Sir jos cxiv tsa tsêr cơưv nhoz ntus đriv Lai Châu

Suôz têx zav meir cxiv tsa đror đrông ntưk.Têx yêz thâux chuôz zênhx tsi so sik lơưr liês muk trâu côngz trươngx. Têx lênhx nênhs uô hâux lưv ntơưv dự án Tsêr cơưv Phổ thông nội trú oz cấp Cxênhx iz thiêz Cxênhx oz xã Pa Tần, tỉnh Lai Châu têx hnuz no sir jos đuô têx hnuz đhâu.

Đhâu ntâu luz hli kriz uô, 13 kror zov chênhr hâur dự án tưz jux juk tâu uô tiêr. Tsêr hiệu bộ, lớp cơưv, qơư cơưv bộ môn, qơư nhoz so, tsêr nox hâuk đros cxiv luôs cxuô zav tsênhv tâu ciêr chênhr uô tiêr. Sâuv thax tsav qơư đrav ntêx zos tox trôngz poz jêz, iz luz tsêr cơưv yiêz tsênhv jux jus tâu cxiv uô tiêr.

Côngz trênhx muôx tas nro pênhr yưv uô zos 263 tiv đêiv ntâu. Txos nhiv no, têx luôs hâux lưv cxiv uô tưz tâu muôx 94% ntâu. Têx taz viv tsênhv sir jos ndaz ndơưv yênhx hnuz, yênhx six hơưv chiê uô tiêr têx hâux lưv lơưr kaz ciês, ndar txos tsưr ziv choz côngz trênhx hâur hli 8. Zơưv Phan Văn Thuần, Chỉ huy trưởng công trường dự án Tsêr cơưv phổ thôngz nội trú cxênhx iz thiêz cxênhx oz xã Pa Tần puz pâuz: “Txos six hơưv nhiv no Tsêr cơưv Pa Tần cux tưz uô tâu 90 – 95% luôs hâux lưv zok muôz. Pêz cux tsênhv thix ziv kho đuô, cxaz nzir iz cxiê kror thiêz qêz suô hur si, uô luôs hâux lưv bax chiê chox lok uô hâux lưv hâur shông cơưv yiêz. Tsưr yưv pênhr lok six moz siêz txos thâuv tưz tso lênhx nênhs tuôx paz, đros công trường qêz suô, thâux xa têx chuôz zênhx, viv li tưz paz trâu pêz lok six ntâu chiê chox tsêr cơưv lok huôx tôngv hâur shông cơưv yiêz”.

Đros shux xênhz nhoz no, tsêr cơưv yiêz tsi taz zos têx qar tsêr cơưv jông, muôx cxix cxuô chuôz zênhx, mak tsênhv zos qơư nox nhoz hur jông, qơư uô si đar thiêz muôx tâu qơư cơưv ntơưr jông đuô. Tul nhuôv Lò Thanh Thủy, shux xênhz lớp 9A, Tsêr cơưv Phôv thông nội trú liên cấp Cxênhx iz thiêz Cxênhx oz xar Pa Tần lok six shir phaz thâuv thav txos luz tsêr cơưv yiêz no: “Shông cơưv yiêz cur zuôr tâu txar lok cơưv ntơưr ntơưv tsêr cơưv yiêz, hur jông đuô cur pov lok six jông siêz thiêz shir phaz. Chiê tsi uô tuôr xuôv txos têx hloz lênhs tov li tsov cưv, pêz zuôr sir jos chiê cơưv ntơưr cov jông đuô”.

Côngz tsinhx tsêr cơưv Pa Tần zos iz hâur 3 côngz tsinhx tsênhv tâu sir jos uô cov tiêr chiê taz por phưx vưv shông cơưv yiêz ntơưv tỉnh Lai Châu.

