Shir phaz lul uô cuz thaz kruôr kok kriêr Bình Lư muôs trâu ntu zuôr txos tsiêz têz qơưs shông 2026

HTX tsiv uô thiêz zuôr muôs kôngz nuv hur Ngọc Cường nhoz Bình Lư tsênhv max uô têx luôs hâux lưv uz no chiê tâu trơưk tsưr ziv tso tơưv. Tix lâus Nguyễn Mạnh Cường-Giám đốc HTX heik pâuz, shông no, khov yưv pênhr zuôr nzir meir, chuôz zênhx, uô qơư jiêz kra têx cuz thaz, viv li sir jos cxơưz cxiz sơưr đơưk uo sei thiêz ntâu đuô pir li cxiê shông. Têx hnuz yar ntux jông, mak iz hnuz zuôr uô txix 80-150 ntâu cir hmôngr kok chiê txâuk muôs trâu têx tuz luôv ciêz đrôngs đas cir zuôr ntơư: “Nhiv no kaz shông lênhx tưs cux đas cir zuôr ntâu cuz thaz, viv li pêz sir jos uô ntâu đuô 2 bâus pir li cxiê hnuz. Thâuv ntêx, iz hnuz uô 80 cir hmôngr, taz sik nhiv no pêz uô ntâu đuô muôx 150 cir chiê phưx vưv ciêz đrôngs hâur ntu zuôr txos tsiêz. Pêz uô trơưk li têx tsưr ziv iz txưv uô thâuv ntêx thiêz khov ntâu trâu ntux paz viv li pêz huôk njôngr uô ntâu lok têx hnuz ntux yar jông ntơư chiê jiêz kra”.

Tsi tiêk nhoz chor qơư tsiv uô, sâuv têx liêx têz chos kok kriêr đar 100 ntâu ha ntơưv xã Bình Lư, tsôngv box lênhx tưs cux zênhx max khơưz sâu têx kok kriêr chiê muôs trâu tuz luôv. Txix ciês tas cik sơưr nzor, cxuô chuôz zis tưz qir têk jiêz, kra têx hmôngr kok kriêr, tsiv uô cuz thaz. Txơưv kok kriêr shông no tsi yuô tâu gri, taz sik cuz thaz tus gri cux truôx tuk, paz tsôngv pêx xênhv tso siêz huôv tsar uô nox. Tix lâus Phạm Ngọc Quế, nhoz jok Tòng Pẳn, xã Bình Lư heik pâuz: “Cur chuôz zis phênhv ntâu uô cuz thaz ntâu lok trâu 3 luz hlik kaz shôngk shông. Pêz khênhr uô mak uô 100 cir iz hnuz xưz, taz sik thâuv ntu zuôr txos tsiêz ntơư, uô ntâu đuô 2 bâus viv thâuv co muôx chôngz lênhx ntâu tus zuôr đuô. Têx hnuz no yar jông viv li pêz huôk jiêz, kra têx hmôngr kok, uô cuz thaz”.

Nhiv no xã Bình Lư muôx 73 chuôz zis thiêz HTX tsiv uô cuz thaz kok kriêr, no tâu seiz zos ntâu chuôz zis li phênhv sâu tâu chênhr. Txix hâur shôngk shông txos nhiv no, jok uô nuv heik co tưz uô tâu 220 tênhr cuz thaz. Lar heik zos kaz shôngk shông, xã tso tơưv hâux lưv uô nzir 400 tênhr, xav hur si têx xiv huv uô tâu tsar ndê muôx 620 ntâu tênhr.

