Hlôngr yiêz uô blêx liêx sâuv thax tsav Phù Yên

Đrêiv yar ntux cuz hâur têx hnuz ntux cuz sor, txix 5 six sơưr nzor, chuôz zis pos Vì Thị Huấn cux xưk li ntâu lênhx nôngx mênhx xã Huy Tân, huyện Phù Yên, tỉnh Sơn La tưz sik đros muk sâu blêx. Chiv ntux yiêz shông no, chuôz zis pos Huấn chos 2 cxênhz yiv ndis ntâu blêx Séng Cù, đros tsưr ziv chos lơưr saz hữu cơ:      “Shông no cur chuôz zis tsuôk chos nôngz blêx Séng Cù, zav  blêx no hloz lox jông, tsơưs muôx caz hmoz uô hiêv, sâu tâu ntâu. Chos lơưr saz hữu cơ viv li cux tso siêz lok tsơưr lươngv xiv huv”.

  HTX jix vuv kôngz nuv Quang Huy, huyện Phù Yên li 130 hecta ntâu blêx chos lơưr saz hữu cơ tưz tâu Tsênhv qơư seiz shuôk thiêz côngz jênhv tsơưr lươngv xiv huv kôngz nuv Hà Nội cungz ntơưr côngz jênhv hữu cơ. Tsi taz uô tâu xiv huv cxur muôx tsơưr lươngv siêz, taz por, tâu niêv ciêz nhiêv txos thiêz tsênhv paz muôz siêz tsiv grê xiv huv, chuôz cxaz phênhv sâu trâu pox nhuôs. Pos Cầm Thị Ngân, Giám đốc HTX jix vuv kôngz nuv Quang Huy puz pâuz: Chor nhoz hâur HTX uô trơưk tsưr ziv chos lơưr saz hữu cơ; sir zôngv qir hữu cơ zuôv hâur yênhx ntu blêx huôv tsar; sir zôngv yuôx por vêv đrox tsuôk sinh học chiê phax tuô caz hmoz thiêz zôngv đêx hur zưs:“Txix thâuv chos blêx lơưr saz hữu cơ, txix shông 2019 txos nhiv no, blêx sâu tâu siêz đuô, lênhx nênhs hâur HTX li luz nênhx tâu muôz siêz, muôs tâu grê đuô pir đros chos blêx fênhx yax, pox nhuôk cux tso siêz tsêz chos. Zos fênhx pheiz têx ziv chuôz zis chos 2 cxênhz txos 3 cxênhz yiv ndis, tsi xav nhiêx txiêx tưz yưv mak cux sâu tâu 2,3 tsâuv tsov iz shông”.

          Zos iz hâur 160 ntâu lênhx nênhs hâur HTX jix vuv kôngz nuv Quang Huy, pos Đinh Thị Việt shir phaz heik:“Pir đros ntu tsi tâu chos lơưr saz hữu cơ, grê cxur muôs tâu 14-15 cxênhz iz cir, nhiv no mak muôs tâu 20-25 cxênhz đeiv iz cir”.

          Chiv ntux yiêz shông no, huyện Phù Yên chos 2 cxênhz 200 hecta blêx, phênhv ntâu zos têx nôngz blêx tsơưr lươngv siêz li BC15, J02, Đài thơm 8...Tiv zix, pox nhuôk tưz chuv tôngv chos lơưr saz hữu cơ, đros 520 hecta ntâu blêx chos lơưr saz hữu cơ. Pos Bạc Cầm Thị Xiêng, Tsar phongx kôngz nuv thiêz huôv tsar nôngx cxênhz huyện Phù Yên, tỉnh Sơn La puz pâuz:“Tsêz chos blêx lơưr saz hữu cơ muôx chêx cuk tiv zix zos tênhx qơư, ar têz tâu por vêv thiêz jông đuô, shuôz, njês huôv tsar jông; muôx xiv huv hữu cơ jông, taz por zav nox. Tsiv grê xiv huv chuôz ndê txix 30-40%, tsiv grê tsêz chos chuôz ndê muôx nhos 11 tsov đeiv iz hecta”.

