Tsôngv box cxuô mênhx cxưx Thu Lũm bax tok Đaiv hôiv Đảng XIV

Hâur tsôngv box Hà Nhì luz tsêr cxôngx nzor, zơưv Lỳ Tư Lòng, nhoz jok Mé Gióng, xar Thu Lũm, tỉnh Lai Châu cux tsênhv shir phaz lul thâuv tâu Đảng, Têz qơưk, hâu nov tỉnh đros cxuô cấp, cxuô nganhx paz cov tsôngv box nhoz ntux đriv muôx tênhv tênhz têz qơưk sir zôngv, muôx cêr bê tông muk lok txos hâur jêx jok thiêz chor nhuôv zâu tâu muk cơưv ntơưr cxix cxuô:“Muôx cêr bê tôngv txos ntuô hâur jêx jok, tênhv, tsêr cơưv ntơưr, trạm y tế nhiv no tưz muôx cxuô khov muôx têx tsênhv chêi kriz uô huv pêx xênhv siêz. Đảng tsik so paz trâu pox nhuôs, tiv zix zos têx qơư tsênhv txov nhêv li Thu Lũm. Cur vav tiêk Đaiv hôiv Đảng XIV zuôr tror tso tơưv ntâu tsưr ziv zov chênhr chiê huôv tsar têz qơưk, cov pêx xênhv nhoz ntus đriv tâu paz ntâu đuô, jêx jok tsâu sor đuô”.

Hâur sir jos sik tưr uô lox tôngv, uô nox chiê txêik tok Đaiv hôiv Đảng bôv tỉnh Lai Châu jiês tiv XV yênhx côngz, six cxiv 2025-2030, canr bôv, đảng viên thiêz pêx xênhv cxuô mênhx cxưx xar Thu Lũm tsênhv bax tok Đaiv hôiv Đảng tas nro têz qơưk jiês tiv XIV. Đros siêz xar thiêz njênhs tiêk Đảng, Têz qơưk zuôr tror paz trâu huôv tsar cxuô zav, txo grêk yêiz pluôs truôx đrênhk, gra siêz tsơưr lươngv zoz zux, hlôngr yiêz luz nênhx trâu pêx xênhv. Zơưv Chu Mù Cà, nhoz jok Mé Gióng puz pâuz:“Cur siêz xar zos Đảng tror sir jos uô côngz xưv phax tar chor txiêz nanv xar hôiv, uô chak cov txo grêk tsơưs tiv zix; sir jos paz trâu têx tsêr cơưv ntơưr, cov pêx xênhv nhoz đêz, tox siêz pâuz ntâu đuô, muôx nzir txux chi, truôx siêz, thôngx ziv đros Đảng hla trâu ntu huôv tsar yiêz”.

Bax tok Đaiv hôiv Đảng XIV, đros cxênhx hluôk xar Thu Lũm, tỉnh Lai Châu, tưz tsik zos muôx siêz njênhs truôx trâu Đảng chox car, mak tsênhv sir jos cơưv shâuv, nriêr pâuz txos chor chủ trương, tsênhv chêi lox hâur dưv thảo hêik pâuz chinhr triv Đaiv hôiv XIV, chiê txix co thôngx ziv lok jênhv pâuz thiêz huôx tôngv. Niêv tix Lỳ Gạ De, Bí thư đoàn xar Thu Lũm hêik pâuz:“Đros zos lưx lươngv uô ntêx hlo, xar tơưv, chor hluôk nênhs tsêx trung sik tưr uô lox tôngv, uô nox, cxaz chuôz cxiv tsa jêx jok yiêz, por vêv tênhv qơư, tuôr truôx ngaz tuk, sir jos hlôngr yiêz sôr, paz trâu pêx xênhv hâur uô têx ntâuz ntơưr hành chính, phuôx huiz sir jos uô nox, paz trâu huôv tsar kinh têr, xar hôiv ntơưv thax tsav qơư”.

Zos xar tox siêz, nhoz đêz, ntus đriv muôx 99% ntâu tsôngv box mênhx cxưx tsơưs nênhs li Thu Lũm, têx shông đhâu, đros muôx Đảng chox car, cxiv luôs chinhr triv ntơưv qơư tsik so tâu uô truôx jông; tsưr qênhx têz qơưk tâu tuôr truôx, paz muôx tênhv qơư zôngx ziv trâu huôv tsar kinh têr-xar hôiv ntơưv thax tsav qơư. Zơưv Nguyễn Trường Giang, Bí thư Đảng ủy xar Thu Lũm, tỉnh Lai Châu puz pâuz:“Pêz sir jos yax kriê lok Đaiv hôiv Đảng XIV li tsiv gri, kror zov chênhr, tso têx phongz yaox sik tưr uô đros têx hâux lưv tsênhv tsênhz. Pêz hêik sir jos hlôngr yiêz tsoz chos, tsiêx tu zus, uô jông phongz yaox tas nro pêx xênhv sik côngv siêz cxiv tsa jêx jok yiêz, côngv têk paz trâu nênhs pluôs, phongz yaox tas nro pêx xênhv por vêv jông ngaz tuk têz qơưk”.

Đaiv hôiv Đảng XIV tâu vav tiêk zuôr tso tơưv tâu têx tsưr ziv lox trâu têz qơưk ntu huôv tsar yiêz. Đros xar ntus đriv Thu Lũm tsik so phuôx huiz đas jos côngv siêz tas nro mênhx cxưx, iz siêz njênhs njôngr trâu Đảng chox car cux li sir jos huôv tsar thax tsav qơư hâur ntu huôv tsar yiêz./.

                                                                                                                   TTTB-Lik Thox cxêik nhênhv