Qơư txi côngv zơưv hloz Hôx nhoz Nghĩa Lộ-zos qơư paz cxơưz cxiz cách mạng trâu pêx xênhv Tây Bắc

Qơư txi côngv zơưv hloz Hôx ntơưv thị xar Nghĩa Lộ tâu cxiv tsa txix shông 1982 lơưr Ban Bí thư Trung ương Đảng li chủ trương thiêz Tỉnh ủy Hoàng Liên Sơn thâuv co li chox kriê. Côngz trinhx tâu uô lơưr pêx xênhv ntơưv thax tsav qơư siêz vav njôngr muôx tâu iz kror qơư chiê ndo txos thiêz cơưv shâuv lơưr zơưv hloz Hôx. Nênhs nhoz Văn Chấn, Nghĩa Lộ thâuv co tưz sik côngv paz đas jos, cxuô zav, txix chor shôngz ntông, txos yênhx đêiv poz jêz puô cêr-đros chinhr quyền ntơưv qơư cxiv tsa qơư txi côngv tâu uô lơưr zơưv hloz Hôx luz tsêr lơưx ntơưv Hà Nội.

Nhiv no, qơư txi côngv tsênhv tsês chiê xar muôx 1.000 đêiv đuôz đros 10 zav chuôz zênhx tsiv gri muôx đros đrêiv zơưv hloz Hôx luz nênhx thiêz côngz xưv li: hloz Hôx chêr tsôngk yo ka-ki, câuk mov, tsov kror muôs, khâu zos chuôz zis luật sư Lô-dơ-by bax trâu Nguyễn Ái Quốc hnar chiê khiêr tơưv đhâu Hương Cảng (Trung Quốc), luz mêir ntâuk ntơưr tâu hloz Hôx sir zôngv chiê ntâuk bản Tuyên ngôn Độc lập shông 1945. Txix tsưr ziv uô “Vax txir ntông-pak njêl” txos luz tsêr lơưx, qơư txi côngv no hêik tơưv tâu txos zơưv hloz Hôx luz nênhx thâuv ntêx. No cux zos kror qơư sưv jê trâu chor canr bôv, shux xênhz thiêz tsôngv kruô tuôx ndis sêiz chiê nriêr pâuz, ndo txos thiêz cơưv shâuv lơưr zơưv hloz Hôx li cêr uô nênhx jông. Lê Anh Tuệ Minh, shux xênhz lớp 12C1-Tsêr cơưv Cxênhx pêz thị xar Nghĩa Lộ, tỉnh Yên Bái hêik pâuz:“Kror qơư no paz trâu cur pâuz nzir lok hloz Hôx luz nênhx. Đhâu co, paz trâu cur pâuz tâu txos zơưv hloz Hôx cêr uô nênhx thiêz têx sir jos paz trâu pêx xênhv, trâu mênhx cxưx. Cur tsik so sir jos cơưv ntơưr, cơưv shâuv lơưr zơưv hloz Hôx cêr uô nênhx jông, tsik so sir jos cơưv têx txux chi thiêz tsưr ziv uô nênhx-zos kror tsuv muôx hâur ntu nhiv no, tiv zix zos thâuv têz qơưk tsênhv hôiv nhập thiêz huôv tsar, hla trâu ntu huôv tsar yiêz”.

Tưz tsik zos cxênhx hluôk xưz, đros chor bôiv đôiv lâul-chor nênhs tưz tir ntâuk tros châuz njiz ntâu cêr txov thiêz cxiv tsa têz qơưk-qơư txiv côngv tsênhv zos kror qơư chiê lơưr tror tuôx sêiz shuôk, xar txos ntu nênhx thâuv ntêx, paz cxơưz cxiz trâu lơưr njênhs đuô trâu cách mạng mak Đảng thiêz hloz Hôx tưz xêir tsov. Zơưv Lò Văn Nhất, kuz bôv đôiv lâul phường Tân An, thị xar Nghĩa Lộ puz pâuz: qơư txi côngv no tưz paz trâu zơưv cux li pêx xênhv hâur thax tsav thâuv tưs xar uô đaz tsi, uô tâu đaz tsi xar hêik trâu zơưv hloz Hôx pâuz tâu zôngx ziv đuô:“Tas nro pox nhuôs sơưr đơưk li pêz puôr lênhx xar hêik cxuô kror zuk uô tâu trâu hloz Hôx pâuz. Taz sik Hà Nội mak đêz, muôx nênhs mak muk tâu, muôx nênhs muk tsik tâu. Viv li, muôx qơư txi côngv, hloz Hôx luz tsêr lơưx li ntơưv no zos kror lok six tsiv gri trâu pêz”.

Hla đhâu 40 ntâu shông cxiv tsa thiêz huôv tsar, qơư txi côngv zơưv hloz Hôx tsik so tâu yưv pênhr kho đuô, zos yênhx qơư vênhx huôv- zoz zux jông ntơưv thax tsav qơư. Pos Nguyễn Thị Như Quỳnh-Phưv Giám đốc Tsênhv qơư Yax mông-Vênhx huôv thị xar Nghĩa Lộ-lênhx nênhs sêiz car qơư txi côngv no, hêik pâuz, ntơưv qơư txi côngv muôx 12 chuyên đề yax kriê tâu kriz uô trâu chor jiês ntênhk, Tsiêz thiêz hnuz chiv nhênhv lox li: Zơưv hloz Hôx siêz xar thiêz côngz xưv hlôngr yiêz têz qơưk; Hloz Hôx đros vênhx huôv Việt Nam; Hloz Hôx đros pêx xênhv cxuô mênhx cxưx Tây Bắc; cơưv shâuv thiêz uô lơưr zơưv hloz Hôx cêr uô nênhx jông… Đros tuôr tsês, sêiz shuôk, ntu đhâu huôx tôngv yax kriê tsik so tâu sir jos uô txix ntâu tsưr ziv:“Đros chor canr bôv, viên chức uô hâux lưv ntơưv no, lênhx tưs cux shir phaz hur si. Hâur têx shông zuôr txos, pêz zuôr tros sik côngv tsưr tsix cov tâu jông đuô côngz xưv yax kriê lok zơưv hloz Hôx cêr uô nênhx jông. Đros co, zos côngv đros chor tsêr cơưv ntơưr, tsưr tsix chinhr triv-xar hôiv kriz uô chor huôx tôngv ngoại khóa, chor jiês thik tưr nriêr pâuz lok zơưv hloz Hôx; tsưr tsix hôiv thảo, nus chor nênhs muôx chênhz zênhv têx ziv chênhv, tsưr ziv chiê paz gra siêz tsơưr lươngv chor huôx tôngv ntơưv kror qơư txi côngv no”.

Qơư txi côngv, ndo txos hloz Hôx ntơưv thiv xar Nghĩa Lộ, tỉnh Yên Bái nhiv no zos kror qơư tiv 13 hâur Bảo tàng Hồ Chí Minh tas nro têz qơưk-iz qơư tuôr tsês jông cxuô di sản cách mạng./.

                                                                                                Trịnh Xuân-Lik Thox cxêik nhênhv