Lênhx nênhs paz tsôngv box Cho Khe Đát muôx cêr thôngx siêz jông

Nhoz Khe Đát, nênhs Cho lênhx tưs cux sưv pâuz zơưv Đặng Hồng Quân. Tsi lês uô iz zav hâux lưv đaz tsi hâur jêx jok, hâur xã hlo, taz sik txix lênhx txir ndâux txir luk, moz siêz txos sơưr đơưk, ntâu shông đhâu zơưv Quân tưz yênhx qơư khov truôx trâu tsôngv niêv txir cưr tix nênhx tsa, iz chas ntơư zos lênhx tâu cấp ủy, hâu nov ntơưv qơư njênhs njôngr thiêz đros đơưk têx phiv liv hâur côngv thôngx: “Hâur jok muôx ntâu nuv, taz sik ntâu đuô hur si cux zos lok sâuv siz txênhz ar liêx têz, tiv zix zos ar har jôngr, por tox đo. Chiê đơưk tu tâu têx li heik sâuv, đros thiêz cê zos lâul nênhs, lâul jok, cur tsuv mnôngs tsôngv niêv txir lax pêx xênhv 2 tos heik sêz, lênhx tưs zos, lênhx tưs zuôv, tas nro sơưr đơưk sik đros xav, đros ntâuk grê, txix ntơư thiêx pâuz tâu chuôz zis no zuôv kror tov, chuôz zis ntơư zuôv kror pêv….. Nhiv no chuôz zis tưs zuôv ntâu mak tsuv kho ntâu, chuôz zis zuôv tsơưs kho tsơưs chiê pêz sik thôngx siêz, sik đros huôv tsar uô nox cxơưz luz nênhx tsâu sor, vav mênhx”.

Tsi tiêk tsưx phưv truôx cêr sik thôngx siêz hâur jêx jok, zơưv Quân tsênhv uô ntêx nyuôs vênhv tôngv tsôngv  niêv txir lax pêx xênhv tso tsês têx cêr nênhx pôngz kaz, lar heik zos lok sâuv siz zuôr nzor. Ntâu shông lok no, Khe Đát tưz tsi muôx gơưv niêv txir tưs siz zuôr thâuv tsi tâu txưv shông hlo.

Hâur têx phôngz yaox, cxiv vênhv tôngv, zơưv Quân thâuv tưs tưz uô ntêx nyuôs hâur cxuô luôs hâux lưv. Thâuv fuô kriê cxiv tsa tsêr vênhx huôv, zơưv Quân chuôz zis  tưz muôz iz cxênhz ntâu xưv phaz ar thiêz đros canr bôv vênhv tôngv tsôngv pêx xênhv muôz 2 cxênhz ntâu xưv phaz ar têz, paz 60 tsov đeiv thiêz 600 hnuz côngz lox tôngv chiê krêz uô đar cêr jêx jok zôngx ziv muk lol. Zơưv Đặng Hồng Quân heik pâuz nzir: “Thâuv xuz thơưx sơưr đơưk cux tsi cav, tus tưs cux tsi xar muôz hlo, taz sik cur phênhz mênhx, heik kriê sơưr đơưk pâuz tsênhz, zos tsi muôz ar uô cêr đar zôngx ziv muk lol mak thâuv chos shôngz ntông lox tas, yêz lox tuôx tsi tâu txos, nhux tưv tsi muôx tas, thâuv ntơư sơưr đơưk zuôr tsuv cưr têx ntông hnhar hâur liêx têz lok, sơưr đơưk pok cưr tâuk. Jông đuô mak iz lênhs muôz, jav mê njik ar têz trâu jok krêz đar cêr chiê zôngx ziv muk lol đuô,tsi tas li têx ntông lox cux muôs tâu gri đuô. Jux juk sơưr đơưk cux xar đuô thiêz jông siêz, thôngx ziv muôz ar uô cêr”.

