Cử tri thax tsav ntus đriv Khổng Lào txơưx jênhv lok ntơưr bâux xeir

Đhâu ntâu hnuz max khưr uô liêx têz, hnuz no pos Lù Thị Phấn, nhoz jok Lang 2, xã Khổng Lào tưz nduô tsês têx hâux lưv uz no chiê đros tsôngv niêv txir cưr tix nênhx hâur jok tuôx trâu ntơưv tsêr vênhx huôv. Têx ntơưr lo chiv chor nênhs ứng cử viên li bê, yênhx caz ntơưr sâu têx mông tâu pêx xênhv tiz jông nhênhv, seiz shuôs, sik thav, sik kriê. Ntơưv tsêr vênhx huôv-qơư zuôr tsưr tsix tso ntơưr bâux xeir lok hnuz 15/03 zuôr txos ntơư lov jêv ntưk. Muôz cêr njênhs njôngr, chiê siêz trâu têx lênhx ứng cử viên, pos lù Thị Phấn heik:

“Lok six njênhs njôngr trâu Đảng thiêz têz qơưk luôs hâux lưv xeir tsov lênhx nênhs thiêz zuk đeiv ntơưr bâux xeir. Cur thiêz tsôngv niêv txir lax pêx xênhv hâur jok cêr xar njôngr, zuôr bâux xeir tâu têx lênhx nênhs muôx txux chi jông, tsiv nhos hlôngr njêx muôs trâu tsôngv box xa sơưr đơưk têx tsưr ziv, siêz xar txos trâ chor hloz thênhv siêz. Iz zav li: Pêx xênhv muôx đaz tsi, xar heik trâu têx hloz mak chor đại biểu paz yax xa txos trâu Đảng, têz qơưk, hâu nov ntơưv qơư thiêz Hôiv đôngx cxuô cấp chiê lơưr paz xa pêx xênhv têx tsưr ziv xar ntơư txos trâu cxuô cấp muôx vax huôv”.

Jok Lang 2 zos thax tsav phênhv ntâu tsôngv box Poz Ziz thiêz Hmôngz uô nênhx nhoz, muôx 230 ntâu chuôz zis, zuôr xar 1.100 lênhx nênhs. Hâur jiês bâux xeir đại biểu Côx hôiv thiêz Hôiv đôngx cxuô cấp jiês no, tas nro jok muôx 630 ntâu lênhx cử tri, chôngz đuô hur si lưv luz jok hâur xã Khổng Lào. Chênhr viv li, luôs hâux lưv yax kriê, vênhv tôngv cử tri nriêr pâuz têx mông lok chor ứng cử viên tâu cấp ủy, hâu nov ntơưv qơư thiêz cxuô đoãn thêv hâur thax tsav moz siêz txos.

Têx jiês cơưv jêx jok, xênhz huôx côngv thôngx lok sik tổ bâux xeir têx jiês yax kriê puôr lênhx fuô uô cê kriê cử tri zok nriêr lok cui tinhv bâux xeir thiêz chei, vax huôv tâu uô têx li chas. Khov li co, pêx xênhv tưz bax seiz shuôs bê têx lênhx ứng cử viên thiêz bax jông trâu hnuz bâux xeir. Zơưv Lành Văn Phong, Bí thư chi bộ, uô Tsar ban jok Lang 2 heik pâuz:

“ Đhâu cơưv hiệp thương, Tsar ban côngz xưv mặt trận thiêz têx pox niêv vir ndâuk hâur jok tưz yax kriê lok six jông hâux lưv bâux xeir chiê hnuz bâux xeir tsôngv pêx xênhv sơưr đơưk tuôx cxix cxuô. Txos nhiv no sơưr đơưk tưz pâuz tsênhz lok cui tinhv bâux xeir thiêz shir phaz bax tok txos hnuz chiê tâu bâux xeir têx lênhx đại biểu Côx hôiv, đại biểu Hôiv đôngx tỉnh, Hôiv đôngx xã. Tsôngv pêx xênhv tưz nhênhz chơưv, seiz shuôs jông bê chor đại biểu thiêz xar njôngr zuôr xeir tsov tâu têx lênhx đại biểu muôx txux chi jông, tsiv nhos, lês uô tâu hâux lưv zok muôz viv pêx xênhv chiê cxơưz sơưr đơưk luz nênhx hlôngr yiêz, vav mênhx”.