Chiê gra siêz tsơưr lươngv thiêz muôs tâu jông trâu ciêz đrôngs, hâu nov xã cxơưz cxiz tsôngv pêx xênhv yưv pênhr zuôr meir, chuôz zênhx thiêz hlôngr yiêz tsưr ziv uô, lar heik zos taz por vêv xênhz truôx tuk zav nox thiêz cxiv tsa suôz bê trâu cuz thaz Bình Lư. Zơưv Trần Ngọc Quang, Tsar phongx kinh tế xã Bình Lư heik pâuz: “Luôs hâux lưv huôv tsar uô cuz thaz kok kriêr mak uô hâur yênhx shông, taz sik phênhv ntâu cux zos têx luz hlik kaz shôngk. Xã sir jos yax kriê chiê tsôngv pêx xênhv huôv tsar uô truôx tuk zav nox, hlôngr yiêz tsưr ziv chiê uô tâu jông đuô têx cuz thaz trơưk nênhs sir zôngv siêz nhiêv. Nhiv no, ntux yar jông, viv li tsôngv pêx xênhv sơưr đơưk tsênhv max sir jos uô têx cuz thaz chiê muôs trâu tuz luôv ciêz đrôngs hâur ntu zuôr txos tsiêz no”.

Chiê huôv tsar truôx jok uô nuv, Nghị quyết Đại hội Đảng bộ xã bình Lư jiês tiv I xar tsưr ziv cxiv tsa qơư tsiv uô cuz thaz kok kriêr lox đar đuô, trơưk cui tinhv VietGAP, pâuz tsênhz qơư tsiv uô, hlôngr yiêz sôr lok sâuv zuôr muôs thiêz zok nriêr qơư sâu zuôr têx xiv huv. Zơưv Trần Như Hợp, Phưv Chủ tịch Ủy ban xã Bình Lư heik pâuz, tas nro xã nhiv no muôx 106 ha têz kok kriêr, iz shông khơưz sâu tâu 6 cxênhz ntâu tênhr, đros trâu 10 qơư jov têx kok, 3 HTX thiêz 70 chuôz zis uô cuz thaz. Iz shông, Bình Lư muôs muôx 1.200 ntâu tênhr cuz thaz kok kriêr trâu ciêz đrôngs. Taz sik, shông 2025, têx hmôngr kok tsi yuô tâu gri viv sơưr đơưk chos tâu ntâu, ciêz đrôngs sâu zuôr cux tsi truôx tuk, uô ntâu chuôz zis njiz trâus ntâu phiv liv: “Pêz xav tinhv hâur ntu zuôr txos, zuôr fuô uô 4 tsưr ziv, ntơư zos njuôk hov thax tsav chos kok kriêr truôx tuk; paz kriê tsưr ziv chos thiêz tu, tsiv uô chiê txo grêk tsơưs hnuz côngz đas jos lox tôngv; cxiv tsa suôz bê thiêz xiv huv OCOP, krêz đar qơư sâu zuôr đhâu muôv muôs điện tử; thiêz muôz jok uô nuv reik đros trâu huôv tsar ju lix chiê hu zâuv chôngz lênhx ntâu tus kruô tuôx ndis seiz, piêr kriê, zuôr muôs têx hax huv”.

Txix tsôngv pêx xênhv bax tsưr ziv, đros trâu Nghị quyết Đại hội Đảng bộ jiês tiv I muôx hâu cêr huôv tsar truôx, têx cuz thaz kok kriêr Bình Lư tsênhv jux juk huôv tsar uô tâu jông, ziv hnuz ziv muôx chôngz lênhx pâuz txos thiêz zuôr./.

