Ntus đriv Pa Tần têx hnuz uô ntêx hnuz ntênhs bo xeir

Hâur luz tsêr ntông nhoz jos Trung Chải 2, têx cán bộ xã, chiến sĩ pênhz phax tsênhv chêx chôngk heik kriê trâu pox nhuôk pâuz lok cử tri li qênhx thiêz hâux lưv tsuv uô, lok tsưr ziv tso ntơưr thiêz đeiv ntơưr bo xeir li ziz njiêz.

          Trung Chải 2 muôx 100 ntâu ziv chuôz zis tsôngv px Hmongz, đros muôx 300 ntâu cử tri. Ntu qir thơưx krêz uô côngz xưv bo xeir, thax tsav no muôx ntu xav tênhv zuôr muôx têx tsi taz por txiv ngaz viv tsôngv px nhoz uô nênhx tsi chêx chôngk, luz nênhx yuôr ntâu phêv liv, jênhv pâuz tsi xưk iz zav.

          Txix tsưr ziv “muk txos yênhx jêx jos, yênhx ziv chuôz zis chiê yax mông, vênhv tôngv” lưx lươngv muôx txơưx jênhv tưz truôx siêz yax mông, vênhv tôngv tsôngv px. Txos nhiv no, 100% cử tri hâur jos tưz pâuz tâu cui tênhv bo xeir, chuv tôngv nriêr pâuz têx ứng cử viên li xor mông. Zơưv Khang Xênhv Thox, Bí thư chi bộ jos Trung Chải 2 puz pâuz:

          “ Cur muk yax mông tâu 2 jiês. Phênhv ntâu tsôngv px tưz pâuz tâu zuk li txơưx jênhv, hâux lưv tsuv uô thiêz truôx siêz muk bo xeir lok hnuz 15/3 no. Lok vênhv thix taz por txiv ngaz, taz por jiês bo xeir mak hâur jiês xênhz huôx chi bộ pêz cux tưz heik kriê jông txos tuêv seiz car uô jênhv vưv. Pêz thâuv tưs cux heik pox nhuôk tsuv jênhv pâuz tsênhz zuk li txơưx jênhv thiêz hâux lưv tsuv uô, lok hnuz bo xeir lênhx tưs cux tsuv zuôr chiv chir muk tso zuk li đeiv ntơưr bo xeir”.

          Khôngz qiv hnuz ntênhs bo xeir pov muôx yưv nhoz tas nro têx cêr muk lok, têx jêx jos, têx xã thiêz sâuv niêv cêr lox 4H ntu muk đhâu thax tsav. Qix đei liêz vos, têx ntâuz ntơưr yax mông lok hnuz ntênhs đei cxuô qơư ntơưv têx tsêr vênhx huôv- qơư tso thôngz ntơưr. Nênhs lâuk, nênhs hluôk lênhx tưs cux tos njôngr txos hnuz muk tso ntơưr bo xeir 15/3.

          Tas nro xã Pa Tần nhiv no muôx 5 tuêv bo xeir, đros muôx 27 qơư tso ntơưr, 5 cxênhz ntâu lênhx cử tri. Iz qơư puôr lênhx tâu cxiv tsa tsưr ziv por vêv tsênhz mênhx. Công an tỉnh Lai Châu tưz chuôz tsar lưx lươngv trâu tiv phaz, taz por yưr lir cxuô hâux lưv muôx yưv. Thiếu tá Lê Văn Tùng, tuêv vênhv tôngv tsôngv px, Zênhx pênhz phax Pa Tần puz pâuz:

          “ Lưx lươngv bộ đội pênhz phax thiêz têx lưx lươngv sâuv thax tsav ntus đriv tưz tsưr tsix sik côngv jông, seiz jor thiêz truôx siêz tơưv txênhz. Pêz tưz uô jông têx điều lệ, điều lệnh hâur quân đội. Tiv zix, lưx lươngv bộ đội pênhz phax tsênhv taz por 100% quân số seiz jor, truôx siêz uô cxuô jênhv vưv mak thênhv siêz choz zok; truôx siêz taz por 100% trâu côngz xưv bo xeir hâur ntu zuôr txos”.

