơư, chuôz zênhx uz no phưx vưv kriê thiêz cơưv ntơưr lơưr tsaz yênhx zoz zux phưv thôngz yiêz. Zơưv Nguyễn Tự Do, Tsar phongx Zoz zux huyện Cư Mgar heik: “Ngênhx zoz zux huyện Cư Mgar tưz chox kriê têx tsêr cơưv nhênhz chơưv trâu hâu nov ntơưv qơư, Ủy ban huyện tror cxiv kho iz cxiê côngz trênhx, zuôr nzir chuôz zênhx phưx vưv trâu hâux lưv kriê thiêz cơưv ntơưr, tso nzir cưk kriê muk uô hâux lưv kriê txux chi trâu iz cxiê luz tsêr cơưv muôx tsi txâuk cưk kriê ntơưr lơưr Bộ zoz zux cui tinhv, taz por cxuô luz tsêr cơưv bax uô tâu jông cxuô luôs hâux lưv trâu shông cơưv yiêz”.

         Shông cơưv 2023-2024, tỉnh Đắc Lắc muôx iz cxênhz ntâu qơư zoz zux txix cxênhx nhuôs zâu txos cxênhx 3. Uô ntêx zuôr txos shông cơưv yiêz, tỉnh Đắc Lắc tưz chox kriê ngênhx Zoz zux kriê cxaz têx txux chi tsưr ziv yuôr trâul trâu chor cưk kriê ntơưr, phênhz cưk kriê cov huv đros thiêz txâuk trâu têx tsêr cơưv. Hu zâuv cxuô pênhr jos chiê bax trâu cxuô luz tsêr cơưv luôs hâux lưv kriê thiêz cơưv ntơưr cov tâu trơưk li tsaz yênhx zoz zux phưv thôngz 2018. Shông cơưv no, tas nro ngênhx tâu yưv 965 tyv đeiv cxiv uô yiêz, kho đuô iz cxiê côngz trênhx, zuôr nzir chuôz zênhx phưx vưv kriê thiêz cơưv ntơưr. Pos Lê Thị Kim Oanh, Phưv Gáim đốc Sở zoz zux tỉnh Đắk Lắk heik pâuz: “Phênhv ntâu têx tsêr cơưv nhoz Sở zoz zux, txos nhiv no tưz uô tâu cxuô luôs hâux lưv bax trâu shông cơưv yiêz, lar heik zos hâur ntu fuô uô tsaz yênhx zoz zux 2018. Iz chas ntơư, têx tsêr cơưv txix cxênhx nhuôs zâu, cxênhx iz, cxênhx 2 tưz phênhz muk trâu cxuô huyện, taz sik Sở cux heik têx Phongx zoz zux bax uô hâux lưv qênhz shuôs đuô têx côngz trênhx, chuôz zênhx uz no zuôr trâul txos chiê txix ntơư heik trâu Ủy ban cấp huyện nhênhz chơưv phênhz nhiêx txiêx cxiv kho, uô đuô, zuôr nzir cov taz por muôx txâuk qơư nhoz cơưv ntơưr, chuôz zênhx phưx vưv kriê thiêz cơưv hâur shông cơưv yiêz”.

           Đros trâu cxuô luz tsêr cơưv bax uô jông cxuô luôs hâux lưv, chor canr bôv, cưk kriê têx sir jos, ngênhx zoz zux Đắk Lắk vav chiê siêz shông cơưv yiêz zuôr uô tâu ntâu hâux lưv jông, gra siêz tsơưr lươngv zoz zux./.

VOVTN-Riê Lâux cxeik, nhênhv

Sơn La uô jông luôs hâux lưv sêiz car chor nênhs chêix tsar yêz muk lok hâur têx hnuz so ntênhk 2/9 thiêz sêiz car truôx shuv xênhz chêix tsar yêz  tuôx trâu tsêr cơưv shông cơưv yiêz 2023

          Công an tỉnh luôs hâux lưv:

          Tror fuô uô truôx jông Bộ công an thiêz công an tỉnh luôs hâux lưv tso tơưv, qênhz yuôx, sêiz car chor nênhs tsar yêz thâux xa kruô thiêz yêz container thâux xa hax huv. Qênhz yuôx, uô truôx jông luôs hâux lưv sêiz car, xưv bluô chor nênhs tsar yêz muk lok tâus tsik trơưk chêi cui tênhv. Ntơư zos tsar yêz tsik hâuk chơưr bia, tsik hâuk zax zênhz, tsik tsar yêz muk chênhr thiêz thâux lênhx nênhs, thâux xa hax huv cov huv đros cui tênhv; muk lok tâus cêr zos đrêiv zuk saz cêr. Lực lươngx công an cux chêx chôngk, đơưk kho zênhx max têx tsik jông muôx yưv muk lok sâuv  têx cêr lox, chiê cxuô luz yêz zôngx ziv muk lok đhâu hâur niêx hnuz sâuv cxuô txox cêr lox 6; cêr lox 4G, cêr lox 37,... thiêz đros Sở zoz zux fuô yax kriê shuv xênhz nhoz cxuô luz tsêr cơưv chêix tsar yêz muk lok cov zos đrêiv cui tênhv.

