Yên Châu muôx hâux lưv uô trâu nênhs lox tôngv chiê cxơưz cxiz cxiv tsa jêx jos yiêz

          Khôngz qiv uô hâux lưv hâur têx hnuz kaz shôngk shông hâur  thax tsav qơư uô hâux lưv nhoz Công ty cổ phần khâu Yên Châu, tỉnh Sơn la pov sei đrơưv đuô lok six ntâu.

          Tix lâuk Hoàng Văn Dung, nhoz xã Chiềng Sàng kuz, nhiv no zos xã Yên Châu, tỉnh Sơn La- lênhx nênhs tưz uô hâux lưv ntơưv Công ty txix ciês têx hnuz nhiv kruôr yênhx lix pheiz kênh, têx lênhx nênhs đros tix lâuk iz hov puôr lênhx muk uô hâux lưv ntơưv têx công ty, tsêr meir, xí nghiệp nhoz tiêx đras. Taz sik, đhâu iz cxiê shông uô hâur công ty nhoz Bắc Ninh, tix lâuk xar njôngr muôx hâux lưv uô nhoz jê tsêr nhoz đros phênhv sâu truôx. Txos thâuv tsêr meir khâu Yên Châu tâu cxiv uô, huôx tôngv, tix lâuk tưz thor lok uô hâux lưv thiêz môngr jông tâu xeir zuôr. Nhiv no tix lâuk tsênhv uô trưởng ca, đros nhiêx shar fênhx pheiz 7 tsov đeiv iz luz hlik. Tix lâuk Dung pheiz kênh:“Cur pov công ty khâu Yên Châu huôv tsar sei, viv li cur thiêz têx fôngx zưs uô hâux lưv ntơưv no lok six jông siêz. Pêz muôx tsưr ziv zos zuôr sir jos gôngr côngv trâu công ty lêx ntêr”.

          Niêv lâuk Mè Thị Thơm nhoz jos Mệt Sai, xã Sặp Vạt kuz, nhiv no zos Yên Châu mak muôx tsêr nhoz jê ciês thax tsav công ty. Viv li, txix thâuv cxiv uô tsêr meir no, niêv lâuk tưz tos njôngr txos hnuz công ty xeir zuôr lênhx nênhs uô hâux lưv chiê thor lok uô hâux lưv ntơưv no.

          Nhiv no niêv lâuk li hâux lưv chox lok phênhv sâu txix 6,5 txos 7 tsov đeiv iz luz hlik. Xav tas nro niêv lâuk tul txir li phênhv sâu thiêz mak cux txâuk chiê chuôz zis cxơưx trâu luz nênhx thiêz cxênhx txuôk tâu mê njik. Niêv lâuk Thơm heik:“Cur uô hâux lưv ntơưv no pov lok six huv đros zuk li đas jos, phênhv sâu tâu truôx, ho tâu uô hâux lưv jê zuk tsêr nhoz, muôx six hơưv chiê tsoz phưz zuk mê nhuôk, niêv txir. Cur xav tênhv zuôr uô hâux lưv no lêx ntêr”.

          Tsêr meir Khâu Yên Châu uô tiêr thiêz huôx tôngv txix hli 9/2025 đhâu 14 luz hlik krêz uô hâux lưv cxiv tsa. No zos dự án muôx ziz njiêz coaz tsôngv hâur huôv tsar công nghiệp, muôz hâux lưv uô truôx trâu tsôngv box tiv phaz. Dự án muôx 3 qơư tsiv uô tsênhv, iz qơư hành chính, têx côngz tsinhx txơưr, tuôv zênhv trâu muôx nhos 2 cxênhz lênhx nênhs uô hâux lưv. Công suất tax muôx nhos 600 cxênhz xiv huv iz shông ntu 2025-2030 thiêz zuôr xar 1 tsov xiv huv iz shông txix ntu 2030 tror zar tov uz. Txos nhiv no, tsêr meir tưz xeir zuôr tâu 560 lênhx công nhân phênhv ntâu zos nênhs lox tôngv tiv phaz, đros phênhv sâu fênhx pheiz 6-7 tsov đeiv iz luz hlik:. Zơưv Phạm Quang Thắng, giám đốc Công ty puz pâuz:“Chiê tuôv zênhv tâu tsưr ziv tsiv uô hâur ntu 1 mak nhiv no công ty tsênhv zuôr trâus cxaz 300 lênhx công nhân thiêz. Ntu 2, pêz zuôr xeir zuôr muôx nhos 1 cxênhz lênhx công nhân thiêz zuôr đhok cxaz 3 dây chueyèn chiê uô xiv huv khâu viv chor công nhân nhiv no nhiv kruôr uô tâu têx ntu zuôr trâus, tsuv sik côngv đros têx qơư tsiv uô txơưr hâur công ty thiêx li uô tiêr tâu iz xiv huv khâu chiê muôs tơưv”.

          Lơưr zơưv Lù Văn Cường, Bí thư Đảng ủy xã Yên Châu, Công ty CP khâu Yên Châu zos iz hâur têx dự án krêz uô huôx tôngv txix chính quyênx tiv phaz li zaz zâuv yưv pênhr:“Ntu krêz uô, pêz chêx chôngk sik côngv, uô TƯ, tỉnh li têx Nghị quyết thiêz têx chính sách, tsov cưv yưv pênhr, muôz hâux lv uô, uô li chas chiê chox tsaz yênhx cxiv tsa jêx jos yiêz hâur xã krêz uô taz por muôx chêx cuk, tuôv zênhv zoz qơưx, six hơưv tso tơưv”.

