Jiês xuz thơưx têx oknhoz Sơn La muôx ntơưr ntâuk chiv qơư tu zus

Luôs hâux lưv tu zus ok đêx thâuv ntêx (lok zos chor ok chax đaz njuôz) ntơưv xã Chiềng La, huyện Thuận Châu, tỉnh Sơn La tâu fuô uô txix hli 3/2024, đros huôv tsar uô luôs hâux lưv co muôx 5 chuôz zis, zus 700 tus ok. Hâur ntu tu zus, pêx xênhv tâu kriê tsưr ziv tsoz phưz, phax phôngz moz ơưk; viv li chor ok hloz lox lok jông. Thâuv lox tiêr ok muôx nhos 1,6-1,8 cir. Tix lâus Quàng Văn Mạnh, nhoz jok Cát Lót heik pâuz, tu zus zav ok no tsi tas ntâu côngk đas jos thiêz nhiêx txiêx, iz chas co hnuz nhôngs tu zus cux tsi ntêr, muôs tâu gri.

“Thâuv ntêx phênhv ntâu tu zus keiz chiê phưx vưv chuôz zis. Taz sik tâu hâu nov xã yax kriê, vênhv tôngv chuôz zis tưz huôv tsar tu zus ok, đhâu muôs fâuv xuz thơưx cux tâu trơưk tsưr ziv. Txos nhiv no, chuôz zis tsênhv huôv tsar tu zus iz fâuv thiêz, muôx nhos 200 tus, chiê kriz đêz đar hâu nov xã Chiềng La luôs hâux lưv tu zus ok”.

Ok chax đaz njuôz ntơưv xã Chiềng La, huyện Thuận Châu zos chor nôngz ok thâuv ntêx, tsi yuô trâus cik moz ơưk, zôngx ziv huôv tsar zus ntơưv têx qơư muôx đêx. Thâuv ntêx, tsôngv pêx xênhv hâur xã phênhv ntâu zus tsơưs chiê tâu tuô nox phưx vưv chuôz zis. Taz sik đhâu thâuv tâu xã yax kriê, txos nhiv no tưz muôx zuôr xar 20 chuôz zis uô ntơưr huôv tsar tu zus okchiê muôs, phênhv ntâu nhoz trâu chor jok: Cát Lót, Chiềng La thiêz jok Song. Hâu nov ntơưv qơư thiêz cxuô ngênhx cik txos tưz kriê tsưr ziv tu zus trâu sơưr đơưk; sox seiz njôngr têx ok thiêz piêr kriê đhâu sâuv mạng xã hội li: Zalo, Facebook. Đros trâu têx li heik co, zos hux jos đros taz viv lês car uô đreiv têx hâux lưv li heik sâuv cxiv tsa, uô ntâuz ntơưr côngk nhav qơư huôv tsar tu zus. Đhâu muôx cxix cxuô ntâuz ntơưr, lênhx nênhs sir zôngv zuôr pâuz tsênhz qơư cux li chor chuôz zis nhoz Chiềng La luôs hâux lưv tu zus ok. Tix lâus Cà Văn Tương, nhoz xã Chiềng La heik:

“Đhâu thâuv tâu Đảng ủy, Ủy ban xã paz uô têx ntâuz ntơưr, cxiv tsa qơư li heik co mak muôx ntâu tus chôngz lênhx pâuz txos kok Chiềng La, muôs lok cux tâu gri đuô, cxaz nzir phênhv sâu tâu trâu chuôz zis”.

Chiê paz pêx xênhv zok nriêr qơư muôs truôx tuk, xã Chiềng La tưz yênhx lix “Paz sik côngv thiêz sir zôngv xiv huv kôngz nuv Chiềng La” muôx Hội pox niêv, Hội Nôngx mênhx thiêz đoanx hluôk nênhs xã seiz car. Têx lênhx nênhs no cux tsi so cơưv shâuv nzir lok têx tsưr ziv huôv tsar tu zus lơưr VietGAP, jux juk muôz ok Chiềng La uô yênhx xiv huv OCOP. Iz chas ntơư, kriê tsưr ziv trâu chor chuôz zis huôv tsar tu zus ok yưv pênhr zuôr meir puôs kê cov đâus chiê iz hnuz têx ok vav ntâu jux juk, paz por hưv thiêz huôv tsar zus đreiv chor ok ntơư tsi chiê pôngz nôngz. Pos Quàng Thị Phượng, Bí thư Đảng ủy xã Chiềng La, huyện Thuận Châu, tỉnh Sơn La heik pâuz:

“Nhiv no luôs hâux lưv tu zus ok li heik sâuv tưz zus tâu fâuv tiv 4. Đhâu thâuv chor ok hloz lox thiêz pêz muôs mak chor tuz luôv, nênhs sir zôngv lơưr kruôs nziês txos. Hâur ntu zuôr txos, pêz choz trâu cxuô ngênhx, đoanx thêv yax kriê pêx xênhv huôv tsar tu zus ntâu, moz siêz txos luôs hâux lưv piêr kriê xiv huv cux li đas cir, uô ntâuz ntơưr côngk nhav chiê pâuz tsênhz qơư tu zus”.

Muôx têx pov, luôs hâux lưv tu zus ok li heik sâuv nhoz Chiềng La, huyện Thuận Châu, tỉnh Sơn La xuz thơưx huôv tsar uô tâu trơưk têk, tsưr ziv./.