          Sở zoz thôngz vận tải luôs hâux lưv:

          Chox car cxuô phôngx, cxuô đơn vị sêiz car chor nênhs tsar yêz

Thâux hax huv, yêz thâux kruô, thâux huv xênhz  muk lok hâur têx hnuz so ntênhk xiêz 2/9 cov zos đrêiv chêi cui tênhv. Lar hêik zos tsuv uô truôx jông luôs hâux lưv sêiz car chor nênhs tsar yêz muk lok txix ciês ntơưv qơư thâux hax huv thiêz têx qơư tok xa shuv xênhz muk lok; zos pov lênhx tsar yêz tưs uô tsik trơưk cui tênhv, tsuv trâus bluô nhiêx zos đrêiv chêi têz qơưs tso tơưv.

          Sở zoz zux luôs hâux lưv:

          Đros cxuô cơ quan cik txos fuô uô jông luôs hâux lưv “Chiê shuv xênhz muk lok tâu truôx jông trâu cxuô luz tsêr cơưv hâur hli 9”; Cxuô luz tsêr cơưv ntơưr tsuv uô ông cxuô faz tsưr ziv yax kriê shuv xênhz muk lok tuôx trâu tsêr cơưv, tsik chiê muôx yưv têx tsik jông chêix tsar yêz siz đrâuk siz tsông thâuv tuôx trâu tsêr cơưv. Lar hêik zos tror yax kriê shuv xênhz chêix, tsar yêz muk lok tsuv ntông câuk mov yêz thiêz shuv xênhz tsuv txưv shông thiêx tâu tsar yêz máy, yêz câur tênhv muk lok tuôx trâu tsêr cơưv ntơưr.

          Uỷ ban cxuô huyện, thành phố luôs hâux lưv:

          Chox car cxuô lực lươngx muôx vax huôv uô jông luôs hâux lưv fuô yax kriê tsôngv px thiêz tsôngv kruô muk lok uô jông trơưk têz qơưs cxuô cui tênhv tsar yêz muk lok tâus cêr. Tsưr tsix fuô yax kriê cxuô chuôz zis, tsuv hêik têx tuz cxêik shuv xênhz, zos tsik tâu txưv shông, tsik tâu muôx ntơưr tsar yêz, tsik tsar yêz máy tuôx trâu tsêr cơưv.

          Hêik trâu têx tsưr tsix sêiz car hâur têx hnuz so ntênhk:

          Sở zoz thôngz sêiz car yêz, Công an tỉnh, uỷ ban cxuô huyện, thành phố hêik kriê số xor tôngx chiê chơưv paz lok têx tsik jông muôx yưv thâuv chêix tsar yêz muk lok hâur thax tsav trâu hnuz so ntênhk xiêz 2/9 thiêz tror hêik têx hâux lưv uô tâu trâu uỷ ban tỉnh, đhâu Ban sêiz car chor nênhs tsar yêz hâur thax tsav tỉnh./.

                            Tsu cxêik nhênhv-Bích Thủy- Biên soạn

Điện Biên huôv tsar qơư ndis uô si, sêiz shuôk têz qơưs txix têx txux chi, vênhx huôv jông

           Nhiv kruôr cxiv uô tâu 10 luz hli, taz sik jos huôv tsar qơư ndis uô si Nà Sự, xã Chà Nưa, huyện Nậm Pồ (Điện Biên) tâu chôngz lênhx kruô pâuz txos. Đros trâu têx qơư ndis uô si cux muôx têx đras liêx jông jav huv đros têx tox trôngz câuv har hâur thax thav pir li cxuô hêir nênhs faz Bắc têx txux chi, vênhx huôv jông cxôngx nzor. Chênhr zos li hêik ntơư, hâur ntu đhâu, tưz muôx chôngz lênhx kruô nhoz cxuô qơư tuôx ndis uô si, sêiz shuôk têz qơưs txos jos Nà Sự. Zơưv Khoàng Văn Van, Bí thư Đảng ủy xã Chà Nưa hêik pâuz: Thâuv nhiv kruôr qir  uô, tsôngv pêx xênhv cux tsik pâuz uô, viv zos tsôngv pêx xênhv iz siv nênhx nhoz thax tsav tox siêz, tsuôk khưr tsêz chos kôngz lôngk, tsik pâuz huôv tsar cxiv uô têx qơư jông jav ndis uô si; taz sik tsôngv px cux pâuz tiêk,  jos Nà Sự nhoz ciês ntơưv ntus cêr lox thiêz tsôngv px sđ cux tsênhv tuôr tâu truôx zuk hêir nênhs têx txux chi, vênhx huôv jông cxôngx nzor.

