Nthuôr đêz đar vênhx huôv nhênhv ntơưr hâur têx lênhx lâul nênhs hnuz nhôngs siêz ntu hlôngr yiêz nhiv no

Cxuô jiês zar hnuz kêix, thâuv lax jux juk tsi yuô cuz sor ntơư, sơưr đơưk ho tror siz zâuv tuôx ntơưv tsêr vênhx huôv jok 3 Quyết Thắng, phường Tô Hiệu, tỉnh Sơn La lov jêv đuô. Têx lênhx pos, lênhx zơưs tuôx txos nhiêk xeir nhiêk ntơưr nhênhv, muôx kênh lênhx nhênhv seiz ntơưr pov tsir, têx tus mak zok nriêr nhênhv têx tsưr ziv kriê lok đas jos, muôx kênh lênhx ho xeir nhênhv têx fâu ntơưr đaz nênhs.... Tuv trâu ntơưr mê taz sik muôx ntâu zav ntơưr kriê ntâu zav txux chi, tsưr ziv, cêr uô nênhx, jông siêz, shir phaz. Pos Nguyễn Thị Hòa, seiz car tuv trâu ntơưr ntơưv tsêr vênhx huôv jok heik: “Pêz tưz cxiv tsa tâu tuv trâu ntơưr kriê cxuô zav txux chi, hâur ntơư muôx ntâu zav ntơưr txix vênhx huôv txos trâu đaz nênhs, tsưr ziv tsoz phưz đas jos. Tủ ntơưr no tưz hu zâuv tâu yênhx cxênhz lênhx nênhs nhênhv. Hâur têx câu lạc bộ cxuô jiês xênhz huôx, pêz khênhr tsês 15 phênhz chiê nhênhv ntơưr, đhâu co li siz zâuv đhiê uô si lov jêv”.

Tsi tiêk siz zâuv tuôx nhênhv ntơưr li heik sâuv, têx lênhx pos lênhx zơưs tsênhv sik thav, siz kriê têx tsưr ziv, cêr uô nênhx jông. Đros thiêz lơưr, nhênhv ntơưr tsi zos pâuz tâu cxuô xor mông, tsênhv zos cêr uô nênhx khax siêz, muôx đas jos, pâuz tâu ntâu zav jông thiêz tsi jông hâur luz nênhx tsênhv iz hnuz hlôngr yiêz jux juk nhiv no. Pos Nguyễn Thị Vân Anh nhoz jok 3 Quyết Thắng, phường Tô Hiệu, tỉnh Sơn La heik pâuz: “So lâul lơưv cur cux muôx ntâu six hơưv thiêz shênhx đuô, chênhr viv li cux nhiêv nhênhv ntơưr. Nhênhv ntơưr paz cur pâuz nzir ntâu txux chi, tsi xưk li seiz xor tôngx, uô trâu zuk cux tsi xar ntâu, tsi moz hlưz”.

Taz sik, hâur ntu têz qơưk hlôngr yiêz thiêz huôv tsar, vênhx huôv nhênhv ntơưr li thâuv ntêx tsênhv njiz trâus ntâu phiv liv. Xor tôngx, mạng xã hội, têx đuôz uz no....tsênhv jux juk uô trâu sơưr đơưk moz siêz, seiz txos ntâu, hâur ntơư muôx hur si chor lâul nênhs hnuz nhôngs siêz.

Zuôr uô li chas chiê nthuôr đêz đar vênhx huôv sik đros nhênhv ntơưr, lar heik zos chor lâul nênhs. No zos têx lênhx lâul hnuz nhôngs siêz nhoz jok 3 Quyết Thắng, phường Tô Hiệu, tỉnh Sơn La lul heik: “Trơưk li cur, uô ntêx zos tsuv uô ntâu faz tsưr ziv buôk ti têx ntơưr. Iz chas têx fâu ntơưr, muôx têx kriê lok sâuv lul heik, ntơưr điện tử zôngx ziv seiz, zôngx ziv sir zôngv, siz kriê.  Chor tuz nhuôs hâur chuôz zis zos têx lênhx zov chênhr kriê thiêz paz pêz pâuz txos têx hlôngr yiêz, jông ntơư”.

“Tsuv tror cxiv tsa têx qơư nhênhv ntơưr  sưv jông, huv đros li: Tuv ntơưr jêx jok, câu lạc bộ nênhs lâul hnuz nhôngs siêz nhênhv ntơưr. Co tsi tiêk qơư nhênhv ntơưr, tsênhv zos qơư  siz chuôs njiz, muôz đas jos, cêr cor cav, lov jêv trâu pêz nhênhv ntơưr, pâuz cxuô xor mông, têx muôx jông hâur luz nênhx”.

Iz chas chor lâul nênhs hnuz nhôngs siêz jok 3 Quyết Thắng, phường Tô Hiệu, tỉnh Sơn La sik pheiz kênh, siz kriê li heik sâuv, hâu nov ntơưv qơư thiêz cxuô tsưr tsix xã hội tsuv moz siêz yưv pênhr, cxa nzir têx ntơưr, fâu ntơưr huv đros trâu nênhs lâul hnuz nhôngs siêz tsưr ziv, siêz nhiêv nhênhv-txix ntơưr kriê txux chi tsưr ziv tsoz phưz đas jos, kriê cêr uô nênhx jông txos trâu lịch sử, luz nênhx thâuv ntêx thiêz nhiv no.... Thiêz zov chênhr cux zos uô trâu sơưr đơưk cor cav shâuv têx txux chi, cêr uô nênhx jông. Tsuôk iz hnuz tsês mê njik six hơưv nhênhv ntơưr, seiz têx jông paz trâu luz nênhx cov nox nhoz shir phaz, cax siêz thiêz nthuôr trâu luôs lưv tus đros cơưv shâuv, uô trơưk.

