Chính sách tsi zuôr khiêz nhiêx cơưv: Cêr shir phaz đros tsôngv box tox siêz Điện Biên

Niêv lâuk Quảng Thị Thủy chuôz zis nhoz jos Đông Mệt, xã Pá Khoang, TP Điện Biên Phủ muôx 2 tul mê nhuok iz lênhx cơưv lớp 7 thiêz iz lênhx cơưv 11. Zos chuôz zis nôngx cxênhz, phênhv sâu phênhv ntâu zos uô liêx têz thiêz tu zus, taz sik ar uô kôngz muôx tsi ntâu thiêz tsuôk khov txos chiv cheix, viv li phênhv sâu tsi truôx tul. Iz shông, niêv lâuk cxơưx zuôr ntâuz ntơưr, trik yo thiêz nhiêx xênhz huôx trâu tuz nhuôk cux njiz lok six ntâu phêv liv. Thâuv tâu pâuz zuôr tsi tsuv khiêz nhiêx cơưv txix shông cơưv yiêz no, niêv lâuk Thủy lok six shir phaz: “Shux xênhz tsi zuôr khiêz nhiêx cơưv ntơưr mak cur lok six jông siêz. Chor nhiêx co cur zuôr zôngv tâu chiê zuôr cxaz chuôz zênhx, trik yo, ntâuz ntơưr trâu mê nhuôk”

          Cux xưk li niêv lâuk Thủy, niêv lâuk Trần Thị Thanh nhoz phường Thanh Bình, TP Điện Biên Phủ muôx 3 tul mê nhuôk tsênhv cơưv cxênhx nhuôk zâu txos cxênhx 1 cux jông siêz đros chính sách no: “Cur chuôz zis muôx 3 tul mê nhuôk, thâuv pâuz muôx chính sách txu grês thiêz tsi zuôr khiêz nhiêx cơưv trâu mê nhuôk txix cxênhx nhuôk zâu txos trung học phổ thôngz, cur lok six jông siêz. Têx phênhv nhiêx khiêz cơưv tâu txu grês thiêz tsi zuôr khiêz cur zuôr zôngv chiê đăng cir cxaz trâu mê nhuôk cơưv têx lớp năng khiếu hâur ntu so ntux sor...”

          Tsi taz shux xênhz xưz mak chor cưk kriê ntơưr, cán bộ seiz car zaoz zux cux lok six jông siêz đros chủ trương no. Hâux lưv tsi zuôr khiêz nhiêx cơưv ntơưr gôngr phênhv tuôr truôx chor shux xênhz muk cơưv ntơưr, txu grês qênhx shênhx shux xênhz tso ntơưr tsês, thôngx cxix paz jông chiê muôz siêz tsơưr lươngv zaoz zux tas nro. Cưk kriê Nguyễn Thành Trung, Hiệu trưởng Tsêr cơưv cxênhx 2 Võ Nguyên Giáp, xã Mường Phăng, TP Điện Biên Phủ pheiz kênh: tỉnh Điện Biên muôx shux xênhz mênhx cxưx chôngz. Viv li, no zos chủ trương huv đros, paz chiê shux xênhz tox siêz tso siêz muk cơưv ntơưr. Đros xã Mường Phăng, chính sách no zuôr paz tas nro shux xênhz, paz txu grês têx phêv liv lok kinh têr trâu chuôz zis, chiê shux xênhz sir jos đuô hâur luz nênhx: “Têz qơưk li Chủ trương zos shông cơưv 2025-2026 tsi zuôr khiêz nhiêx cơưv trâu shux xênhz txix cxênhx mê nhuôk zâu txos cxênhx 3. No zos iz hâux lưv jông paz trâu shux xênhz, tiv zix zos shux xênhz nhoz thax tsav txov nhêv. Nhiv no tsêr cơưv muôx 878 lênhx shux xênhz, shux xênhz mênhx cxưx tsav txos 90% ntâu. Hâux lưv tsi zuôr khiêz nhiêx cơưv zuôr paz chox lok têx liv zix trâu shux xênhz. Chor nhiêx co hâur shông cơưv têx shux xênhz tsês zuôr ntâuz ntơưr, trik yo, chuôz zênhx cơưv ntơưr. Đros têx shux xênhz nhoz bán trú mak chor nhiêx co zos iz phênhv paz shux xênhz muôx nhiêx nox, tso siêz muk cơưv ntơưr”.

          Tỉnh Điện Biên nhiv no muôx 200 cxênhz ntâu lênhx shux xênhz txix cxênhx nhuôk zâu txos cxênhx 3. Têx shôngk đhâu, têx chính sách paz shux xênhz zos ziv chuôz zis pluôk, chuôz zis zuôr xar pluôk, tiv zix zos nhoz têx thax tsav txov nhêv, ntus đriv, li paz cơưv bán trú thiêz nhiêx khiêz cơưv tưz tâu krêz uô muôx chêx cuk. Taz sik, chính sách tsi zuôr khiêz nhiêx cơưv jiês no tâu ntâuk grê siêz đuô tas nro thiêz côngz fênhx, paz cxuô lênhx shux xênhz puôr lênhx tâu muk cơưv ntơưr./.

