Đại hội Đảng hur si têz qơưs jiês tiv 14: zos têx njiêz luk hêik trâu Đảng li Đại hội 14

Txix têx luk hêik cxaz nzir, Ban Thường trực Ủy ban Trung ương MTTQ Việt Nam hêik 5 njiêz luk xa trâu Tiểu ban ntâuz ntơưr Đảng li Đại hội 14:

Iz zos, cxiv kho bộ máy cov huv đros, uô truôx jông hệ thống chính trị cxuô tsênhv qơư.

MTTQ Việt Nam hêik tso tơưv nghị quyết chiê cxiv kho bộ máy cov huv đros, uô truôx jông hệ thống chính trị cxuô tsênhv qơư; Đảng hlôngr yiêz luôs hâux lưv sêiz car, sưv jê px, mnôngs px têx luk hêik, muôx liv viv px.

Oz zos, cxơưz cxiz hlôngr yiêz số, phêiz cấp trâu ciêz đrôngl. Tror cxiv tsa chính quyền số, gra siêz tsưr ziv yax kriê px huôv tsar uô nênhx, cxơưz cxiz huôv tsar uô nox cov muôx phênhv sâu tâu nhiêx txiêx.

Pêz zos, xav mênhx MTTQ Việt Nam luôs hâux lưv hêik cxaz cxir uô ntêx lok lok chính trị; tso tơưv nghị quyết Mặt trận hâux lưv uô hâur  ntu hlôngr yiêz thiêz têx tsênhv chêi tso tơưv tsuv huv đros "Mặt trận-Têz qơưs-PX; Gra siêz tsưr ziv uô, px thiêz hâu nov, txuôk đros Đảng.

Plâuz zos, uô ntêx zos tênhx qơư, zoz zux, y tế; MTTQ hêik chêx chôngk muôz pênhr nhiêx uô luôs hâux lưv phax tir thêir têx tsik jông, tsik chiê ntux têz uô ruôr hiêv; lar hêik zos phax tir thêir tox poz, đêx ngaz; têx ntơưr cơưv tsuv thôngx ziv cov huv đros; tror hlôngr yiêz kriê jông, cơưv  truôx, uô cov tiêr tsênhv chêi chiê px pâuz tâu têx muôx liv thâuv zuôr BHYT thiêz kriz đar qơư sêiz njuôk shuôk moz trâu px.

Tsiz zos, cxơưz cxiz têx lênhx nênhs nhênhz chơưv sâuv ntiêx têz; đros nhênhz chơưv hâur pêz têz qơưs VN thiêz cxo grêk tsơưs têx ntâuz ntơưr uô cov zôngx ziv, huv đros hâur tas đros têz qơưs.

Muôx 527 cxênhz lênhx hêik cxaz nzir, kriz đar cơưv chính trị hâur Mặt trận Tổ quốc Việt Nam, zos sđ luôs hâux lưv uô chiê cxiv tsa thiêz huôv tsar, zos px têz qơưs. Ntơư zos tsôngv px têx luk hêik cxaz nzir chiê uô cov tiêr têx ntâuz ntơưr bax trâu Đảng Đại hội 14 cov tâu yênhx côngz./.

                                                                                                                      Triệu Biên- VOV Tây Bắc

Cheix ntux yiêz hâur thax tsav tsôngv box mênhx cxưx Hmôngz nhoz Mường La

          Tâu xênhz zus thiêz hloz lox ntơưv jos Hua Chiến, xã Mường La, tix lâuk Nuv x Zax, tsôngv box Hmôngz nzor pov tâu tiêk zos tsuôk pâuz tos njôngr hâux lưv uô liêx têz mak zuôr hla tsi tâu đhâu cêr pluôk. Shông 2010, tix lâuk tưz cơưv shâuv cxaz hâux lưv cơư ntông chiê uô tsêr nhoz, trôngx tok thiêz têx chuôz zênhx xênhz huôx phưx vưv tsôngv pox nhuôk hâur jos.

          Têx shôngk đhâu, hâux lưv cơư ntông tưz chox lok trâu tix lâuk chuôz zis phênhv sâu 40 tsov đeiv ntâu iz shông; côngv đros tsêz chos 1hecta ntâu blêx têz, poz cưk thiêz 500 yiv ndis txir hơưk hâur har jôngr; shông no, tix lâuk chuôz zis tưz muôx phênhv sâu zuôr xar 100 tsov đeiv. Shir phaz muôx tâu luz tsiêz cxix cxuô đuô, tix lâuk Nuv x Zax pheiz kênh:“Tsiêz mak bax trik yo trâu pox niêv, mê nhuôk, iz lênhx iz chêr, zuôr cxaz khâu trâu mê nhuôk; greix buô mak zuôr tul txix 70-80 cir, zâuv cưr tix nênhx tsa tuôx nox tsiêz”.

