Đhâu bâux xeir heik lol pêx xênhv Tây Bắc thâuv tưs cux njênhs njôngr trâu Đảng

Hnuz 15/3 nhiv kruôr đhâu tsênhv tsênhv zos tsôngv box cxuô heir nênhs Tây Bắc hnuz hội.

Ntơưv tsêr vênhx huôv Thèn Sin 1, nhoz tổ bâux xeir sôr 5 xã Sin Suối Hồ, tỉnh Lai Châu, nhiv kruôr 5 six ntâu sơưr nzor xưz, tưz lov jêv ntưk hnuz hội bâux xeir. 330 ntâu lênhx cử tri hâur jok, phênhv ntâu zos tsôngv box heir nênhs Poz Ziz tưz siz zâuv tuôx cxix cxuô ntơưv qơư tso ntơưr bâux xeir, hâur co muôx têx lênhx lâul nênhs hnuz nhôngs tưz siêz, taz sik seiz njiê chor lâul lênhx tưs cux njênhs njôngr, shir phaz.

Cử tri Vàng Văn Khu heik, têx ntơưr bâux xeir zos tsôngv box muôz cêr njênhs njôngr trâu Đảng, Côx hôiv, Chính phủ thiêz têx lênhx đại biểu hlôngr njêx muôs trâu pêx xênhv, uô li chas chiê xa tâu sơưr đơưk têx tsưr ziv, siêz xar txos trâu chor hloz thênhv siêz.

“Cur tưz xeir tâu đại biểu hnuz no lơưv, xar njôngr tso ntơưr bâux xeir tâu têx lênhx canr bôv muôx txux chi jông, tsiv nhos, lês uô tâu hâux lưv chiê pêx xênhv tâu khov, paz sơưr đơưk hâur jok, hâur xã muôx luz nênhx hlôngr yiêz, jông đuô, pêz uô tsâus lok six ntâu”.

Sín Thầu zos xã ntus đriv lok six txov nhêv nhoz thax tsav faz Tây, tỉnh Điện Biên, phiv liv muk lol, pêx xênhv sơưr đơưk nhoz tsi yuô uô cê. Tas nro xã muôx 6 cxênhz ntâu lênhx nênhs, uô nênhx nhoz hâur 21 jok jê đriv têz 2 têz qơưk Lào thiêz Trung Quốc.

Ciês hâur tas cik hnuz bâux xeir, ntâu lênhx cử tri hâur xã, lar heik zos chor cử tri nhoz Tả Kố Khừ tsuv tuôx tơư tas yênhx six hơưv trâu ntơưv qơư tso ntơưr bâux xeir txix lok six nzor, têk gra ntơưr đros cêr njênhs njôngr, chiê siêz.Niêv lâul Lỳ Mỳ Na, cử tri heir nênhs Hà Nhì heik:

“Đhâu thâuv tso ntơưr tas, cur thiêz chor cử tri puôr lênhx lok six jông siêz viv tưz xeir tâu têx lênhx đại biểu muôx txâuk txux chi jông. Pêx xênhv siêz xar njôngr zos chor đại biểu zuôr paz sơưr đơưk thiêz ntơưv qơư ziv hnuz ziv huôv tsar đuô”.

Txơưv tsêr nhoz kuôk đêz qơư tso ntơưr muôx 6 cêik, ntux lok nas huôz jis, cêr bluô taz sik niêv lâul Ma Thị Thắm, cử tri jok Lũng Cọ, xã Lâm Thượng, tỉnh Lào Cai cux zos iz hâur têx lênhx tuôx nzor đuô hur si chiê tso ntơưr bâux xeir đại biểu.

“Cur cux xưk li tsôngv pêx xênhv nhoz no lok six chiê siêz trâu chor đại biểu đhâu thâuv tâu bâux xeir, zuôr mnôngs pêx xênhv heik têx tsưr ziv, siêz xar, txix ntơư thix ziv thiêz tso tơưv têx tsênhv chei jông, huv đros paz cxơưz pêx xênhv tox siêz luz nênhx ziv hnuz ziv huôv tsar, vav mênhx đuô”.

Trơưk li chor tỉnh hâur thax tsav thôngz sâu, phênhv ntâu cxuô thax tsav qơư puôr lênhx sâu jênhv cử tri tuôx tso ntơưr bâux xeir tax 99% ntâu. Lar heik zos ntơưv tỉnh ntus đriv li: Lào Cai, chor cử tri muk tso ntơưr bâux xeir tax xar muôx 100%.

