Chiê hnuz bâux xêir tâu uô dân chủ, huv chêi thiêz ngaz tuk jông

Ntơưv phường Chiềng Sinh, chor jiês cơưv zuôr cử tri ntơưv qơư nhoz ziv chênhv trâu chor nênhs ứng cử tâu tsưr tsix dân chủ, ndax ndênhk, huv tsưr ziv. Chor jiês cơưv tâu tsưr tsix jông, ndax ndênhk thiêz txơưx jênhv; ngaz tuk tsik so tâu tuôr truôx, paz trâu cử tri phuôx huiz tâu zuk qênhx uô tsưr. Tix lâus Tòng Văn Định, cử tri nhoz sâuv thax tsav phường Chiềng Sinh hêik pâuz:

“Tsuôk yuôr oz pêz hnuz xưz tưz zuôr txos hnuz bâux xêir. Cur vav tiêk yênhx đêiv ntơưr bâux zuôr zos pêx xênhv siêz xar, vav njôngr chiê xêir tsov tâu chor đaiv biểu muôx txux chi, siêz jông chiê hlôngr njêx muôs thiêz por vêv tâu qênhx liv huv zos trâu pêx xênhv”.

Pir đros chor jiês bâux xêir uô ntêx, six cxiv no muôx ntâu kror yiêz tsuv tsov cưv txos. Zơưv Pò Phong Nam – Chủ tịch Ủy ban phường Chiềng Sinh, Chủ tịch Ủy ban Bâux xêir ntơưv phường puz pâuz:

“Six cxiv no, hâux lưv sir zôngv Chêi bâux xêir kho đuô, cxaz nzir shông 2025 zos kror zov chênhr yiêz. Hâux lưv tâu txo grêk tsơưs, truz lur six hơưv đuô chiê uô cxuô kror txix 70 grêk txos yuôr 42 hnuz. Kho đuô no paz trâu côngz xưv bax ntơưv thax tsav qơư tsêx trung đuô, zôngx ziv đuô thiêz uô tâu jông đuô. Iz chas co, sir jos hlôngr yiêz sôr, sir zôngv dữ liệu têz qơưk lok pêx xênhv chiê uô bê ntơưr cử tri cux paz uô huv zos đuô, tsik siz yôngx; đros co zos sir zôngv chor nền tảng mạng xar hôiv, chor trang fanpage tôv dân phố chiê hêik pâuz chor nênhs ứng cử, paz trâu cử tri pâuz cxix cxuô, pâuz tâu sêi thiêz zôngx ziv đuô”.

Lưx lươngv Công an cxuô cấp tưz kriz uô sêiz car truôx chor nênhs cxâuv chêi; chuôz cxaz qênhz yuôx qơư nhoz; muk ciês trâu yênhx ziv chuôz zis chiê nriêr pâuz paz uô tâu jông pêx xênhv qênhx bâux xêir.

Đros co, chor tsưr ziv paz tuôr jông ngaz tuk, por vêv jông têz qơư cxuô kror, ngaz tuk têx ntâuz ntơưr, tsưr ziv hiệp thương cux tâu kriz uô truôx jông. Côngz xưv tuôr truôx qênhx shênhx sâuv không gian mạng tâu chuôz cxaz, paz pov tâu nzor thiêz xưv lik chor xor mông tsik zos li tsênhv tsênhz, paz tuôr truôx ngaz tuk chinhr triv thiêz ngaz tuk xar hôiv phưx vưv jông trâu côngz xưv bâux xêir. Thiếu tá Đinh Mạnh Tường, Phưv Trưởng Công an phường Chiềng Sinh puz pâuz:

“Txos nhiv no, chor hâux lưx paz trâu jiês bâux xêir sâuv thax tsav tâu tsưr tsix ngaz tuk, huv tsưr ziv. Ntu zuôr txos, Công an phường zuôr tror sik côngv truôx đros Ủy ban bâux xêir thiêz têx taz viv cik txos, tsêx trung nriêr pâuz qênhx shênhx ntơưv chor qơư, thax tsav zov chênhr; nzor hêik pâuz, đơưk kho têx phiv liv muôx yưv; đros co zos kriz uô tir tar chor nênhs fêv, cxiv tsa tsưr ziv tso nênhs sêiz jor paz ngaz tuk tsênhv tsênhz ntơưv chor qơư tso ntơưr thiêz thax tsav cik txos”.

Nhoz cấp tỉnh, côngz xưv paz ngaz tuk chinhr triv cux tâu kriz uô cxix cxuô, truôx jông. Trung tá Dương Hoàng Dương, Phưv Trưởng phòng An ninh chính trị nội bôv, Công an tỉnh Sơn La hêik pâuz:

“Pêz tưz cxiv tsa tsưr ziv, tso nênhs sêiz jor, sik côngv đros chor nganhx muôx vax huôv paz cov ngaz tuk jông trâu cxuô kror hâur qênhx shênhx bax thiêz tsưr tsix bâux xêir; tiv zix zos por vêv ngaz tuk têx ntâuz ntơưr, cxuô zav thiêz chor qơư tso ntơưr bâux. Sir jos tsik chiê muôx yưv tex phiv liv hâur cxuô qênhx shênhx”.

Đros lưx lươngv Công an têx bax jông, sir jos; sik côngv truôx jông nhoz cấp ủy, chinhr quyền cxuô cấp thiêz muôx pêx xênhv thôngx ziv đros thiêz txơưx jênhv, côngz xưv paz ngaz tuk jông phưx vưv trâu bâux xêir sâuv thax tsav tỉnh Sơn La tsênhv tâu kriz uô truôx jông, huv tsưr ziv tso tơưv./.