Txix iz tuv ntơưr mê hâur jok 3 Quyết Thắng, phường Tô Hiệu, tỉnh Sơn La, vênhx huôv nhênhv tưz tâu nthuôr đêz đar thiêz ziv hnuz ziv hu zâuv chôngz lênhx ntâu tus đros shâuv, uô trơưk. Hâur ntu têz qơưk hlôngr yiêz, têx ntơưr heik sâuv cux tsênhv muôx grik, paz jông trâu lênhx nênhs-chiê cxuô lênhx cxuô tus, txơưv nhoz thax tsav tưs, hnuz nhôngs tưs cux muôx têx zok nriêr tâu cêr cax siêz thiêz jông hâur nhênhv ntơưr./.

Thanh Thủy-Riê Lâux cxeik, nhênhv

Txox cêr nhoz phường Trung Tâm, tỉnh Lào Cai “yar ntux pa ar pâus, lok nas gok nhav”

Ntu cêr txix xar Phù Nham-Suối Quyền, nhoz huyện Văn Chấn, tỉnh Yên Bái kuz, nhiv no nhoz thax tsav phường Trung Tâm, tỉnh Lào Cai. Ntu cêr no tâu uô txix shông 2007, muk đhâu chor tôv dân phố: Suối Đao, Quân, Ỏ, Nong thiêz Phù Ninh, phường Trung Tâm. Trơưk chor nênhs nhoz ntơưv no, đhâu xar muôx 20 shông, ntu cêr no tưz puôk tsuôx tas, muk lok njiz ntâu phiv liv.

Niêv tix Lường Thị Hồng – nhoz ntơưv jok Suối Đào, phường Trung Tâm puz pâuz, 4-5 shông đhâu lok no, txox cêr no hax zav trâus puôk tsuôx ntâu, phiv liv ntâu txos pêx xênhv luz nênhx thiêz xênhz huôx, tiv zix zos chor shux xênhz muk lok: “Iz oz shông no, lơưr uô ntu cêr pêv tox, chor yêz lox muk lok đhâu ntơưv no ntâu viv li cêr tsik jông tas lơưv. Lok nas mak nhav, lax muk lok, phiv liv tiv zix zos chor shux xênhz muk cơưv ntơưr, muôx lok nas mak chôngz lênhx shux xênhz ntos yêz chuôs tsi. Hok yar ntux mak muôx pa pâus, cur chuôz zis tsuv tsik so tsuôs đêx zưs cêr cov tsik yuô pâus”.

Pox nhuôs nhoz no tsênhv lok six cxơưx txos muk lok thiêz muôx moz gênhs; thâux xa têx kôngz lôngk li blêx, jâuz tâuv cux lok six phiv liv; chor chuôz zis uô kinh doanh trơưk ntus cêr mak muôs tsik tâu tiv muôx pa pâus tas têx hax huv. Niêv tix Hoàng Thị Xuân, nhoz tôv dân phố Suối Đào hêik pâuz: “Nhoz no sơưr đơưk puôr lênhx hêik tiêk cov kho đuô txox cêr no taz tsik tsik tâu pov kriz uô. Vav tiêk têz qơưk nzor kho đuô txox cêr no chiê pêx xênhv muk lok zôngx ziv đuô, zos fênhx li no mak zuôr muôx moz tiv têx pa pâus no xưz. Txox cêr no cux tưz puôk tsuôx xar muôx 10 shông no lơưv. Viv tsik jông tas pêx xênhv cux tưz nquôr têx poz jêz trâu chiê muk lok cov tsik nhav”.

Trơưk zơưv Nguyễn Thế Nghĩa, Phưv Chủ tịch Ủy ban phường Trung Tâm, tỉnh Lào Cai, hâur tsaz yênhx huôv tsar đô thị, njuôk xav zuôr muôx chor jiês kho đuô lok hạ tầng thâuv uô trơưk chinhr quyền 2 cấp. Ntu cêr pêx xênhv hêik pâuz co cux tưz muôx nhoz hâur bê ntơưr yưv pênhr côngz ntu 2026-2030 thiêz tâu xav jênhv zos ntu cêr chênhr hâur đrôngs. Taz sik, tiv zos ntu cêr chênhr viv li chor nhiêx uô tsuv zos Ủy ban tỉnh muôz chiê uô: “Tsik zos cêr muk lok hâur jêx jok, zos cêr hâur jêx jok mak pêz luz hli xưz uô tâu lơưv. Taz sik no zos ntu cêr chênhr hâur đrôngs, chênhr viv liv têx nhiêx uô tsuv zos Ủy ban tỉnh muôz chiê uô thiêz tỉnh zuôr muôz uô trơưk ntu, zuôr tâu muôz chiê uô hâur ntu 2026-2030, hok tsênhz mênhx mak sêz tỉnh chiê kriz uô trâu ntu tưs, co zos tỉnh njuôk xav”.

Tsik pâuz txos thâuv tưs ntu cêr no thiêx tâu kho đuô? Bâuv li chak six hơưv nhoz tok zos bâuv li co six hơưv pox nhuôs tsuv muk lok sâuv ntu cêr “yar ntux muôx pa pâus, lok nas mak nhav jơưk” viv ntu cêr no tưz tsik jông tas, tiv zix zos chêix ntux nas nhoz Tây Bắc tsênhv txos jê jok jux. Uô ntêx, pêx xênhv nhoz no vav tiêk chor cơ quan muôx vax huôv zuôr sêi đrơưv muôx têx tsưr ziv lav kho đuô cov jông muk lok, paz ngaz tuk trâu pêx xênhv luz nênhx./.

Đinh Tuấn-Lik Thox cxêik nhênhv