Thanh Thủy-Riê Lâux cxeik, nhênhv   

Mã Thị Chúa-Lênhx pox niêv Hmôngz pâuz huôv tsar uô nox

Têx shông đhâu, phongz yaox pox niêv huôv tsar uô nox, txo grêk yêiz pluôs truôx đrênhk nhoz huyện Vị Xuyên, tỉnh Hà Giang tưz pov muôx têx hlôngr yiêz jông. Đhâu co tưz muôx ntâu lênhx pox niêv txơưx pâuz huôv tsar uô nox, muôx phênhv sâu tâu yênhx puô tsov đêiv iz shông, paz txo grêk yêiz pluôs muôx luz nênhx tsâu sor. Niêv tix Mã Thị Chúa, jok Suối Đồng nhoz thị trấn Việt Lâm zos iz lênhx nênhs uô tâu li hêik co:

Xênhz zus thiêz hloz lox hâur iz ziv chuôz zis khưr uô kôngz nuv, niêv tix Mã Thị Chúa tsưr ziv, siêz xar njôngr, tsuv uô li chak chiê huôv tsar tâu kinh têr, sir jos cov tơưv tâu đhâu yêiz pluôs. Đros siêz xar sir jos tsik chưx yêiz pluôs đros zênhx gruôs thiêz sir jos, niêv tix tưz truôx siêz sir jos chiê huôv tsar uô nox txix zuk chuôz zis têx nhiêx txiêx cxênhx txuôs tâu. Shông 2022 thôngz đhâu Hôiv Liên hiệp Pox niêv thị trấn Việt Lâm, niêv tix tâu kir txêik chor pênhr nhiêx txix Zênhx hangx Tsênhv chêi xar hôiv huyện Vị Xuyên đros chor nhiêx kir txêik tâu muôx 50 tsov đêiv. Niêv tix tưz muôz zuôr iz gơưv nhux đas nôngz thiêz nriêr pâuz, cơưv shâuv tsưr ziv tu zus đhâu têx tsưr ziv uô tâu jông, cxaz chuô nzir trâu chor lớp kruôz kriê, cơưv shâuv. Cê uô, niêv tix cêr nriêr pâuz, cơưv shâuv nzir chênhz zênhv. Niêv tix chuôz zis li hâux lưv tu zus njiz ntâu kror zôngx ziv, txix 1 gơưv nhux đas xuz thơưx, txos nhiv no niêv tix chuôz zis chor nhux đas tưz huôv tsar tâu muôx 5 tuk nhux đas, 2 tuk tưv. Niêv tix Mã Thị Chúa shir phaz hêik: Chiê huôv tsar tâu jông tu zus tsiêx cxu, cur tsik so nriêr pâuz, cơưv shâuv têx tsưr ziv, kỹ thuật li tu zus, vêv xênhz tsêr guôx; tsưr ziv kỹ thuật phax tar caz moz thiêz nriêr pâuz têx zav nox trâu chor nhux tưv chiê muôx txâuk tsơưr pưr, muôx cxix cxuô têx zav nox trâu chor nhux tưv; đros co cur ziv chuôz zis cux sir zôngv tsiêx cxu têx qir chiê zuôv trâu chor tsoz chos.

Khov trâu ziv chuôz zis chor ar têz, niêv tix tưz yưv pênhr chiê chos tâux chiê uô zav nox trâu chor nhux, tưv, kriz đar thax tsav chos 3 sào txir tsơưz chiê muôs chor txir tsơưz thiêz chos cuô txoz sâuv thax tsav đar muôx 1.000 thiêr ndis, chos hmaz blôngx kâuz thiêz iz phênhv thax tsav chos ntông nox txir. Pov zuôr zôngx ziv tu zus tâu tsiêx cxu sâuv thax tsav, niêv tix hêik chor hôiv viên txơưr sik đros kriz uô chor tsưr ziv uô nox tâu truôx jông txix tsưr ziv paz zuz nôngz; phêiz kênh chênhz zênhv chiê paz trâu chor pox niêv sơưr đơưk huôv tsar tâu kinh têr ziv chuôz zis, paz gôngr côngv trâu côngz xưv txo grêk yêiz pluôs, uô bluô nux huv đros ntơưv zuk qơư nhoz. Khov pâuz sir zôngv huv zos têx tsưr ziv kỹ thuật hâur tu zus, niêv tix chuôz zis li phênhv sâu ziv hnuz ziv truôx tuk, zuôr tâu ntâu chuôz zênhx phưx vưv trâu hâux lưv uô nox, đros co paz trâu têx tuz nhuôs tâu muk cơư ntơưr cxix cxuô. Yênhx shông, niêv tix chuôz zis sâu tâu muôx 150 triệu đêiv ntâu iz shông.

Niêv tix Mã Thị Chúa tưz tsik zos txơưx uô kinh têr hênhr, niêv tix tsênhv zos hôiv viên sir jos, uô ntêx hlo hâur chi hôiv têx phongz yaox thiêz chor phongz yaox ntơưv thax tsav qơư. Đros chor pox niêv hôiv viên hâur jok, niêv tix tsik so sir jos phêiz kênh têx chênhz zênhv hâur khưr uô nox, paz zuz nôngz trâu chor hôiv viên pox niêv hâur jêx jok chiê sik đros huôv tsar kinh têr.

Đros têx sir jos hâur huôv tsar kinh têr ziv chuôz zis thiêz sir jos cxaz chuôz trâu chor phongz yaox ntơưv têx jêx jok, niêv tix Mã Thị Chúa tsik so tâu pox nhuôs hâur jêx jok nhiêv txos thiêz njênhs njôngr thiêz zos iz hâur chor nênhs uô tâu hâux lưv jông, uô ntêx hlo hâur huôv tsar uô nox trâu sơưr đơưk cơưv shâuv thiêz uô trơưk.

 Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đaix nta suôz Việt Nam thax tsav faz Bắc đros Tsênhv qơư cxiz uô kôngz têz qơư uô./.

Txâur Vax-Lik Thox cxêik nhênhv