Điện Biên: Sir jos uô cov tiêr côngz xưv 500 hnuz hmo uô ntêx 3 luz hli pir li tsưr ziv tso tơưv

Qơư kuô nza Liệt sĩ Têz qơưk A1 cux zos qơư kuô nza lơưr kaz ciês hâur tas nro 7 qơư kuô nza ntơưv Điện Biên tsuv tâu muôz chor mẫu têx nza liệt sĩ chiê njuôk xav ADN, xav jênhv xênhv bê trâu chor liệt sĩ. No cux zos nghĩa trang lax uô kror hâux lưv no tiv zix, viv đhâu ntâu jiês kho đuô, cêr muk lok, yar tiêx thiêz chor nza puôr lênhx vuôv thiêz luôv poz jêz; têx ntông njuôz, đrox nhov tâu chox jông cxix cxuô. Hok, iz luz nza muôx đêiv vor hnhar txix 6 txos 7 puô cir. Trung tá Đặng Xuân Hòa, Phưv Chủ nhiệm Hậu cần- Kỹ thuật, Bôv Chỉ huy Quân sự tỉnh Điện Biên puz pâuz, zos muôz têx mêir, chuôz zênhx lox lok hâur no zuôr uô ruôr hiêv txos cxuô kror, hok zôngv lênhx nênhs đas jos mak zuôr lok six lax uô tâu sêi. Txix tsênhv tsênhz no, canr bôv, chiến sĩ tưz njuôk xav txos têx tsưr ziv jông chiê paz njêis txar tâu chor hâu vor têx nza no: “Phiv liv ntơưv qơư kuô nza A1 zos nhiv no chor nza ntơưv no tưz tâu vuôz poz jêz tas lơưv. Thâuv vuôv poz jêz tas li no mak xar yêv hâu vor chor nza chiê khơưz cux lok six hnhar, txix 6 txos 7 puô cir, zos zôngv têk nyêis yêv mak zuôr lax uô tâu. Đhâu qênhx shênhx uô thiêz nhênhz chơưv, pêz tưz zôngv chor xích hlâu paz chiê njêis txar têx hâu vor nza chiê khơưz. Nhiv no pêz kror tsưr ziv no uô tâu lok six jông, lok sik ngaz tuk thiêz lok six sêi. Njêis yêv iz luz hâu vor nza tsuôk tas 2 phênhz thiêz tror muôz vor mak tas muôx 3 phênhz xưz”.

Tsưr ziv njêis txar li hêik sâur tâu kriz uô txix têx chênhz zênhv hâur ntu kriz uô ntơưv chor qơư kuô nza liệt sĩ sâuv thax tsav uô ntêx co, paz uô tâu sêi hâux lưv khơưz chor nza liệt sĩ thiêz paz trâu chor nênhs uô tsik tas ntâu đas jos. Chiê kriz uô tâu sêi, canr bôv, chiến sĩ lưx lươngv vũ trang tỉnh tưz tsik zos tsar ndê pênhr jos, chuôz zênhx, mak tsênhv nhênhz chơưv, xar tơưv txix ciês tsênhv tsênhz. Iz tsưr ziv tâu tso tơưv puôr lênhx zos sir jos uô cov tâu sêi, taz sik cux tsuv huv zos, ngaz tuk trâu yênhx luz nza. Đại tá Dương Quốc Long, Phưv Chinhr ủy Bôv Chỉ huy Quân sự tỉnh Điện Biên hêik mênhx, chor hâux lưv khơưz nza, muôz mẫu chiê xav jênhv xênhv bê chor liệt sĩ ntơưv Điện Biên lok six ntâu, muôx 4.593 luz nza ntơưv 7 qơư kuô nza tsuv tâu khơưz, muôz mẫu phưx vưv trâu xav jênhv xênhv bê txix tsưr ziv ADN. Yênhx cxênhz luz nza cux zos tiêk tsuv kriz uô yênhx cxênhz jiês khơưz, qênhz yuôx, muôz mẫu thiêz tsês chiê: “Đros Ban Chox kriê tỉnh Điện Biên li sir jos, pêz zuôr sir jos kriz uô cov tiêr jênhv vưv uô ntêx hnuz 30/9/2026. Tiv zix, ntơưv Điện Biên txos hli 9 zuôr zos chêix muôx lok nas ntâu, viv liv pêz tưz bax tsưr ziv chiê kriz uô cov tâu tas nro hâur chor hnuz muôx lok nas chuô thiêz sir jos uô txix lênhx nênhs li đas jos đros têx chuôz zênhx, pêz zuôr sir jos uô cov tiêr hâur hli 9 no”.

