Ntus đriv Pa Tần têx hnuz uô ntêx hnuz ntênhs bo xeir

Hâur luz tsêr ntông nhoz jos Trung Chải 2, têx cán bộ xã, chiến sĩ pênhz phax tsênhv chêx chôngk heik kriê trâu pox nhuôk pâuz lok cử tri li qênhx thiêz hâux lưv tsuv uô, lok tsưr ziv tso ntơưr thiêz đeiv ntơưr bo xeir li ziz njiêz.

          Trung Chải 2 muôx 100 ntâu ziv chuôz zis tsôngv px Hmongz, đros muôx 300 ntâu cử tri. Ntu qir thơưx krêz uô côngz xưv bo xeir, thax tsav no muôx ntu xav tênhv zuôr muôx têx tsi taz por txiv ngaz viv tsôngv px nhoz uô nênhx tsi chêx chôngk, luz nênhx yuôr ntâu phêv liv, jênhv pâuz tsi xưk iz zav.

          Txix tsưr ziv “muk txos yênhx jêx jos, yênhx ziv chuôz zis chiê yax mông, vênhv tôngv” lưx lươngv muôx txơưx jênhv tưz truôx siêz yax mông, vênhv tôngv tsôngv px. Txos nhiv no, 100% cử tri hâur jos tưz pâuz tâu cui tênhv bo xeir, chuv tôngv nriêr pâuz têx ứng cử viên li xor mông. Zơưv Khang Xênhv Thox, Bí thư chi bộ jos Trung Chải 2 puz pâuz:

          “ Cur muk yax mông tâu 2 jiês. Phênhv ntâu tsôngv px tưz pâuz tâu zuk li txơưx jênhv, hâux lưv tsuv uô thiêz truôx siêz muk bo xeir lok hnuz 15/3 no. Lok vênhv thix taz por txiv ngaz, taz por jiês bo xeir mak hâur jiês xênhz huôx chi bộ pêz cux tưz heik kriê jông txos tuêv seiz car uô jênhv vưv. Pêz thâuv tưs cux heik pox nhuôk tsuv jênhv pâuz tsênhz zuk li txơưx jênhv thiêz hâux lưv tsuv uô, lok hnuz bo xeir lênhx tưs cux tsuv zuôr chiv chir muk tso zuk li đeiv ntơưr bo xeir”.

          Khôngz qiv hnuz ntênhs bo xeir pov muôx yưv nhoz tas nro têx cêr muk lok, têx jêx jos, têx xã thiêz sâuv niêv cêr lox 4H ntu muk đhâu thax tsav. Qix đei liêz vos, têx ntâuz ntơưr yax mông lok hnuz ntênhs đei cxuô qơư ntơưv têx tsêr vênhx huôv- qơư tso thôngz ntơưr. Nênhs lâuk, nênhs hluôk lênhx tưs cux tos njôngr txos hnuz muk tso ntơưr bo xeir 15/3.

          Tas nro xã Pa Tần nhiv no muôx 5 tuêv bo xeir, đros muôx 27 qơư tso ntơưr, 5 cxênhz ntâu lênhx cử tri. Iz qơư puôr lênhx tâu cxiv tsa tsưr ziv por vêv tsênhz mênhx. Công an tỉnh Lai Châu tưz chuôz tsar lưx lươngv trâu tiv phaz, taz por yưr lir cxuô hâux lưv muôx yưv. Thiếu tá Lê Văn Tùng, tuêv vênhv tôngv tsôngv px, Zênhx pênhz phax Pa Tần puz pâuz:

          “ Lưx lươngv bộ đội pênhz phax thiêz têx lưx lươngv sâuv thax tsav ntus đriv tưz tsưr tsix sik côngv jông, seiz jor thiêz truôx siêz tơưv txênhz. Pêz tưz uô jông têx điều lệ, điều lệnh hâur quân đội. Tiv zix, lưx lươngv bộ đội pênhz phax tsênhv taz por 100% quân số seiz jor, truôx siêz uô cxuô jênhv vưv mak thênhv siêz choz zok; truôx siêz taz por 100% trâu côngz xưv bo xeir hâur ntu zuôr txos”.

