Sir jos uô yênhx hnuz cov uô tiêr tsêr cơưv ndax kriz shông cơưv yiêz nhoz Phiêng Pằn

Tsêr cơưv Phôv thông nội trú Cxênhx iz thiêz Cxênhx oz xã Phiêng Pằn, tỉnh Sơn La ntâu hnuz lok no txix trôngx vas tsêr cơưv txos têx qar cơưv ntơưr, qơư nox nhoz, tsêr uô hâux lưv lok sik cêr muk lok hâur tsêr cơưv, kror tưs cux tâu sir jos uô cov sêi. 600 ntâu lênhx kỹ sư, canr bôv kỹ thuật thiêz công nhân đros ntâu taz viv tsênhv uô hâux lưv tsik so cov uô tiêr cxuô kror hâur tsêr cơưv ntơưr. Zơưv Nguyễn Văn Hào, Giám đốc Công ty Cổ phần yưv pênhr thiêz cxiv tsa Việt Hùng, taz viv uô côngz trinhx puz pâuz: “Nhiv no sâuv công trường muôx zuôr xar 600 lênhx cán bộ kỹ thuật thiêz công nhân. Hâur oz ciêz zuôr txos, pêz tror tuôr truôx luôs hâux lưv uô 3 ca tsik so chiê uô tiêr têx hâux lưv zok muôz”.

Têx hnuz hâur hli 8, ntux yar ntux nas sâuv thax tsav ntus đriv Sơn La txơưr txar ntâu. Muôx têx hnuz yar ntux cuz sor, txos zar hnuz keix ho lok nas. Taz sik, sâuv công trường đar muôx 5 héc-ta thâuv tưs chor suôz mêir uô hâux lưv cux đror tsik so hlo. Cxuô kror puôr lênhx tâu sir jos uô cov sêi, nênhs mak đhok meir, nênhs cxiv uô têx faz nja tsêr, plas tsêr; yênhx kror puôr lênhx tâu sir jos uô cov tsik tuôr xuôv iz kror  six hơưv tưs hlo. Zơưv Trần Anh Dũng, công nhân tsênhv uô hâux lưv ntơưv kror qơư đhok meir puz pâuz: “Têx cưr tix công nhân thâuv tưs cux sik côngv siêz sir jos hla đhâu têx phiv liv, tsi xav ntux yar ntux nas uô hnuz uô hmo chiê côngz trênhx uô tiêr huv zos li tsưr ziv, ndar tok têx nhuôs shux xênhz hâur shông cơưv yiêz”.

Txos nhiv no, Tsêr cơưv Phôv thông nội trú Cxênhx iz thiêz Cxênhx oz xã Phiêng Pằn tưz jux juk uô tiêr têx lớp cơưv, tsêr uô hâux lưv, qơư nhoz so, tsêr nox mor, txos tênhv tênhz thiêz đêx. Têx kror qơư yar tiêx tsêr cơưv thiêz cêr muk lok hâur tsêr cơưv cux tsênhv sir jos tâu uô cov tiêr. Tsuôk hâur oz pêz ciêz zuôr txos, luz tsêr cơưv no zuôr tos 1.000 ntâu lênhx shux xênhz thiêz cưk kriê ntơưr tuôx kriê thiêz cơưv ntơưr, hâur iz tênhx qơư yiêz jông, muôx txâuk cxuô zav. Hâur jiês qênhz yuôx công trường nhiv kruôr đhâu, Phưv Chủ tịch Ủy ban tỉnh Sơn La Nguyễn Minh Tiến sâu jênhv tsưr yưv pênhr thiêz têx taz viv uô li têx sir jos uô hâux lưv. Đros co hêik tror uô truôx jông, taz sik tsik tsuv uô cov zos tsơưr lươngv côngz trênhx, ngaz tuk lox tôngv thiêz uô cov tâu jông luz tsêr cơưv ntơưr: “Lok six sâu jênhv  sơưr đơưk tưz cxaz nzir lênhx nênhs chiê kriz uô, ntu no tsênhv chôngz đuô ntu uô ntêx. Muôx 600 lênhx nênhs zos tas nro công trường li  sir jos tiv zix. Chor nênhs kriz uô chôngz cux tsuv phênhz, xêir tsov cov jông viv ntu no tsuv muôx txux chi tsưr ziv siêz cov cxuô kror tâu uô khor truôx jông đuô”.

Trơưk li tsưr ziv, têx luôs hâux lưv chênhr hâur côngz trênhx zuôr tâu choz zok uô ntêx hnuz 30/8. Đros trâu luôs hâux lưv uô cov tiêr cxuô kror, ngênhx zoz zux tỉnh Sơn La thiêz hâu nov ntơưv qơư cux tưz bax chor cưk kriê ntơưr, chuôz zênhx thiêz cxuô zav chiê bax muôz tsêr cơưv lok uô hâux lưv txix ciês thâuv hâur shôngk shông cơưv yiêz.

Sâuv công trường Phiêng Pằn nhiv no, têx hâux lưv xưk li tâu xav hâur yênhx hnuz, yênhx six hơưv. Iz kror faz nja, iz qar cơưv, iz ntu cêr hâur tsêr cơưv tâu uô tiêr puôr lênhx paz trâu luz tsêr cơưv tâu uô cov tiêr ndax trâu hnuz kriz cơưv shông cơưv yiêz./.

Thanh Thủy-Trấn Long-Lik Thox cxêik nhênhv