          Đros nhoz uô cê hâur jos Hua Chiến, tix lâuk Cứ A Tráng cux zos iz lênhx nênhs txơưx huôv tsar uô nox. Đros 1,5 hecta blêx têz, poz cưk thiêz paz nhux muôx 10 tul, iz shông tix lâuk chuôz zis sâu tâu zuôr xar 100 tsov đeiv; shông no sâu tâu chiv cheix, muôs tâu grê, tix lâuk ziv truôx siêz hlôngr yiêz tsưr ziv uô nox.

          Tix lâuk Tráng puz pâuz: Têx hnuz zuôr txos Tsiêz, chuôz zis tưz nthuô đrox uô têz, truôx siêz tos txos thâuv đhâu Tsiêz chos cxaz 5 cxênhz yiv ndis tsoz sa nhân thiêz chos siv 5 cxênhz yiv ndis tsoz cà phê:“Shông no nox Tsiêz zuôr bax trik yo, tuô buô trâu hmo 30 Tsiêz chiê mê nhuôk krơr nduôr blâuv tos Tsiêz yiêz thiêz shir phaz đuô niêx shông; nox Tsiêz tas zuôr vênhv tôngv sđ sik đros tsêz chos, huôv tsar uô nox”.

          Jos Hua Chiến nhiv no muôx 56 ziv chuôz zis, 330 ntâu lênhx nênhs, 100% zos tsôngv box Hmôngz. Khov tâu Đảng, têz qơưk tsov cưv đros pox nhuok li chiv chir sir jos, chor ziv chuôz zis pluôk hâur jos txu grês ntâu, nhiv no tsuôk yuôr 19 ziv. Tix lâuk Zax A Say, Bí thư chi bộ, tsar jos Hua Chiến puz pâuz: Têx hlôngr yiêz nhoz Hua Chiến tsi taz zos txix yênhx ziv chuôz zis li sir jos, mak tsênhv txix tas nro côngv thôngx li siêz sik côngv đas jos uô:          “Pox nhuôk li cêr uô nênhx tưz muôx txix nzor, zuôr txos no qơư ju lix nhoz no pox nhuôk zuôr chêx chôngk chiê sik đros heik kriê têx chuôz zênhx chax chês nhoz ntơưv no”.

          Phưv Chủ tịch UB xã Mường La, zơưv Trần Hải Sơn puz pâuz, tas nro xã muôx 11 jos Hmôngz, phênhv ntâu nhoz đêz tsênhv qơư. Đrâuv hâux lưv tuôr tsês vênhx huôv zuk mênhx cxưx, li tuô buô nox Tsiêz, uô nduôr blâuv, đhiê pax vuôs sik đros uô si đros têx tsưr ziv uô si trâur lâuk li sik lâuz pak, sik truz hluô, leiv poz, ntâuk tuôx luz... pox nhuôk cux chuv tôngv sâu jênhv têx tsiv grê vênhx huôv yiêz, cxiv tsa cêr uô nênhx vav mênhx, huv đros huôv tsar cxuô:“Hâur qênhx shênhx huôv tsar thiêz sik côngv li nhiv no, hâur mênhx cxưx li kỷ nguyên hlôngr yiêz, xã Mường La tưz thiêz tsênhv chêx chôngk uô jông côngz xưv yax mông, vênhv tôngv pox nhuôk nhoz jos Hmôngz thôngz đhâu cxix luôk chính trị nhoz tiv phaz, lâuk jos, tsar jos, têx lênhx txir ndâux txir luk chiê tuôr tsês luk heik, ntơưr sâu, phongz qơưx, tsôngv box Hmôngz li têx cêr uô nênhx jông reik đros cxiv tsa luz nênhx vênhx huôv nhoz thax tsav qơư nhoz; đhâu co tsôngv box Hmôngz ziv hnuz ziv njênhs njôngr lok têx cêr hlôngr yiêz thiêz luz nênhx tov kaz huôv tsar truôx tul đuô hâur ntu hlôngr yiêz”.

          Cheix ntux yiêz tưz txos tox siêz Mường La. Txix têx luz tsêr pov trâur tơưk nqo pa lơưs, tso pov luz nênhx yiêz nhoz thax tsav tsôngv box Hmôngz Hua Chiến hâur ntu huôv tsar truôx tul, truôx siêz bo hla trâu ntu têz qơưs hlôngr yiêz thiêz huôv tsar./.

