Tsêr cơưv yiêz nhoz thax tsav ntus đriv Sơn La cxiv uô tâu tiêr bax tok shông cơưv yiêz

Ciês hâur hâur hli 8, cưk kriê ntơưr Lò Thị Công Nhớ đros têx lênhx uô hâux lưv uô cê tưz tuôx trâu ntơưv tsêr cơưv Phổ thông dân tộc nội trú Cxênhx iz thiêz cxênhx 2 Yên Sơn chiê bax cxuô luôs hâux lưv trâu shông cơưv yiêz.

Hâur qar qơư uô hâux lưv, têx ntâuz ntơưr xeir zuôr shux xênhz tâu qênhz shuôs jiês uô kaz, bê têx shux xênhz tâu pheiz kênh trơưk lớp cơưv. Nhiv kruôr lês uô tiêr têx hâux lưv hâur tsêr cơưv, chor cưk kriê ntơưr tưz siz pheiz, siz zâuv muk yênhx jêx jok vênhv tôngv shux xênhz tuôx tsêr cơưv trơưk cui tinhv, lar heik zos têx shux xênhz nhoz tox siêz đêz đrôngs, phiv liv muk lol: “Hâur chor shux xênhz tâu xeir zuôr tuôx cơưv ntơư muôx kênh lênhx vax tsêr nhoz đêz viv li muôx têx tsi tâu tuôx ciês trâu tsêr cơưv. Chênhr zos li co, chor cưk kriê ntơưr muk yênhx jok hu zâuv, heik uô ntêx chiê têx nhuôs shux xênhz tuôx cơưv tâu cxix cxuô. Thâuv chor nhuôs tuôx tsêr cơưv zuôr muôx iz hnuz uô têx nhuôs shux xênhz ntâuz ntơưr cơưv, đhâu co tsêr cơưv kriê chor mê nhuôv qơư nox nhoz, xênhz huôx muk lol hâur tsêr cơưv ntơưr”.

Luôs hâux lưv bax trâu shông cơưv yiêz tsi tiêk phênhz lớp cơưv lok sik uô tiêr têx ntâuz ntơưr, chor cưk kriê tưz ntâu shông nhoz uô hâux lưv kriê txux chi trâu thax tsav tox siêz, tsênhv zos cêr chiê siêz tok tâu seiz njiê chor nhuôs shux xênhz muôx qơư nhoz cơưv txux chi jông đuô.

Zuôr xar 20 shông uô hâux lưv kriê txux chi nhoz thax tsav ntus đriv, cưk kriê ntơưr Chạnh Xênhv Vax cux ndo njôngr txos têx hnuz lok nas lox đros shux xênhz muk lol đhâu têx ntu cêr bluô, phiv liv chiê kriê thiêz cơưv ntơưr, ntâu lênhx nhuôs tsuv muk thâuv tas cik lok six nzor, lok sik ntiêr tsêr nhoz tax viv vax tsêr nhoz đêz tsêr cơưv.

Nhiv no tâu nhoz sơưr sâuv yôngx 2 tsêr cơưv yiêz, seiz njiê trâu yar tiêx tsêr cơưv lox đar tưz cxiv uô tiêr, iz saz zos qơư trâu shux xênhz nox nhoz hâur tsêr cơưv, cơưv txux chi tâu cxiv uô truôx khor thiêz jông ziv uô cưk kriê Chạnh jông siêz đuô: “Đảng, têz qơưk moz siêz yưv pênhr cxiv uô tsêr cơưv nội trú nhoz thax tsav ntus đriv, pêz lok six jông siêz, tsôngv box cxuô jêx jok cux shir phaz. Shux xênhz nhoz đêz tâu nox nhoz hâur tsêr cơưv, cơưv txux chi cux tsi yuô txov nhêv li thâuv ntêx. Zos cưk kriê ntơưr tox siêz tâu choz hâux lưv kriê txux chi ntơưv luz tsêr cơưv yiêz, truôx khor li no, cur zuôr sir jos uô jông têx hâux lưv zok muôz chiê tsiv nhos trâu Đảng, têz qơưk têx cêr moz siêz txos thax tsav tox siêz, ntus đriv”.