          Pa Tần zos xã ntus đriv tâu sik côngv txix 3 xã thâuv ntêx, muôx 27 jêx jos đros muôx 9 cxênhz ntâu lênhx nênhs, phênhv ntâu zos tsôngv px nênhs Thái, Hmôngz, Choz tsiz, Mảng thiêz Hà Nhì. Thax tsav đar, chor ziv chuôz zis pluôk tsav siêz, ho nhoz buôk ntus đriv viv li qênhx shênhx chính trị njuôs xav muôx ntâu phưx txuôx.

          Txix zoz qơưx co, cấp ủy, chính quyênx xã Pa Tần tưz chuv tôngv cxiv tsa têx tsưr ziv tas nro, huiz tôngv cxix luôk chính trị sik côngv uô. Txix co, chox kriê thiêz sik côngv đros têx lưx lươngv muôx txơưx jênhv chuv tôngv pâuz tâu qênhx shênhx tsôngv px, pov nzor, tơưv txênhz phax tar têx zav nênhs phamv cxâuv, seiz jor, qênhz yuôx cêr đriv têz, ndêx đriv têz. Zơưv Tình Xênhv Lâux, Phưv bí thư thường trực Đảng ủy xã Pa Tần puz pâuz:

          “ Txos nhiv no, Công an tỉnh Lai Châu tưz muôx cuiz tênhv chuôz tsar lưx lươngv lok trâu công an xã. Lưx lươngv công an xã tưz cxiv tsa têx tsưr ziv chiê taz por trâu 5 tuêv bo xeir thiêz 27 qơư bo xeir cov taz por. Thôngx cxix, lưx lươngv công an xã cux tưz sik côngv đros têx lưx lươngv sâuv thax tsav cxiv tsa tsưr ziv uô têx jênhv vưv thâuv muôx yưv”.

          Nhoz tox siêz ntus đriv, thâuv suôz loa nta suôz yax mông ntor cxuô qơư, têx đeiv qix za liêz vos sâuv têx trur tsêr, Pa Tần hnuz no tsênhv muôx têx hlôngr yiêz jông, truôx siêz tos njôngr txos hnuz ntênhs bo xeir teiv plor côx hôiv khóa 16 thiêz HĐPX têx cấp./.

(Khắc Kiên-Txâur Vax cxeik nhênhv)

Iz cxiê cui tinhv hâur Chei bâux xeir

Grê 30. Têx lênhx nênhs tsi tâu sâu bê, cxuôv bê lok sik cxaz nzir bê hâur ntơưr cử tri

1.Lênhx nênhs tsênhv trâus tsi puz tso ntơưr bâux xeir trơưk Tòa án quyết định tưz qir uô trơưk chei têz qơưk, lênhx nênhs trâus tik cêr cxâuv tuô por tsês hâur ntu tsênhv nhoz tok xơưz xưv, lênhx nênhs tsênhv trâus nhoz tux, lênhx nênhs tsi muôx chei, vax huôv uô têx hâux lưv uz no mak tsi tâu sâu bê hâur cử tri.

2.Lênhx nênhs zos têx lênhx cui tinhv ntơưv yôngx 1 Grê no zos tsi tâu txos six hơưv tso ntơưr bâux xeir tror tâu muôx têx chei, vax huôv li luôs lưv tus, tâu uô cxuô zav hâux lưv mak tâu cxaz nzir bê trâu hâur ntơưr cử tri thiêz tâu pheiz thẻ cử tri lơưr cui tinhv ntơưv Grê 29 hâur Chei no.

