Zênhx hangx txu grês nhiêx liv, pheiz kênh đros pox nhuôk thax tsav trâu ntux nas ruôr hiêv nhoz Yên Bái

            Hli 7 nhiv kruôr đhâu, zơưv Đặng Văn Thành nhoz jos Phú Thọ, xã Việt Thành, huyện Trấn Yên (Yên Bái) txeik 500 tsov đeiv txix Zênhx hangx kôngz nuv thiêz huôv tsar nôngx cxênhz (Agribank) chi nhánh huyện Trấn Yên chiê tror huôv tsar tu zus kaz phưx vưv niêv ciêz hâur ntu zuôr txos Tsiêz. Taz sik, đhâu jiês đêx ngaz tiv coz nas chuô số 3 nhiv kruôr đhâu tưz uô tas nro 4 cxênhz 300 tul keiz, tưz lox tâu 1,7 txos 1,8 cir iz tul trâus tuôs tas, uô tas nro pênhr txeik huôv tsar cêr uô nox co tsuôk li trâus pôngz tas hur si. Dhâu jiês đêx ngaz, jênhv tâu xor mông Zênhx hangx txu grês nhiêx liv trâu zuk li phênhv txeik txos tas shông, zơưv Thành lok six jông siêz thiêz ciêr chênhr qir tês tror cxiv uô đuô chôngx thiêz kir txeik cxaz chiê tror huôv tsar tu zus: “Đêx ngaz thâuv hmo ntux viv li chơưv tsi zênhx, zuôr xar 8 tênhr kaz tsiv grê muôx nhos 400 tsov đeiv tuôs tas, chuôz zis cux njiz ntâu phêv liv. Thâuv trâus ruôr hiêv mak têx cán bộ zênhx hangx cux tuôx seiz nus, qênhz yuôx thiêz paz chuôz zis txu grês phênhv nhiêx liv đros chor nux grê tưz txeik. Chuôz zis uô tsâus lok six ntâu thiêz zuôr tror sir jos huôv tsar cêr uô nox thiêz khưx phưx hâur 2-3 zuôr txos”.

          Jiês đêx ngaz lix xưv hâur hli 9 nhiv kruôr đhâu cux uô Tuêv sik hux jos Chu Mai Hương nhoz jos 4, xã Đào Thịnh, huyện Trấn Yên (Yên Bái) trâus ruôr hiêv hnhar, đros 1 tsov ntâu tsoz nôngz ciêv fix, đros ntâu xiv huv ciêv fix, cxuô zav meir, cxix luôk tênhv tênhz…trâus liêv tas, ruôr hiêv txos 1tỷ đeiv ntâu. Niêv lâuk Nguyễn Thị Kim Oanh, Tuêv tsar Tuêv sik hux jos puz pâuz, hâux lưv zênhx hangx txu grês nhiêx liv 0,5% trâu chor nhiêx txiêx puz txeik tưz paz txu grês phênhv tưs têx phêv liv, tror chuôz cxaz đas jos chiê têx xã viên sir jos uô nox đhâu jiês ntux nas: “Đros zênhx hangx, chính quyênx tiv phaz li paz txưv. Tuêv sik hux jos tưz sir jos khưx phưx chiê tror tsiv uô. Nhiv no cơ sở tưz huôx tôngv tâu muôx nhos 65%, pêz zuôr sir jos khưx phưx chiê txos kaz hli 11 lok sik hâur hli 12 tror huôx tôngv 100% công suất”.

