Lai Châu car chêx têx phêv liv, krêz tơưv năng lượng hur jông

Lai Châu nhiv no muôx 139 dưv anr tưz tâu thôngz đhâu yưv pênhr cxiv uô tênhv tênhz, tas nro công suất 5 cxênhz 229 MW ntâu. Hâur co muôx 131 dưv anr tênhv tênhz, công suất 4 cxênhz 169 MW ntâu thiêz 7 dưv anr tênhv yar ntux, công suất 1 cxênhz 060 MW. Ciês hâur 7 luz hlik hâur shôngk shông no, tiv phaz tưz muôx tsưr ziv yưv pênhr trâu 11 dưv anr đêx tênhv, công suất zuôr xar 195 MW.

Lar heik, 30 dưv anr tênhv tênhz đros tas nro công suất 496 MW ntâu thiêz 7 dưv anr tênhv yar ntux, công suất 1.060 MW tsênhv uô tiêr têx ntâuz ntơưr lok ar têz, jôngr nuv, tênhx qơư, tsưr ziv uô… chiê txâuk cxuô kror kriz uô.

Taz sik, hâux lưv muôz ar têz, ar har jông, ar uô kôngz,  kho đuô njuôs xav thiêz uô cov tiêr ntâuz ntơưr cux tsênhv zos têx "kror phiv liv" zuôr tsuv tâu đơưk kho. Đros tênhv tênhz yar ntux, tênhv chuô, doanh nghiệp cux xar njôngr cov nzor uô tiêr cơ chế, chính sách thiêz khung pháp lý.

Zơưv Phạm Hải Lăng, Chủ tịch Hội đồng quản trị Công ty Tênhv tênhz Than Uyên puz pâuz, doanh nghiệp tsênhv yưv pênhr uô 2 dự án Nậm Manh thiêz Nậm Hàng, tas nro công suất 170MW, heik mênhx: “Chiê huôv tsar truôx thiêz bax trâu ntu tov ntêx no, pêz tưz yưv pênhr uô iz tsêr meir tsiv uô phao ntaz sâuv đêx ntơưv Mường Mô – zos cxiv luôs phao ntaz sâuv đêx yiêz tiv zix sâuv ntiêx têz nhiv no. No zos chuôz zênhx lok six coaz tsôngv chiê phưx vưv trâu cxix luôs uô ntaz sâuv têx niêv pak đêx tênhv thiêz pêz cam kết yưv pênhr uô lêx ntêr. Taz sik, pêz thix ziv đros tỉnh Lai Châu zos hâur côngz xưv tso tsês công suất, tiv phaz tsuv thix ziv đros Chinhr phuv yưv pênhr nzir trâu pêz thiêz têx dưv anr cêr yêz za 500KV, 200KV”.

Zơưv Vương Thế Mẫn, Giám đốc Sở Công Thương Lai Châu puz pâuz: Nhiv no tỉnh tưz tso tơưv têx quyết định phênhz cấp, phênhz qênhx, li HĐND tỉnh tưz phênhz cấp trâu UBND tỉnh lok hlôngr tsưr ziv sir zôngv jôngr, ar têz thiêz têx njiêz luv cik txos têx ntâuz ntơưr hành chính. Doanh nghiệp li têx ziv chênhv tâu sâu jênhv thiêz têz cxix cxuô. Têx sở nganhx, chinhr quyênx tiv phaz zuôr đros doanh nghiệp đơưk kho chiê têx dự án nzor uô tiêr thiêz kriz uô: “Pêz tưz xav tênhv txo grêk tsơưs têx ntâuz ntơưr hành chính hâur nganhx li vênhv thix; thôngx cxix sik côngv đros têx sở, nganhx txơưr thiêz UBND têx xã, phường uô uô cê têx njiêz luv, chiê txo grêk tsơưs six hơưv thiêz têx hâux lưv mak têx doanh nghiệp tsuv uô. Đros co pêz đros têx sở, nganhx zuôr tror thix ziv trâu tỉnh uô tiêr têx njiêz luv, txix njiêz luv kriz uô txos njiêz luv uô tiêr thiêz muôz jông six hơưv chiê têx côngz tsinhx nzor uô tiêr, chiê tỉnh huôv tsar kinh tế, xã hội”.

Đros car chêx têx phêv liv lok ntâuz ntơưr, iz "hâux lưv" txơưr hâur nganhx năng lượng Lai Châu zos cxix luôs tso tênhv cux tsênhv tâu tiv phaz tsov cưv. Nhiv no 5 dưv anr tênhv tênhz 220kV, 110kV tsênhv tâu kriz uô, hâur co muôx têx qơư tso tênhv 220kV Phong Thổ - Pắc Ma thiêz têx cêr tênhv cik txos. Thâuv uô tiêr, têx côngz tsinhx no zuôr muôz siêz công suất, kriz nzir qơư trâu têx dưv anr tênhv.

