Tsôngv box mênhx cxưx Lào Cai li siêz njênhs njôngr trâu Đại hội Đảng jiês tiv XIV

          Xã Yên Bình muôx 8 mênhx cxưx sik đros nhoz uô nênhx li mênhx cxưx Cho, Cao Lan, Nùng, Hà Nhì, Tày, Giáy…. Luz nênhx thâuv ntêx tsuôk khov txos tsiv uô kôngz nuv. Têx shôngk jê ntơưv no, khov muôx Đảng, têz qơưk li têx tsaz yênhx, dự án paz txưv thax tsav tsôngv box mênhx cxưx tsơưs nênhs thiêz tox siêz, jêx jos muôx ntâu hlôngr yiêz jông, tsôngv px luz nênhx tâu hlôngr yiêz tsênhz mênhx. Têx hlôngr yiêz no tso pov tsênhz nhoz jos Khuôn Giỏ, qơư muôx 12 ziv chuôz zis trâus pôngz lơưv tsêr nhoz tiv jiês đêx cuôr yôngz kaz shông 2024, nhiv no tâu bax qơư nhoz yiêz, paz uô tsêr nhoz yiêz truôx jông, đros muôx têx cêr mul lok, tênhv tênhz tơưk pov cêr, thiêz đêz hur sir zôngv. Zơưv Triệu Công Lý- iz hâur têx ziv chuôz zis tâu bax ar nhoz thiêz tâu paz cxiv uô tsêr nhoz đhâu coz nas chuô Yagi puz pâuz: “Qir thơưx cux lok six cxơưx, tsi xar tiêk zuk zuôr uô tâu tsêr nhoz li no. Muôx tâu luz tsêr no cur lok six shir phaz, uô tsâus têz quưk pox nhuôk jêx jos tưz paz max. Tuôx nhoz ntơưv no mak tso siêz đuô, tsi cxơưx muôx đêx cuôr yôngz, tox poz li qơư nhoz kuz thiêz. Tuôx ntơưv no muôx chôngz lênhx nênhs sik đros nhoz jê mak shir phaz đuô”.

          Zơưv Nguyễn Văn Thống, Bí thư Chi Bộ jos 6, xã Yên Bình puz pâuz, ntu 2020-2025, jos jênhv tâu têx cấp li tsov cưv. Txos nhiv no, 100% cêr zaoz thôngz jêx jos tâu uô bê tông, cxix luôk tênhv tênhz tơưk pov cêr lus, muôx tsêr vênhx huôv, têx huôx tôngv vênhx huôv, thiv thao huôv tsar đuô. Tas nro jos tsi yuôr ziv chuôz zis pluôk, chor ziv chuôz zis bluô nux tax 30% ntâu, phênhv sâu fênhx pheiz lênhx nênhs tax 60 tsov đeiv ntâu iz shông lok shông 2025, 100% mê nhuôk tâu nox hâuk txâuk tsơưr pưr… No zos chêx cuk jông hâur six cxiv nhiv kruổ đhâu thiêz zos tsôngv px li siêz njênhs njôngr txos Đảng li têx chủ trương, quyết sách hâur six cxiv zuôr txos.

          Ndar txos Đại hội 14, jos tsưr tsix ntâu huox tôngv li yax mông, kho đuô cxix luôk tênhv tênhz tơưk pov cêr, uô vêv xênhz tênhx qơư:“Hâur jos, pêz tsưr tsix ntâu huôx tôngv tsênhv tsênhz chiê chuôz cxaz chinhz yênhx txơưx jênhv thiêz siêz sir jos cxiv tsa Đảng, cxix luôk chính trị nhoz tiv phaz. Tsôngv px sir jos cxaz chuôz gôngr ziv chênhv lok dự thảo ntâuz ntơưr muôz trâu Đại hội Đảng jiês tiv 14 đros chinhz yênhx jênh chuv, krêz đar. Pêz cux tsưr tsix ntâu jiês thik nriêr pâuz lok lix xưv Đangv, têx jiês Đại hội thiêz ntu pêz Đảng huôv tsar. Đhâu têx huôx tôngv no, Đảng jê tsôngv px đuô, thôngx cxix chuôz cxaz siêz njênhs txos Đảng”.