          Lơưr thôngz sâu, coz nas chuô số 3 tưz uô 3 cxênhz 600 ntâu lênhx kruô txeik pênhr đhâu cxix luôk Agribank sâuv thax tsav tỉnh Yên bái trâus zênhr shar, tsênhz mênhx zos trâus pôngz lơưv tsêr nhoz, chuôz zênhx chuôz tas tiv đêx ngaz, tox poz, đêx cuoro yôngz. Zơưv Tào Văn Hà, Phưv giám đốc Agriabank chi nhánh tỉnh Yên bái puz pâuz, hâur tas nro 10 cxênhz tỷ đeiv ntâu chi nhánh li chor nhiêx txiêx puz txeik mak muôx nhos 2,8 cxênhz tỷ đeiv trâus zênhr shar. Ciês đhâu jiês ntux nas, taz viv tưz sir jos thôngz xor mông txos tsôngv kruô chiê pâuz tâu qênhx shênhx, đhâu co ciêr chênhr muôx têx tsưr ziv paz txưv cov huv đros. “Chiê car chêx phêv liv trâu tsôngv kruô, zênhx hangx kôngz nuv tưz krêz uô hâux lưv txu grês nhiêx liv txix 0,5% txos 2% trâu tsôngv kruô; 100% tsi tsuv khiêz nhiêx txiêx thâuv kênhz thêv txix hnuz xiêz 6/9 txos tas shông no, tas nro nhiêx paz txưv ndê txos 4,5 tỷ đeiv. Đrâuv co taz viv tsênhv seiz shuôk đuô truz ntêr six hơưv thêv nux grê đros chor nhiêx txiêx ndê txos 3 cxênhz tỷ đeiv”.

          Thôngz sâu tas nro tỉnh, Yên Bái muôx 7 cxênhz ntâu lênhx kruô zos têx lênhx nênhs, ziv chuôz zis muôv muôs, doanh nghiệp, HTX…trâus ntux nas chuô số 3 uô ruôr hiêv; tas nro tsôngv kruô li nux grê zos zuôr xar 10 cxênhz 200 tỷ đeiv, chêx chôngk lok 3 vênhv thix zos kôngz, jôngr, đêx nuv; công nghiệp, cxiv tsa thiêz muôv muôs, jix vuv. Zơưv Nguyễn Quang Đạt, Giám đốc Zênhx hangx têz qơưk Chi nhánh tỉnh Yên Bái puz pâuz, zênhx hangx têz qơưk tỉnh tưz nzor chox kriê têx zênhx hangx chuv tôngv thôngz xor mông txos tsôngv box, doanh nghiệp chiê lơưr pâuz tâu nganhx zênhx hangx li cơ chế, chính sách paz txưv, đhâu co, paz têx tsưr tsix, lênhx nênhs txeik pênhr muôx cxaz đas jos chiê sir jos hâur luz nênhx: “Uô zênhx hangx têz qơưk li chox kriê, pêz tưz chox kriê têx chi nhánh zênhx hangx sâuv thax tsav chuv tôngv khưx phưx têx trâus ruôr hiêv chiê nzor chox cxix luôk zênhx hangx huôx tôngv fênhx yax, nzor chiê thix ziv têx tsưr ziv paz txưv tsôngv kruô. Uô hâux lưv txu grês nhiêx liv txix 0,5 txos 2% trâu tsôngv kruô trâus ruôr hiêv tiv coz nas chuô số 3. Seiz shuôk txu grês nhiêx liv đros phênhv puz txeik yiêz chiê paz hôx phưx tsiv uô, muôv muôs đhâu coz nas chuô. Tror uô cơ cấu puz txeik pênhr đros huôx tôngv tsiv uô kôngz nuv, nôngx cxênhz viv no zos vênhv thix lok six coaz tsôngv đros tỉnh”.

          Txos nhiv no, yênhx cxênhz lênhx tsôngv box, doanh nghiệp nhoz yên bái tưz hlôngr yiêz six hơưv thêv nux grê, tsi sâu nhiêx liv phênhv puz txeik đros tas nro 7 cxênhz 100 tỷ đeiv. Hâux lưv krêz uô têx chính sách paz txưv huv đros tưz paz tsôngv box, doanh nghiệp sâuv thax tsav muôx cxaz qơư khov vav, njênhs njôngr chiê sir jos đuô hla đhâu têx phêv liv, yênhx trus hôx phưx đhâu jiês ntux nas uô ruôr hiêv./.