Thu Thùy-Cao Thiên-Lik Thox cxêik nhênhv

Taz por cxuô zav trâu hnuz ntênhs lox nhoz tox siêz Lào Cai

          Tas nro xã Quy Mông muôx 11 cxênhz 300 ntâu lênhx cử tri, nhoz uô nênhx ntơưv 30 jêx jos, hâur co muôx ntâu jêx jos nhoz tox siêz đêz đrôngs. UB bo xeir xã tưz chiz trâu chiz coaz thường trực sik côngv đros Công an xã yax six muk seiz shuôk, thôngz sâu cử tri li xor mông sâuv phần mềm cử tri zos Bộ công an krêz uô. Nhiv no tưz muôx cxix cxuô bê cử tri nhoz 10 thax tsav tso ntơưr, xa txos têx jêx jos chiê lo ntơưr. Thôngx cxix tror seiz shuôk bê cử tri hâur niêx hnuz chiê ciêr chênhr thôngz sâu zos muôx têx hlôngr yiêz lok cử tri...

          Pos Nguyễn Thị Thanh Huyền, Tsar phongx vênhx huôv- xã hội xã Quy Mông, UB bo xeir li chiz coaz thường trực puz pâuz cxaz: UB bo xeir xã tưz tos jênhv tas nro chuôz zênhx tâu tỉnh cungz muôx: têx ban bo xeir, têx tuêv bo xeir li tul khoz côngz jênhv, ntơưr heik kriê ứng cử viên teiv plor côx hôiv thiêz HĐPX cxuô cấp li xor mông...thiêz tưz choz trâu têx tuêv bo xeir muôx txơưx jênhv seiz car, por vêv.

          Têx tuêv bo xeir đhâu thâuv cuiz tênhv yênhx lix tưz uô thôngz pov pheiz côngz jênhv vưv tsênhz mênhx trâu yênhx lênhx nênhs, chiê taz por huôx tôngv jông uô ntêx, hâur thiêz đhâu jiês bo xeir. Têx qơư li tsêr vênhx huôv jêx jos tâu xeir uô thax tsav tso ntơưr tuôv zênhv ploz tsênhr lok zaoz thôngz, mênhv chêx, tênhv tênhz, chuôz zênhx cxuô zav, taz por zôngx ziv muk lok trâu cử tri.

          “ Nhiv no pêz tưz uô tiêr hâux lưv bax 2 thax tsav qơư, txos hnuz xiêz 10/3 uô tiêr 8 thax tsav qơư, tas nro zos 10 qơư. Txos nhiv no bê cử tri tưz uô tiêr cxix cxuô thiêz tâu lo ntơưr, tror seiz shuôk đros têx lênhx nênhs thor tso ntơưr nhoz qơư txơưr mak muôx ntơưr hlôngr qơư tso ntơưr”.

          Đros iz thax tsav qơư muôx ntâu mênhx cxưx sik đros nhoz uô nênhx li Choz tsiz, Tày, Hmôngz... côngz xưv yax mông lok jiês bo xeir tâu xã Quy Mông tsov cưv jông txos njiêz luv thiêz tsưr ziv uô. Đrâuv yax mông sâu têx trang Fanpage, zalo, trang thôngz xor mông điện tử, đeiv xa đuôz, cxix luôk nta suôz xã thiêz têx ntâuz ntơưr, Ủy ban bo xeir tsênhv tsưr tsix tso têx yêz muk txos têx jêx jos tox siêz chiê yax mông txix luk mênhx cxưx tsơưs nênhs.

          Pos Lê Thị Lụa, Chủ tịch UBMTTQVN xã Quy Mông, Phưv chủ tịch UB bo xeir puz pâuz, đhâu cxơưz tiês côngz xưv yax mông tưz phuôx huiz tâu cử tri li chinhz yênhx txơưx jênhv lok jiês bo xeir teiv plor côx hôiv thiêz HĐPX cxuô cấp li yênhx côngz.

          “ 100% jêx jos sâuv thax tsav tâu kriê cxaz lok Chei bo xeir thiêz têx cui tênhv heik kriê, tiv zix zos cơ cấu, lênhx nênhs chiê têx cử tri xeir taz por chor teiv plor, trơưk tsưr ziv heik kriê”.

          Nhiv no, UBMTTQVN xã Quy Mông tưz thiêz tsênhv sik côngv đros têx jêx jos sâuv thax tsav xã tsưr tsix 18 phêv ziv njiz cử tri sâu zuôr tsôngv px li ziv chênhv. Đhâu têx phêv ziv, phênhv ntâu cử tri njênhs njôngr lok tsaz yênhx huôx tôngv, têx ứng cử viên li têx cam kết. Pos Nguyễn Thị Viện, cử tri jos Hồng Tiến heik:

          “ Têx ứng cử viên mak cur pov huv đros. Pêz njênhs njôngr lơưr tâu bo xeir têx tul tsi paz tâu tsôngv px mak zuôr paz tsôngv px car chêx, tsi car chêx tâu mak thix ziv thênhv siêz paz pox nhuôk huôv tsar kinh têr”.

          Lơưr UB bo xeir xã Quy Mông, côngz xưv taz por txiv ngaz, taz por trâu jiês bo xeir, côngz xưv bax cxuô tsưr ziv dưv phax thiêz yưr lir têx hâux lưv muôx yưv hâur hnuz bo xeir li ( pôngz tênhv tênhz, ntux nas chuô,...) cux tsênhv tâu uô tiêr, taz por trâu jiês bo xeir teiv plor côx hôiv khóa 16 thiêz HĐPX cxuô cấp six cxiv 2026-2031 tâu tsưr tsix taz por, yênhx côngz, tsênhz tsênhz zos tas nro tsôngv px li hnuz ntênhs lox./.

(Đinh Tuấn- Txâur Vax cxeik nhênhv)