Txơưv cêr đêz, lok nas njuôr, tsâuk ntux, pok huôz, taz sil chor cử tri Tây Bắc xar njôngr cov sơưr đơưk ziv hnuz ziv muôx luz nênhx tsâu sor, vav mênhx, têz qơưk huôv tsar. Têx ntơưr bâux xeir cux chênhr zos tas nro tsôngv box cxuô heir nênhs nhoz thax tsav ntus đriv cêr njênhs njôngr, chiê siêz./.

VOVTB-Riê Lâux cxeik

PHAX TAR CAZ MOZ CIK TXOS CÊR UÔ PA HÂUR NTU HLÔNGR CHÊIX

Tsôngv fôngx zưs sơưr đơưk hmor yuô! Ntu hlôngr chêix li nhiv no, jêx tưv thâuv đruôz hnuz thiêz hmo ntux sik txơưr ntâu, đros nông ntâu jux juk, kruôr gis zos kror zôngx ziv trâu chor caz moz huôv xênhz hênhr. Hok chor nhuôv zâu, nênhs lâul luz chêr sưv đros tsik sêi trâu têx txơưr txar no, đros trâu tsik muôx jông đas jos chiê tir tar caz moz… uô trâu zôngx ziv trâus moz iz cxiê zav moz cik txos cêr uô pa li moz khâuk thuôk, moz phế cầu, moz lok cêr uô pa, Covid-19. Viv li, tsuv chuôz cxaz phax tar chor caz moz lok cêr uô pa hâur ntu nhiv no.

Têx tsưr ziv chiê phax tar moz:

Phax tar moz cik txos cêr uô pa hâur ntu hlôngr chêix tsuv tsêx trung cxax yuôx vắc xin phax moz khâuz thuôk, phế cầu, uô cov luz chêr sor (chax đaz, hâur siêz, co tơư), chox ntâuz bos kror ndaux ntơưv têx qơư muôx chôngz nênhs thiêz nzuôr têk tsik so. Paz cov muôx jông đas jos txix têx tsơưr pưr, uô thể dục, vêv xênhz kror njưs, chax đaz thiêz cxax yuôx phax moz cxix cxuô trâu chor nhuôv zâu, nênhs lâul. Tsik uô cov jêx tưv sik hlôngr sêi thiêz muk njuôk shuôk ciês zos tiêk hnôngk thiêz uô cuz.

Chor tsưr ziv phax moz tsênhv tsênhz, jông tiv zix:

Cxax yuôx phax moz: Cxax ciês chor yuôx vắc xin phax moz khâuz thuôk, phế cầu, kruô piêk… tiv zix zos chor nênhs lâul thiêz  nhuôv zâu, tsuv cxax uô ntêx huôv xênhz caz moz muôx iz hli.

Uô cov luz chêr sor: Uô cov sor trâu luz chax đaz, hâur siêz, co tơư, chox ntâuz bos kror ndâux, câur fuôv, hnar cov sor thâuv tơưv đrâuv jôngr lok sik thâuv ntux no, đa đêx sor thâuv muôx chuô txiêk.

Vêv xênhz tiz nênhs: Nzuôr têk tsik so txix xaz phongx, buôr cuô njêr chiê zâus ka thiêz kror ndâux, nzuôr kror njưs txix cuô njêr 0,9%.

Tênhv qơư nhoz: Qêz suôz cov vax tsêr hur si, lax nziês, vêv xênhz têx qơư zôngx ziv cor tâu (qơư tuôr kriz cơư kror trôngx, mê nhuôv têx zav uô si…).

Paz muôx jông đas jos: Nox hâuk cov txâuk tsơưr pưr, cxax nzir vitamin C, hâuk txâuk đêx, uô thể dục, tsik hâuk zênhz gaz ntơưr, tsi hâuk đêx txiêk.

Txo grêk tsơưs siz cik moz: Chox ntâuz bos kror ndâux ntơưv têx qơư muôx chôngz nênhs, tsik nhoz jê chor nênhs moz, tsik chiv chir zuôr yuôx lok nox thâuv trâus moz.

Thâuv hnôngk, uô cuz, lax uô pa, pox nhuôs sơưr đơưk tsik tsuv tưx chơưv kho mak tsuv muk ciês trâu têx qơưk y têr chiê njuôk shuôk thiez chơưv kho moz cov huv đros thiêz paz kho tâu jông moz./.

Bích Thủy BS-Lik Thox cxêik nhênhv