Cử tri Lào Cai ntâuk grê siêz têx ứng cử viên teiv plor côx hôiv khóa 16 li tsaz yênhx huôx tôngv

          Taz viv bo xeir số 1 tỉnh Lào Cai muôx 5 lênhx ứng cử viên teiv plor côx hôiv zos: pos Phạm Thị Thanh Trà- Bí thư TƯ Đảng, Phưv thủ tướng chính phuv; zơưv Shôngx A Lềnh- Ủy viên Ban thường vụ tỉnh ủy, Phưv tsar đoanx chuyên trách phưv txơưx Đoanx teiv plor côx hôiv tỉnh Lào Cai; pos Phạm Thị Phương- Bí thư đoàn têx chiz coaz Đảng tỉnh, Đảng ủy têx chiz coaz đảng tỉnh Lào Cai; zơưv Nguyễn Hồng Thoan- Phưv chánh văn phongx, Văn phongx đoanx teiv plor côx hôiv thiêz HĐPX tỉnh Lào Cai; pos Lý Thu Trang- phưv chủ tịch UBMTTQ xã, Bí thư đoàn hluôk nênhs, chiz coaz MTTQ xã Bảo Yên, tỉnh Lào Cai.

          Phuôx plov ntơưv phêv ziv, Phưv thủ tướng Phạm Thị Thanh Trà heik mênhx: Têz qơưk hla trâu ntu huôv tsar yiêz, kỷ nguyên yiêz đros qơư tsov txos zos bluô nux, vav mênhx, shir phaz. Côx hôiv khóa 16 lơưr cu cux zuôr muôx ntâu jênhv vưv zov chênhr thiêz lix xưv, tiv zix zos hâux lưv cxiv tsa thiêz uô tiêr cxix luôk cêr chei, cxơưz tiês cov têz qơưk huôv tsar sei thiêz truôx tul; taz por côngz fênhx xã hội, muôz siêz chêx cuk seiz car têz qơưk thiêz tiv phaz...

          Zos tâu njênhs njôngr bo xeir uô teiv plor côx hôiv khóa 16, têx lênhx ứng cử viên uô cxix cxuô thiêz muôx txơưx jênhv siêz, thâuv tưs cux sik côngv jông đros cử tri; mnôngs tsôngv px li têx siêz xar, ziv chênhv huv đros; heik kriê txos côx hôiv thiêz têx chiz coaz muôx vax huôv; thôngx cxix seiz njôngr, cxơưz cxiz car chêx cử tri li têx ziv chênhv thix ziv. Đros co zos sir jos cxaz chuôz, muôx txơưx jênhv đros côx hôiv li côngz xưv cxiv tsa cêr chei thiêz seiz car, gôngr phênhv uô tiêr thể chế huôv tsar têz qơưk; cxơưz tiês huôv tsar KTXH seiz thiêz truôx tul; sik côngv đros tỉnh Lào Cai phuôx huiz têx muôx jông thiêz muôz siêz tsôngv px li luz nênhx. Pos Phạm Thị Thanh Trà heik:

          “ Đros têx đồng chí cxaz chuôz, sik côngv, đros cử tri Lào Cai chiê muox têx tsưr ziv tsênhz mênhx, chox Lào Cai li chinhz yênhx cê phuỗ huiz đas jos, cê ndaz ndơưv pênhr jos , chiv chir muôx tsưr ziv chiê tror muôx têx trus huôv tsar yiêz, cxiv tsa Lào Cai huôv tsar jông, shir phaz thiêz chiê sik côngv hâur thax tsav”.

          Ntâuk grê siez têx ứng cử viên teiv plor côx hôiv khoá 16 li tsaz yênhx huôx tôngv, pos Đỗ Thị Ngân Hà thiêz zơưv Cao Văn Quân, cử tri phường Nam Cường, tỉnh Lào Cai xar tiêk têx ứng cử viên tsuv pâuz tsênhz têx muôx tsênhv tsênhz, thôngx cxix thix ziv:

          “ Pêz xar njôngr tov kaz no, têx đồng chí tâu bo xeir muôx ntâu tsưr ziv jông đuô heik trâu côx hôiv chiê hlôngr yiêz ntâuz ntơưr hành chính, taz por tsênhz mênhx, txu grês têx uô cxâuv hâur car chêx ntâuz ntơưr hành chính”.