          Shông no, txơưv ntux kruôr truz ntêr hnuz, taz sik têx tsưr ziv tso đêx, khưx phưx tâu ciêr chênhr uô, blêx cux sâu tâu bâuv li tsêz no, muôx nhos 60 tạ iz hecta. Pox nhuôk sâu txos tưs, uô ar txos co, taz por tsêz chos trơưk chiv cheix. Cxuô hâux lưv txix uô ar, heir liêx, hleik blêx, ntâuk blêx puôr lênhx tâu zôngv meir uô, paz nôngx mênhx cxênhx txuôk six hơưv, đas jos. Nênhs chos blêx Phù yên tsênhv muôx tâu iz chiv cheix sâu tâu nju./.

                                                                     Lê Hạnh- Txâur Vax cxeik nhênhv

Nriêr pâuz lok chei têz qơưk

Grê 8. Cui tinhv siz zuôr

1.Txir nênhx, pox niêv siz zuôr uô txix gơưv tsuv uô trơưk têx li đrav kaz:

Txir nênhx txưv txix 20 shông tror zar sâuv, pox niêv txưv txix 18 shông tror zar sâuv;

Siz zuôr uô txix gơưv zos txir nênhx thiêz pox niêv 2 lênhs siz txâuk siêz;

Tsi trâul cxâuv li uz li no;

Siz zuôr tsuv uô trơưk yôngx 2 Grê 5 hâur chei no.

2.Têz qơưk tsi khênhr txir nênhx siz zuôr txir nênhx, pox niêv siz zuôr pox niêv.

Grê 9.Đas cir siz zuôr

1.Siz zuôr uô txix gơưv tsuv tâu đas cir thiêz zos cơ quan lês uô hâux lưv têz qơưk muôx vax huôv uô ntâuz ntơưr đas cir lơưr chei têz qơưk cui tinhv.

Siz zuôr tsi tâu đas cir lơưr cui tinhv ntơưv yôngx no mak tsi tâu côngk nhav siz zuôr trơưk chei têz qơưk.

2.Gơưv niêv txir tưz siz đrâux zos xar tror siz zuôr uô txix gơưv mak tsuv đas cir siz zuôr.

Grê 10. Lênhx nênhs muôx vax huôv heik tsi puz siz zuôr tsi trơưk chei têz qơưk

1.Lênhx trâul luôs lưv tus zuôv siz zuôr, trâul nziêk siz zuôr; lơưr chei têz qơưk cui tinhv, muôx vax huôv chiv chir heik lênhx nênhs, tsưr tsix cui tinhv ntơưv yôngx 2 Grê no heik Tòa án tsi puz siz zuôr tsi trơưk chei têz qơưk viv siz zuôr tsi lơưr cui tinhv ntơưv yôngx 1 Grê 8 chei no.

2.Lênhx nênhs, cơ quan, tsưr tsix đrav kaz no, trơưk chei têz qơưk cui tinhv mak muôx vax huôv heik Tòa án tsi puz siz zuôr tsi trơưk chei têz qơưk viv siz zuôr tsi trơưk cui tinhv ntơưv yôngx 1, Grê 8 Chei no:

          Pox niêv lok sik tus txir nênhx tsênhv muôx txir, muôx pox niêv siz zuôr đros luôs lưv tus txơưr đuô; lênhx nênhs siz zuôr tsi trơưk chei têz qơưk ntơư li lênhx niêv, lênhx txir, mê nhuôv lok sik lênhx hlôngr njêx muôs lơưr chei têz qơưk txơưr đuô.

Cơ quan seiz car lês uô hâux lưv têz qơưk lol chuôz zis;

Cơ quan seiz car lês uô hâux lưv têz qơưk lol nhuôs zâu;

Hội liên hiệp pox niêv.

3.Lênhx nênhs, cơ quan, tsưr tsix txơưr đuô thâuv qênhz pov siz zuôr tsi trơưk chei têz qơưk mak muôx vax huôv heik cơ quan, tsưr tsix cui tinhv ntơưv yôngx 2 Grê no heik Tòa án tsi puz siz zuôr tsi trơưk chei têz qơưk./.

                                                              Tuyết Lan-Riê Lâux cxeik, nhênhv