          Pa Tần zos xã ntus đriv tâu sik côngv txix 3 xã thâuv ntêx, muôx 27 jêx jos đros muôx 9 cxênhz ntâu lênhx nênhs, phênhv ntâu zos tsôngv px nênhs Thái, Hmôngz, Choz tsiz, Mảng thiêz Hà Nhì. Thax tsav đar, chor ziv chuôz zis pluôk tsav siêz, ho nhoz buôk ntus đriv viv li qênhx shênhx chính trị njuôs xav muôx ntâu phưx txuôx.

          Txix zoz qơưx co, cấp ủy, chính quyênx xã Pa Tần tưz chuv tôngv cxiv tsa têx tsưr ziv tas nro, huiz tôngv cxix luôk chính trị sik côngv uô. Txix co, chox kriê thiêz sik côngv đros têx lưx lươngv muôx txơưx jênhv chuv tôngv pâuz tâu qênhx shênhx tsôngv px, pov nzor, tơưv txênhz phax tar têx zav nênhs phamv cxâuv, seiz jor, qênhz yuôx cêr đriv têz, ndêx đriv têz. Zơưv Tình Xênhv Lâux, Phưv bí thư thường trực Đảng ủy xã Pa Tần puz pâuz:

          “ Txos nhiv no, Công an tỉnh Lai Châu tưz muôx cuiz tênhv chuôz tsar lưx lươngv lok trâu công an xã. Lưx lươngv công an xã tưz cxiv tsa têx tsưr ziv chiê taz por trâu 5 tuêv bo xeir thiêz 27 qơư bo xeir cov taz por. Thôngx cxix, lưx lươngv công an xã cux tưz sik côngv đros têx lưx lươngv sâuv thax tsav cxiv tsa tsưr ziv uô têx jênhv vưv thâuv muôx yưv”.

                   Nhoz tox siêz ntus đriv, thâuv suôz loa nta suôz yax mông ntor cxuô qơư, têx đeiv qix za liêz vos sâuv têx trur tsêr, Pa Tần hnuz no tsênhv muôx têx hlôngr yiêz jông, truôx siêz tos njôngr txos hnuz ntênhs bo xeir teiv plor côx hôiv khóa 16 thiêz HĐPX têx cấp./.

(Khắc Kiên-Txâur Vax cxeik nhênhv)

Sơn La: Đêx tsik hur, pêx xênhv hêik cov tâu paz

Chiê xav jênhv thôngz mông, hnuz 27/2, nênhs sâu xor xưv VOV tưz muôx njêx muôs ntơưv xóm 4, tôv dân phố Chè Đen 2. Lơưr nriêr pâuz chor chuôz zis nhoz xóm 4 muôx qơư nhoz kik, uô vuôk har, thax tsav iz ndis zos chor têz yuôx zêx thiêz har đrox nhov, Công ty CP nôngz nhux đax tso zuôr cuô mik Mộc Châu li kror qơư. Ntơưv no, nênhs sâu xor xưv pov trơưk txox cêr muk trâu hâur jok tsư chor qir nhux đas hâur têx cưx đêx nhoz iz ndis jêx jok; iz cxiê taz viv sir zôngv mêir câuk ar chiê câuk chor qir, cuô qir txix chor cưx đêx no trâu sâuv yêz ô tô thâux muk nquôr trâu têx har đrox, nhov.

Niêv tix Nguyễn Thị Thuận, nhoz xóm 4, tôv dân phố Chè Đen 2 puz pâuz, txix shông 2014 txos nhiv no, niêv tix thiêz chor chuôz zis hâur thax tsav chor kror đêx hlôngr txix đơưk trâu đuz thiêz đax rur jông xưk li qir nhux đas thiêz tsư lưx chuôs tsi, uô trâu ntâu ziv chuôz zis sir zôngv tsik tâu chor đêx no chiê xênhz huôx:

“Tsuôk đhâu iz jiês lok nas lox lok sik qiv hơưv sik hlôngr mak chor kror đêx ho tsư têx qir nhux đas chuôs tsi; têx thâuv tsênhv pov muôx chor nhov shơư qir thiêz. Cur khav tênhv tiêk Công ty nôngz nhuxđas tso cuô mik tưz tso têx vuôz tsuôz đros qir lok, têx thâuv tsênhv ntưk ciês trâu sâuv cêr pox nhuôs muk lok. Công ty tưz ntâu jiês jênhv tiêk zuôr kho đuô; Ủy ban phường tuôx uô hâux lưv mak cux hêik tiêk zuôr paz trâu pox nhuôs, taz sik muôx 10 shông lok no cux fênhx six jông li cox xưz”.