                                                                                                                  Trấn Long-Txâur Vax cxeik nhênhv

Điện Biên hlôngr yiêz qơư ndis uô si, sêiz shuôk têz qơưs txix ciês hâur shôngk shông 2026

Hâur cxuô luôs hâux lưv huôv tsar qơư ndis uô si hâur niêv đêx Đas shông 2025–2026, Ntênhk hội tưr gruôv gox đêx phường Mường Lay, tỉnh Điện Biên zos qơư jông jav, cxơưz cxiz tâu chôngz lênhx px thiêz chôngz lênhx kruô tuôx sêiz shuôk. Iz chas tưr gruôv gox đêx cxôngx nzor, cux tsênhv kriz uô cêr lov jêv tưr: Truz hluô, por poz, tưr uô hêir nênhs poz ziz, Hmôngz cxuô zav nox kaz đros trâu kriz ciêz hmo ntux hâur niêv đêx Đas Mường Lay.

Hâur jiês kriz ntênhk hội,Tsưr tsix Kỷ lục Việt Nam cux muôz ntơưr côngk nhav hêir nênhs Poz ziz txux chi “Đhiê pax vuôs zos cêr côngv siêz txuôk đros sđ hâur niêv pak Đêx Đas Đà Giang” trâu UB phường Mường Lay, muôx 10 cxênhz ntâu lênhx cán bộ, tuz lênhv thiêz px hâur thax tsav tuôx đros côngv cêr lov jêv. Zơưv Lò Minh Chiều, iz lênhx px nhoz jos Đớ, phường Mường Lay, tỉnh Điện Biên shir phaz lul hêik pâuz: “No zos jiês xuz thơưx phường Mường Lay, đhâu tsưr tsix chính quyền 2 cấp, tsưr tsix đhiê pax vuôs cxơưz cxiz cêr côngv siêz đros cxuô hêir nênhs sđ. Hnuz no cur shir phaz hênhr, tuôx trâu ntơưv no chiê paz iz phênhv trâu phường, pêz jông siêz cơưs”

Iz chas shir phaz lul hâur têx hnuz kriz ntênhk hội, ciês têx hnuz hâur shôngk shông 2026, muôx chôngz lênhx kruô cux xêir Điện Biên tuôx ndis uô si, sêiz shuôk têz qơưs hâur chêix ntux yiêz. Cxuô qơư di tích thiêz qơư tuôr tsês cxuô chuôz zênhx tir ntâuk tros châuz đrav ntêx nhoz Điện Biên Phủ, cux yênhx iz qơư cxơưz cxiz tâu chôngz lênhx kruô tuôx sêiz shuôk. Zơưv Nguyễn Công Bình, iz lênhx kruô nhoz Hà Nội tuôx ndis uô si txos Điện Biên shir phaz lul hêik pâuz:“Pêz zos chor kruô nhoz Hà Nội tuôx ndis uô si thiêz pêz chox têx mê nhuôv hâur chuôz zis, têx mê nhuôv nhoz saz têz qơưs Úc nhiv kruôr lok. Ndax hâur shôngk shông yiêz 2026, cur chor mê nhuôv chuôz zis cux xêir tuôx ndis uô si trâu Điện Biên. Co cux zos jiês yax kriê têx mê nhuôv pâuz txos chor lâuk đrav ntêx têx côngk đas jos cxiv kho têz qơưs truôx tuk”

Đros trâu têx qơư tir ntâuk tros châuz đrav ntêx, qơư ndis uô si jôngr ntông; Têx hnuz hâur shôngk shông yiêz 2026 no, ntơưv thax tsav xã Mường Phăng, têx pax txir đuôx tưz tơưs yiêz, yênhx iz qơư jông jav muôx chôngz lênhx kruô tuôx sêiz shuôk, ndis uô si cxêik đuôz. Zơưv Trần Hải Hà, Phưv Giám đốc Sở tỉnh Điện Biên hêik pâuz:“Hur si cxuô sở ban, ngành tỉnh thiêz cxuô tsênhv qơư tsênhv taz tov sir jos uô cov tâu trơưk cxuô luôs hâux lưv Nghị quyết Đại hội đảng bộ tỉnh tso tơưv, chiê ngênhx sêiz car cxiv uô cxuô qơư ndis uô si, sêiz shuôk têz qơưs, yênhx tỉnh ngênhx uô nox truôx, muôx phênhv sâu tâu nhiêx txiêx trâu px thiêz têz qơưs”

Cêr shir phaz hâur shôngk shông yiêz, tưz pov tâu cxuô xor mông hêik txos cxuô qơư ndis uô si, sêiz shuôk têz qơưs. Lar hêik zos hlôngr yiêz cxiv uô cxuô qơư ndis uô si thiêz hlôngr yiêz tsiv uô cxuô zav hax huv cov huv đros tsôngv kruô siêz nhiêv, cxơưz cxiz tâu chôngz lênhx kruô tuôx sêiz shuôk têz qơưs txos trâu thax tsav faz Bắc hâur ntu têz qơưs hlôngr yiêz nhiv no./.

                                                                                                                  Tsuv cxêik nhênhv-Vũ Lợi TTTB