Lào Cai tsov cưv paz chiê cử tri zos têx lênhx nênhs trâus sêv khiz lok luz chêr, nênhs lâuk cxaz chuôz bo xeir

          Zơưv Phùng Tiến Thanh, Chủ tịch UB phường Yên Bái, tỉnh Lào Cai puz pâuz: tiv phaz muôx 72 thax tsav tso tơưr đros 47 cxênhz ntâu lênhx cử tri. Phường tưz chuv tôngv seiz shuôk, cxiv tsa ntâu tsưr ziv chiê taz por cxuô cử tri puôr lênhx tâu cxaz chuôz tso ntơưr. Hâur co, têx thax tsav tso ntơưr tâu bax qơư muk lok zôngx ziv trâu nênhs trâus sêv khiz lok luz chêr, cử tri muôx hnuz nhôngs siêz; têx tuêv bo xeir bax thôngz tso ntơưr cxaz phưx vưv têx cử tri tuôx tsi tâu trâu ntơưv têx qơư tso ntơưr.

          “ Đros têx cử tri muôx moz gênhs, nênhs trâus sêv khiz lok luz chêr, nênhs lâuk, pêz tưz chêx chôngk chox kriê txix ciês hâux lưv muôz ntơưr cử tri thiêz qênhz yuôx, uô ntâuz ntơưr tsênhz mênhx chiê pov cov Ban bo xeir ntơưv têx taz viv bo xeir, txix co cxiv tsa tsưr ziv phưx vưv huv đros. Đros têx lênhx nênhs tuôx tsi tâu ntơưv thax tsav tso ntơưr, têx tuêv bo xeir tâu pheiz côngz gra thôngz ntơưr tuôx ciês ntơưv tsêr nhoz lok sik qơư y tế chiê cử tri tso ntơưr, thôngx cxix taz por tsưr ziv tso ntơưr trơưk cui tênhv thiêz cxuô lênhx cử tri tâu uô zuk li qênhx tso ntơưr”.

Ntơưv xã tox siêz Trạm Tấu, tỉnh Lào Cai, hâur jiês bo xeir côx hôiv thiêz HĐPX cxuô cấp six cxiv 2026-2031, xã muôx 6 cxênhz 200 ntâu lênhx cử tri tso ntơưr ntơưv 18 qơư sâuv thax tsav. Viv thax tsav qơư đar, phênhv ntâu cử tri zos tsôngv px nênhs mênhx cxưx tsơưs nênhs, viv li côngz xưv bax uô tâu krêz uô yênhx hâux lưv tsênhz mênhx. Tiv phaz tsov cưv txos têx cử tri zos nênhs trâus sêv khiz, nênhs muôx hnuz nhôngs siêz, tsi muôx đas jos lok sik tsi pâuz ntơưr mak tsuv bax lưx lươngv paz max têx lênhx nênhs co. Zơưv Jêz Xênhv Zax, Phưv Chủ tịch UB bo xeir xã Trạm Tấu puz pâuz:

          “ Tiv iz, xã bax lưx lươngv đoàn viên, hluôk nênhs muk tos thiêz paz têx lênhx nênhs trâus sêv khiz, nênhs lâuk tuôx thax tsav tso ntơưr. Thâuv bo xeir tas, xã ho heik lênhx nênhs thâux lơưr muk tsêr. Tiv oz xã bax thôngz tso ntơưr ciês ntơưv tsêr chiê cử tri tsi zuôr muk lok. Đros cử tri tsi pâuz ntơưr, xã heik lênhx nênhs paz cxeik yênhx njiêz luv cik txos ứng cử viên, teiv plor, heik kriê cử tri chiv chir muk tso ntơưr trâu teiv plor zuk xeir”.

