Tênhv tênhz yar ntux đhok uô sâuv tsêr ntơưv Lào Cai-Tsưr ziv jông taz sik tsuv uô truôx

Txix ntux têx txơưr txar uô ruôr hiêv txos, tênhv tênhz tox siêz tsi yuô truôx tuk. Pâuz tsênhz txos têx li heik co thiêz tưz muôx jiês njiz trâus tsi muôx tênhv tơưk viv ntux uô hiêv, ntâu chuôz zis nhoz Lào Cai tưz bax đhok uô tênhv yar ntux chiê muôx txâuk tênhv tơưk pov cêr.

Tsi tiêk phưx vưv hâur chuôz zis, tsưr ziv no tsênhv fuô uô tâu jông ntơưv têx doanh nghiệp. Iz zav li tix lâus Bùi Văn Liêm nhoz xã Mậu A (Lào Cai) yưv pênhr zuôr xar 200 tsov đeiv đhok uô tênhv yar ntux sâuv tsêr:“Txix thâuv đhok uô tênhv yar ntux no, cur pov muôx ntâu kror jông. Iz hlik txo grêk tsơưs lok six ntâu nhiêx thêv tênhv tênhz. Tiv 2 zos paz uô tâu têx vuôk vor tsêr lax, tsi tas đhok uô nzir iz cxênhx vuôk thêir cuz sor. Pôngz tênhv cux tsi tas cxơưx, viv zuk cux zôngv tâu chor tênhv bax txuôs tsês ntơư”.

Nhoz têx công nghiệp tsi yuô uô ntâu zav hâux lưv, Công ty An tiến Industry cux nhiv kruôr đhok uô tâu tênhv yar ntux muôx 1,7  Megawatt zôngv chiê txo grêk tsơưs sir zôngv ntâu tênhv têz qơưk phưx vưv uô têx hâux lưv hâur công ty. Zơưv Phạm văn Cường, Tsar phongx kỹ thuật công ty heik pâuz: “Têx tênhv yar ntux zôngv phưx vưv uô cxuô luôs hâux lưv hâur công ty trơưk li qênhz shuôs xuz thơưx hâur têx luz hlik uô ntêx zos tas muôx 12-15% tênhv sir zôngv niêx hli. Pêz cux tưz nhênhz chơưv thiêz pov gra lok ntâu têx jông, nhiêx txiêx yưx uô cux tsi yuô tas ntâu”.

Têx jông lok kinh tế mak li ntơư, taz sik nhoz iz tỉnh muôx ntâu công nghiệp, tsav 70% li Lào Cai, tênhv yar ntux tsi zos zuôr fuô uô tâu trâu ntâu thax tsav qơư. Tsênhv tsênhz, tưz muôx têx taz viv cxiv uô, đhok  tênhv yar ntux tuôx qênhz shuôs ntơưv Công ty Phốt pho cuz Việt Nam-doanh nghiệp sir zôngv txos 180 tsov kWh tênhv iz shông, taz sik cux tsuv tso tsês tsi fuô uô. Zơưv Đỗ Cao Mạnh, Phưv Giám đốc công ty heik li no:

“Têx tênhv yar ntux mak tsuôk zôngv tâu trâu xênhz huôx xưz, côngz tsi tâu trâu qơư tênhv, viv tênhv tsi truôx tuk”.

Chor nênhs nhênhz chơưv tênhv phênhz, qơư tênhv công nghiệp tsuv muôx tênhv truôx tuk hâur yênhx hnuz hmo chiê uô hâux lưv. Tênhv yar ntux zos khov lok têx yar ntux, xar zôngv tsuv muôx trox lox chiê sav tsês, tas lok six ntâu nhiêx. Tsi tas li, viv gri tênhv têx luz six hơưv sơưr đơưk sir zôngv ntâu mak civ đuô 3 bâus pir li fênhx yax, doanh nghiệp no tsuv xeir tsưr ziv nduô tsês tsi lês uô têx hâux lưv uz no hâur têx luz six ntơư heik sâuv chiê txo grêk tsơưs nhiêx tênhv, uô tênhv yar ntux ziv sav ntêr đuô.

Thâuv têx tsêr meir công nghiệp lox cux tsuv khov lok tênhv têz qơưk, têx zov chênhr tso tơưv zos: Cxuô cơ quan uô hâux lưv têz qơưk, chuôz zis pêx xênhv thiêz qơư huôv tsar uô nox mê tsuv zênhx max bax đhok uô tênhv yar ntux chiê muôx nzir tênhv phưx vưv uô cxuô luôs hâux lưv. Thiêz xav txos nhiv no, tas nro tỉnh Lào Cai nhiv kruôr muôx 400 ntâu doanh nghiệp thiêz chuôz zis chiv chir yưv pênhr đhok uô tênhv yar ntux, xav hur si muôx 14 Megawatt. Têx li heik co pir li Bộ Công thương hâux lưv choz trâu ntơưv qơư zos iz cxênhz Magawatt mak tưz tsi tâu txâuk. Zơưv Hoàng Chí Hiền, Giám đốc Sở Công thương tỉnh Lào Cai heik mênhx: “Txix faz Nam Bát Xát đhâu TP lào Cai, Bảo Thắng zos thax tsav yar ntux ntâu muôx têx đhok uô tâu. Têx thax tsav phiv liv li: Bắc Hà, Sa Pa muôx têx zuôr tsi yuô jông uô. Chênhr viv li tsuv muôx taz viv piêr kriê, paz max chiê fuô uô tâu luôs hâux lưv heik sâuv”.

