Choz 200 luz tsêr trâu têx chuôz zis pluôs tỉnh Bắc Kạn

            Uô lơưr Ủy ban T.Ư MTTQ Việt Nam tsưr ziv, Ban vênhv tôngv “cuiv nhiêx viv nênhs pluôs” T.Ư muk paz max têx chuôz zis pluôs tỉnh Bắc Kạn, Bộ Công an seiz car hux jos đros Ủy ban T.Ư MTTQ Việt Nam thiêz tỉnh Bắc Kạn fuô uô txix hli 10/2023. Hâur hur si têx nhiêx txiêx 11 tyv đeiv paz max jiês no, muôx 10 tyv đeiv zos T.Ư li “cuiv nhiêx viv nênhs pluôs” thiêz iz tyv đeiv zos tỉnh Bắc Kạn “Cuiv nhiêx viv nênhs pluôs”, iz luz tsêr tâu paz 55 tsov đeiv lơưr tsưr ziv paz têx chuôz zis pluôs uô tsêr nhoz.

           Công an tỉnh Bắc Kạn, taz viv tâu choz seiz car fuô uô luôs hâux lưv heik sâuv tưz hu zâuv 2 cxênhz ntâu lênhx canr bôv, chiến sỹ, cxuô ziv chuôz zis đros paz uô kuô tsêr, paz têx chuôz laov cxiv tsa. Đros thiêz cxuô cơ quan, taz viv têx sir jos paz, đhâu 48 hnuz fuô uô, tưz uô tiêr tâu 200 luz tsêr, nzor đuô Bộ Công an tsưr ziv tso tơưv iz hlik.

            Ntơưv jiês choz tsêr trâu têx chuôz zis pluôs, Thượng tướng Lương Tam Quang, Thứ trưởng Bộ Công an tưz choz tsêr nhoz trâu têx lênhx hlôngr njêx muôs chor ziv chuôz zis pluôs. Thứ trưởng Bộ Công an sâu jênhv tỉnh Bắc Kạn heik cxuô, Công an tỉnh Bắc Kạn heik taz têx sir jos tưz cxiv uô tiêr 200 luz tsêr trâu têx chuôz zis txov nhêv. Iz chas ntơư, vav chiê siêz têx chuôz zis co zuôr tror sir jos hla đhâu phiv liv, huôv tsar uô nox chiê muôx luz nênhx truôx tuk.

            200 chuôz zis pluôs, txov nhêv tâu paz max lok tsêr nhoz jiês no zos heir nênhs Hmôngz, Cho, Tày, Sán Chỉ nhoz têx nhuyện Ba Bể, Pác Nặm, Chợ Đồn, Ngân Sơn thiêz huyện Chợ Mới, tỉnh Bắc Kạn. Têx tsêr heik sâuv tâu cxiv uô lơưr Bộ Công an tsưr ziv, taz por khor truôx, paz pêx xênhv muôx luz nênhx txov nhêv tỉnh tox siêz Bắc Kạn muôx tsêr nhoz sor si nox tsiêz 30, tok shông yiêz. Tix lâus Vưx Xênhv Vù, heir nênhs Hmôngz nhoz jok Khuổi Tàu, xã Cao thượng, huyện Ba Bể, tỉnh Bắc Kạn heik: “Thâuv ntêx tsênhv nhoz luz tsêr kuz đaz pêk tuôs, cur xar shor thâuv tưs thiêx uô tâu iz luz tsêr yiêz nhoz, thâuv muôx têz qơưk paz li no cur tưz muôx tsêr yiêz nhoz lơưv, cur tsi trâul muk nriêr shôngz ntông lok uô tsêr, têz qơưk lol six moz siêz txos pêz pêx xênhv, tưz paz cur uô tâu tsêr nhoz, cur uô tsâus lok six ntâu”.

