Tox siêz Sơn La bax tiêr cxuô kror chiê phưx vưv trâu bâux xêir

Ntơưv xar Vân Hồ, tỉnh Sơn La, qix têz qơưk, têx fiêx, ntâuz ntơưr lok hniz bâux xêir tâu đêi jông cxix cxuô ntơưv têx qơư pêx xênhv nhoz thiêz chor tsêr vênhx huôv jêx jok. Hnuz 15/3 zuôr txos no, 16.000 ntâu cử tri haur xar zuôr muk tso ntơưr bâux ntơưv 36 kror qơư tso ntơưr. Zơưv Phạm Thanh Hải, Phưv Chủ tịch Ủy ban xar puz pâuz, txos nhiv no, xar tưz uô tiêr hâux lưv lo bê ntơưr chor cử tri thiêz bê ntơưr chor nênhs chiê bâux xêir:

“Txos nhiv no ntơưv xar tưz uô tiêr hâux lưv lo bê ntơưr chor cử tri muôx 16.000 ntâu lênhx. Nhiv no Ủy ban xar tsênhv tror chor kiê lưx lươngv công an xã sik côngv đros Ban sêiz car chor jêx jok, tiểu khu chiê tror qênhz yuôx, kho đuô cxaz nzir bê ntơưr, chor bê ntơưr tsuv hêik pâuz tsênhz txos qênhx shênhx cử tri sâuv thax tsav xar. đros co, côngz xưv njiz pêx xênhv, đơưk kho siz pênhr cik txos côngz xưv bâux xêir tâu xar kriz uô jông. Txos six hơưv no sâuv thax tsav xar tsik muôx têx ntâuz ntơưr pênhr cik txos côngz xưv bâux xêir, paz thôngx ziv jông hâur pêx xênhv”.

Ntơưv phường Thảo Nguyên, tỉnh Sơn La, pos Nguyễn Thị Thảo, Phưv Chủ tịch Hôiv đồng phường puz pâuz, txos nhiv no, Ủy ban bâux xêir phường tưz muôz tas nro chor ntơưr cử tri, ntơưr bâux xêir… trâu chor tôv bâux xêir thiêz bax cxuô kror txơưr chiê tsưr tsix iz jiês bâux xêir dân chủ, huv chêi thiêz ngaz tuk. Côngz xưv yax kriê têx hnuz no hax zav tâu uô jông:

“Nhiv no sâuv phường trang fanpage cux tưz kriz uô tsik so chor tsênhv njiêz yax kriê lol bâux xêir. Đros chor Ban bâux xêir mak tâu kriz uô chor tsênhv njiêz yax kriê bâux xeir sâuv chor trang thôngz mông điện tử thiêz tsưr tsix chor jiês cơưv chiê yax kriê. Chor tôv dân phố cux tsik so tâu yax kriê sâuv cxiv luôs loa nta suôz tôv dân phố thiêz thôngz đhâu chor jiês cơưv Chi bôv cux li chor jiês cơưv tôv dân phố, uô chak cov chor tsênhv njiêz bâux xêir tâu yax kriê txos trâu chor canr bôv, đảng viên, đoàn viên, hôiv viên, tiv zix zos txos trâu tas nro pêx xênhv pâuz”.

Đros phường Vân Sơn, đrâuv sir jos kriz uô côngz xưv bax lok cxuô zav phưx vưv trâu bâux xêir, nhiv no phường tsênhv sir jos kriz uô côngz xưv yax kriê txix 3 tsưr ziv chênhr, co zos tso têx xor mông trâu sâuv phường trang thôngz mông điện tử, fanpage; pêz zos nta suôz lok kror zov chênhr, tsiv gri, jênhv vưv, txơưx jênhv công dân hâur jiês bâux xêir trâu sâuv loa nta suôz phường; Zơưv Lê Đô Luân, Chủ tịch Ủy ban phường puz pâuz:

“Sâuv thax tsav phường muôx 16 tôv dân phố; chor cử tri lơưr nriêr pâuz txos nhiv no zos 11.183 lênhx nênhs. Côngz xưv bax cxuô zav li qơư tso ntơưr thiêz têx chuôz zênhx txơưr cux tưz tâu bax jông, uô chak cov hnuz bâux xêir tâu tsưr tsix jông tiv zix”.

Thôngz sâu hâur tas nro tỉnh Sơn La, 957.000 ntâu cử tri txos nhiv no cux tưz tâu lo jông bê ntơưr. Hnuz 15/3 zuôr txos no, ntơưv 1.580 tôv bâux xêir, chor cử tri hâur tỉnh zuôr piz bâux xêir 9 lênhx Đaiv biểu Côx hôiv khoas XVI, 55 đaiv biểu Hôiv đồng tỉnh thiêz 1.619 đaiv biểu hôiv đồng cấp xar, six cxi 2026-2031./.