Zơưv Đặng Hồng Quân tsưr ziv thiêz cêr uô ntêx nyuôs tưz nthuôr đêz đar trâu luôs lưv tus cơưv shâuv, uô trơưk. Lar heik li: Tix lâus Lâm Văn Minh, iz hâur têx chuôz zis đhâu thâuv tâu vênhv tôngv tưz muôz 100 ntâu xưv phaz ar chiê krêz uô đar cêr muk lol. Thiếu tá Hoàng Đăng An, Phưv tsar Công an xã Trấn Yên, tỉnh Lào Cai heik pâuz: “Zos lênhx txir ndâux txỉ luk hâur tsôngv box heir nênhs tsơưs, hâur ntu đhâu, zơưv Quân tưz sir jos đros chor Công an lês uô hâux lưv tsưx phưv truôx tuk thax tsav qơư. Lar heik, zơưv đros yax mông, piêr kriê chei têz qơưk; đros đơưk têx cuz nxor trâu tsôngv niêv txir lax pêx xênhv; đros phax tir thêir, qênhz pov zênhx max têx tsi jông, cuz nxor chiê nhênhz chơưv trâu cấp ủy Đảng, hâu nov ntơưv qơư thiêz lưv lươngv công an đơưk tu tâu jông”.

Nhoz thax tsav tox siêz txov nhêv, zơưv Đặng Hồng Quân têx côngz đas jos paz tưz đros đơưk uô tâu jông cxuô luôs hâux lưv, cxơưz cxiz sơưr đơưk muôx cêr thôngx siêz truôx. Thiêz thâuv muk txos trâu jok Cho, têx lênhx tsưx phưv sơưr đơưk cêr thôngx siêz li zơưv Quân ziv muôx nzir cêr vav njôngr, qơư khov truôx, viv chênhr lơưr tưz paz yax xa Đảng, têz qơưk tsưr ziv, tsênhv chei txos trâu pêx xênhv, tsưx phưv truôx qơư nhoz, cêr sik thôngx siêz, siz hluz siz paz, sik đros huôv tsar./.

Thừa Xuân-Riê Lâux cxeik, nhênhv

Pêz hêir nênhs Hmôngz Lai Châu têx txux chi kênhx

Đhâu ntâu tiêv lok no, kênhx tưz yênhx pêz hêir nênhs Hmôngz iz txux chi, vênhx huôv jông muôx đros đrêiv tsôngv px jêx jos hâur thax tsav tỉnh Lai Châu. Têx suôz njiêz luk kênhx hêik cxix cxuô lok cxuô zav hâur luz nênhx niêx hnuz txuôk đros côngv thôngx hâur têx hnuz kriz ntênhk hội đros trâu tsôngv tuz nxêik hluôk hnar zuk hêir nênhs têx tsôngk tiêz, tsôngk yo jông jav đhiê kênhx lov jêv lul. Zơưv Shôngx x Vax nhoz jos Sin Suối Hồ, xã Sin Suối Hồ, tỉnh Lai Châu hêik pâuz: “Kênhx Hmôngz hâur ntu đrav ntêx, tâu cxuô lênhx tuz nxêik hluôk sir zôngv chiê xa têx cêr hluz cêr ndo yuô txos trâu tus zuk nhiêv, zuk nyơư chiê. Pêz zos tiêv tov kaz, cux tsênhv tuôr tsế tâu zuk hêir nênhs têx txux chi kênhx cxôngx nzor muôx đros đrêiv hâur luz nênhx tsik chiê pôngz plox”

Iz chas yuôz kênhx nthuôr uô cêr lov jêv, kênhx cux tsênhv tâu sir zôngv chox lok yuôz uô đaz uô kruô thâuv muôx iz tus lâuk pur 120 shông tâu tas siv nênhx; lar hêik zos yuôz xa tus tâu tas siv nênhx co muk thơưx thiêz muk chuôs pox côngz zơưv côngz. Zơưv Mang x Muôk, zos iz lênhx tsênhv tuôr tâu pêz Hmôngz têx txux chi kênhx nhoz josTu San, xã Mường Kim shir phaz lul hêik pâuz: “Pêz hêir nênhs Hmôngz têx txux chi kênhx muôx ntâu zav thiêz muôx ntâu zav trax, taz sik kênhx thiêx tâu chox lok sir zôngv ntâu đuô hur si. Viv kênhx muôx njiêz luk txuôk đros cêr côngv siêz jông hâur côngv thôngx trâu têx hnuz kriz ntênhk hội, cxơưz cxiz tsôngv tuz nxêik hluôk txuôk đros cêr gâux cêr đrâus, cêr ndo yuô txos tus zuk hluz”

Kênhx Hmôngz muôx 6 tus ntir, pir li 6 lênhx hâur iz chuôz zis nhoz uô cê, muôx cêr côngv siêz jông. Lar hêik, hâur têx hnuz kriz ntênhk hội, thâuv hnor têx suôz kênhx đror, chênhr zos cxơưz cxiz tsôngv tuz nxêik hluôk sđ tuôx siz njiz, siz chuôs thiêz thâuv muôx iz tus lâuk pur 120 shông tâu tas siv nênhx, suôz kênhx tưz xa lênhx tas nênhs pur 120 shông muk chuôs pox côngz zơưv côngz.