Cux tsik jông siêz li co, zơưv Đặng Thế Hùng nhoz xóm 4, tôv dân phố CHè Đen hêik pâuz:

“Cuô qir, qir tsư tưz tsik tâu zos kror cxơưx tiv zix, mak nyêi tiv zix zos chor cuô vuôz tsuôz txix nzuôr chor tsêr guôx. Thâuv muôz chor nzuôr đêx cux li nzuôr têx tsêr guôx mak chor cuô đêx zuổ cuôr têx têx zav uô tsik hur trâu chor đêx, lok six cxơưx. Muk ntêr mak zuôr uô trâu pêx xênhv muôx moz li xênhz zus tsik tâu mê nhuôv, lok sik cik tâu têx zav moz phiv liv… Qir tiv puôr lênhx zos tsik hur txix tu zus, chos kôngz lôngk, nhiv no ho tsik hur txix chor cuô đêx thiêz qir tsiêx cxu li no”.

Nriêr pâuz nzir, nênhs sâu xor xưv pov thax tsav iz ndis, chor ziv chuôz zis nhoz tôv dân phố 66, phường Vân Sơn, tỉnh Sơn La cux ntâu shông “nox tsik kaz, pư tsik tsâus jos” tiv chor đêx tsik hur. Zơưv Lê Quang Dung, nhoz tôv dân phố 66, phường Vân Sơn hêik pâuz:

“3-4 shông no chor đêx hâur cur luz kror đêx tsư chuôs li nhux đax chor cuô jik; cur đa đêx, nzuô tas oz pêz jiês xaz phongx lok cux fênhx six tsư xưz, cur nyêi hênhr tsuv muôz plâuz hâu txiêr muk. Hâur ntêx cur tsêr no muôx niêv tix Mùi, tix lâus Toàn chuôz zis njiz trâus uô ntêx; zơưv Quý Bé cux njiz li co uô ntêx lơưv thiêz. Kror no mak cur khav tênhv tsuôk zos chor nhux đas tso cuô mik no iz hnuz tso tơưv ntâu vuôz tsuôz, uô tsik hur jông trâu chor đêx xưz”.

Pos Nguyễn Thị Phượng, tôv tsar tôv dân phố 66, phường Văn Sơn puz pâuz, qênhx shênhx tsik hur muôx yưv txix shông 2015-2016, thâuv co chor đêx txix chor har đrox nhov ntưk lok tưz pov đuz ndiêz tas chor cêr. Thâuv tâu hêik pâuz, tôv dân phố tưz tuôx, nriêr pâuz thiêz hêik trâu Ủy ban Thị trấn Nông trường (thị xar Mộc Châu kuz) pâuz chiê đơưk kho. Ủy ban Thị trấn thiêz Công ty cổ phần nôngz nhux đas tso cuô mik Mộc Châu cux tưz tuôx đơưk kho thiêz muôx tsưr ziv chaz đêx hur lok trâu pox nhuôs. Taz sik, chor đêx co shor puôk zos đêx hur viv chor car tok đêx lok no nhoz ciês hâur chor têz muôx nhux đas chor qir thiêz têx vuôz tsuôz.

Hâur têx shông đhâu, tưz kriz cơưv ntâu jiês, taz sik txos nhiv no tsik tau pov uô tâu đaz tsi hlo thiêz pox nhuôs cux tsênhv uô nênhx nhoz đros tsik hur. Têx hnuz đhâu tsiêz Nênhs shông shông no, txix xiêz 3 tsiêz, qênhx shênhx tsik hur hax zav phiv liv đuô; ciês tôv dân phố Chè Đen 2, phường thảo Nguyên thiêz dân phố 66, phường Vân Sơn muôx zuôr xar 50 ziv chuôz zis njiz trâus phiv liv.

Chinhr quyền thiêz cơ quan muôx vax huôv đơưk kho qênhx shênhx no li chak? Zâuv pox nhuôs sơưr đơưk mnôngs nzir jax sâu haur tsaz yênhx zuôr txos./.

TTTB-Lik Thox cxêik nhênhv