Tsi tiêk ntơưv jok Lang 2, nhoz cxuô jêx jok hâur xã Khổng Lào, luôs hâux lưv bax trâu jiês bâux xeir tsênhv tâu fuô uô jông. Têx ntâuz ntơưr, qix đei liêz vok trâu cxuô txox cêr muk lol hâur jok. Chor thax tsav tso ntơưr bâux xeir tâu bax uô jông; thôngz trâu ntơưr, bê cử tri thiêz ntơưr bâux xeir cux tưz tâu bax muôx cxix cxuô.

Hâur jiês bâux xeir no, 10 cxênhz ntâu lênhx cử tri hâur xã Khổng Lào zuôr tâu bâux xeir ntơưv 32 qơư tso ntơưr bâux xeir. Zos xã ntus đriv, qơư phênhv ntâu tsôngv box Hmôngz, Poz Ziz thiêz Cho uô nênhx nhoz, hâu nov ntơưv qơư lok six moz siêz txos luôs hâux lưv yax kriê chiê cxuô lênhx cử tri puôr lênhx pâuz tsênhz txos ntơưr bâux xeir têx jông thiêz cxaz chuôz bâux xeir cxix cxuô. Zơưv Đỗ Văn Quynh, Chủ tịch Ủy ban xã Khổng Lào, tỉnh Lào Cai heik pâuz:

“Pêz njênhs tiêk, cử tri zuôr xeir tâu têx lênhx đại biểu tsiv nhos hlôngr njêx muôs trâu pêx xênhv, chiê yax xa sơưr đơưk têx tsưr ziv, siêz xar txos trâu chor hloz thênhv siêz. Iz chas ntơư, hâur thax tsav zos nênhs Cho, Poz Ziz uô nênhx nhoz thiêz phênhv ntâu nhoz jê đriv têz. Chênhr viv li, pêx xênhv sir jos sik tưr huôv tsar uô bluô nux, sơưr đơưk xar njôngr cov muôx tâu chính trị truôx tuk. Viv li, pêz njênhs tiêk jiês bâux xeir no zuôr yênhx côngz jông”./.

Khắc Kiên-Riê Lâux cxeik, nhênhv

Uô ntâu tsưr ziv yax kriê bâux xêir nhoz ntus đriv Chiềng Sơn

Zos xar ntus đriv muôx 8,7 cêik cêr ntus đriv thiêz thax tsav đar, pêx xênhv tsik nhoz uô cê ntơưv 24 jêx jok, txix xar muôx iz hli lok no canr bôv chiến sỹ Zênhx Pênhz phax Chiềng Sơn, Ban Chỉ huy Bôv đôiv Pênhz phax tỉnh Sơn La tưz sir zôngv tsưr ziv “Suôz loa Pênhz phax” chiê yax kriê tsênhv njiêz bâux xêir txos yênhx jêx jok, qơư pêx xênhv nhoz; paz trâu pêx xênhv pâuz jông đuô txos hnuz bâux xêir. Trung úy Lê Văn Tường, Zênhx Pênhz phax Chiềng Sơn, tỉnh Sơn La puz pâuz:

“Txix ciês têx hnuz xuz thơưx, Đảng ủy, Ban chỉ huy Zênhx tưz kriz uô cxiv tsa tsưr ziv yax kriê txos trâu yênhx jêx jok, yênhv ziv chuôz zis pâuz. Tsênhv njiêz tâu yax kriê txix tas nro 3 zav luk: Luk Thái, luk Hmôngz thiêz luk tsoz tsiz thiêz pêz yax kriê tâu trâu 17 hâur 24 jêx jok”.