          Pos Trần Thị Thuý Hải, Phưv bí thư thường trực Đảng uỷ xã Yên Bình, tỉnh Lào Cai puz pâuz, têx shôngk jê ntơưv, tsôngv px nhoz 35/35 jêx jos luz nênhx hlôngr yiêz hâur yênhx hnuz. Ndar txos Đại hội 14- ntu huôv tsar yiêz, xã phuôx tôngv ntâu phongz yaox tưr thik, piêr kriê, nriêr pâuz lok Đảng; thôngx cix sir jos uô tiêr têx chỉ tiêu KTXH shông 2025. Suôv câuv shông 2025, 100% cêr zaoz thôngz jêx jos tâu cxiv uô truôx jông đar txix 3-5 yiv; phênhv sâu tax 142% ntâu tsưr ziv; ju lix mak tos 150 cxênhz jiês kruô tuôx ndis seiz uô si; 23 xiv huv OCOP jông. Phênhv sau fênhx pheiz tax 60 tsov đeiv ntâu; chor ziv chuôz zis pluôk txu grês tsuôk yuổ 0,75%, ntâu jêx jos tsi yuôr chuôz zis pluôk. Pos Hải khav tênhv:“Pêz njênhs njôngr Đảng li Đại hội 14 zuôr tso tơưv têx chủ trương, chính sách jông paz huôv tsar kôngr jôngr nuv, tiểu thủ công nghiệp thiêz hạ tầng số, huv đros thax tsav tox siêz. Thôngx cxix tror tsov cưv txos têx chính sách zaoz zux, y tế thiêz nox nhoz xã hội, gôngr phênhv txu grês têx phêv liv trâu tsôngv px chiê tsôngv px sir jos huôv tsar uô nox, muôz siêz tsơưr lươngv luz nênhx. Pêz cux xar njôngr têx nghị quyết hâur six cxiv zuôr txos zuor nzor uô tsênhz mênhx, paz cxơưz huôv tsar KTXH thiêz muôz siêz tsôngv px li luz nênhx”.

          Txix têx luz tsêr nhoz thax tsav qơư nhoz yiêz txos têx cêr bê tông yiêz jông, txix têx tsêr vênhx huôv jêx jos txos yênhx jêx jos tox siêz, siêz njênhs njôngr lok Đảng li Đại hội 14 tsênhv chuôz cxaz đas jos chiê tsôngv px têx mênhx cxưx sir jos tưr tsiv uô xênhz yar kôngz nuv, gôngr đas jos cxiv tsa têz qơưk. Đros tsôngv px li siêz thôngx ziv thiêz cấp uỷ, chính quyênx li siêz sir jos, tsôngv box tox siêz Lào Cai njênhs njôngr Đại hội zuôr krêz tơưv iz ntu huôv tsar yiêz, chox thax tsav ntus đriv ziv hnuz ziv hlôngr yiêz, tsâu sor./.

                                                                                                              Trịnh Xuân-Txâur Vax cxeik nhênhv

 Cxuô luôs hâux lưv uô hâur Đại hội Đảng tas nro têz qơưk jiês tiv 14: tâu fuô uô truôx jông, huv đros

Tsôngv box...! Luôs hâux lưv uô hâur Đại hội 14 tâu fuô uô nzor thiêz truôx jông txix BCH T.Ư Đảng khóa 13, Bộ Chính trị, Ban Bí thư buôk ti chox kriê. Shông 2025 zos shông tsưr tsix đại hội đảng bộ cxuô cấp, bax tok Đại hội đại biểu tas nro têz qơưk, đros thiêz têx jiês cơưv T.Ư txix 11 txos 15, tưz sir jos seiz lax, uô tiêr cxuô luôs hâux lưv zov chênhr.

