Nênhs pâuz txux chi sôr-zos chor nênhs paz kriê hlôngr yiêz sôr trâu jêx jok

Thâuv ntêx zos xar thêv nhiêx tênhv tênhz, nhiêx đêx lok sik uô cxuô zav ntâuz ntơưr, tix lâus Phạm Duy Thắng, nhoz jok 6, xar Yên Bình, tỉnh Lào Cai tsuv tuôx ciês trâu têx cơ quan lok sik têx qơư uô hâux lưv chiê uô. Luz mêir điện thoại tsuôk zos tâu zôngv chiê hu thiêz têz têx nênhs cxênhz jê hu tuôx, hok ứng dụng sôr mak xưk li tsik pâuz hlo.

Cxuô kror tsuôk hlôngr yiêz thâuv muôx chor thành viên Tov Công nghệ sôr côngv thôngx ntâu jiês tuôx ti gâuk tsêr kriê cài VNeID, ứng dụng zênhx hangx, Pêx xênhv sôr thiêz uô jông kriê cov pâuz cxuô zav hâur điện thoại. Txix tsênhv tsik tâu car sir zôngv côngv nghệ, tix lâus Thắng nhiv no tưz kriz uô tâu ciês cxuô kror hâux lưv sâuv điện thoại, đros co zos yênhx nênhs pâuz chiê kriê trâu pox nhuôs hâur jok: “Thâuv ntêx, pêz tsênhv tsik tâu pâuz txos hlôngr yiêz sôr. Taz sik txix thâuv jêx jok kriz uô, pêx xênhv tưz jux juk pâuz sir zôngv chor ứng dụng sâuv nền tảng “Pêx xênhv sôr”. Khov co, jêx jok, xar têx hêik pâuz, chox kriê puôr lênhx tâu pâuz txos êi; pêx xênhv cux zuôr hêik tâu ciês zuk siêz xar thiêz pâuz tâu têx xor mông lok cơưv jêx jok, têx tsênhv chêi lok sik tsưr ziv cxax yuôx phax moz trâu chor tsiêx tu zus”.

Têx hêik sâur cux zos têx hlôngr yiêz ntơưv ntâu jêx jok nhoz xar Yên Bình. Tưz tsik zos hêik kriê ntơưv Tsênhv qơư phưx vưx hành chinhr công lok sik tsêr vênhx huôv, chor thành viên Tôv Côngz nghệ sôr côngv thôngx  tsênhv muk trâu yênhx ziv chuôz zis, tiv zix zos chor nênhs lâul, tsôngv box mênhx cxưx tsơưs nênhs sôr chiê “tuôr têk kriê ciês uô têx hâux lưv”. Têx kror chuôs li lok sik zôngx ziv trâu chor hluôk nênhs li cài đặt ứng dụng, quét mã QR lok sik tso têx hêik pâuz trâu sâuv nền tảng sôr puôr lênhx tâu kriê ntâu jiês txos thâuv pêx xênhv pâuz kriz uô tâu truôx jông.

Nhiv no xar Yên Bình muôx 37 “Lênhx nênhs pâuz têx txux chi sôr” thiêz 40 thành viên dự bị paz kriê ciês têx txux chi sôr trâu pêx xênhv. Txos nhiv no, 95% ntâu chor ziv chuôz zis cài đặt ứng dụng Pêx xênhv sôr; 100% ntâuz ntơưr hành chinhr tâu txêik jênhv trực tuyến; tasn nro chor jêx jok kriz uô sêiz car sâuv nền tảng sôr. Pêx xênhv tưz tsik zos sir zongv dịch vụ công mak tsênhv jux juk sir zôngv công nghệ trâu uô nox, kinh doanh, thêv nhiêx tsik zôngv ciês nhiêx txiêx. Zơưv Nguyễn Duy Khiêm, Chủ tịch Ủy ban xar Yên Bình puz pâuz: “Đhâu kriz uô tsưr ziv jêx jok sôr, pêz pov muôx pêz kror zov chênhr: muôz pêx xênhv uô tsênhv njiêz; piz txix têx hâux lưv uô tsênhv tsênhz; thiêz phuôx huiz tas nro cxiv luôs chinhr triv đros uô. No zos têx kror zov chenhr cuêz tênhv paz trâu pêx xênhv đơưk kho têx hâux lưv tâu zôngx ziv đuô, pâuz tâu thôngz xor mông sêiz đuô, buôs ti tâu chinhr quyền zôngx ziv đuô thiêz huôv tsar tâu jông đuô kinh têr sôr”.