Chênhr zos li hêik ntơư, hâur ntu têz qơưs hlôngr yiêz nhiv no, hâu nov tỉnh Lai Châu ziv moz siêz yax kriê tsôngv tuz nxêik hluôk sđ huôv tsar, tuôr tsês zuk hêir nênhx têx txux chi kênhx cov muôx đros đrêiv hâur luz nênhx tsik chiê pôngz plox. Pos Nguyễn Thị Việt Hà, Tsar phôngx vênhx huôv xã Mường Kim hêik pâuz: “Kênhx Hmôngz zos iz zav txux chi, vênhx huôv jông tsuv muôx đros đrêiv hâur hêir nênhs co luz nênhx niêx hnuz. Chênhr zos li hêik co, hâur ntu đhâu pêz tưz hêik trâu hâu nov ntơưv qơư kriz cxuô lớp kriê cơưv kênhx, tsiv uô kênhx txuôk đros huôv tsar ntâu zav vênhx huôv, txux chi jông đros trâu kriz ciêz Tà Mung, cxuô ntênhk hôi, xor xưv ndis shuôk têz qơưs. Đhâu co, paz phênhv tuôr tsês pêz hêir nênhs Hmôngz têx txux chi, vênhx huôv jông cxôngx nzor zos đrêiv li tỉnh ủy Nghị quyết 04”

 Trơưk li zơưv Trần Mạnh Hùng, Giám đốc Sở Vênhx huôv, tỉnh Lai Châu, hâu nov cxuô tsênhv qơư thâuv tưs tưz moz siêz huôv tsar truôx cxuô hêir nênhs sđ têx txux chi, vênhx cxôngx nzor: “Txux chi đhiê kênhx thiêz tsiv uô kênhx tâu tso trâu hâur luôs hâux lưv tuôr tsês cxuô hêir nênhs têx txux chi, vênhx huôv jông cxôngx nzor. Pêz tưz kriz ntâu lớp kriê cơưv đhiê txux chi kênhx Hmôngz, tâu côngv thôngx pêz hêir nênhs Hmôngz nhoz cxuô tsênhv qơư moz siêz txos”

Nhoz thax tsav tox siêz tỉnh Lai Châu, Pêz hêir nênhs Hmôngz têx txux chi kênhx tsênhv muôx đros đrêiv hâur luz nênhx hâur thax tsav ntus đriv pêz têz qơưs, cux chênhr zos cxơưz cxiz tsôngv hluôk sđ tuôr tsês zuk hêir nênhs têx txux chi, vênhx huôv jông cxôngx nzor tsik chiê pôngz plox./.

                                    Tsuv cxêik nhênhv-Khắc Kiên

Jos Khá – zos qơư jông jav hâur ntu cêr tuôx ndis uô si trâu Sơn La, faz Bắc

Jos Khá nhoz đêz tsênhv qơư xã Yên Châu, tỉnh Sơn La zuôr xar 10 cêik. Jos muôx 93 chuôz zis, 420 ntâu lênhx nênhs, 100% zos hêir nênhs poz ziz huôv tsar cêr uô nênhx nhoz. Zos tsôngv tsôngv kruô sđ muk ndis uô si txos jos Khá, cux pâuz tâu tsôngv px hâur thax tsav qơư co têx vax tsêr, chuôz zênhx chuôz tav, qơư nox nhoz muk lok hâur niêx hnuz tsênhv zos đrêiv li đrav ntêx. Hâur shông 2025, têx tsoz chos ntông mo môngk, tsoz chos ntông mo khak tưz tâu côngk nhav zos VN tsoz chos tâu ntêr shông lok.  Zơưv Quàng Văn Luống, iz lênhx px nhoz jos Khá shir phaz lul hêik pâuz: “Txix thâuv xênhz zus hloz lox, tsoz chos mo môngk, tsoz chos mo khak hâur jos no tsik pâuz shor chos thâuv tưs lok. Viv tsoz chos mo khak muôx blôngx nzor jêx jos thiêz txi txir chox muk muôs, px cux muôx phênhv sâu tâu mê njik nhiêx txiêx chox lok sir zôngv hâur luz nênhx. Chênhr zos li hêir ntơư, txos trâu nhiv no oz zav tsoz chos co tsênhv tâu tsôngv px sđ tsưx phưv tâu truôx tsik trâus ruôr ntor”