            Zơưv Triệu Đức Văn, Bí thư Huyện ủy Chợ Mới, tỉnh Bắc Kạn heik pâuz: “Xuz thơưx zos tsaz yênhx paz têx chuôz zis pluôs, chuôz zis txov nhêv uô tsêr nhoz. Tiv 2, paz pêz ntơưv qơư txo grêk tsơưs têx phiv liv lok nhiêx txiêx, iz chas ntơư zos đas jos cxơưz tsôngv pêx xênhv sir jos hla đhâu cêr txov hâur luz nênhx”.

          Tsaz yênhx tưz paz zov chênhr gra siêz tsôngv box heir nênhs tsơưs hâur thax tsav luz nênhx xênhz huôx, heik lol têx cêr siz hluz siz paz, sik đros huôv tsar chiê sơưr đơưk muôx luz nênhx vav mênhx, tsâu sor. Iz chas ntơư cux cxiz paz max uô tiêr tsêr nhoz trâu zuôr xar 2 cxênhz chuôz zis pluôs, zuôr xar pluôs hâur tỉnh Bắc Kạn ntu 2021-2025./.

VOVĐB-Riê Lâux cxeik, nhênhv

Sir jos 100% nênhs muôx côngz têz qơưs muôx luz nênhx txix chungz fênhx ndê muk

           Tsênhz mênhx, nênhs muôx côngz trâu têz qơưs li luz nênhx chinhz yênhx, tiv zix zos nhoz tox siêz, nênhs njiz trâus phêv liv hâur luz nênhx zuôr tâu tsov cưv tsoz phưz. Lơưr li phênhv paz txưv, tsov cưv zuôr tâu chuôz ndê, thôngx cxix đros chính sachs tsov cưv tsoz phưz đas jos, tsêr nhoz, zaoz zux, muôz hâux lưv uô, tsiv uô, tâu sơưv têx jix vuv xã hội.

          Trung ương choz têx bộ, nganhx, tiv phaz nzor car chêx têx tsi tâu uô tâu hâur chính sách nênhs muôx côngz, tiv zix zos nriêr pâuz, xav tênhv têx poz cxa liệt sĩ zos lênhx tưs; cxiv tsa kho đuô nza liệt sĩ, têx côngz tsinhx ndi txiêx njik liệt sĩ; cxơưz cxiz têx tsưr tsix, lênhx nênhs thiêz tas nro xã hội sir jos cxaz chuôz têx phongz yaox ndo txiêx pâux njik.

          Lơưr lênhs tov Chính phuv, hla đhâu ntâu jiês tsav txênhz, nênhs muôx côngz thiêz chuôz zis nênhs muôx côngz nhoz Việt Nam lok six chôngz. Nhiv kruôr đhâu, chor bộ nganhx tưz sir jos car chêx ntâu vênhv thix tsi tâu uô tâu trâu nênhs muôx côngz nhoz Lào, Campuchia. Tiv zix zos đhâu têx cxiv tsav txênhz, liệt sĩ li têx ntâuz ntơưr pôngz lơưv tas, chiz coaz, tiv phaz tsuv tror seiz shuôk đuô, taz por uô cxix cxuô thiêz jav qênhx shênhx pênhr cov.

          Nênhs sơưr thơưx Chính phuv puz pâuz jênhv vưv coaz tsôngv ntu zuôr txos zos huôv tsar cxix luôk nox nhoz xã hội tas nro, têz qơưk, xã hội, tsôngv box sik đros pheiz kênh; tsov cưv huôv tsar cxix luôk BHXH hâur tas nro nênhs lox tôngv; muôz siêz tsơưr lươngv BHYT tas nro tsôngv box.

          Tsuv tror muôz siêz phênhv paz txưv xã hội lơưr saz taz por luz nênhx, huôv tsar jix vuv paz txưv xã hội đros mê nhuôk, nênhs trâus sêv khiz, nênhs muôx hnuz nhôngs siêz thiêz nênhs muôx luz nênhx txov nhêv tiv zix./.

VN Express-Txâur Vax cxeik nhênhv