Txix 14 Megawatt nhiv no jux juk muôx txos iz cxênhz Megawatt zos iz phiv liv lox. Krêz uô tâu têx li heik ntơư txix njuôk hov tsênhv tsênhz, huv đros trâu ntơưv qơư thiêz công nghệ têx luôs hâux lưv uô zuôr zos tsưr ziv jông chiê uô tâu Chính phủ hâux lưv tso tơưv. Đhâu co, muôz têx trur tsêr uô yênhx qơư đhok tênhv yar ntux chiê nzir tênhv phưx vưv huôv tsar uô nox, xênhz huôx./.

An Kiên-Riê Laux cxeik, nhênhv

Đảng viên uô ntêx nyuôk “paz cxơưz” cxiv tsa jêx jos yiêz nhoz Tân Uyên

          Ntu cêr txix jos Tạng Đán txos jos Nà Hoi, xã Tân Uyên thâuv ntêx tsi tâu đar txos 1 yiv. Cheix ntux nas lok six bluô, yar ntux mak lok six pâus, uô tsôngv px li hâux lưv muk lok njiz ntâu phêv liv. Thâuv tiv phaz krêz uô cêr bê tông đar 2 cei cêr ntâu, đar 4 yiv, chuôz zis đảng viên Lò Văn Hòa li iz phênhv ar chos yuôx zêx nhoz hâur ar njuôs xav uô cêr, tsi xar ntâu, tix lâuk Hòa uô ntêx nyuôk gôngr 2 cxênhz yiv ndis ar chiê krêz đar cêr muk lok: “Cur cux sir jos yax mông, vênhv tôngv chuôz zis, pox niêv thiêz tuz nhuôk gôngr ar têz. Qir thơưx cur pox niêv tsi xar gôngr ar viv chor yuôx zêx tưz chos tâu ntâu shông. Thâuv tâu cur yax mông, vênhv tôngv mak pox niêv cux thôngx ziv. Viv zuk muôx ntâu ar têz mak tsi muôx cêr đar muk lok cux lax, tsi chox lok chêx cuk. Txơưv muôx tsơưs ar taz sik muôx zaoz thôngz muk lok zôngx ziv đuô mak zuk cux tsoz phưz thiêz huôv tsar uô muôx chêx cuk đuô”.

          Đảng viên uô ntêx nyuôk, tsôngv px thôngx ziv uô lơưr thiêz txưv zênhv gôngr côngv ar têz, gôngr côngz krêz uô têx txox cêr muk lok hâur jêx jos, krêz tơưv chiê kinh têr huôv tsar.

          Tsi taz uô ntêx nyuôk hâur cxiv tsa cxuô zav, ntâu đảng viên nhoz Tân Uyên tsênhv truôx siêz hlôngr yiêz tsêz chos. Txix têx xiv huv chax chês, lơưr cxiv tsa têx trâur nuv kinh têr muôx chêx cuk, paz muôz hâux lưv uô thiêz muôz siêz phênhv sâu. Đảng viên Hà Thị Phớ, nhoz jos 26, xã Tân Uyên pheiz kênh: “Txix tiv phaz li têx xiv huv, cur chuôz zis tưz uô têx xiv huv txix greix kra kruôr yênhx têx xiv huv OCOP thiêz nhiv no cux tâu 2-3 xiv huv. Chuôz zis li qơư uô zav nox cux heik kriê ntâu zav nox mênhx cxưx kaz trâu tsôngv kruô thiêz muôz hâux lưv uô trâu 10 lênhx nênhs lox tôngv hâur thax tsav”.

          Têx trâur nuv kinh têr li chêx cuk tưz gôngr phênhv chuôz cxaz phênhv sâu trâu xã txix 57 tsov đeiv iz lênhx nênhs iz shông; chor ziv chuôz zis pluôk txu grês yuôr 3,8%. No zos têx tsênhv tsênhz tso pov đảng viên nhoz tiv phaz li pưs txux uô ntêx nyuôk.

          Nhiv no, Đảng bộ xã Tân Uyên muôx 90 chi bộ đros muôx 1 cxênhz 600 ntâu đảng viên. Zơưv Lò Văn Học, Phưv Bí thư Thường trực Đảng ủy xã Tân Uyên, tỉnh Lai Châu puz pâuz, no zos lưx lươngv tsênhv, krêz uô đảng, têz qơưk li têx chủ trương chính sách txos yênhx ziv chuôz zis. Shông 2025, tsôngv px hâur xã tưz txưv zênhv gôngr 1 cxênhz ntâu yiv ndis ar, gôngr zuôr xar 600 hnuz côngz cxiv uô têx côngz tsinhx. Txos nhiv no, xã tax 15/19 ploz tsênhr jêx jos yiêz; 92% ntâu cêr zaoz thôngz tâu cxiv uô, 100% jêx jos muôx tsêr vênhx huôv... “Ntâu đảng viên tưz yênhx lênhx nênhs uô ntêx nyuôk gôngr côngv ar uô cêr, gôngr paz hnuz côngz, yax mông vênhv tôngv tsôngv px uô têx ploz tsênhr jêx jos yiêz”.

          Đhâu sik côngv taz viv hành chính, hâux lưv cxiv tsa jêx jos yiêz nhoz Tân Uyên tsênhv yuôr ntâu phêv liv. Taz sik đros tsôngv px li sik côngv thiêz đảng viên li uô ntêx nyuôk, Tân Uyên tsênhv jux jus sir jos cxiv tsa jêx jos yiêz cov truôx tul./.

Khắc Kiên-Txâur Vax cxeik nhênhv