          Tsi taz tsov cưv txos chor cử tri zos nênhs trâus sêv khiz lok luz chêr, nênhs tsi muôx đas jos, nênhs lâuk, têx tiv phaz hâur tỉnh Lào Cai tsênhv paz chiê cử tri zos têx lênhx nênhs nhoz têx qơư txơưr tuôx uô hâux lưv, nhoz uô nênhx sâuv thax tsav tâu cxaz chuôz bo xeir. Côngz xưv yax mông, heik kriê đăng cir bê cử tri tâu krêz uô jông; thôngx cxix bax thôngz tso ntơưr ciês ntơưv têx qar tsav yêz, tsênhv qơư y tế thax tsav, tsêr kho moz...chiê taz por cxuô lênhx nênhs puôr lênhx tâu uô qênhx bo xeir./.

(Trịnh Xuân-Txâur Vax cxeik nhênhv)

Cui tinhv tso ntơưr bâux xeir thiêz xav tinhv lênhx nênhs tâu bâux xeir

Tsôngv box...! Chei bâux xeir đại biểu Côx hôiv thiêz đại biểu Hôiv đôngx cui tinhv truôx lok sâuv tso ntơưr bâux xeir, qênhz shuôs têx ntơưr bâux xeir txos heik pâuz, xav jênhv lênhx nênhs tâu bâux xeir. Chei bâux xeir đại biểu Côx hôiv thiêz đại biểu Hôiv đôngx shông 2015, kho đuô cxaz nzir shông 2025 cui tinhv tsênhz mênhx têx li heik sâuv.

Iz lênhx cử tri iz đeiv ntơưr bâux xeir, zuk chiv chir muk tso ntơưr bâux xeir

Trơưk li Grê 69, Chei bâux xeir đại biểu Côx hôiv thiêz đại biểu Hôiv đôngx, iz lênhx cử tri muôx chei tso iz đeiv ntơưr bâux xeir đại biểu Côx hôiv thiêz iz đeiv ntơưr bâux xeir đại biểu Hôiv đôngx cấp tỉnh, cấp xã. Cử tri zuk tsuv muk tso zuk ntơưr bâux xeir, tsi thor lưv tus txơưr đuô bâux xeir trâu zuk, yưx têx lênhx chei cui tinhv; thâuv bâux xeir tsuv muôx thẻ cử tri.

Zos lênhx cử tri tưs chiv chir sâu tsi tâu trâu ntơưr bâux xeir mak thor lưv tus txơưr đuô paz sâu, taz sik cux tsuv zos zuk chiv chir tso ntơưr; lênhx nênhs paz sâu ntơư cux tsuv jêik jông tsi uô luôs lưv tus pâuz. Cử tri muôx moz, lâul muk lok tsi tâus, trâus sêv khiz luz chêr muk tsi tâu trâu qơư tso ntơưr bâux xeir mak Tổ bâux xeir gra đuô iz luz thôngz trâu ntơưr muk trâu lênhx nênhs co qơư nhoz, qơư kho moz gênhk chiê cử tri tso ntơưr bâux xeir.

Grê 71 cui tinhv six hơưv tso ntơưr bâux xeir txix 7 six tas cik txos 7 six tsâuk ntux đros hnuz; muôx têx tso nzor đuô taz sik tsi tâu uô ntêx 5 six sơưr nzor thiêz suôx câuv lis đuô, taz tsi  tsênhr đhâu 9 six tsâuk ntux. Hâux lưv tso ntơưr bâux xeir tsuv uô tsi so; zos tiêk muôx đaz tsi zov chênhr uô tuôr thênhv txos, mak Tổ bâux xeir tsuv lo chiv thôngz trâu ntơưr thiêz heik trâu Ban bâux xeir pâuz chiê đơưk uô trơưk chei, vax huôv.