          “ Cán bộ công chức thiêz nênhs huôx tôngv nhoz tiv phaz li luz nênhx tsênhv yuôr ntâu phêv liv, tsi tâu tuôv zênhv tâu zoz qơưx tsênhv tsênhz. Đhâu thâuv chính quyênx tiv phaz 2 cấp huôx tôngv mak can sbộ, công chức li jênhv vưv ntâu đuô; viv li zos tâu bo xeir, xar njôngr têx đồng chí co zuôr muôx têx hâux lưv uô tsênhv tsênhz chiê hlôngr yiêz nhiêx shar, taz por truôx tul lêx ntêr trâu chor cán bộ công chức, viên chức”.

          Ntơưv phêv ziv, Phưv thủ tướng Phạm Thị Thanh Trà thiêz têx ứng cử viên teiv plor côx hôiv khoá 16 tưz pheiz kênh, têz thiêz uô tsênhz mênhx têx njiêz luv mak cử tri tsov cưv li: hlôngr yiêz nhiêx shar, hlôngr yiêz ntâuz ntơưr hành chính; txiv ngaz xã hội thiêz huôv tsar truôx tul…Thôngx cxix cam kêý zuôr xa cử tri li têx ziv chênhv siêz xar txos Côx hôiv, Chính phuv thiêz têx chiz coaz muôx vax huôv hâur ntu zuôr txos./.

(Đinh Tuấn- Txâur Vax cxeik nhênhv)

Chor nênhs txưv 18 shông shir phaz muk tso ntơưr bâux xêir

Nhiv kruôr txưv 18 shông trâu kaz hli 2 nhiv kruôr đhâu, Phạm Lam Diệp Anh, shux xênhz lớp 12 Anh, Tsêr cơưv Cxênhx pêz Chuyên Sơn La lok six shir phaz tok txos thâuv jiês xuz thơưx ciês tâu zos cử tri muk tso ntơưr bâux xêir chor điav biểu Côx hôiv thiêz Hôiv đồng cxuô cấp. Đêiv ntơưr bâux chênhr zos kror tâu Diệp Chi vav njôngr txos zuôr paz trâu têz qơưk hlôngr yiêz jông đuô:

“Cur lok six shir phaz, thâuv zos iz lênhx nênhs yênhx nênhs nhoz têz qơưk Việt Nam, nhiv no cur tưz muôx vax huôv hêik tơưv zuk siêz xar, muôx chêi chiê đros đros chuôz zis txos hnuz 15/3 no zuôr tâu muk bâux xêir, tâu tso ciês chor ntơưr bâux xêir no trâu hâur chor thungz tso ntơưr. No cux zos kror ntâuk chiv txos zuk hloz yênhx nênhs thiêz cux zos iz kror tsuv ndo njôngr. Cur cux tưz nriêr pâuz jông txos cử tri li jênhv vưv thiêz pưk txux lơưv, hâur hnuz bâux xêir zuk tsuv uô đaz tsi, tsuv bax li chak chiê bâux xêir cov tâu jông tiv zix”.

Cux li chôngz cử tri txưv 18 shông txơưr, Đinh Thị Khánh Huyền, shux xênhz lớp 12 Văn, Tsêr cơưv Cxênhx pêz Chuyên Sơn La cux zos jiês xuz thơưx ciês muôx bê hâur bê ntơưr chor cử tri. Têx hnuz no Huyền tưz tsês six hơưv chiê nriêr pâuz xor mông lok chor ứng cử viên đaiv biểu Côx hôiv khoar XVI thiêz đaiv biểu Hôiv đồng cxuô cấp, six cxiv 2026-2031 thôngz đhâu bê ntơưr tâu lo trâu ntơưv phường Tô Hiệu qơư tso ntơưr bâux xêir:

“Cur lok six shir phaz thâuv jiês xuz thơưx ciês tâu tuôr đêiv ntơưr thiêz xêir tsov cov tâu chor đaiv biểu txâuk cxuô kror chiê paz luz nênhx cov jông đuô. Txos hnuz bâux xêir cur cux zuôr đros niêv txir muk bâux xêir thiêz zuôr xêir tsov cov tâu chor đaiv biểu muôx txâuk txux chi, siêz jông chiê paz trâu pêx xênhv sơưr đơưk”.