Txix car chêx têx phêv liv lok ntâuz ntơưr, yênhx thax tsav qơư txos muôz siêz công suất xor tênhv, Lai Châu tsênhv jux juk krêz đar "kror trôngx" tok lênhx nênhs yưv pênhr nhiêx trâu năng lượng hur. No cux zos tsưr ziv tỉnh krêz uô muôx chêx cuk têx muôx jông ntơưv qơư, chuôz cxaz đas jos chuôz tsar, ndar txos tsưr ziv huôv tsar hur jông, sei thiêz truôx tul lơưr Nghị quyết Đại hội Đảng bộ tỉnh Lai Châu jiês tiv XV./.

Khắc Kiên- Txâur Vax cxeik nhênhv

Iz lênhx nênhs hâur chuôz zis nhoz xã Yên Sơn zos iz lênhx nênhs uô ntêx nyuôs hâur cơưv shâuv txux chi số

“Niêv tix Lò Thị Toàn, hội viên pox niêv jok Phương Quỳnh, xã Yên Sơn, heik kriê pox nhuôs muôs hax huv sâuv mạng xã hội…”

Hâur chuôz zis têz chos tâuz đas, zos yênhx " lớp cơưv" trâu zuôr xar 20 lênhx pox niêv vir ndâuk mênhx cxưx Thái nhoz jok Phương Quỳnh, xã Yên Sơn, tỉnh Sơn La.

Nênhs kriê zos niêv tix Lò Thị Toàn, tưz muôx zuôr xar iz shông chênhz zênhv muôs jâuz, txir ciês sâuv mạng xã hội Facebook. Txix tsưr ziv muôs hax huv, heik kriê têx hax huv, sik thav đros tsôngv kruô txos muôs ciês hax huv, tâu niêv tix Toàn heik kriê ciês sâuv điện thoại.

Lênhx tưs tsi pâuz mak nus, tsi yuô txơưx đros shâuv uô. Sơưr đơưk cơưv shâuv lov jêv ntưk, viv têx txux chi no tsi tiêk paz pox nhuôs pâuz sir zôngv công nghệ, mak tsênhv paz muôx nzir phênhv sâu trâu chuôz zis:

“Xuz thơưx yax kriê cux njiz iz cxiê kror phiv liv zos pox nhuôs tsik tâu truôx siêz viv cur cux nhiv kruôr uô zuôr xar iz shông no. Iz chas ntơư, pox nhuôs cux cxơưx kriz sâuv mạng chiê muôs hax huv, ntâu lênhx pox nhuôs cux cxơưx sik thav đros chôngz lênhx nênhs”.

Txix thâuv muôz jâuz, txir ntông muôs ciês sâuv Facebook, niêv tix Toàn pâuz tâu iz kror: xar muôs tâu hax huv sâuv tênhx qơư số, uô ntêx hax huv tsuv muôx tsơưr lươngv.

Jâuz txir tsuv njuôz jông, hax huv tsuv ngaz tuk. Đros co zos tsưr ziv heik kriê tsênhz mênhx, paz trâu tsôngv kruô njênhs. Têx chênhz zênhv co tâu niêv tix Toàn heik kriê trâu pox nhuôs hâur jok. Iz jiês livestream viv li tsi tiêk zos iz jiês muôs hax huv, mak tsênhv zos iz jiês sik đros cơưv shâuv tsưr ziv uô nox sâuv tênhv qơư số: “Hlôngr yiêz sôr tưz uô trâu thax tsav tox siêz no hlôngr yiêz lok six ntâu. Kror xuz thơưx zos phênhv sâu tâu tưz tsar ndê oz, pêz jiês. Thâuv ntêx têx jâuz, txir muôs đhâu têx tuz luôv, hâur iz shông chuôz zis phênhv sâu tsuôk tâu 50 txos 60 tsov đeiv, taz sik thâuv muôs đhâu sâuv mạng xã hội mak tâu 90 txos 100 tsov đeiv. Tiv oz zos hlôngr yiêz sôr tưz paz pêz muôx cêr shir phaz, truôx siêz huôv tsar thax tsav uô nox, tu zus chiê muôs trâu ciêz đrôngs. Txix co pêz tưz yênhx lix têx hội nênhs chiê sik đros cơưv shâuv, huôv tsar kinh têr truôx tuk, bluô nux đuô”.

Tưz tsik zos paz trâu hội viên huôv tsar kinh têr, txux chi sôr tsênhv tâu pox nhuôs jos Phương Quỳnh kriz uô hâur tsưr tsix hội têx hâux lưv uô.