Khắc Kiên-Riê Lâux cxeik, nhênhv

Hêir nênhs Poz Thơưx nhoz Sơn La ntênhk thor ntux yar ntux nas

Txos trâu kaz shông, đhâu sâu têx kôngz tas, tsôngv px hêir nênhs Poz Thơưx nhoz xã Mường Lạn, Sơn La, txơưv chuôz zis tưs cux shir phaz lul tror bax cxuô zav thiêz xêir tsov hnuz jông chiê kriz uô ntênhk hội thor côngz hmôngr trâu sđ njiz ntâu cêr vav mênhx hâur luz nênhx. Txơuv chuôz zis tưs cux uô, taz sik muôx cxix cxuô têx lênhx nênhs cxênhz jê, cưr tix hâur iz xênhv đros trâu tsôngv px jêx jos. Cxuô zav bax mor grêix, chơưr trâu trôngx txi côngv, tsuv muôx cxuô zav chuôz zis co khưr sâu tâu đros trâu iz gơưv kêiz lok sik buô, ok. Lar hêik, tsuv muôx huz chơưr xơưk chiê txi côngv pox côngz zơưv côngz. Pos Pít Thị Bình, nhoz jos Cang Cói, xã Mường Lạn, Sơn La shir phaz lul hêik pâuz: “Ntênhk thor côngz hmôngr, zos hêir nênhs Poz Thơưx chax chêk cxôngx nzor lês uô đhâu ntâu tiêv lok, tâu kriz uô trâu kaz shông chiê tok shông yiêz. Ntơư cux chênhr zos jiês cxuô lênhx hâur chuôz zis lok muôx njêx muôs cxix cxuô chiê bax trôngx mor grêix, chơưr trâu trôngx txi côngv pox côngz, zơưv côngz, thor côngz hmôngr trâu sđ tsik muôx moz gênhk, muôx luz nênhx tsâu sor”

Đhâu phênhv txi côngv, zos phênhv kriz nthuôr uô cêr lov jêv, sênhr chêr, đhiê pax vuôs; tsôngv px sđ đros côngv cêr lov jêv, hâuk chơưr xơưk txuôk đros cêr côngv siêz jông. Hur tiz si chor lâuk, hluôk hâur jos, txơưv lênhx tưs cux shir phaz lul, hnar têx tsôngk tiêz tsôngk yo jông jav cxôngx nzor đros trâu tsưr ziv siêz xar njôngr, cxuô lênhx tuz nxêik hluôk sđ tsuv tuôr cov tâu truôx zuk hêir nênhs têx txux chi, vênhx huôv jông cxôngx nzor muôx đros đrêiv hâur luz nênhx tsik chiê pôngz plox. Pos Mòng Thị Sương, nhoz jos Cang Cói, xã Mường Lạn shir phaz lul hêik pâuz: “Cur jông siêz hênhr, tâu đros côngv ntênhk hội thor côngz hmôngr thiêz tâu hâu nov ntơưv qơư paz max txos ntênhk hội no. Cur sêiz pov zuk hêir nênhs têx cêr lov jêv, đhiê pax vuôs, sênhr chêr, tsôngk tiêz, tsôngk yo jông jav huv đros luz nênhx nox nhoz muk lok hâur niêx hnuz”

Chiê tuôr cov tâu truôx têx vênhx huôv cxôngx nzor, hâur têx shông đhâu, hâu nov xã Mường Lạn, tỉnh Sơn La tưz tso tơưv luôs hâux lưv zok nriêr, tuôr tsês hêir nênhs Poz Thơưx têx ntênhk hội tsiv grê cấp jos, cấp xã cov muôx đros đrêiv hâur luz nênhx niêx hnuz txuôk đros côngv thôngx sđ. Pos Tòng Thị Quyên, Phưv Chủ tịch UB xã Mường Lạn, tỉnh Sơn La cux hêik pâuz tiêk, têz qơưs têx pênhr nhiêx muôz paz px thax tsav tox siêz, đêz đrôngl huôv tsar uô nox thiêz tuôr tsês hêir nênhs tsơưs têx vênhx huôv jông, tưz tâu hâu nov xã fuô uô tâu truôx-huv đros: “Shông no zos shông tiv oz hâu nov xã paz kriz uô hêir nênhs Poz Thơưx ntênhk hội thor côngz hmôngr thiêz ntênhk hội co muôx liv lox ndo txiêx njis, uô tsâus txos pox côngz, zơưv côngz, luz ntux luz têz muôx ntux yar ntux nas paz tsôngv px sđ khưr sâu tâu ntâu kôngz, muôx luz nênhx tsâu sor. Lar hêik, ntênhk hội cux tâu hâu nov xã paz max hêik trâu cơ quan sêiz car qơư tsês cxuô zav txux chi, vênhx huôv tsiv grê tỉnh đros zok nriêr, nhênhz chơưv thiêz côngk nhav hêir nênhs Poz Thơưx têx txux chi, vênhx huôv cấp têz qơưs hâur shông 2026”./.                                                                   