Zos uô tâu tiêr uô ntêx hnuz 30/9 zuôr txos mak tỉnh Điện Biên zuôr uô tâu tiêr hâux lưv muôz mẫu ADN chiê xav jênhv xênhv bê trâu chor liệt sĩ nzor đuô 3 luz hli pir li tsưr ziv xuz thơưx. Txơưv tsuv sir jos uô cov sêi, uô cov jông têx hâux lưv, taz sik chor lưx lươngv uô jênhv vưv no cux sir jos uô tiêr jông têx jênhv vưv. Viv iz luz nza tâu khơưz, iz kror mẫu sâu tâu zos iz kror zuôr paz nriêr pâuz tâu xênhv bê chor tuz lênhv tưz tâu tas siv nênhx thâuv ntu tir ntâuk tros châuz co, đhâu yênhx châuv shông ndêiv đêz chuôz zis, qơư nhoz. Njiê pov têx sir jos co, niêv tix Tô Thị Hương Hiếu, nhoz phường Điện Biên Phủ, tỉnh Điện Biên hêik pâuz: “Cur pov chor nênhs uô hâux lưv ntơưv no, sơưr đơưk puôr lênhx lok six sir jos, uô txix sơưr đơưk siêz xar chiê nriêr pâuz tâu nzor tiv zix xênhv bê trâu chor liệt sĩ. No tưz tsik zos cur xưz mak tas nro pêx xênhv Điện Biên, pêx xênhv tas nro têz qơưk vav tok njôngr yênhx hnuz”.

Ntơưv Điện Biên, yênhx lênhx tuz lênhv cux tsênhv sir jos uô têx hâux lưv zok nriêr têx poz cxa ntơưv yênhv luz nza. Txix têx tsưr ziv xar tơưv uô tâu jông txos têx tsưr ziv tâu kho đuô trơưk yênhx qơư kuô nza, tas nro puôr lênhx zos sir jos uô tiêr luôs hâux lưv zok nriêr tâu chor tuz lênhv đrav ntêx tir ntâuk tros châuz tâu tas siv nênhx cov pâuz tsênhz bê uô ntêx hnuz 30/9 zuôr txos./.

Vũ Lợi-Lik Thox cxêik nhênhv

Sơn La qênhz shuôk chuôz zis pluôs, chuôz zis zuôr xar pluôs shông 2026

Ủy ban tỉnh Sơn La nhiv kruôr tso tơưv luôs hâux lưv số 198 /KH-UBND, hnuz 30/7/2026 lok qênhz shuôk chuôz zis pluôs, chuôz zis zuôr xar pluôs trơưk cui tinhv hâur thax tsav shông 2026.

Luôs hâux lưv tsưr tsix iz jiês qênhz yuôx chuôz zis pluôs, chuôz zis zuôr xar pluôs shông 2026, taz sik iz chas co cux xav tênhv têx luôs hâux lưv uô tâu trơưk cui tinhv lok chor chuôz zis pluôs li: Qênhz yuôx chuôz zis pluôs, chuôz zis zuôr xar pluôs hâur ntu 2022-2025, uô qơư khov, ntâuk gri têx hâux lưv uô txo grêk cêr pluôs shông 2026.

