Sơn La cxơưz tiês huôv tsar cxiv uô cxuô zav đros tas nro têz qơưk hla trâu ntu hlôngr yiêz

Đros hâux lưv xav tênhv tsênhz 3 luôk hâux lưv zov chênhr, 9 jênhv vưv tsênhv hâur six cxiv yiêz, BCH Đảng bộ tỉnh Sơn La tưz tso tơưv tsaz yênhx huôx tôngv, thôngx ziv krêz uô 8 đề án, nghị quyết coaz tsôngv, chêx chôngk lok têx tsưr ziv lox thiêz lêx ntêr, tiv zix zos huôv tsar cơ sở zaoz thôngz cxuô zav, huôv tsar niêv đrôngs buôk Niêv cêr 6, huôv tsar lênhx nênhs, hlôngr yiêz tas nro zaoz zux, chuôz tsar por vêv, tsoz phưz thiêz muôz siêz đas jos tsôngv px. Zơưv Nguyễn Đình Việt, Chủ tịch UB tỉnh Sơn La puz pâuz:“Tỉnh chêx chôngk pênhr jos trâu têx dự án lox li cêr muk chênhr Hòa Bình-Mộc Châu; Mộc Châu-Sơn La; cơ sở cxuô zav qơư công nghiệp, logistics, huôv tsar niêv đrôngs thiêz ju lix, thôngx cxix huôv tsar kôngz nuv, năng lượng hur thiêz hạ tầng số”.

          Têx hnuz no, phongz yaox tưr thik cxiv tsa cxuô zav, huôv tsar KTXH tưz thiêz tsênhv paz uô hlôngr yiêz sâuv tas nro tỉnh Sơn La, txix têx dự án zaoz thôngz lox txos têx côngz tsinhx dân sinh nhoz tiv phaz tsênhv cxơưz tiês uô, ciêr chênhr muôz pênhr nhiêx.

          Qơư nhoz yiêz jos Nà Chá, xã Tô Múa, nhoz dự án thành phần 1, dự án cêr muk chênhr Hòa Bình-Mộc Châu txos nhiv no tưz uô tiêr têx hâux lưv tsênhv lơưr trơưk tsưr ziv tso tơưv. Jos muôx 17 ziv chuôz zis tsuv txar qơư nhoz chiê zuôr qơư kuz uô cêr muk chênhr. Khov uô jông côngz xưv yax mông, pox nhuôk puôr lênhx thôngx ziv siêz thiêz xar njôngr dự án nzor tâu uô tiêr. Zơưv Vì Văn Khoán, Bí thư chi bộ, Tsar jos Nà Chá pheiz kênh:“Jiês khiêz phêv pox nhuôk puôr lênhx thôngx ziv, thâuv txox cêr muk đhâu zuôr huôv tsar tâu ju lix, mul lok zôngx ziv đuô, muk tiêx đras cux jê đuô, cxơưz tiês huôv tsar kinh têr tiv phaz”.

          Txos nhiv no, têx tiv phaz hâur tỉnh Sơn La tưz choz thax tsav qơư phưx vưv dự án cêr muk chênhr Hòa Bình- Mộc Châu tâu 26,42/32,3 cei cêr, tas nro pênhr muôz tax 1 cxênhz 400 tỷ đeiv ntâu. Nhiv no têx taz viv tsênhv huiz tôngv tas nro cxuô zav meir chiê uô. Zơưv Nguyễn Quang Huấn, Phưv giám đốc Tsênhv qơư huôv tsar cui ar têz tỉnh Sơn La puz pâuz:         “Pêz chuôz tsar lênhx nênhs, chuôz zênhx, pheiz uô 3 tuêv chiê uô cov sei tiv zix chiê muôz trâu tsưr yưv pênhr thiêz yax mông tsôngv px thôngx ziv siêz thiêz Tsênhv qơư zuôr sik côngv đros tsưr yưv pênhr chiê muôz uô ntêx trâu tsôngv px uô ntêx thâuv thôngz đhâu. Txos nhiv no tsôngv px thôngx ziv lok six siêz đros hâux lưv txar qơư nhoz”

          Ntu 2025-2030 huôv tsar cxix luôk zaoz thôngz zos iz hâur 3 hâux lưv zov chênhr tâu tỉnh Sơn La tsov cưv krêz uô, hâur co chêx chôngk uô tiêr cêr muk chênhr Hòa Bình-Mộc Châu, ntu cêr đhâu thax tsav tỉnh Sơn La; krêz uô têx trus yưv pênhr cxiv tsa cêr muk chênhr Mộc Châu- Sơn La- Điện Biên thiêz hu lơưs yưv pênhr cxiv tsa qar yêz za Nà Sản; huôv tsar cxix luôk kôngz nuv, ju lix, hạ tầng số, thax tsav qơư công nghiệp. Chiê uô tiêr qơư tsov txos no ntâu tsưr ziv lok cxiv tsa têx lênhx nênhs, cơ chế chính sách tsênhv tâu chêx chôngk krêz uô chiê uô tiv phaz li siêz xar njôngr lok huôv tsar, gôngr phênhv coaz tsôngv lok uô yênhx côngz Đảng li chủ trương lox tâu tso tơưv hâur têx Ntâu ntơưr zuôr tâu muôz ntơưv Đại hội teiv plor tas nro têz qơưk jiês tiv 14./.