Trịnh Xuân-Txâur Vax cxeik nhênhv

Cui tênhv lok hâux lưv txêik jênhv têx ntâuz ntơưr thiêz muôz têx ntâuz ntơưr đăngk cir ar têz, vax tsêr cxuô zav muôx sâuv ar lơưr Chêi Ar têz shông 2024

             Lơưr co, ntơưv Grê 21 Nghị định sôr 101/2024/NĐ-CP cui tênhv lok txêik jênhv têx ntâuz ntơưr thiêz muôz têx ntâuz ntơưr đăngk cir ar têz, vax tsêr cxuô zav muôx sâuv ar li đrav kaz:

              1. Cơ quan txêik jênhv ntâuz ntơưr thiêz muôz têx ntâuz ntơưr zos:

            - Ủy ban cấp tỉnh li qơư Một cửa trơưk cui tênhv lok kriz uô hâux lưv txêik jênhv ntâuz ntơưr thiêz muôz têx ntâuz ntơưr hành chính cấp tỉnh, cấp huyện, cấp xar;

               - Văn phòng đăngk cir ar têz

             - Chánh văn phòng đăngk cir ar têz.

            2. Tsưr ziv nộp têx ntâuz ntơưr: Nênhs đăngk cir ar têz tâu xêir tsov nộp têx ntâuz ntơưr lơưr têx tsưr ziv đrav laz:

             - Nộp ciês trâu ntơưv têx cơ quan cui tênhv ntơưv khoản 1 Grê 21 hêik sâur;

              - Nộp đhâu dịch vuv bưu chính;

              - Nộp ntơưv qơư lơưr sêiz lax nhoz nênhs xar đăngk cir ar têz thiêz Văn phòng đăngk cir ar têz, Chi nhánh Văn phòng đăngk cir ar têz;

              - Nộp sâuv Cổng dịch vuv công Têz qơưk lok sik Cổng dịch vuv công cấp tỉnh.

Nhạc cắt

            Thâuv muôz ciês têx ntâuz ntơưr ntơưv têx cơ quan, thôngz đhâu dịch vuv bưu chính viễn thông lok sik ntơưv têx qơư trơưk sêiz lax mak nênhs hêik đăngk cir tâu xêir tsov nộp bản sao ntâuz ntơưr thiêz muôz têx ntâuz ntơưr chênhr chiê canr bôv txêik jênhv têx ntâuz ntơưr qênhz shuôk lok sik nộp bản chính ntâuz ntơưr lok sik nộp bản sao têx ntâuz ntơưr tưz muôx xav jênhv. Đros uô ntâuz ntơưr đăngk cir lok txơưr txar têx ar têz, vax tsêr cxuô zav muôx đros sâuv ar mak uô lơưr hlôngr đuô sâuv ntơưr Cungz jênhv tưz cungz mak nênhs hêik cov đăngk cir tsuv nộp đêiv ntơưr cungz jênhv ar têz chênhr tưz tâu cungz.

            Zos tiêk nộp têx ntâuz ntơưr sâuv Cổng dịch vuv công Têz qơưk lok sik Cổng dịch vuv công cấp tỉnh mak têx ntâuz ntơưr nộp tsuv zos chor ntâuz ntơưr tâu uô tsênhz mênhx txix chor ntâuz ntơưr chênhr lok sik bản sao muôx xav jênhv lơưr chêi têz qơưk têx cui tênhv.

              Zos tiêk tâu hêik cov nộp bản sao lok sik têx ntâuz ntơưr uô tsênhz mênhx txix têx ntâuz ntơưr chênhr mak thâuv txêik jênhv têx ntâuz ntơưr tâu đơưk kho hành chính nênhs hêik cov đăngk cir tsuv muôz chor ntâuz ntơưr chênhr lơưr cui tênhv, yưx chor ntơưr zos ntơưr tso chêi cxiv tsa, cuêz tênhv yưv pênhr uô dưv anr, cuêz tênhv yưv pênhr, ntâuz ntơưr tso chêi yưv pênhr, ntơưr cungz jênhv yưv pênhr.

             Tsôngv box thiêz fôngx zưs sơưr đơưk nhiv kruôr mnôngs tas phênhv tsênhv chêi thiêz luz nênhx. Phôngv sơưr đơưk nhoz jông, mav njiz đuô tsôngv box sơưr đơưk hâur phênhv no tsaz yênhx tov kaz./.

Thanh Thủy-Lik Thox cxêik nhênhv