          Iz chas Nậm Pồ, ntâu tsênhv qơư txơưr hâur thax tsav tỉnh Điện Biên cux tsênhv taz tov sir jos huôv tsar uô cxuô qơư ndis uô si, sêiz shuôk têz qơưs txuôk đros sđ têx txux chi, vênhx huôv jông. Pir li huyện Tủa Chuôx, muôx têx tox trôngz câuv har jông jav. Ntơư zos qơư trôngz poz jêz Tả Phìn, blêx liêx tơư ntêir, kriz ciêz muôs tsôngv px hâur thax tsav têx hax huv; qơư di tích, kror tsuô…thiêz nhiv no, huyện tsênhv taz tov cxiv uô cxuô zav hax huv du lix, huv đros tsôngv kruô hâur têz qơưs thiêz kruô oz chas têz qơưs siêz nhiêv. Zơưv Vav x Zax, Chủ tịch uỷ ban xã Xá Nhè, huyện Tủa Chùa hêik pâuz:  Hâu nov xã cux moz siêz yax kriê tsôngv px hâur thax tsav huyện cux li xã Xá Nhà; lar hêik zos uô trơưk Huyện ủy Tủa Chùa Nghị quyết số 32 chiê huôv tsar-cxiv uô qơư ndis uô si.

          Hâur côngv thôngx muôx 19 hêir nênhs thiêz iz hêir nênhs nhiêk muôx nhiêk txux chi, vênhx huôv jông txơưr tsik siz thôngx thiêz ntơư zos thax tsav qơư zôngx ziv huôv tsar cxiv uô qơư ndis uô si, sêiz shuôk têz qơưs. Hâur ntơư, hêir nênhs Poz Ziz zos phênhv chôngz nhoz tỉnh Điện Biên, tsênhv tuôr tsês tâu hêir nênhs co li têx txux chi, vênhx huôv jông cxôngx nzor.  Zơưv Nguyễn Minh Phú, Giám đốc Sở Vênhx huôv tỉnh Điện Biên hêik pâuz: Chiê muôx cov cxix cxix cxuô zav hax huv du lix; iz chas hêir nênhs poz ziz têx vênhx huôv, txux chi cxôngx nzor; hâur ntu zuôr txos, ngênhx vênhx huôv tỉnh tsênhv tror sir jos, cxơưz cxiz côngv thôngx hâur thax tsav huôv tsar truôx têx txux chi, vênhx huôv jông. Ntơư zos pêz Hmôngz têx kênhx đros trâu hêir nênhs Hà Nhì chax chêk nox tsiêz; hêir nênhs lok Tsuôk tsiêz ntor đêx…txuôk đros huôv tsar qơư ndis uô si lịch sử cov yênhx iz qơư huôv tsar uô nox nhoz cxuô tsênhv qơư: Tỉnh tưz muôx  Nghị quyết thiêz tso tơưv luôs hâux lưv huôv tsar truôx cxuô hêir nênhs tsơưs têx txux chi, vênhx huôv jông cxôngx nzor txuôk đros huôv tsar cêr uô nox cov tsôngv px muôx luz nênhx truôx tuk, tsâu sor.

          Đros trâu têx qơư di tích hâur ntu tir ntâuk zênhx tros châuz Điện Biên phủ đrav ntêx, uô trâu cxuô luz têz qơưs sâuv ntiêx têz pâuz txos. Luôs hâux lưv cxiv kho têz qơưs truôx tuk txuôk đros huôv tsar truôx cxuô hêir nênhs têx txux chi, vênhx huôv jông cxôngx nzor trâu thax tsav qơư co, zos tsôngv kruô tuôx sêiz shuôk txos Điện Biên Phủ cux zênhx nhoz trơưr tsôngv kruô siêz tsik plox./.

Tsu cxêik nhênhv-Vũ Lợi, CQTT Tây Bắc