Chi hội pox niêv jok Phương Quỳnh nhiv no muôx 170 lênhx hội viên. Lơưr niêv tix Lò Thị Út, Chi hội trưởng Chi hội pox niêv jok, uô phongz yaox "Sơưr đơưk cơưv txux chi sôr", pox nhuôs tâu heik kriê sir zôngv têx ứng dụng sâuv điện thoại, txix muôs hax huv trực tuyến, thêv nhiêx txiêx txos trâu sik thav, kriz uô hâux lưv chi hội đhâu têx paz nênhs sâuv mạng xã hội: “Hlôngr yiêz sôr tsi tiêk zôngv trâu hâux lưv muôs hax huv, mak pêz tưz uô hâur xênhz huôx hôiv. Iz zav li paz Ban Chấp hành muôx đaz tsi zos kriz sâuv Zalo, đhâu ntơư têx tổ tsar ho pheiz kênh chiê pox nhuôs pâuz tâu. Hâux lưv  mak tâu kriz uô sêi  tsi tas tso sâuv loa hêik kriê trâu sơưr đơưk cơưv. Txix thâuv zôngv hlôngr yiêz sôr trâu xênhz huôx hôiv, pêz cux txo grêk tsơưs đuô”.

Txix iz lênhx nênhs pâuz sir zôngv điện thoại txos zos iz lênhx nênhs  heik kriê ltrâu chor nênhs txơưr đuô, têx lênhx nênhs li niêv tix Toàn tsênhv paz sơưr đơưk sir jos kriz uô hâur côngv thôngx. Xã Yên Sơn muôx 15 jêx jok, chôngz tsôngv box mênhx cxưx tsơưs nênhs nhoz uô nênhx, hâux lưv kriê txux chi số tsênhv yuôr ntâu kror phiv liv. Iz cxiê chuôz zis pluôs, chuôz zis zuôr xar pluôs tsi tâu muôx tênhv tênhz tơưl pov cêr, tsi muôx meir vi tính, điện thoại, viv li têx chuôz zis tsôngv box cux tsik tâu muôx cêr thôngx siêz. Chiê jux juk đơưk kho têx phiv liv no, Ban chox kriê huôv tsar khoa học công nghệ, hlôngr yiêz xar tơưv thiêz hlôngr yiêz sôr xã Yên Sơn huiz tôngv pênhr jos xar hôiv, paz trâu iz jok muôx iz luz meir vi tính txuôk tâu internet. No zuôr zos kror chiê tsôngv box jux juk buôk ti, uô lơưr têx tsưr ziv sôr. Zơưv Nguyễn Tuấn Anh, Phưv Chủ tịch UBND xã Yên Sơn, tỉnh Sơn La puz pâuz: “Nhiv kruôr đhâu, Ủy ban xã tưz sik côngv đros Tsênhv qơư paz txưv hlôngr yiêz xar tơưv tỉnh kriz lớp cơưv shâuv lok lênhx nênhs sôr trâu chor canr bôv, công chức xã thiêz 15 tổ công nghệ sôr côngv thôngx nhoz têx jêx jok, muôx zuôr xar 300 lênhx nênhs đros cơưv. Đhâu kriz uô, txos nhiv no phênhv ntâu pêx xênhv tưz pâuz tâu têx tsưr ziv sôr, txơưx sâuv tênhv qơư điện tử, tiv zix zos hâux lưv xa ntâuz ntơưr trực tuyến, thêv nhiêx trực tuyến”.

Txix têx vax chos tâuz, vax jâuz txos trâu têx jiês cơưv hâur chi hội pox niêv; txix hâux lưv muôs iz chiv jâuz, txir ntông txos trâu têx ntâuz ntơưr, thêv nhiêx txiêx trực tuyến, hlôngr yiêz sôr tsênhv tâu pêx xênhv xã Yên Sơn sỉ zôngv luz nênhx.

Kror tsuv heik, tsôngv box tsi tiêk zos têx lênhx tâu heik kriê, mak tsênhv yênhx têx lênhx nênhs paz heik kriê trâu chor nênhs txơưr đuô. Iz chuôz zis muôx iz lênhx nênhs uô ntêx nyuôk, iz jok muôx iz tổ công nghệ số côngv thôngx. Têx txux chi yiêz tâu têx lênhx nênhs pâuz kriê trâu chor nênhs tsi tâu pâuz, txix chuôz zis txos côngv thôngx. Phongz yaox "sơưr đơưk cơưv shâuv txux chi sôr" tsênhv tâu uô jông hâur luz nênhx, yênhx lênhx nênhs zos yênhx iz lênhx nênhs hlôngr yiêz sôr, công nghệ zuôr tsik zos kror tsik pâuz lok sik iz tsưr ziv uô xưz. Co zuôr zos tsưr ziv paz trâu pêx xênhv tox siêz muôz nzir phênhv sâu, pâuz tâu dịch vuv jông đuô thiêz pâuz tâu têx kror tsưr ziv uô nox yiêz.

No cux zos kror paz trâu xã ntus đriv Yên Sơn, tỉnh Sơn La jux juk txo grêk tsơưs cêr yêiz pluôs, sir jos huôv tsar truôx thiêz truôx siêz đuô hâur ntu hlôngr yiêz./.

Thanh Thủy, Trấn Long-Lik Thox cxêik nhênhv