Têx tsêr cơưv oz cấp thax tsav ntus đriv Sơn La tưz “cxiv uô zuôr tiêr"

Xor mông txix Ban chox kriê cxiv tsa tsêr cơưv nội trú trâu têx xã ntus đriv tỉnh Sơn La, txos nhiv no, 13 côngz trênhx tưz cxiv uô tâu zuôr xar 80 txos 97% ntâu. Hâur co, têx tsêr cơưv cxiv uô tax 90% ntâu nhoz têx xã Yên Sơn, Mường Hung, Lóng Phiêng thiêz Mường Lèo. 4 cxênhz 500 ntâu công nhân tsênhv taz tov siz chos côngv đas jos "tir ntux yar, ntux nas" cxiv uô cov tâu tiêr côngz trênhx tsêr cơưv zos đrêiv luôs hâux lưv tso tơưv.

Lơưr tsưr ziv njuôk xav hnuz 22/8 zuôr txos no, tỉnh Sơn La zuôr uô tiêr 3 tsêr cơưv xuz thơưx ntơưv têx xã Yên Sơn, Lóng Phiêng thiêz Mường Hung; jiês 2, tsưr ziv njuôk xav uô tiêr uô ntêx hnuz 30/8. Têx tsêr cơưv tsi tâu uô tiêr zuôr tror uô cov tiêr thiêz chox lok sir zôngv hâur shôngk shông cơưv yiêz. Zơưv Đinh Đại Thanh, Giám đốc Ban seiz car dự án têx côngz tsinhx kôngz nuv thiêz huôv tsar jêx jok tỉnh Sơn La, taz viv tsưr yưv pênhr uô 3 dự án zuôr uô tiêr jiês 1, puz pâuz:  “Lok tsưr ziv cxiv uô, đros tsêr cơưv Yên Sơn, nhiv no tsuôk yuôr txox cêr muk lok, taz viv cxiv tsa tsênhv ndar six hơưv chiê uô ar, nhiv no tưz uô tiêr plas cêr. Hâur têx hnuz zuôr txos tsi muôx ntux lok nas mak pêz zuôr uô tiêr, taz por 100% six hơưv. Đros côngz trinhx ntơưv xã Lóng Phiêng tsênhv chêx chôngk uô tiêr cêr muk qơư nhoz so, tsênhv chêx chôngk uô têx chuôz zênhx zuôr trâus. Đros Mường Hung, têx kror chênhr tưz uô tiêr, tsênhv chêx chôngk chox kriê uô tiêr... Phênhv ntâu txos hnuz 20/8, têx qơư no zuôr uô tiêr chiê bax trâu hnuz ntênhs uô tiêr”.

Sơn La zos tiv phaz xuz thơưx ciês đăng cir cxiv tsa 13/13 tsêr cơưv xã ntus đriv hâur jiês 1 đhâu thâuv muôx Bộ Chính trị li chủ trương, viv li cux zos tỉnh xuz thơưx zuôr uô tiêr hâux lưv cxiv tsa 100% tsêr cơưv ntus đriv hâur shông cơưv 2026-2027. Xav tênhv zos têx côngz tsinhx zaoz zux muôx ziz njiêz zov chênhr thax tsav ntus đriv, hâur ntu nhiv kruôr đhâu, têx đoanx côngz xưv tỉnh yax six qênhz yuôx tsưr ziv krêz uô yưv pênhr cxiv tsa ntơưv têx xã, cxơưz tiês muôz pênhr yưv uô, huiz tôngv lênhx nênhs, cungz chuôz zênhx thiêz muôx tsưr ziv đơưk kho têx phiv liv, cêr txov hâur ntu kriz uô. Zơưv Nguyễn Đình Việt, Chủ tịch UBND tỉnh Sơn La heik mênhx: No zos tas nro cxiv luôs chính trị hâur tỉnh li siêz truôx bo uô, gôngr phênhv uô tsênhz mênhx Đảng li chủ trương hâur tsoz phưz trâu hâux lưv zaoz zux thax tsav ntus đriv: “Ntu nhiv kruôr đhâu, têx xã ntus đriv thiêz têx tsưr yưv pênhr tâu choz krêz uô têx dưv anr tưz lok six sir jos cxiv uô. Đhâu têx đ/c  lênhs tov tỉnh li qênhz yuôx, iz cxiê tsêr cơưv tưz zuôr tâu cxiv uô tiêr muôx cxix cxuô thiêz lok six jông, đros cxix cxuô chuôz zênhx, qơư cơưv ntơưr, no cux zos siêz xar njôngr lok tsơưr lươngv zaoz zux ntơưv têx xã ntus đriv hâur ntu zuôr txos. Taz sik hâux lưv zuôr txos tsênhv yuôr, viv no nhiv kruôr uô tiêr hâux lưv cxiv tsa xưz, ntu zuôr txos tsuv tror tsov cưv txos hâux lưv coaz tsôngv đuô co zos cxiv tsa têx tsêr cơưv tsơưr lươngv siêz thax tsav ntus đriv”.

Chủ tịch UBND tỉnh Sơn La thix ziv têx lênhx nênhs yưv pênhr huiz tôngv ntâu lênhx nênhs, cxuô zav meir, chuôz zênhx; tsar ndê six hơưv, hnuz nhôngs, tsưr tsix cxiv uô cov jông, huv đros hla đhâu cxuô kror phiv liv chiê uô tiêr côngz trinhx uô ntêx 30/8; chuv tôngv bax cxix cxuô chuôz zênhx zaoz zux phưx vưv shux xênhz cơưv ntơưr, nox, nhoz, xênhz huôx thiêz tsưr tsix uô siv tas nro côngz trinhx uô ntêx thâuv chox lok sir zôngv. Uô ntêx, tsuv chêx chôngk cxuô zav trâu hnuz ntênhs uô tiêr thiêz krêz shông cơưv yiêz, taz por zênhx max tos shux xênhz, chiê côngz tsinhx nzor phuôx huiz chêx cuk, muôx tsiv gri, gôngr phênhv chuôz cxaz siêz njênhs njôngr, chuôz tsar sik côngv siêz têx mênhx cxưx, tuôr truôx côx phax, ngaz tuk thiêz tsưr qênhx ntus đriv têz qơưk./.

 Lê Hạnh- Txâur Vax cxeik nhênhv