Txos nhiv no, têx côngz trênhx zov chênhr hâur tsêr cơưv li: lớp cơưv, qơư trâu cưk kriê ntơưr uô hâux lưv, qơư trâu shux xênhz nhoz hâur tsêr cơưv, qơư nox mor thiêz qơư uô si ndis muk lol hâur tsêr cơưv phênhv ntâu tưz uô tiêr. Taz viv cxiv tsa zênhx max uô tiêr 800 ntâu thiêr cêr muk lol hâur tsêr cơưv chiê bax tâu trâu shông cơưv yiêz. Tsênhv thâuv sir jos uô tiêr têx côngz trênhx, hâux lưv zok muôz mak tsêr cơưv cux tưz bax cxuô luôs hâux lưv trâu hnuz txeik tok têx shux xênhz tuôx nhoz cơưv txux chi.  Lowrr cưk kriê ntơưr Trần Văn lâm, thơưx seiz car tsêr cơưv, cxuô tsưr ziv, hâux lưv bax trâu kriê ntơưr, seiz car shux xênhz nox nhoz hâur tsêr cơưv, cơưv txux chi, qơư uô jâuz mor nox thiêz cxuô zav chuôz zênhx uz no puôr lênhx tâu cxiv uô. Shông cơưv xuz thơưx, tsêr cơưv zuôr muôx 30 lớp, iz cxênhz ntâu lênhx shux xênhz 2 cấp cơưv; chor ca nrr bôv, cưk kriê ntơưr thiêz nhân viên tưz tâu phênhz cxix cxuô trơưk li đêx anr: “Bax trâu shông cơưv yiêz, tsêr cơưv tưz bax uô hâux lưv đros têx taz viv tâu tso chei  chiê đas cir zuôr ntơưr cơưv thiêz chuôz zênhx phưx vưv cơưv txux chi trâu shux xênhz. Nhiv no tsêr cơưv muôx 66 lênhx canr bôv, cưk kriê ntơưr thiêz nhân viên, tưz tâu phênhz txâuk trơưk li tsưr ziv choz. Zos ntux paz, yar đris, kruôr krơưr, pêz njuôk xav chiê shux xênhz tuôx tsêr cơưv lok hnuz 15/8”.

Đros trâu tsêr cơưv, hâu nov xã Yên Sơn cux tsênhv hux jos đros ngênhx zoz zux uô tiêr cxuô luôs hâux lưv chiê côngz trênhx nzor uô tâu tiêr cxuô zav.

Cêr chiê siêz, shir phaz lus bax trâu shông cơưv yiêz chênhr zos li ntơư tsi tiêk muôx tâu tsêr cơưv yiêz, truôx khor, tsênhv bax muôx cxix cxuô têx qơư nhoz uô hâux lưv, bax txeik tok shux xênhz txos trâu choz hâux lưv tsênhz mênhx trâu yênhx lênhx cưk kriê, nênhs uô hâux lưv txoz cxơưx pluôk nox...trâu shux xênhz.

Yuôr tsi ntêr hnuz, tsôngv px cxuô heir nênhs nhoz thax tsav ntus đriv têx tuz nhuôs zuôr qir tuôx trâu tsêr cơưv bax shông cơưv yiêz. Txix têx qơư nhoz cơưv truôx khor li nhiv no, chor nhuôs shux xênhz zuôr muôx nzir qơư chuôz jos sir jos cơưv ntơưr, paz cxiv tsa têz qơưk thiêz tsưx phưv truôx jêx jok hâur thax tsav ntus đriv./.

VOVTB-Riê Lâux cxeik, nhênhv

Bôv Chinhr triv Nghị quyết 57: Yưv pênhr uô cov tiêr cxuô zav trâu khoa học, công nghệ, hlôngr yiêz xar tơưv thiêz hlôngr yiêz sôr têz qơưk

- Tso tơưv Tsaz yênhx huôv tsar công nghệ thiêz công nghiệp hâur ntu hlôngr yiêz; Cuiv yưv pênhr huôv tsar công nghiệp (sir jos paz trâu têx hâux lưv côx phax, tênhv qơư, công nghệ sinh học, txux chi nhân tạo, chuôz lov yiêz jông, công nghệ lượng tử, robot…); uô siv tsênhv chêi chiê cxơưz cxiz nhênhz chơưv, huôv tsar, sir zôngv, hlôngr yiêz công nghệ. Bax tsơưs tiv zix 15% nhiêx txiêx têz qơưk trâu luôs hâux lưv huôv tsar khoa học phưx vưv nhênhz chơưv công nghệ; tso tơưv tsênhv chêi sik côngv nhênhz chơưv thiêz huôv tsar công nghệ.