3.Hâur six hơưv txix  đhâu thâuv bê têx lênhx cử tri tưz tâu lo chiv tas txos trâu têx luz six hơưv uô ntêx zuôr qir tso ntơưr bâux xeir, chor nênhs hlôngr đuô qơư nhoz, tsi nhoz hâur thax tsav xã-qơư tưz tâu sâu bê cử tri mak tâu cxuôv bê cử tri ntơưv qơư nhoz kuz thiêz sâu cxaz nzir bê cử tri ntơưv qơư nhoz yiêz trâu chiê bâux xeir đại biểu Côx hôiv, đại biểu hôiv đôngx cấp tỉnh, cấp xã; têx lênhx nênhs yêik txar muk nhoz tax trâu lưv kror qơư txơưr đuô hâur xã, taz sik tưz tâu sâu bê cử tri ntơưv qơư nhoz kuz, zos xar tso ntơưr bâux xeir ntơưv qơư nhoz yiêz co mak tâu cxuôv bê cử tri ntơưv qơư nhoz kuz thiêz sâu cxaz nzir bê cử tri trâu hâur qơư hoz yiêz chiê bâux xeir đại biểu Côx hôiv, đại biểu Hôiv đôngx cấp tỉnh.

4.Cử tri tâu cui tinhv ntơưv yôngx 5 Grê 29 hâur Chei no, zos txos uô ntêx thâuv tsi tâu tso ntơưr bâux xeir, tưz tâu muôz chei, vax huôv siz luôs li lưv lênhx lưv tus lok sik tas six hơưv, hnuz nhôngs choz kriê cêr uô nênhx jông, chiv zênhk zax zênhz mak tâu cxuôv bê cử tri ntơưv qơư trâus cơư tux, qơư choz kriê cêr uô nênhx jông, qơư chiv zênhk zax zênhz, tâu cxaz nzir bê cử tri trâu ntơưv qơư đas cir uô nênhx nhoz hâur thax tsav chiê bâux xeir đại biểu Côx hôiv, đại biểu Hôiv đôngx cấp tỉnh, cấp xã lok sik tâu sâu cxaz nzir bê cử tri ntơưv qơư đas cir uô nênhx nhoz tax chiê bâux xeir đại biểu Côx hôiv, đại biểu Hôiv đôngx cấp tỉnh.

5.Lênhx nênhs tưz muôx bê hâur bê cử tri mak txos six hơưv qir tso ntơưr bâux xeir trâus Tòa án xơưz xưv, tsuv nhoz tsêr tux lok tsik trâus tsi muôx chei, vax huôv li luôs lưv tus, zuôr tâu Ủy ban cấp xã xuôv bê cử tri thiêz sâu tsês thẻ cử tri.

Grê 31.Vax huôv sâu bê cử tri

1.Bê cử tri zos Ủy ban cấp xã sâu trơưk li yênhx thax tsav qơư tso ntơưr bâux xeir.

2.Bê cử tri hâur taz viv têx tuz lênhv, công an zos têx lênhx thơưx seiz car taz viv ntơư sâu trơưk li taz viv qơư nhoz uô hâux lưv chiê tso hâur bê cử tri qơư tso ntơưr bâux xeir ntơưv qơư taz viv nhoz. Tuz lênhv muôx ntâuz ntơưr nhoz hâur thax tsav jê qơư uô hâux lưv, muôx têx tâu chor hloz hâur taz viv muôz ntơưr côngk nhav chiê sâu bê trâu hâur bê cử tri thiêz cxaz chuôz tso ntơưr bâux xeir ntơưv qơư nhoz. Thâuv muôz ntơưr côngk nhav, chor hloz hâur taz viv tsuv sâu ciês bê cử tri ntơưv taz viv trâu iz saz lênhx nênhs co luz bê tiêk “tso ntơưr hâur thax tsav qơư nhoz”.

Grê 32. Lo chiv bê cử tri

Kênhz yax zos 40 hnuz uô ntêx hnuz bâux xeir, cơ quan sâu bê cử tri lo chiv bê cử tri trâu ntơưv Ủy ban cấp xã qơư uô hâux lưv thiêz ntơưv têx qơư côngz côngv hâur thax tsav tso ntơưr bâux xeir, iz chas ntơư heik pâuz đêz đar bê cử tri thiêz hâux lưv lo chiv chiê pêx xênhv qênhz shuôs./.

Tòng Anh-Riê  Lâux cxeik, nhênhv