Yên Bái paz pêx xênhv huôv tsar uô nox hla đhâu cêr pluôs

           Uô lơưr Tỉnh ủy Yên Bái Nghị quyết 61 lok txo cêr pluôs, hâur ntu đhâu, huyện Văn Yên tưz hu zâuv tas nro cxix luôs chính trị sik đros côngv têk uô. Iz chas ntơư, têx lênhx hâur Ban thường vụ, BCH Đảng bộ, cxuô cơ quan, ban, ngênhx, đoanx thêv, têx taz viv, tsưr tsix nhoz huyện Văn Yên puôr lênhx tâu phênhz côngz paz chor chuôz zis pluôs thôngz đhâu ntâu luôs hâux lưv uô tsênhv tsênhz.

           Ban chỉ huy quân sự huyện Văn Yên, đhâu têx tsênhv tsênhz pov thiêz pâuz tâu, shông no taz viv quyết tinhv paz nôngz buô, krâur puz tsiêx cxu thiêz kriê tsưr ziv tu zus trâu 2 chuôz zis pluôs, co zos zơưv Đặng Tòn Ú thiêz zơưv Bàn Tòn Dân, nhoz jok Bản Lùng, xã Phong Dụ Thượng. Trung tá Nguyễn Tiến Lực, Thơưx seiz car Ban chỉ huy quân sự huyện Văn Yên heik pâuz: “Đảng ủy, Chỉ huy tưz thôngx ziv muôz taz viv iz phênhv nhiêx cuiv thiêz hu zâuv chor canr bôv, nênhs uô hâux lưv hâur taz viv sik đros gôngr paz trâu têx chuôz zis pluôs. Iz chas ntơư, taz viv tsênhv hu zâuv canr bôv, chiến sĩ paz max, kriê têx chuôz zis heik sâuv uô qơư tu zus tsiêx cxu; tu thiêz qêz suô vax tsêr, qơư nhoz cov hur si, đu lus....”.

          Chiê uô tâu jông luôs hâux lưv paz max li heik co, uô ntêx thâuv zuôr fuô uô, cxuô thax tsav qơư, ngênhx, đoanx thêv tưz qênhz shuôs, nriêr pâuz qir tiv chiê pâuz mênhx yênhx ziv chuôz zis li tsưr ziv, siêz xar. Txix ntơư tso tơưv têx faz tsưr ziv uô huv đros yênhx lênhx nênhs chiê uô tâu luôs hâux lưv tso tơưv. Zơưv nguyễn Trọng Việt, Phưv Chủ tịch ủy ban xã Lang Thíp, huyện Văn Yên heik: “Têx cơ quan, doanh nghiệp paz pêx xênhv lok sâuv zuz nôngz tsoz chos, tsiêx tu zus li: Zuz ciêv fix, nôngz keiz buô...chiê huôv tsar uô nox uô hnar. Chor chuôz zis tâu paz cux lok six shir phaz, co zos đas jos cxơưz lơưr chiê huôv tsar kinh tế-cxuz cêr pluôs, zos qơư trâu xã sir jos uô tiêr luôs hâux lưv cxiv tsa jêx jok yiêz lok kaz shông 2023 no”.

           Txix hâur shôngk shông txos nhiv no, huyện Văn Yên, tỉnh Yên Bái tưz paz yênhx cxênhz chuôz zis pluôs li: Paz max pênhr, zuz nôngz tsoz chos, tsiêx tu zus, krâur puz tsiêx cxu, kriê tsưr ziv huôv tsar uô nox... Txix ntơư, têx chuôz zis pluôs muôx nzir qơư chuôz jos chiê huôv tsar uô nox uô hnar, iz thênhv jux juk hla đhâu cêr txov. Zơưv Lò Văn Vui, iz ziv chuôz zis pluôs nhoz jok Làng Chạng, xã Phong Dụ Thượng heik: “Tâu cxuô ban ngênhx paz max, cur tâu 2 tus nôngz buô, cur zuôr sir jos tu jông, huôv tsar uô nox cov txos kaz shông txo grêk tâu cêr pluôs”.

          Trơưk li đhâu qênhz shuôs têx chuôz zis pluôs ntu 2021-2025, huyện Văn Yên, tỉnh Yên Bái muôx 6 cxênhz ntâu chuôz zis pluôs, tsav 18%; têx ziv chuôz zis zuôr xar pluôs xar muôx 4 cxênhz chuôz zis, tsav zuôr xar 11%. Hâur shông 2023, huyện hâux lưv tso tơưv zos txo grêk tsơưs tâu 2 cxênhz ntâu chuôz zis pluôs, bâuv li 134% pir li tỉnh luôs hâux lưv tso tơưv.

           Chiê uô tâu luôs hâux lưv co, huyện Văn Yên tror sir zôngv cxuô pênhr jos txix têz qơưk têx tsaz yênhx qơư tsov txos, tỉnh têx tsênhv chei paz max chiê paz pêx xênhv, lar heik zos chor chuôz zis pluôs. Zơưv Luyện Hữu Chung, Bí thư Huyện ủy Văn Yên, tỉnh Yên Bái heik pâuz: “Hâur ntu zuôr txos, huyện Văn Yên tror uô jông lơưr tỉnh têx hâux lưv choz, tsưr ziv kriê, moz siêz fuô uô têx tsênhv chei huôv tsar kinh tế xã hội, muôz hâux lưv uô, gra siêz luz nênhx nox nhoz trâu pêx xênhv. Tror yưv pênhr cxiv tsa cxix luôs têx tsưr ziv, côngz trênhx kinh tế-xã hội cov truôx jông, cxix cxuô; hu zâuv pênhr jos, têx lênhx pêx xênhv đros cxiv tsa jêx jok yiêz cov tâu trơưk li hâux lưv tso tơưv”./.

Trịnh Xuân-Riê Lâux cxeik, nhênhv