            Tsu cxêik nhênhv-Lê Hạnh

Mường Lay zos qơư niêv đêx Đas jông jav

Niêx shông, thâuv tưs qir nzênh trâu ntux no cux zos cheix tus đêx Đà Giang pur nyiêz si. Ntu pak đêx tênhv Sơn La tâur đêx, ciêz đrôngs Mường Lay (thị xã Mường Lay kuz, nhiv no zos phường Mường Lay, tỉnh Điện Biên) nhoz jê iz ntus đêx Đà ho muôx ntâu tsar zav hlôngr yiêz. Đêx pêv hâur pur tuôx, nhaz tas iz thax tsav lox đar yênhx iz pak đêx tênhs zênhs, nyiêz si, lok six jông jav, uô trâu lênhx nênhs seiz njiê tsi đhuôr. Niêv lâul Vũ Thị Kim Quỳnh, nhoz tỉnh Thái Nguyên tuôx heik: “Xuz thơưx cur pov muôx ntâu tsar zav lok six jông, muôx đêx, muôx trôngz hâur har. Tsi tas li, cux pov têx vax tsêr, qơư nhoz ntơưv no jông cơưk. Uô trâu lênhx nênhs nhoz tâu lax siêz nziês đros trâu têx txux chi cêr nênhx vênhx huôv jông. Tsênhz tiês no zos thax tsav qơư lok six jông, hu zâuv chôngz lênhx ntâu tus tuôx Mường Lay ndis seiz têz qơưk uô si”.

Cheix Mường Lay muôx đêx ntâu thiêz nyiêz jông ntơư khênhr txix hli 9 shông uô ntêx  txos hli 3 shông tov kaz, no zos ntu muôx ntâu tsar zav jông đuô hur si hâur shông ntơưv Mường Lay. Iz chas ntơư, cux zos ntu tsôngv pêx xênhv hâur thax tsav nhoz jê iz ndis pak đêx muôx ntâu cêr lov jêv, shir phaz đuô hur si, đros thiêz cxơưz cxiz huôv tsar kinh tế, cxaz nzir phênhv sâu tâu trâu pêx xênhv. Lar heik hâur têx li heik co, zos nthuôr uô têx txux chi cêr lov jêv thiêz ju lix ndis shuôs têz qơưk uô si li: Sik tưr gruôv gox, cheix câuk za, cheix gox uô si hâur đêx thiêz tsôngv box cxuô heir nênhs iz cxiê zav txux chi vênhx huôv jông.... Tix lâus Nguyễn Bá Chiến nhoz Mường Lay heik pâuz: “No zos tsôngv pêx xênhv Mường Lay ntênhs hội lov jêv cxôngx nzor, cux xar piêr kriê nênhs Poz Ziz đơưz nhoz têx txux chi vênhx huôv jông trâu sơưr đơưk pâuz txos, chênhr viv li tas nro têx lênhx nênhs sik tưr gruôv gox thâuv tưs lơưr tưz sir jos tưr tas zuk txux chi tsưr ziv, chiê tâu jông tiv zix”.