- Tso tơưv têx tsưr ziv nhênhz chơưv, sir zôngv khoa học, công nghệ cxiv uô hâur đêx hiêr. Sir jos huôv tsar hạ tầng năng lượng, tiv zix zos năng lượng yiêz, năng lượng hur thiêz ngaz tuk năng lượng trâu huôv tsar khoa học, công nghệ, nganhx công nghiệp. Sêiz car truôx, kriz uô, sir zôngv tâu jông têz qơưk têx khoar yax, tiv zix zos têx ar jông chiê huôv tsar khoa học, công nghệ, hlôngr yiêz xar tơưv.

- Huôv tsar chor tsênhv qơư nhênhz chơưv, uô siv, tsêx trung trâu công nghệ. Muôx tsênhv chêi paz, cxơưz cxiz chor tsưr tsix, tiz nênhs, doanh nghiệp yưv pênhr, cxiv tsa chor phongx uô siv, tsênhv qơư nhênhz chơưv thiêz huôv tsar khoa học, công nghệ.

- Sir jos sir zôngv thiêz huôv tsar công nghệ sôr. Tso tơưv tsênhv chêi cxơưz cxiz yưv pênhr, zuôr, ntiêr têx hax huv, dịch vụ sôr; tsênhv chêi chiê kriê cơưv cxaz nzir txux chi, huôv tsar, zaz zâuv tsưr tsix, tiz nênhs, doanh nghiệp hâur tez qơưk thiêz saz đrâuv têz qơưk hâur hâux lưv hlôngr yiêz sôr, huôv tsar hax huv công nghệ sôr, công nghiệp ngaz tuk mạng. Cxiv tsa thiêz zôngv uô cê têx nền tảng sôr têz qơưk, thax tsav, huôx tôngv tâu thôngx ziv, thôngz nhoz têx nganhx, hâux lưv tênhv qơư sôr. Cxơưz cxiz kinh têr sôr.

- Muôx tsưr ziv sik côngv chiê huôv tsar hạ tầng sôr yiêz jông, hâur co pênhr jos têz qơưk zos zov chênhr. Huôv tsar hạ tầng viễn thông, internet tax tâu ngaz tuk, truôx jông, mạng cáp quang sêi sâuv tas nro têz qơưk, mạng thôngz mông di động 5G, 6G thiêz têx kror yiêz hâur ntu zuôr txos. Huôv tsar sir zôngv công nghệ sôr. Huôv tsar nganhx công nghiệp IoT, cxiv tsa iz cxiê qơư công nghiệp IoT di động.

- Muôx tsênhv chêi paz trâu chor doanh nghiệp hâur têz qơưk yưv pênhr, cxiv tsa tsênhv qơư dữ liệu; zaz zâuv doanh nghiệp saz đrâuv têz qơưk tso tsênhv qơư dữ liệu ntơưv Việt Nam. Uô hạ tầng tsês chiê, njuôk xav tax ploz tsênhr têz qơưk, truôx hur jông. Nzor uô tiêr thiêz phuôx huiz tâu jông Tsênhv qơư dữ liệu têz qơưk; yưv pênhr cxiv tsa chor tsênhv qơư dữ liệu thax tsav. Cxiv tsa, phuôx huiz tâu jông dữ liệu têz qơưk, dữ liệu bôv, nganhx, thax tsav qơư cov siz thôngz, phêiz kênhz. Muôx tsênhv chêi paz trâu dữ liệu yênhx qơư truôx jông. Xav jênhv qênhx qơư kinh doanh dữ liệu thiêz phênhz tsiv gri muôx txix dữ liệu. Huôv tsar kinh têr dữ liệu, qơư dữ liệu. Cxiv tsa chor qơư dữ liệu Việt Nam uô tsưr qênhx. Uô yênhx nganhx công nghiệp dữ liệu Việt Nam. Huôv tsar sir zôngv txux chi nhân tạo khov txos dữ liệu trâu têx nganhx, hâux lưv zov chênhr./.     

                                     Bích Thủy-Lik Thox cxêik nhênhv