Qênhz shuôk chuôz zis pluôs, chuôz zis zuôr xar pluôs trơưk têz qơưk  cui tinhv ntu 2027-2030, uô qơư khov chiê fuô uô têx tsaz yênhx, tsênhv chei txo grêk yêiz pluôs, truôx tuk xar hôiv thiêz têx tsênhv chei kinh têr - xar hôiv txơưr txix 01/01/2027; cxiv tsa têx xor mông, sôr laov chuôz zis pluôs, chuôz zis zuôr xar pluôs hâur ntu 2027-2030 uô qơư khov chiê seiz car, sox seiz thiêz fuô uô têx tsênhv chei txo grêk yêiz pluôs, truôx tuk xar hôiv hâur thax tsav tỉnh.

Tỉnh Sơn La hêik qênhz shuôk chor chuôz zis pluôs, chuôz zis zuôr xar pluôs trơưk cui tinhv hâur ntu 2022-2025 thiêz ntu 2027-2030 uô trơưk cui tinhv qênhz shuôk lơưr Thủ tướng Chính phủ, Bộ kôngz nuv thiêz tênhx qơư li heik kriê; tsuv taz por tsênhz mênhx, huv đros zos đrêiv cui tênhv.

Hâux lưv qênhz yuôx tsuv tâu uô txix jêx jok, ciês ntơưv ziv chuôz zis  tsuv tâu qênhz yuôx; taz por zos lênhx nênhs, cxix cxuô, muôx cxuô cấp, nganhx, pêx xênhv thiêz côngv thôngx cxaz chuôz; taz por heik tơưv tâu tsênhz mênhx pêx xênhv luz nênhx nox nhoz ntơưv qơư; lênhx nênhs buôk ti uô hâux lưv qênhz yuôx tsuv tâu kriê cxaz nzir têx txux chi tsưr ziv uô hâux lưv, pâuz tsênhz, pâuz mênhx txos pêx xênhv nhoz thax tsav tâu qênhz yuôx luz nênhx xênhz huôx niêx hnuz.

Suôv câuv qênhz yuôx, Ủy ban cấp xã xav jênhv tsênhz mênhx phênhv (%), chor ziv chuôz zis, bê ziv chuôz zis, têx xor mông muôx cik txos thiêz thôngz sâu hêik pâuz cxix cxuô têx ntâuz ntơưr lơưr cui tinhv.

Đhâu qênhz yuôx chuôz zis pluôs, chuôz zis zuôr xar pluôs shông 2026  trơưk cui tinhv pluôs ntu 2022-2025 tâu sir zôngv chiê ntâuk grê têx luôs hâux lưv uô  txo grês cêr pluôs shông 2026 lơưr cui tinhv.

Đhâu qênhz shuôk chuôz zis pluôs, chuôz zis zuôr xar pluôs trơưk cui tinhv ntu 2027-2030 tâu sir zôngv chiê xav tinhv lênhx nênhs seiz car thiêz fuô uô tsênhv chei paz txix hnuz xiêz 01/01/2027.

Hâux lưv seiz car, thôngz sâu thiêz hêik pâuz uô lơưr têx cui tinhv pluôs taz por thôngx ziv, truôx tul sôr laov.

Đhâu qênhz yuôx tsuv hêik tơưv tâu tsênhz mênhx chuôz zis luz nênhx; tsi chiê muôx yưv têx uô cxâuv; tsi muôz tso hâur chuôz zis pluôs lok sik tso têx chuôz zis pluôs tơưv đhâu ziv chuôz zis pluôs, chuôz zis zuôr xar pluôs tsi trơưk cui tinhv.

Chủ tịch UB cxuô xã, phường tsuv uô truôx luôs hâux lưvChủ tịch UB tỉnh thiêz chei têz qơưk luôs hâux lưv zok muôz chiê qênhz yuôx, xav jênhv tsênhz mênhx têx xor mông, hâux lưv qênhz yuôx thiêz bê chuôz zis pluôs, chuôz zis zuôr xar pluôs, chuôz zis hla đhâu cêr pluôs hâur thax tsav trơưk cui tinhv./.

Thanh Thủy-Riê Lâux cxeik, nhênhv