Đros trâu têx uô ju lix ndis seiz têz qơưk uô si, ntu no nhoz Mường Lay tsênhv muôx ntâu tsar zav jông thiêz hlôngr yiêz li: Pêx xênhv hlôngr pâur tsưr ziv huôv tsar uô nox nhoz thax tsav pak đêx, por hưv thiêz tuôr tsês têx txux chi vênhx huôv jông tsi chiê pôngz plox, têx heik lol thax tsav qơư no cêr hlôngr yiêz thiêz vav mênhx jux juk.....

Zos qơư tsôngv box nhoz uô nênhx thiêz cux zos thax tsav muôx ntâu nênhs Poz Ziz, chor Poz Ziz đơưz ntơưv Điện Biên-Tây Bắc, hâur têx shông đhâu Poz Ziz Mường Lay tưz moz siêz sik đros por hưv, tuôr tsês jông têx txux chi cêr nênhx vênhx huôv tsi chiê pôngz plox txix: tsưx phưv jông tsês têx tsar lơưx cxôngx nzor, txos trâu txux chi cêr nênhx phôngz cxưx vênhx huôv....chiê cxiz huôv tsar ju lix. Pos Lò Thị Lả zos iz hâur têx lênhx đros tuôr tsês nênhs Poz Ziz Mường Lay têx txux chi vênhx huôv heik pâuz: “Pêz zos fâuv tov kaz no xưz, tsuv por hưv thiêz tuôr tsês jông chor lâul thâuv ntêx têx txux chi cêr nênhx vênhx huôv jông tsi chiê pôngz plox. Viv têx cêr nênhx vênhx huôv, pêz sir jos sik đros por hưv, tuôr tsês chiê têx thâuv txos luz cheix li no, têx hnuz ntênhs lov jêv, hnuz tsiêz tâu nthuôr uô trâu sơưr đơưk seiz thiêz piêr kriê trâu chôngz lênhx ntâu tus pâuz txos nênhs Poz Ziz đơưz têx cêr nênhx phôngz cxưx”.

Trơưk li zơưv Bùi Hải Bình, Bí thư Đảng ủy phường Mường Lay, ntu 2025-2030, Mường Lay tror xav tinhv ju lix zos iz hâur têx ngênhx kinh tế zov chênhr, hâur co, cheix đêx pur niêx shông zos ntu jông đuô hur si chiê Mường Lay tsưr tsix têx hâux lưv uz no cxơưz cxiz huôv tsar ju lix: “Tuôr tsês thiêz huôv tsar uô têx muôx jông ntơưv qơư, Mường Lay cxơưz tiês huôv tsar ju lix ndis shuôs tox trôngz hâur pêk uô si, ju lix lịch sử. Nhiv no, txix têx muôx jông ntơư, alrr heik zos tsôngv box Poz Ziz-chor Poz Ziz đơưz têx txux chi cêr nênhx vênhx huôv chiê cxơưz thax tsav no huôv tsar uô jông đuô. Thiêz txix thâuv hâu nov ntơưv qơư lês uô têx hâux lưv lơưr 2 cấp, pêz muôx 9 jok nhoz thax tsav Sá Tông kuz zos nênhs Hmôngz, mak pêz kriê pêx xênhv por hưv thiêz tuôr tsês Hmôngz têx txux chi vênhx huôv chiê huôv tsar uô ju lix.....”

Cux lơưr zơưv Bùi Hải bình, tuôx trâu Mường Lay hâur ntu no, tsôngv kruô tsênhv muôx têx tâu đros tsôngv box Poz Ziz, Hmôngz uô iz cxiê hâux lưv, cêr lov jêv niêx hnuz hâur luz nênhx xênhz huôx; tâu đros tsôngv box uô têx zav nox cxôngx nzor, ntâuk muôz shuôz njêl, ndis seiz têz qơưk uô si, ndis shuôs qơư di tích pêv tox siêz....chiê pâuz tsênhz đuô lok Mường Lay têx muôx jông, ntâu tsar zav txux chi./.

Thu Thùy-Riê Lâux cxeik, nhênhv