Txix tsưr ziv uô ntơưv Yên Bình, phòng yaox “Sơưr đơưk cơưv txux chi sôr” tsênhv tâu uô đêz đar sâuv tas nro tỉnh Lào cai. Đhâu iz shông kriz uô, tas nro tỉnh uô tâu jông xar muôx 2.900 Tôv công n ghệ sôr côngv thôngx đros muôx 20 cxênhz ntâu lênhx nênhs; yênhx lix 152 đôiv “Sơưr đơưk cơưv txux chi sôr”, tsưr tsix 200 ntâu lớp cơưv shâuv trâu 15 cxênhz ntâu lênhx nênhs.

Ntâu luôs hâux lưv hlôngr yiêz sôr kriz uô tâu jông. Chor nênhs xa têx ntâuz ntơưr trực tuyến tâu muôx 92% ntâu; thêv nhiêx trực tuyến hâur đơưk kho têx ntâuz ntơưr hành chinhr tâu muôx 80% ntâu. Hâur hâux lưv y têr, tas nro 29 tsêr kho moz tưz kriz uô ntâuz ntơưr kho moz điện tử; 100% qơư zoz zux phôv thông sir zôngv học bạ sôr.

Taz sik, tsưr ziv krizz công nghệ sôr trâu pêx xênhv tox siêz cux tsênhv yuôr ntâu kror phiv liv, tiv hạ tầng tsênhv muôx tsik tâu txâuk. Iz cxiê jêx jok tsik tâu muôx internet, tsênhv yuôr têx qơưk tsik tâu muôx sóng lok sik tsik tâu muôx tênhv tsênhz têz qơưk. Tsik tsơưs pêx xênhv tsênhv tsik tâu muôx têx chuôz zênhx txơưx njê, uô trâu tsik pâuz sir zôngv txos têx công nghệ, hok chor nênhs paz kriê ntơưv thax tsav qơư mak tsênhv muôx tsik tâu txâuk thiêz phênhv ntâu zos paz uô nzir têx hâux lưv no.

Chiê phongz yaox tâu kriz uô jông, Lào Cai tsênhv tror uô cov tiêr tsưr ziv “Nênhs hâur jêx jok pâuz txux chi sôr”, uô truôx jông cor Tôv công nghệ sôr jêx jok têx huôx tôngv, kriz uô đêz đar tsưr ziv “Jêx jok sôr”, “Jêx jok txơưx njê”; đros co sir jos yưv pênhr trâu hạ tầng sôr, jux juk uô cov muôx sóng txos cxuô qơư, paz sơưr đơưk pâuz jông txux chi sôr thiêz uô cov ngaz tuk jông thôngz xor mông trâu pêx xênhv.  Pos Dung Xênhv Zax – Phưv Bí Thư Tỉnh ủy, Tsar Đoàn Đại biểu Côx hôiv tỉnh Lào Cai puz pâuz lok tỉnh li tsưr ziv uô: “Tỉnh tưz choz trâu chor sở, nganhx nhoz Ủy ban tỉnh, têx ban Đảng cxiv tsa, đăngk cir chor tsưr ziv uô yiêz lok hlôngr yiêz sôr. Txix co, tsưr ziv “Nênhx txơưx txux chi sôr hâur jêx jok” tâu kriz uô, zos chor nênhs chiê pêx xênhv hêik pâuz tex ziv chênhv thiêz hêik pâuz têx vênhv thix cik txos. Lào Cai zuôr tror kriz uô phongz yaox lơưr tsưr ziv tsênhv tsênhz, paz trâu têx kror uô tâu tâu njiê pov tsênhz thiêz muôz pêx xênhv zos chor nênhs tâu sơưv. Tỉnh cux xav jênhv phongz yaox tsuv tâu kriz uô tsik so, muôz pêx xênhv zos tsênhv njiêz; tsưr ziv uô kaz ciês zos paz trâu pêx xênhv muôx nzir txux chi siêz thiêz pâuz uô tâu jông têx txux chi sôr”./.