Thu Thùy-Lik Thox cxêik nhênhv

Cui tinhv lok xưv bluô lênhx nênhs uô cxâuv chei têz qơưk lok bâux xeir

       Tsôngv box....! Grê 95, Chei bâux xeir đại biểu Côx hôiv thiêz đại biểu Hôiv đôngx tưz cui tinhv tsênhz mênhx: Lênhx nênhs tưs zôngv tsưr ziv nziêk đas, zuôv uô têx nuv tsi trơưk chei uô tuôr thênhv txos bâux xeir, nênhs ứng cử; uô cxâuv têx cui tinhv lok vênhv tôngv bâux xeir; lênhx nênhs muôx txơưx jênhv hâur hâux lưv bâux xeir mak uô chuôr têx ntâuz ntơưr lok sik zôngv lưv faz tsưr ziv txơưr đuô uô zuôv chêx cuk bâux xeir lok sik uô cxâuv chei têz qơưk têx cui tinhv txơưr đuô lok bâux xeir mak seiz uô cxâuv li chas, trâus xưv bluô li ntơư trơưk chei têz qơưk cui tinhv.

Khov lok Chei no cui tinhv, Bộ luật Hình sự shông 2015 (tưz tâu cxiv kho, cxaz nzir iz cxiê grê trơưk Côx hôiv khóa 14 chei sôr 12/2017 thiêz Côx hôiv khóa 15 chei sôr 59/2024 thiêz Côx hôiv khóa 15 Chei sôr 86/2025 tưz cui tinhv tsênhz mênhx 2 kror uô cxâuv cik txos bâux xeir li đrav kaz:

Uô cxâuv chei, vax huôv lok bâux xeir, ứng cử lok sik thôngx ziv thâuv têz qơưk zuôr pêx xênhv ziv chênhv (Grê 160):

1.Lênhx nênhs tưs zôngv tsưr ziv nziêk đas, zuôv uô têx nuv tsi trơưk chei uô tuôr thênhv txos bâux xeir, nênhs ứng cử lok sik chei, vax huôv thôngx ziv thâuv têz qơưk zuôr pêx xênhv ziv chênhv, mak trâus bluô txix iz shông lok sik txix 03 luz hlik txos iz shông.

2.Uô cxâuv iz hâur têx li đrav kaz mak trâus bluô nhoz tux txix iz shông txos 02 shông.

a)Muôx tsưr tsix;

b)Liv zôngv hâux lưv, vax huôv;

c)Uô tuôr thênhv txos hnuz bâux xeir; bâux xeir đuô lok sik nduô luôs hâux lưv zuôr pêx xênhv ziv chênhv.

3.Lênhx nênhs uô cxâuv tsênhv muôx trâus txưr tsi puz uô hâux lưv txix iz txos 5 shông.

Lênhx nênhs uô zuôv chêx cuk bâux xeir, zuôr pêx xênhv li ziv chênhv (Grê 161):

1.Lênhx nênhs tưs muôx txơưx jênhv hâur tsưr tsix, seiz kaz bâux xeir, tsưr tsix zuôr pêx xênhv ziv chênhv mak uô chuôr têx ntâuz ntơưr, ntơưr bâux xeir lok sik zôngv lưv faz tsưr ziv txơưr đuô chiê uô tsi zos hâux lưv bâux xeir, zuôr pêx xênhv ziv chênhv mak trâus bluô nhoz tux txix 02 shông lok sik 03 luz hlik txos 02 shông.

2.Uô cxâuv iz hâur têx li đrav kaz, mak trâus nhoz tux txix 01-03 shông:

a)Muôx tsưr tsix;

b)Uô tuôr thênhv txos hâux lưv bâux xeir tsuv bâux xeir đuô lok sik zuôr đuô pêx xênhv ziv chênhv.

3.Lênhx nênhs uô cxâuv tsênhv muôx têx trâus txưr tsi puz uô hâux lưv zok muôz txix 01-05 shông.

Lênhx nênhs ứng cử đại biểu Côx hôiv, đại biểu Hôiv đôngx mak uô cxâuv chei têz qơưk lol bâux xeir (li: Krêz uô tsi tsênhz mênhx nênhs ứng cử têx ntâuz ntơưr, uô chuôr têx mông, uô cxâuv têx cui tinhv lok vênhv tôngv bâux xeir...) mak muôx têx trâus cxuôv bê têx lênhx nênhs ứng cử lok sik tưz tâu bâux xeir, cux tsi tâu côngk nhav uô đại biểu Côx hôiv, đại biểu Hôiv đôngx./.

 Tòng Anh-Riê Lâux cxeik, nhênhv