Lok sâuv dự thảo têx ntâuz ntơưr thôngz đhâu Đại hội 14: Co zos tsênhv njiêz zov chênhr, tâu bax uô jông đhâu ntâu jiês cơưv BCH T.Ư Đảng khóa 13. Uô kaz Đại hội đảng bộ cxuô cấp, têx lênhx Ủy viên BCH T.Ư Đảng li gôngr côngv cxaz chuôz ntơưv Đảng jiês tiv 14, tưz muôx nzir zuôr xar  5 tsov lênhx canr bôv, đảng viên, pêx xênhv li xar muôx 14 tsov ziv chênhv cxaz chuôz, gôngr trâu dự thảo ntâuz ntơưr (qir txix hnuz 15/10/2025 txos hnuz 15/11/2025). Têx Tiểu ban cxiv uô ntâuz ntơưr thiêz Bộ Chính trị, Ban Bí thư cux tưz uô tiêr dự thảo têx ntâuz ntơưr thôngz đhâu phêv ziv T.Ư 15. Tổng bí thư Tô Lâm tưz heik mênhx, co tsênhv tsênhv zos cêr xar, tsưr ziv cxiv têz kho qơư, cxiv uô têx ntâuz ntơưr Đại hội Đảng; co cux zos six cxiv Đại hội Đảng huôk njôngr tâu chôngz lênhx ntâu tus pêx xênhv đuô hur si têx gôngr côngv, ziv chênhv trâu Đại hội pir li têx ntu uô ntêx; Têx Tiểu ban cxiv uô ntâuz ntơưr Đại hội 14 tưz sâu jênhv tâu ntâu ziv chênhv, cxiv kho huv đros chiê tror uô tiêr Pov cov Chính trị; muôx tâu têx ntâuz ntơưr jông, huv tsôngv pêx xênhv sơưr đơưk thôngz đhâu Đảng Đại hội 14.

Lok sâuv hâux lưv bâux xeir lênhx nênhs: BCH T.Ư Đảng tưz thôngx ziv thôngz đhâu BCH T.Ư Đảng khóa 13 pov cov trâu Đảng Đại hội 14 lok bâux xeir BCH T.Ư Đảng khóa 14 thiêz jông siêz, thôngx ziv thôngz đhâu ntơưr bâux xeir lênhx nênhs nhoz hâur BCH T.Ư Đảng khóa 14, heik kriê lênhx nênhs cxaz chuôz Bộ Chính trị, Ban Bí thư, hâu nov lês uô Đảng, têz qơưk khóa 14, six cxiv 2026-2031 têx hâux lưv lox chiê thôngz đhâu Đảng Đại hội đại biểu tas nro têz qơưk jiês tiv 14 quyết định thiêz tsưr tsix bâux xeir trơưk Đảng cui tinhv.

Ntơưv jiês cơưv BCH T.Ư Đàng jiês tiv 15 khóa 13, BCH T.Ư Đảng tưz qênhz shuôs, tso ziv chênhv trâu Đảng Đại hội đại biểu tas nro têz qơưk jiês tiv 14 Dự thảo cui tinhv uô hâux lưv thiêz cui tinhv bâux xeir ntơưv Đảng Đại hội đại biểu tas nro têz qơưk jiês tiv 14; Dự thảo Pov cov ntâuk grê hâux lưv qênhz yuôx, seiz kaz thiêz uô trơưk kỷ luật đảng six cxiv Đại hội 13; Tsưr ziv cxiv Đêx anr ntâuk grê 100 shông Đảng chox car cxiv kho têz qơưk (1930-2030); Tsưr ziv cxiv tsa Đêx anr ntâuk grê 40 shông uô lơưr têx chei kriê cxiv tsa têz qơưk hâur ntu ndê chủ nghĩa xã hội; Heik pâuz lok têx luôs hâux lưv zov chênhr Bộ Chính trị tưz đơưk uô txix đhâu jiês cơưv T.Ư 14 txos cơưv T.Ư 15 khóa 13 thiêz iz cxiê hâux lưv zov chênhr txos Đảng Đại hội đại biểu tas nro têz qơưk jiês tiv 14; Heik pâuz lok têx luôs hâux lưv bax trâu Đảng Đại hội đại biểu tas nro têz qơưk jiês tiv 14; Heik pâuz ntâuk grê hâux lưv qênhz yuôx, seiz kaz thiêz uô lơưr kỷ luật đảng shông 2025 thiêz tsưr ziv, hâux lưv tso tơưv shông 2026; Heik pâuz têz qơưk têx luôs hâux lưv uô shông 2025; Heik pâuz ntâuk grê hâux lưv nhiêx txiêx Đảng six cxiv 2021-2026. BCH T.Ư Đảng choz Bộ Chính trị uô trơưk li T.Ư chox kriê sâu jênhv, uô tiêr têx dự thảo cui tinhv chiê thôngz đhâu Đảng Đại hội đại biểu tas nro têz qơưk jiês tiv 14; uô cov tiêr thiêz tso tơưv têx pov cov, heik pâuz./.

                                                                                                            Thiều Nghiệp-Riê Lâux cxeik, nhênhv