Ntơưv thax tsav tsênhv qơư xar thiêz chor jêx jok, sâuv chor cêr chênhr tưz tâu đêi cxix cxuô têx ntâuz ntơưr, fiêx, qix têz qơưk… bax trâu “Têz qơưk hnuz hôiv lox”. Chor cơ quan, taz viv hâur xar cux tưz sik côngv truôx jông, kriz uô cxix cxuô côngz xưv yax kriê lok bâux xêir, paz jênhv pâuz chinhr triv jông, muôx txơưx jênhv thiêz thôngx ziv xar hôiv lok xor xưv chinhr triv zov chênhr no. Zơưv Nguyễn Văn Hoàn, Tsar phòng Vênhx huôv Xar hôiv xar Chiềng Sơn, tỉnh Sơn La hêik pâuz:

“Uô trơưk cxuô cấp chox kriê pêz tưz sik côngv đros Tsênhv qơư Dịch vụ tổng hợp xar yax kriê sâuv cxiv luôs loa nta suôz txos chor jêx jok; yax kriê sâuv chor nền tảng xar hôiv li Zlo, Fb, đuô li tsênhv yax kriê txix têx fiêx, ntâuz ntơưr chiê paz trâu pêx xênhv pâuz tâu tsênhz txos têx tsênhv njiêz hnuz bâux xêir”.

Côngz xưv yax kriê lok bâux xêir đaiv biểu Côx hôiv khoar XVI thiêz đaiv biểu Hôiv đồng cxuô cấp ntu 2026-2031 ntơưv chor jêx jok, tiểu khu nhoz xar Chiềng Sơn cux tâu kriz uô nzor thiêz truôx jông. Chor nênhs ứng cử cux tưz uô tiêr hâux lưv njiz, hêik trâu cử tri pâuz lok njuôk xav zuk tsaz yênhx huôx tôngv chiê kriz uô txơưx jênhv đaiv biểu zos tâu bâux uô đaiv biểu Côx hôiv, đaiv biểu Hôiv đồng thiêz thav txos têx vênhv thix  tâu cử tri moz siêz txos; paz trâu cử tri njiz tâu chor nênhs ứng cử, pâuz tsênhz txos nênhs ứng cử; đhâu co xêir tsov, bâux tâu chor nênhs muôx txux chi, siêz jông chiê uô đaiv biểu Côx hôiv, đaiv biểu Hôiv đồng. Zơưv Cà Văn Pâng, cử tri jok Co Phương, xar Chiềng Sơn, tỉnh Sơn La hêik pâuz:

“Tâu mnôngs chor ứng cử viên hêik txos têx hâux lưv zuôr uô hâur ntu zuôr txos zos tâu bâux thiêz zuôr hlôngr njêx muôs trâu pêx xênhv mak cur njênhs tiêk txos hnuz 15/3 zuôr xêir tsov tâu chor nênhs muôx txux chi, siêz jông chiê paz hêik txos pêx xênhv siêz xar, têx ziv chênhv”.

Đros kriz uô cxix cxuô côngz xưv yax kriê lok bâux xêir, njênhs tiêk jiês bâux xêir đaiv biểu Côx hôiv khoar XVI thiêz đaiv biểu Hôiv đồng cxuô cấp six cxiv 2026-2031 sâuv thax tsav xar ntus đriv Chiềng Sơn thiêz tỉnh Sơn La zuôr tâu tsưr tsix dân chủ, huv chêi têz qơưk, ngaz tuk thiêz truôx jông; đros co paz trâu pêx xênhv njênhs njôngr trâu Đảng, Têz qơưk; chuôz cxaz sik côngv siêz tas nro mênhx cxưx, paz tuôr truôx ngaz tuk chinhr triv, ngaz tuk xar hôiv thiez tsưr qênhx ngaz tuk ntus đriv têz qơưk./.

TTTB-Lik Thox cxêik nhênhv