                                                                                                             Thanh Thủy- Txâur Vax cxeik nhênhv

Đại hôiv Đảng tas nro têz qơưk jiês tiv XIV: 527 .000 ntâu ziv chênhv trâu dưv thảo Văn kiện Đaiv hôiv XIV đhâu Mặt trận

Lơưr Ủy ban Trung ương Mặt trận Têz qơưk Việt Nam li thôngz sâu, xav txos nhiv no tưz muôx 527 cxênhz ntâu ziv chênhv gôngr côngv trâu dưv thảo chor văn kiện Đaiv hôiv đại biểu Đảng tas nro têz qơưk jiês tiv XIV đhâu cxiv luôs Mặt trận.

Lơưr co, lok tsênhv njiêz Đaiv hôiv, têx ziv chênhv thôngx ziv, ntâuk gri tsênhv njiêz tsuv hêik txos cxuô kror thiêz tas nro Đảng, tas nro pêx xênhv thiêz tas nro quân li sir jos chinhr triv hâur côngz xưv cxiv tsa thiez por vêv Têz qơưk. Tsênhv njiêz cux khav tênhv truôx siêz, sir jos huôv tsar têz qơưk bluô nux, shir phaz thiêz truôx đrênhk lơưr xar hôiv chủ nghĩa hâur ntu yiêz.

Lok hêik pâuz chinhr triv muôz trâu Đaiv hôiv đại biểu Đảng tas nro têz qơưk jiês tiv XIV, chor ziv chênhv hêik tiêk, dưv thảo hêik pâuz Chinhr triv hêik tsênhz txos tsưr ziv, siêz xar thiêz sir jos chinhr triv siêz hâur hâux lưv cxiv tsa, huôv tsar têz qơưk hâur ntu yiêz, uô jông trơưk têx kror tax tâu đhâu zuôr xar 40 shông hlôngr yiêz; têx luôs hâux lưv, jênhv vưv thiêz tsưr ziv jông trâu ntu zuôr txos. Tiv zix, muôz tsênhv njiêz 3 dưv thảo văn kiện (dưv thảo hêik pâuz chinhr triv, dưv thảo Hêik pâuz kinh têr-xar hôiv thiêz dưv thảo Hêik pâuz cxiv tsa Đảng) tso trâu hâur dưv thảo hêik pâuz chinhr triv tưz hêik txos têx tsưr ziv xar cxuô nro txos cxuô kror, cê tsênhv tsênhz, zôngx ziv pâuz, zôngx ziv ndo tâu, zôngx ziv kriz uô. Kror chênhr zos dưv thảo tưz uô tsênhz mênhx têx tsưr ziv zos yênhx têx jênhv vưv, tsưr ziv uô tsênhv tsênhz thiêz muôx tsaz yênhx huôx tôngv tsênhv tsênhz, hêik txos têx sir jos hâur chox kriê thiêz chox car.

Lok dưv thảo hêik pâuz tổng kết iz cxiê vênhv thix lý luận thiêz tsênhv tsênhz lok côngz xưv hlôngr yiêz lơưr xar hôiv chủ nghĩa hâur 40 shông đhâu nhoz Việt Nam, têx ziv chênhv hêik tiêk, dưv thảo Văn kiện tưz hêik txos cxuô nro ntu 40 shông hlôngr yiêz têz qơưk, hêik txos Đảng li txux chi, têx sir jos thiêz uô tâu. Hêik pâuz ntâuk gri huv đros thiêz cxuô nro qênhx shênhx ntiêx têz, thax tsav thiêz hâur têz qơưk, xav jênhv “Pêz Đảng nriêr pâuz tâu sêi, xưv lik jông, sir zôngv têx kror liv, hla đhau têx phiv liv” zos kror huv đros. Hêik pâuz tưz xav jênhv huv zos nền kinh têr lơưr xar hôiv chủ nghĩa, sêiz hloz txos huôv tsar truôx đrênhk, tsar ndê đros đrêiv siz bâus xar hôiv; đros co zos hêik mênhx txos têx kror phiv liv li siz cêv đêz lok muôx pluôs, nox nhiêx têz qơưk, shưz xar tsik jông, tuôr xuôv.

Lok dưv thảo Hêik pâuz tổng kết 15 shông kriz uô Điều lệ Đảng (2011-2025) thiêz hêik pâuz, tsưr ziv cxaz nzir, kho đuô Điều lệ Đảng, chor ziv chênhv thôngx ziv đros xav jênhv ntâuk gri hâur dưv thảo Heik pâuz thiêz khav tênhv dưv thảo Hêik pâuz tưz hêik txos cxuô kror hâur 15 shông đhâu uô lơưr Điều lệ Đảng (2011-2025).

Zuôr ziv chênhv trâu dưv thảo chor văn kiện muôz trâu Đaiv hôiv đại biểu Đảng tas nro têz qơưk jiês tiv XIV tưz tâu chôngz lênhx nênhs muôx ziv chênhv gôngr côngv, paz trâu pêx xênhv pâuz tsênhz txos Văn kiện têx kror yiêz, pâuz tâu txos Đảng li tsưr ziv huôv tsar; txix co sir jos hêik pâuz têx ziv chênhv chiê uô cov tiêr dưv thảo./.

                                                                                                                     Chẻo Thu-Lik Thox cxêik nhênhv