          Ntu zuôr txos, Yên Châu zuôr tror cxơưz tiês zaz zâuv yưv pênhr, tiv zix zos têx doanh nghiệp yưv pênhr tsiv uô chiê muôz hâux lưv uô ntâu, phênhv sâu truôx trâu nênhs lox tôngv tiv phaz. Đhâu co, yênhx trus uô hâux lưv cxiv tsa jêx jos yiêz lok shông 2027 li Nghị quyết Đại hội teiv plor Đảng bộ xã Yên Châu jiês tiv 1, six cxiv 2025-2030 tưz tso tơưv./.

                                                                                            Thu Thùy- Txâur Vax cxeik nhênhv

Phax tar ntux no trâu tsiêx cxu

Tsêr guôx

Kho đuô, thêir vor tsêr guôx cov khor truôx, tsik ntuz nas, tsik yâu chuô thiêz plas tsêr guôx tsuv kruôr krơưr, tsik chiê vuôz tsuôz kiêk nênhs. Tsik so hlôngr chor zav puô hâur tsêr guôx thiêz tsik nzuôr têx guôx ntâu (tiv zix zos chor mê nhuôv buô thiêz chor buô nhiv kruôr chêil mik). Tsuv bax tsês li tơưl, xuô blêx, hmôngr ntông cơư chiê trâur trâu chor tsiêx cxu ntê cov sor hâur têx hnuz ntux no njiv. Bax têx khâuz pav, hnaz tsax kuz chiê câur trâu chor tsiêx cxuv cov sor.

2. Tu zus

* Chor nhux tưv:

- Tsuv puz jâuz trâu nhux tưv nox cov tsâu. Iz tuk nhux tưv hnhar muôx 300 cir mak iz hnuz tsuv puz trâu nox 30 cir jâuz thiêz 3 cir zav nox hmôngr; Chor hnuz ntux no, chiê paz trâu nhux tưv muôx đas jos tsuv muôz trâu nhux tưv hâuk đêx sor tor shơư njêr txix 5 gam trâu nhux tưv hnhar muôx 100 cir hâur iz hnuz.

- Thâuv chêix ntux no, chor jâuz tâux muôx tsơưs viv li tsuv tsês chiê têx nhaz blêx thiêz cxuô zav hâur kôngz nuv ciês thâuv nhiv kruôr sâu tas chiê vâuv kâuz trâu nhux tưv nox.

- Cxaz nzir chor vitamin ADE, Bcomplex,… cov nhux tưv muôx nzir đas jos, phax tar tâu jông têx caz moz.

* Chor buô:

- Chor mê nhuôv buô tsênhv nox mik mak tsuv muôx qơư uô cov sor, jêx tưv hâur qơư uô sor txix 33-34 tưv.

- Muôz trâu buô nox têx zav nox txâuk tsơưr pưr, muôz trâu hâuk chor cuôz njêr sor. Chor zav nox mak tsuv muôx nzir đạm.

- Cxaz nzir chor vitamin ADE, Bcomplex,… cov buô muôx nzir đas jos, phax tar tâu jông têx caz moz.

* Chor kêiz, ok:

- Hâur têx hnuz ntux no chênhr, no njiv tsuv uô cov sor trâu chor kêiz ok (jêx tưv hâur qơư uô sor txix 33-34 tưv); tsik tso kêiz ol mul zok nox thâuv ntux no, qơư tu zus nông, ntuz nas.

- Muôz trâu kêiz ol nox txâuk têx zav nox, paz muôx jông tsơưr lươngv (txâuk tsơưr pưr, tsik tuôx pưv, tsik kâuz…)

- Cxaz nzir chor vitamin ADE, Bcomplex,… cov kêiz ol muôx nzir đas jos, phax tar tâu jông têx caz moz.

 3. Tsưr ziv cê zus cơư guôx, cê tso muk nox jâuz:

- Têx hnuz jêx tưv txix 13-15 tưv mak tsik tso chor nhux tưv muk nox jâuz, tsuv puz trâu nox hâur têx tsêr guôx lok sik tso muk nox jâuz lis thiêz chaz lok tsêr nzor. thêir vor tsêr guôx thiêz uô cov sor trâu chor tsiêx cxu, tiv zix zos chor tsiêx cxu zâu.

- Têx hnuz ntux no jêx tưv kik đuô 12 tưv thâuv muôx lok tê thiêz đâuk thâuv hmo ntux, têis sik sơưr nzor, cơư chor tsiêx cxu hâur guôx, thêir vor, puz trâu nox, hâuk cxix cxuô thiêz uô co sor. Muôz khâuz pav uz no câur trâu chor nhux tưv lâul thiêz zâu cov sor. Tsuôk tso chor nhux tưv muk nox jâuz thâuv tưz pôngz lưs tas, muôx yar ntux.

 4. Phax tar caz moz ơưk txix yuôx vắc xin:

- Cxax cxix cxuô yuôx vắc xin trâu tsiêx cxu lơưr six hơưv cxax yuôx phax moz ơưk chiê paz trâu chor tsiêx cxu muôx đas jos, phax tar tâu caz moz ơưk./.

                                                                                                         Tòng Anh BT-Lik Thox cxêik nhênhv