Tuz lênhv Pênhz phax A Mú Sung tsưr tsix trâu tsôngv pêx xênhv nhoz ntus đriv Lào Cai nox tsiêz, uô si lov jêv.

             Hnuz tsưr tsix uô si ntux yiêz nzor, đros muôx zuôr xar 500 lênhx nênhs cxaz chuôz, pov tâu tiêk shir phaz ntux yiêz tưz muôx nhoz tas nro thax tsav ntus đriv A Mú Sung- qơư hâur đêx Sông Hồng ntưk lok trâu hâur têz qơưk Việt Nam.

            Chor bôv đôiv pênhz phax, đros tsôngv box nhoz ntơưv thax tsav qơư li Hmôngz, Giáy, Cho, Hà Nhì… têx vênhx nghệ tưz paz uô trâu thax tsav qơư no hax zav lov jêv thiêz shir phaz đuô.

           Ntơưv luz yar tiêx Đảng ủy, Ủy ban xar, yênhx puô lênhx pox nhuôs nhoz tas nro têx jêx jok ntơưv A Mú Sung thiêz xar iz saz Nậm Chạc lov jêv ntưk sik tưr krưr nduôr txâuv puôz, sik lâuz pak, sik truz hluô. Côngv cêr lov jêv đros pox nhuôs tsênhv muôx cxix cxuô canr bôv 2 xar thiêz canr bôv, chiến sĩ Zênhx Pênhz phax A Mú Sung, Đoàn Kinh têr Côx phax 245 đros chor têiv plor, nênhs siêz jông. Niêv tix Vùi Thị Xuyến, Chủ tịch Hôiv Pox niêv xar Nậm Chạc hêik pâuz: “Lok six shir phaz, thâuv tâu tok tsiêz nzor li no đhâu iz shông sir jos uô hâux lưv sir jos khưr uô nox mak lov jêv hênhr.  Cur cux lok six jông siêz thâuv tâu cxaz chuôz trâu ntâu huôx tôngv, paz muôx cêr sik côngv siêz nhoz quân thiêz pêx xênhv li no”.

          Tsaz yênhx tsênhv muôx têx huôx tôngv tsiv gri li kriz têx qơư muôs hax huv trâu pêx xênhv nhoz ntus đriv tsik zuôr nhiêx txiêx; njuôk kho moz tsik tas nhiêx txiêx trâu pox nhuôs; khơưk muôz 2 luz tsêr siêz jông thiêz khơưk muôz 450 kror hax huv tsiêz trâu chor ziv chuôz zis pluôs, chuôz zis zuôr xar pluôs, shux xênhz sir jos cơưv ntơưr sâuv thax tsav. Niêv tix Tẩn Ú Mẩy, jok Tung Qua, xar A Mú Sung hêik: “Xar tưz hêik txos trâu chor ziv chuôz zis txov nhêv pâuz, têis cik sơưr nzor hnuz no ho hêik trâu ntơưv tsêr vênhx huôv xar muôx hax huv, mì tôm paz chiê nox tsiêz, muôx chôngz nênhs thiêz lov jêv hênhr”.

          Lơưr Đại tá Trần Quang Tùng, Chính ủy Bôv đôiv Pênhz phax tỉnh Lào Cai, “Ntux yiêz pênhz phax paz trâu pêx xênhv sor siêz” zos bôv đôiv Pênhz phax Lào Cai li kror huôx tôngv tsik so thâuv txos chêix ntux yiêz. Đhâu jiês tsưr tsix ntơưv A Mú Sung zuôr  tror tsưr tsix chor huôx tôngv li no ntơưv cxuô thax tsav qơư nhoz tas nro chor xar, phường ntus đriv hâur tas nro tỉnh. Tas nro nhiêx txiêx kriz uô chor xor xưv no xar muôx 1,7 tiv đêiv: “Txơưv no zos têx hax huv zâu xưz, taz sik hêik tơưv tâu canr bôv, chiến sĩ Pênhz phax tỉnh Lào Cai têx sir jos paz trâu tsôngv box cxuô mênhx cxưx nhoz thax tsav ntus đriv hâur têx shông đhâu tưz đros đrêiv pêz haur sêiz car, por vêv tsưr qênhx têz qơưk, ngaz tuk ntus đriv têz qơưk. Đros co, cux zos paz trâu chor chuôz zis nhoz thax tsav ntus đriv cov chuôz zis tưs cux muôx tâu tsiêz nox sor so, shir phaz, txix co paz uô truôx jông đuô cêr coangz siv, sik côngv siêz, sik paz nhoz pox nhuôs tsôngv box cxuô mênhx cxưx đros canr bôv, chiến sĩ Pênhz phax”.

            Ndaz ndơưv tsưr tsix xor xưv no, lênhx tov tỉnh Lào Cai thiêz têiv plor cxaz chuôz tsênhv hlơưr shaz ndo txos chor zênhz shôngx liệt sĩ ntơưv qơư txi côngv nhoz ntơưv trôngx vas Zênhx Pênhz phax A Mú Sung. Côngz trinhx no cux nhiv kruôr tâu kho đuô chiê chiv nhênhv 65 shông hnuz Cxôngx nzor Bôv đôiv Pênhz phax thiêz 35 shông Hnuz Pênhz phax ngaz tuk tas nro pêx xênhv 3/3 zuôr txos./.

An Kiên-Lik Thox cxêik nhênhv