Trịnh Xuân-Lik Thox cxêik nhênhv

Sơn La thôngz đhâu tsưr ziv kriz uô Tsaz yênhx phax tar nhiês zuôr muôs lênhx nênhs ntu 2026-2030 thiêz ndar txos shông 2035

UB tỉnh Sơn La nhiv kruôr tso tơưv tsưr ziv sôr 1666/QĐ-UBND, hnuz 6/7/2026 lok kriz uô Tsaz yênhx phax tar zuôr muôs lênhx nênhs ntu 2026-2030 thiêz ndar txos shông 2035 sâuv thax tsav tỉnh Sơn La”

Tsưr ziv no li qơư tsov txos zos chiê tsưr tsix kriz uô muôx chêx cuk tsaz yênhx phax tar zuôr muôs lênhx nênhs ntu 2026-2030 thiêz ndar txos shông 2035 sâuv thax tsav tỉnh, huv đros tỉnh tox siêz, ntus đriv li têx muôx ntơưv qơư. Muôz siêz cxuô cấp, cxuô nganhx, tiv zix zos nganhx y tế li txơưx jênhv hâur phax tar, qênhz pov, txeik tok thiêz paz lênhx nênhs trâus zuôr muôs.

Chuôz tsar sik côngv hâur cxuô nganhx; sir jos yax mông muôz siêz jênhv pâuz trâu pêx xênhv, tiv zix zos thax tsav tsôngv box mênhx cxưx tsơưs nênhs, nhoz tox siêz đêz đrôngs. Muôz siêz pênhr xưv trâu têx lênhx canr bôv hâur hâux lưv paz nênhs trâus muôv muôs lơưr tsưr ziv seiz nênhs trâus muôv muôs zos tsênhv qơư. Gôngr phênhv taz por ngaz tuk xar hôiv, por vêv qênhx lênhx nênhs thiêz tuôr truôx txiv ngaz sâuv thax tsav tỉnh.

Qơư tsov txos tas nro zos tsưr tsix kriz uô cxix cxuô, muôx chêx cuk têx jênhv vưv, tsưr ziv phax tar zuôr muôs lênhx nênhs sâuv thax tsav tỉnh Sơn La; muôz siêz cxix luôk qơư y tế thiêz têx cơ quan cik txos li pênhr xưv hâur côngz xưv phax tar, qênhz pov, txeik tok, por vêv thiêz paz lênhx nênhs trâus zuôr muôs, taz por uô lơưr tsưr ziv seiz lênhx nênhs zos tsênhv qơư; gôngr phênhv por vêv qênhx lênhx nênhs, taz por truôx tuk xar hôiv, tuôr truôx txiv ngaz chính trị thiêz, tiv zix zos ntơưv thax tsav ntus đriv, tox siêz, thax tsav tsôngv box mênhx cxưx tsơưs nênhs.

Ntu 2026-2030 - 100% sở, ban, nganhx, UB têx xã, phường cxiv tsa, tso tơưv tsưr ziv kriz uô tsaz yênhx. Lơưr co taz por 100% qơư y tế sâuv thax tsav tỉnh uô lơưr tsưr ziv txeik jênhv, qênhz yuôx thiêz paz max nênhs trâus muôv muôs lơưr cui tênhv.

Taz por 100% lênhx nênhs trâus muôv muôs, nênhs tsênhv nhoz ntu xav jênhv zos nênhs trâus muôv muôs tâu buôk ti têx jix vuv paz lok y tế, tôngv vênhx huv đros zoz qơưx.

Sir jos tsơưs tiv zix 70% canr bôv y tế, nhân viên uô côngz xưv xã hội thiêz cộng tác viên tâu kruôz kriê txux chi, tsưr ziv paz lênhx nênhs trâus zuôr muôs. Chuôz tsar côngz xưv yax mông, taz por phênhv ntâu tsôngv box nhoz thax tsav tox siêz đêz đrôngs, thax tsav tsôngv box mênhx cxưx tsơưs nênhs tâu buôk ti xor mông lok phax, tar zuôr muôs lênhx nênhs.

Cxiv tsa, tuôr truôx thiêz kriz uô đêz đar têx tsưr ziv phax, tar nhiês zuôr muôs lênhx nênhs reik đros y tế tiv phaz huv đros tỉnh li tsênhv tsênhz.

Ndar txos shông 2035, tuôr truôx 100% nênhs trâus zuôr muôs tâu buôk ti thiêz sơưv cxix cxuô têx dịch vuv paz txưv lơưr cui tênhv.

Sir jos tsơưs tiv zix 90% cán bộ y tế, nhân viên uô côngz xưv xar hôiv thiêz lưx lươngv cik txos tâu thox cxov, kriê cxaz chuyên môn, nghiệp vụ lok paz txưv trâu lênhx nênhs trâus ruôr hiêv.

Uô tiêr thiêz uô tâu truôx luôs hâux lưv paz têx lênhx nênhs trâus zuôr muôs lơưr tsưr ziv uô truôx tul, huv đros tỉnh Sơn La luôs hâux lưv tso tơưv./.

Thanh Thủy-Txâur Vax cxeik nhênhv