Đros co, tsôngv px poz ziz nhoz luz jos no cux tsênhv tuôr tâu tsês zuk hêir nênhs têx txux chi, vênhx huôv jông cxôngx nzor muôx đros đrêiv hâur luz nênhx tsik chiê pôngz plox. Pos Lò Thị Bốn, nhoz jos Khá shir phaz lul hêik pâuz nzir: “Thâuv tưs pêz cux ndo njôngr tuôr tsês zuk hêir nênhs poz ziz luôs hâux lưv chos pax, ntok ntâuz cxôngx nzor. Hâur ntu zuôr txos no pêz tsênhv zuôr cxiv uô iz kror qơư ntok ntâuz, xơưk pax ntâuz cxôngx nzor cov muôx đros đrêiv hâur luz nênhx”

Iz chas hêir nênhs poz zis tsôngv pox niêv, vir ndâuk luôs hâux lưv ntok ntâuz; chor txir nênhx hêir nênhs poz ziz hâur jos cux tsênhv tuôr tsês-huôv tsar truôx zuk hêir nênhs luôs hâux lưv phiêz cxuô zav tơưz chox lok sir zôngv hâur luz nênhx đros trâu tuôr tsês zuk hêir nênhs poz ziz têx txux chi, vênhx huôv jông cxôngx nzor. Zơưv Quàng Văn Phanh – iz lênhx px nhoz jos Khá hêik pâuz nzir: “Hâur niêx shông, thâuv txos trâu hnuz xiêz 10 hli 6, tsôngv px sđ tsuv txi côngv jêx jos iz jiês. Co zos txi côngv chiê tsôngv px sđ tsik muôx moz gênhk, khưr sâu tâu ntâu kôngz lôngk, muôx luz nênhx tsâu sor”

Sir jos huôv tsar uô têx muôx ntơưv qơư, hâur shông 2022, jos Khá tưz tâu hâu nov huyên yên Châu (kuz), tỉnh Sơn La tso tơưv luôs hâux lưv kriz cxiv uô qơư ndis uô si, sêiz shuôk têz qơưs. Ntơư zos xêir tsov 5 chuôz zis cxiv kho đuô tsêr tok kruô; 3 chuôz zis kriz qơư muôs cxuô zav nox; 3 chuôz zis cxiv uô qơư ntok ntâuz, xơưk fuôv txiêx thiêz phiêz cxuô zav tơưz; lar hêik zos cxiv tsa tâu oz paz tuz nxêik hluôk nthuôr uô cêr lov jêv, đhiê pax vuôs, sênhr chêr cxôngx nzor chiê tsôngv kruô tuôx ndis uô si pâuz txos. Zươv Trần Xuân Việt, Phưv Giám đốc Sở vênhx huôv tỉnh Sơn La hêik pâuz nzir: “Jos khá zos iz luz jos tâu Sở Vênhx huôv thiêz Sở kôngz nuv-tênhx qơư xêir tsov cxiv uô qơư ndis uô si, sêiz shuôk têz qơưs txuôk đros cxiv tsa jêx jos yiêz. Thiêz hâur ntu zuôr txos no, ngênhx tsênhv zuôr  tso tơưv cxuô luôs hâux lưv uô cov tsênhz mênhx, chiê cxiv tsa jos Khá yênhxx iz jos jông jav huv đros tsôngv kruô siêz nhiêv”

Txơưv vax tsêr, cêr muk lok tsik tâu huv đros, taz sik txix têx txux chi, vênhx huôv jông cxôngx nzor co tsênhv tuôr tâu truôx muôx đros đrêiv hâur luz nênhx, jos Khá cux zuôr yênhx iz qơư jông jav nto bê, cxơưz cxiz tâu tsôngv kruô tuôx ndis uô si, sêiz shuôk./.

Tsu cxêik nhênhv-Thu Thuỳ