Uô lơưr Bôv Chinhr triv li Ntâuk grê số 81, tỉnh Lai Châu tsênhv kriz uô hâux lưv cxiv tsa 11 luz tsêr cơưv phôv thông nội trú oz cấp Cxênhx iz thiêz Cxênhx oz ntơưv têx xã ntus đriv; Công an tỉnh tâu choz uô tsưr yưv pênhr 10 tsêr cơưv. Txos nhiv no, ntâu côngz trinhx tưz tax txix 50% ntâu txos zuôr xar 100% tsưr ziv uô. Chiê taz por six hơưv, chor tsưr yưv pênhr thiêz tsưr thâux huiz tôngv yênhx puô lênhx nênhs, cxuô zav meir, khưx phưx cxuô kror phiv liv lok thax tsav thiêz qiv hơưv, tsưr tsix kriz uô tsi so lơưr tsưr ziv "3 ca, 4 kíp", uô hâux lưv yênhx hnuz hmo. Đại tá Phạm Hải Đăng, Phưv Giám đốc Công an tỉnh Lai Châu puz pâuz: “Công an tỉnh Lai Châu tâu choz uô tsưr yưv pênhr 10 tsêr cơưv oz cấp, hâur co muôx 4 tsêr cơưv kriz uô shông 2025 thiêz 6 tsêr cơưv kriz uô shông 2026. Đros thiêz 4 tsêr cơưv kriz uô shông 2025 txos nhiv no tưz uô tiêr sei tiv zix tâu 99%, tsêr cơưv kênhz đuô mê njik cux tâu muôx 60 – 70%. Pêz tsênhv chêx chôngk cxuô pênhr jos, lênhx nênhs chiê cxơưz tiês uô; tiv zix zos tưz tso tơưv tổ côngz xưv zuôr xar 200 cán bộ, chiến sĩ têx phongx Công an tỉnh paz trâu tsưr yưv pênhr uô, đơưk kho têx phêv liv lok chuôz zênhx, lok lênhx nênhs. Tiv zix, pêz tsênhv chuôz tsar côngz xưv seiz car, chiê uô tiêr trơưk six hơưv thiêz tsơưr lươngv côngz trinhx”.

 Lơưr tsưr ziv, tỉnh Lai Châu li 5 côngz trênhx tsêr cơưv ntơưr nhoz ntus đriv zuôr tâu uô tiêr thiêz choz uô ntêx hnuz 30/8 chiê bax tok shux xênhz hâur shông cơưv yiêz. Đros hâux lưv chuôz tsar six hơưv cxiv tsa, nganhx Zaoz zux thiêz chinhr quyênx tiv phaz cux tsênhv bax cưk kriê ntơưr, chuôz zênhx thiêz têx kror tsuv muôx chiê têx tsêr cơưv huôx tôngv ciês đhâu thâuv choz zok./.

Khắc Kiên-Txâur Vax cxeik nhênhv

Paz truôx tuk zav nox hâur chêix ntux nas chuô.

Xêir tsov zav nox truôx tuk:

- Tsuôk zuôr zav nox ntơưv têx qơư muôs truôx tuk, pâuz tsênhz qơư.

- Tsi zuôr lok sik sir zôngv zav nox tưz tsư pok, tsư nxiêz, tas six hơưv sir zôngv lok sik têx hnaz ntiv trâus to, tsi hur.

- Tsik sir zôngv zav nox trâus đêx ngaz, lok sik tưz tsik hur tas.

- Tsi zôngv tsiêx cxu, keiz ok tuôs, trâus moz lok sik tuôs tsi pâuz tsênhz qir tiv chiê uô zav nox.

Nox siêr, hâuk bâu.

- Uô zav nox cov siêr jông, tiv zix zos grêix, suôz njêl, kê thiêz têx zav nox txix tsiêx cxu.

- Tsi nox têx zav nox nhôngk, tsik tsi tâu uô siêr jông thâuv yar ntux cuz sor thiêz đhâu lok nas chuô.

Tsês chiê zav nox cov jông:

- Têx zav nox nhôngk thiêz zav nox siêr tsuv tâu tsês chiê jông cov tsik siz cik tâu caz moz.

- Tsik nox nzir têx zav nox tưz tso ntêr đrâuv tênhx qơư lok sik muôx njil tsư pok.

- Tsês têx zav nox ntơưv qơư kruôr krơưr, hur si, tir thêir tsik chiê caz, zôngr uô hiêv.

Phax tar trâus tưx zav nox hâur chêix ntux nas chuô.

- Uô ntêx thâuv zuôr muôx ntux nas chuô, tsôngv box tsuv bax tsês chiê zav nox, zav nox ntiv hâur hnaz tsênhv jông sir zôngv, đêx hâuk ntiv hâur hnaz lok sik đêx hur chiê sir zôngv zos muôx têx phiv liv. Hâur ntu muôx ntux nas chuô, tsi zôngv têx đêx kiêk nênhs, vuôz tsuôz chiê hâuk lok sik uô zav nox. Tsi nox têx zav nox tsik jông, tsư pok lok sik trâus đêx ngaz.

Zos pov lênhx nênhs trâus moz plaz, ntuôr ntâu, thox plaz, uô cuz uô no lok sik pov trâus tưx đhâu nox hâuk, tsuv chox ciês nênhs moz muk qơư y tế jê tiv zix chiê tâu chơưv kho, chơưv paz; đros co hêik trâu Trạm Y tế xã lok sik chinhr quyênx ntơưv qơư pâuz chiê sik côngv qênhz yuôx, xưv lik, phax tar trâus tưx zav nox./.

 Hồng Việt-Lik Thox cxêik nhênhv