Zos luz tsêr cơưv ntơưr muôx chôngz lênhx shux xênhz txix chor jêx jok nhoz đêz tuôx cơưv, Tsêr cơưv Cxênhx pêz Chuyên Sơn La tưz sir jos yax kriê trâu shux xênhz pâuz lok hnuz bâux xêir đaiv biểu Côx hôiv thiêz đaiv biểu Hôiv đồng cxuô cấp hâur six hơưv cơưv ntơưr. Tas nro tsêr cơưv muôx 97 lênhx shux xênhz lớp 12 txưv 18 shông tâu muk tso ntơưr bâux xêir. Đrâuv six hơưv cơưv ntơưr, chor shux xênhz tưz sir jos nriêr pâuz têx cui tênhv thiêz tsưr ziv bâux xêir thôngz đhâu chor xor mông muôx sâuv têx pov tsir, sâuv mạng xar hôiv. Pos Phạm Thị Thuận, Hiệu trưởng tsêr cơưv puz pâuz:

“Cưk kriê ntơưr sêiz car lớp cux tưz sir jos yax kriê txos trâu chor shux xênhz pâuz hâur chor jiês xênhz huôx lớp chiê chor shux xênhz pâuz tâu zuk txơưx jênhv hâur jiês bâux xêir. Đros co cưk kriê ntơưr cux hêik trâu tsêr cơưv ntơưr paz trâu chor shux xênhz tror lok ntơưv qơư nhoz chiê uô jênhv vưv công dân. Tsêr cơưv cux hêik chor cưk kriê ntơưr kriê môn Zoz zux, kinh têr thiêz chêi têz qơưk kriê đros têx tsênhv njiêz lok bâux xêir hâur bộ môn chiê chor shux xênhz pâuz tâu zuk jênhv vưv”.

Chor cử tri hluôk jiês xuz thơưx tâu uô zuk qênhx thiêz jênhv vưv công dân li têx bax jông thiêz muôx txơưx jênhv tưz puz pov hnuz bâux xêir đaiv biểu Côx hôiv khoar XVI thiêz đaiv biểu Hôiv đồng cxuô cấp tsik tiêk zos xor xưv chinhr triv zov chênhr, zos têz qơưk hnuz hôiv lox xưz, mak tsênhv zor kror ntâuk chiv tsuv ndo njôngr nhoz yênhx lênhx nênhs li ntu hloz lox yênhx nênhs./.

Thanh Thủy-Lik Thox cxêik nhênhv

Cử tri Lai Châu vav tok njôngr trâu hnuz hôiv bâux xêir

Ntơưv chor xar tox siêz, ntus đriv Lai Châu, pox nhuôs sơưr đơưk tưz tsês six hơưv chiê nriêr pâuz lok chor ứng cử viên têx xor mông, tsaz yênhx huôx tôngv. Cử tri nhoz no vav tiêk zuôr xêir tsov tâu chor nênhs jông, muôx txux chi chiê hlôngr trâu pêx xênhv, hêik tơưv pêx xênhv têx ziv chênhv thiêz siêz xar.

Nhoz jok Lao Chải 1, xar tox siêz Khun Há-qơư muôx phênhv ntâu tsôngv box Hmôngz uô nênhx nhoz, hnuz hôiv bâux xêir tâu pox nhuôs sơưr đơưk thav txos hâur chor jiês xênhz huôx côngv thôngx, hâur chor jiês siz njiz hâur jêx jok, thâuv muk uô liêx têz. Trơưk tix lâus Chu Xênhv Cưr, Bí thư Chi bôv jok Lao Chải 1, pêx xênhv nhoz no vav tiêk chor điav biểu đhâu thâuv tâu bâux xêir zuôr tsov cưv đuô txos tsôngv box nhoz tox siêz luz nênhx:

