Taz por qênhx bo xeir trâu cử tri muôx hnuz nhôngs siêz, tsi muôx đas jos

             Viv tưz muôx hnuz nhôngs siêz, tsi muôx đas jos, pos Nguyễn Thị Hải, nhoz jos Mạ 2, xã Bảo Yên, tỉnh Lào Cai tsuv jâuz iz kror qơư, hâux lưv muk lok uô tul tsi cux lax. Cán bộ jêx jos tưz tuôx txos ciês tsêr chiê seiz nus, sâuv zuôr ziv chênhv chiê muôx tsưr ziv huv đros tiv zix, taz por pos Hải cux tâu uô zuk li qênhx bo xeir. Tix lâuk Đường Văn Chính, pos Hải tul tuz puz pâuz:

          “ Đhâu đros cán bộ jos thav cur chuôz zis cux muôx tsưr ziv thix ziv thâuv tso ntơưr bo xeir mak gra thôngz tso ntơưr tuôx ciês ntơưv tsêr chiê cur niêv tâu tso ntơưr bo xeir, taz por uô công dân li qênhx liv”.

          Đhâu seiz shuôk, ntơưv jos Mạ 2, xã Bảo Yên,tỉnh Lào Cai muôx nhos nhos 10 ntâu lênhx nênhs lâuk tsi muôx đas jos, trâus sêv khiz lok luz chêr, muk lok tsi tâu txos thax tsav bo xeir. Yênhx lênhx nênhs puôr lênhx tâu pâuz txos, thor ziv chênhv thiêz cxiv tsa tsưr ziv bax lưx lươngv paz chiê taz por tas nro cử tri puôr lênhx tâu tso ntơưr bo xeir. Zơưv Phùng Tống Hùng, Bí thư Chi bộ jos Mạ 2 heik:

          “ Pêz tưz muk txos ciês têx lênhx nênhs co li tsêr nhoz, gra thôngz ntơưr tuôx ciế ntơưv qơư chiê lơưr tâu tso ntơưr bo xeir”.

          Têx hnuz đhâu, bê cử tri tâu têx xã, phường nhoz tỉnh Lào Cai qênhz yuôx jông, tsov cưv seiz shuôk têx hlôngr yiêz lok lênhx nênhs lok sik têx lênhx nênhs njiz phêv liv hâur hâux lưv cxaz chuôz tso ntơưr chiê muôx tsưr ziv ciêr chênhr paz txưv; ntơưv qơư tso ntơưr muôx iz qơư txơưr tsês trâu nênhs lâuk, nênhs trâus sêv khiz lok luz chêr muk tso ntơưr. Pos Tráng Minh Hoa, Chủ tịch UBMTTQ Việt Nam xã Mường Khương, tỉnh Lào Cai puz pâuz:

          “ Đros têx lênhx nênhs trâus sêv khiz lok luz chêr lok sik lax muk lok tâus cêr, tiv phaz cux tưz muôx têx tsưr ziv hnuz bo xeir tsưr tsix têx tuêv muk txos ciês ntơưv qơư chiê cử tri tâu tso ntơưr trơưk PL li cui tênhv”.

          Hâux lưv seiz shuôk cử tri zos têx lênhx nênhs lâuk, nênhs trâus sêv khiz lok luz chêr, tsi muôx đas jos chiê muôx tsưr ziv uô huv đros tsi taz zos tsưr ziv uô mak tsênhv zos thôngz yax tso pov têx siêz seiz jông, sâu jênhv txos nênhs lâuk, nênhs trâus sêv khiz lok luz chêr….li pưs txux hâur luz nênhx chính trị. Tsov cưv, txơưx jênhv tsi zos chiê taz por cxuô lênhx nênhs li qênhx bo xeir, mak tsênhv chuôz cxaz chinhz yênhx jênh chuv, hlôngr yiêz siêz vav njôngr thiêz uô trâu hnuz ntênhs bo xeir tsênhz tsênhz zos tas nro xã hội li hnuz ntênhs sik côngv siêz lox./.