Qênhz shuôs ntơưr bâux xeir tsênhz mênhx, muôx cử tri seiz njiê pov njôngr

Trơưk li Grê 73, luôs hâux lưv qênhz shuôs ntơưr bâux xeir tâu uô ntơưv qơư tso ntơưr bâux xeir đhâu hlo thâuv sơưr đơưk tso ntơưr bâux xeir tas; tsuv hu 2 lênhx cử tri tsi zos nênhs ứng cử seiz njiê njôngr. Lênhx nênhs ứng cử, têx lênhx hlôngr njêx muôs cơ quan, tsưr tsix heik kriê nênhs ứng cử thiêz tuz sâu xor xưv tâu seiz njiê njôngr hâux lưv qênhz shuôs chor ntơưr bâux xeir.

Grê 74 xav tinhv têx ntơưr bâux xeir tsi huv zos: Ntơưr tsi trơưk cui tinhv; tsi muôx thưx Tổ bâux xeir; bâux xeir ntâu lênhx đại biểu tsi trơưk cui tinhv; cok, cxuôv tas bê têx lênhx nênhs ứng cử; sâu nzir bê luôs lưv tus saz đrâuv trâu lok sik txơưr đuô.

Đhâu qênhz shuôs ntơưr bâux xeir, Tổ bâux xeir tsuv sâu ntơưr muôx cxix cxuô têx tsênhv njiêz: Xav hur si chor cử tri muôx bâuv li chas lênhx; chor cử tri tưz tso ntơưr; têx ntơưr pheiz trâu sơưr đơưk, têx ntơưr sâu lok; ntơưr bâux xeir huv chei, tsi huv chei; ntơưr bâux xeir trâu yênhx lênhx nênhs ứng cử; têx siz pênhr cov uz no.... (Grê 76).

Côngk nhav thiêz heik pâuz đhâu bâux xeir

Grê 78 cui tinhv, đhâu bâux xeir tsuôk tâu côngk nhav thâuv muôx iz đraz ntâu xav hur si cử tri hâur bê cử tri cxaz chuôz bâux xeir. Lênhx nênhs tâu bâux xeir mak tsuv muôx iz đraz ntâu ntơưr tso bâux xeir huv đros cui tinhv.

Zos tus tưs tâu ntơưr bâux xeir ntâu đuô iz đraz chôngz đuô pir li chor đại biểu tâu bâux xeir mak xeir tsov jux juk txix tus tâu ntơưr ntâu grêk trâu tus tâu ntơưr bâux xeir tsơưs; zos têx lênhx uô kaz tâu ntơưr bâux xeir siz bâus  mak lênhx muôx hnuz nhôngs siêz đuô zuôr tâu xeir uô đại biểu.

Đros thiêz bâux xeir nzir lok sik bâux xeir đuô, chei cui tinhv six hơưv, hnuz nhôngs tsưr tsix kênhz yax zos 7 hnuz đhâu hnuz bâux xeir xuz thơưx (Grê 79, Grê 80).

Trơưk li Grê 86, Hôiv đôngx Bâux xeir têz qơưk heik pâuz luôs hâux lưv bâux xeir đại biểu Côx hôiv kênhz yax zos 10 hnuz đhâu hnuz bâux xeir; Ủy ban bâux xeir heik pâuz luôs hâux lưv bâux xeir đại biểu Hôiv đôngx đros iz luz six hơưv.

Siz pênhr lok luôs hâux lưv bâux xeir tsuv xa hâur 3 hnuz xav txix hnuz heik pâuz; cơ quan muôx vax huôv đơưk tu hâur 7 hnuz thiêz quyết định zos uô kaz hlo (Grê 87).

Chei cux cui tinhv lok sâuv xav jênhv lênhx nênhs tâu bâux xeir ntơư zos nênhs li chas thiêz muôz ntơưr côngk nhav đại biểu khóa yiêz đhâu thâuv uô tiêr cxuô luôs hâux lưv ntâuk grê, đơưk tu têx siz pênhr cov uz no (Grê 88)./.

Tòng Anh-Riê Lâux cxeik, nhênhv