“Cur cux vav tiêk chor đaiv biểu zuôr tsov cưv txos, sưv jê đros pêx xênhv đuô; mnôngs njôngr txos pox nhuôs thax tsav tsôngv box mênhx cxưx tsơưs nênhs li têx ziv chênhv, siêz xar. Đhâu co, nzor xa tâu pox nhuôs têx ziv chênhv, siêz xar txos trâu Đảng thiêz Têz qơưk; chiê paz muôz tâu Đảng têx nghị quyết kriz uô hâur luz nênhx, paz trâu pêx xênhv luz nênhx ziv hnuz ziv huôv tsar jông đuô”.

Pêx xênhv vav tiêk chor đaiv biểu tâu xêir tsov zuôr zos chor nênhs paz txuôk pêx xênhv đros trâu Côx hôiv thiêz Hôiv đồng cxuô cấp; paz xa thiêz paz hêik pâuz sêi cử tri têx ziv chênhv, siêz xar. Pos Vũ Thị Luyện, Bí thư Chi bôv Tôv dân phôs sôr 24, phường tân Phong hêik pâuz:

“Pêz cux vav njôngr txos pêx xênhv têx ziv chênhv, siêz xar lok jiês bâux xêir Đaiv biểu Côx hôiv thiêz hôiv đồng cxuô cấp. Vav tiêk chor đaiv biểu Côx hôiv thiêz hôiv đồng thâuv tâu bâux zuôr nriêr pâuz txos pêx xênhv siêz xar, ziv chênhv thiêz vav njôngr. Txix co paz xa txos trâu Côx hôiv thiêz Hôiv đồng, paz muôx tâu têx tsênhv chêi huv đros, huv zos lơưr pêx xênhv siêz xar; paz cov pêx xênhv muôx tâu luz nênhx tsâu sor, shir phaz đuô”.

Đros chôngz lênhx cử tri, iz đêiv ntơưr tưz tsik tiêk zos qênhx liv mak tsênhv zos txơưx jênhv paz trâu têz qơưk li huôv tsar. Chênhr viv li, pêx xênhv vav tiêk chor đaiv biểu tâu bâux zuôr phuôx huiz tâu txơưx jênhv, sir jos viv têz qơưk, pêx xênhv kror liv cxuô. Zơưv Đỗ Huy Lưu, nhoz tôv dân phố sôr 2, phường Đoàn Kết hêik pâuz:

“Cur vav tiêk chor đaiv biểu zuôr sir jos muôx txơưx jênhv đuô; truôx siêz, sir jos đuô cxiv tsa chinhr quyền cxuô cấp cov hênhr đuô. Chor đaiv biểu muôx txâuk txux chi, đas jos chiê uô pêx xênhv kror qênhx siêz tiv zix, paz trâu têz qơưk huôv tsar sêiz thiêz truôx đrênhk đuô”.

Côngz xưv bax trâu hnuz bâux xêir ntơưv cxuô thax tsav qơư sâuv thax tsav tỉnh Lai Châu tưz tâu kriz uô truôx jông, huv cui tênhv, paz cov hnuz bâux xêir zos yênhx tas nro pêx xênhv hnuz hôiv lox. Zơưv Trừ Xênhv Muôk, Bí thư Đảng ủy phường Tân Phong puz pâuz:

“Đros chor đaiv biểu Côx hôiv thiêz hôiv đồng tỉnh muôx ntơưv thax tsav qơư, lok six vav tiêk chor đaiv biểu zuôr xa pêx xênhv têx ziv chênhv, siêz xar; thiêz têx tsênhv chêi kriz uô ntơưv thax tsav qơư yuôr kror tưs uô tsik tâu tâu mak tsuv muôx hêik pâuz. Txix co kho đuô trung ương têx cui tênhv, xav tas nro cik txis chêi têz qơưk, chiê uô cov tâu jông đuô thiêz paz đơưk kho têx phiv liv trâu pêx xênhv”.

Cử tri nhoz tox siêz ntus đriv Lai Châu li njênhs thiêz vav njôngr txos trâu hnuz hôiv bâux xêir./.

Khắc Kiên-Lik Thox cxêik nhênhv