(T.Kiên-X.Anh-Txâur Vax cxeik nhênhv)

Cử tri Lào Cai vav chiê siêz trâu đại biểu Côx hôiv thiêz Hôiv đôngx cxuô cấp

Đhâu nhênhz chơưv, seiz shuôs têx mông thiêz chor ứng cử viên tsaz yênhx, hâux lưv uô tâu lo chiv ntơưv qơư cux li đhâu têx kênh thôngz xor mông txơưr đuô, ntâu lênhx cử tri nhoz Lào Cai heik pâuz, tưz xeir tsov tâu têx lênhx txâuk njênhs chiê muôz cêr chiê siêz, vav njôngr.

Tix lâus Nguyễn Văn Thống, cử tri xã Yên Bình, tỉnh Lào Cai heik pâuz, iz chas đại biểu cấp xã, ntơưv qơư bâux xeir hâur thax tsav jiês no zuôr bâux xeir 3 lênhx đại biểu Côx hôiv thiêz 4 lênhx đại biểu Hôiv đôngx cấp tỉnh. Tsôngv box xar njôngr chor đại biểu đhâu thâuv tâu bâux xeir zuôr moz siêz txos đuô huôv tsar kinh tế, gra siêz phênhv sâu tâu, cux li cxiv kho têx cêr muk lol, tsêr cơưv ntơưr thiêz qơư y tế trâu thax tsav tox siêz jông đuô.

“Hâur ntu zuôr txos, pêz vav chiê siêz lok six ntâu. Viv nhiv no txo grêk tsơưs nênhs lês uô têx hâux lưv, co zos six hơưv jông chiê tso tơưv tsưr ziv, tsênhv chei huv đros. Pêz vav chiê siêz tiêk, chor nênhs tâu bâux xeir jiês no zuôr tso tơưv tâu ntâu chei jông chiê paz cxơưz pêx xênhv luz nênhx hlôngr yiêz. Iz zav li lok sâuv têx côngz trênhx, truôx tuk xã hội, tsênhv chei kriê txux chi tsưr ziv uô hâux lưv, muôx nuv uô truôx trâu hluôk nênhs tox siêz…..chiê uô li chas cov cxơưz lơưr luz nênhx jux juk huôv tsar, vav mênhx”.

Hâur jiês bâux xeir jâuv no, tas nro tỉnh Lào Cai muôx iz tsov 178 cxênhz ntâu lênhx cử tri, uô nênhx nhoz hâur 99 xã, phường hâur thax tsav. Iz chas bâux xeir đại biểu Hôiv đôngx cấp xã, cử tri Lào Cai  zuôr bâux xeir 10 lênhx đại biểu Côx hôiv txix 18 lênhx nênhs ứng cử viên thiêz bâux xeir 61 lênhx đại biểu Hôiv đôngx tỉnh. Uô ntêx hnuz bâux xeir, chor ứng cử viên tưz chuôs njiz cử tri, mnôngs pêx xênhv ntơưv cxuô thax tsav qơư heik têx tsưr ziv, siêz xar. Niêv lâul Nguyễn Phương Thảo, cử tri phường Yên Bái, tỉnh Lào Cai heik:

“Cur xar cov chor đại biểu đhâu thâuv tâu bâux xeir zuôr tsi so chuôs njiz cử tri, mnôngs pêx xênhv heik têx tsưr ziv, siêz xar chiê xa trâu cxuô cơ quan muôx vax huôv. Đhâu ntơư, muôx têx tsênhv chei huv đros, zênhx max, paz kinh tế xã hội huôv tsar thiêz gra siêz luz nênhx trâu pêx xênhv”.

Txix bax jông cxuô luôs hâux lưv đros trâu cử tri cxuô heir nênhs njênhs njôngr, chiê siêz, têx lênhx đại biểu tâu pêx xênhv Lào Cai bâux xeir zuôr zos têx lênhx tsiv nhos hlôngr njêx muôs trâu pêx xênhv xa sơưr đơưk têx tsưr ziv, siêz xar txos trâu chor hloz thênhv siêz hâur ntu zuôr txos./.

Thừa Xuân-Riê Lâux cxeik, nhênhv