Vũ Lợi-Txâur Vax cxeik nhênhv

Tox siêz Mộc Châu, Sơn La qir sâu đê têx yuôx zêx chiv ntux yiêz

Đâu iz ntuk ntêr hâur cheix ntux no, txos hli 5, tsoz chos yuôx zêx nhoz tox siêz Mộc Châu, Sơn La tưz qir tror hlar têx njik mok; no chênhr zos ntu jông chiê sâu đê chor yuôx zêx chiv ntux yiêz. Niêv lâul Nguyễn Thị Thưởng nhoz phường Bình Minh, thị xã Mộc Châu, tỉnh Sơn La heik pâuz, tsoz yuôx zêx chiv ntux yiêz no khênhr sâu đê tâu nju đuô thiêz kaz hur đuô, viv li txix ciês hâur shôngk shông, niêv lâul chuôz zis tưz sir jos tu jông 4 cxênhz xưv phaz liêx têz yuôx zêx chos tâu: “Kaz shông pêz txiêr yiz têx chês tsi jông, trâus đax, trâus caz tho nox por tsês, đhâu ntơư zos fmông qir trâu chiê muôx têx tuô caz tho nox uô ruôr hiêv, chor yuôx zêx hloz, hlar mok tuôx. Yuôx zêx chiv no cur chuôz zis njuôk xav zuôr sâu đê tâu 200 cir iz cxênhz xưv phaz têz”.

Zos taz viv tsiv uô yuôx zêx yênhx lix nzor ntơưv Sơn La, Vinatea Mộc Châu nhiv no muôx 550 ha ntâu têz chos tsoz chos yuôx zêx, niêx shông sâu đê tâu 10 cxênhz ntâu tênhr njik yuôx zêx nhôngk, jiêz kra kruôr tâu 2.500 tênhr. Công ty 90% ntâu têx yuôx zêx jiêz kra kruôr, tâu muôs trâu chor têz qơưk Afghanistan, Pakistan, Trung Quốc, Đài Loan.... Lơưr zơưv Nguyễn Văn Tám, Phưv Giám đốc công ty Vinatea Mộc Châu, uô ntêx iz chiv yuôx zêx, Công ty thâuv tưs tưz moz siêz txos tsơưr lươngv xiv huv thôngz đhâu seiz car, seiz kaz jông têx luôs hâux lưv tsiv uô, kriê công nhân hâur tsêr meir uô trơưk cui tinhv truôx tuk; iz chas ntơư, yưv pênhr zuôr têx meir, chuôz zênhx jông phưx vưv tsiv uô, jiêz kra kruôr trơưk cui tinhv truôx tuk vêv xênhz zav nox. Xiv huv jông cux paz công ty muôx liv thiêz taz por truôx tuk trâu nênhs lox tôngv: “Tsơưr lươngv xiv huv yuôx zêx chiv ntux yiêz shông no mak truôx tuk, lok six jông, tâu trơưk sơưr đơưk siêz nhiêv; viv tưz nduô ntêr tâu 3 hlik ntâu, tsoz yuôx zêx thiêx tror hlar, tâu sâu đê viv li chor njik yuôx zêx hâuk cux kaz hur jông đuô. Shông no pêz njuôk xav zuôr sâu đê tâu 650-700 tênhr njik yuôx zêx nhôngk”.

Tsoz yuôx zêx txix thâuv nzor lok tưz yênhx tsoz chos chênhr, zos phênhv sâu tâu chênhr thiêz truôx tuk trâu yênhx cxênhz chuôz zis pêx xênhv nhoz Mộc Châu. Txos nhiv no, tas nro thị xã tưz muôx 3 cxênhz ntâu ha yuôx zêx, niêx shông sâu đê tâu 35 cxênhz ntâu tênhr njik yuôx zêx nhôngk. Yênhx trôngz têz yuôx zêx njuôz xiêz, tâu tu jông tsi tiêk gra lok phênhv sâu tâu trâu pêx xênhv hâur huôv tsar uô nox, tsênhv yênhx qơư jông trâu thax tsav tox siêz. Txix têx li heik co, thị xã Mộc Châu thiêz chor doanh nghiệp tsiv uô yuôx zêx tsênhv tror sir jos sik đros huôv tsar uô kôngz đros trâu uô ju lix chiê txeik tok kruô tuôx ndis shuôs têz qơưk uô si; tưz yênhx ntâu xiv huv ju lix chiv xênhz đrox tsuôs reik đros tsoz yuôx zêx li: Công ty Vinatea Mộc Châu jok yuôx zêx, thax tsav trôngz yuôx zêx.... Pos Nguyễn thị Hoa, Phưv Chủ tịch Ủy ban thị xã Mộc Châu, tỉnh Sơn La heik pâuz: “Đros thiêz Mộc Châu, đruôz hnuz muôx têx cuz sor, taz sik hmo ntux mak ho no, jêx tưv txix 18-22 tưv viv li têx yuôx zêx uô tâu cux kaz hur jông cơưk. Nhiv no tsoz yuôx zêx tsênhv gra têx muôx liv kinh tế lok ju lix, tas nro tsôngv kruô thâuv tuôx txos Mộc Châu, lênhx tưs tưz muk ndis seiz têx trôngz yuôx zêx uô si”.

60 ntâu shông tâu chos nhoz trâu tox siêz Mộc Châu, tsoz chos yuôx zêx ziv hnuz ziv muôx grik, paz cxuz cêr yeiz pluôs thiêz uô bluô nux trâu lênhx nênhs chos yuôx zêx, gra cêr tsâu sor trâu tsôngv box cxuô heir nênhs nhoz thax tsav tox siêz no./.

Trấn Long-Riê Lâux cxeik, nhênhv